ໂຄງການສວນອະນຸລັກ ທີ່ມີຊື່ວ່າ Bio LAK ໄດ້ດຳເນີນ ມາແຕ່ປີ 2016. ສິ່ງທ້າທາຍທຳອິດ ທີ່ທີມງານ Bio LAK ປະເຊີນແມ່ນການຊອກຫາແນວພັນ ພືດພື້ນເມືອງ ຂອງ ຫວຽດນາມ. ເພື່ອຕິດຕາມຮ່ອງຮອຍຂອງແນວພັນ ແລະ ຊະນິດພັນພືດບູຮານ, ໃນຫຼາຍປີ ຜ່ານມາ, ທີມງານ Bio LAK ໄດ້ອອກເດີນທາງໄປທົ່ວທຸກແຫ່ງຫົນ ໃນທົ່ວປະເທດ ຫຼາຍຄັ້ງ ເພື່ອຄົ້ນຫາແນວພັນພືດ, ສຳຫຼວດ ແລະ ຄົ້ນຄວ້າ ເພື່ອນຳມາເພາະປູກ ແລະ ຂະຫຍາຍພັນ. ​ເຖິງ​ວ່າ​ ຈະ​ປະ ສົບ​ກັບ​ຄວາມ​ຫຍຸ້ງຍາກ​ຫຼາຍ​ຢ່າງ, ແຕ່ດ້ວຍ​ຄວາມ​ປາດ​ຖະໜາ​ຢາກ​ອະນຸລັກ​​ບັນດາ​ພັນພືດ ​ຂອງ​ ຫວຽດນາມ, ທິມງານ Bio LAK ​ໄດ້​ຫັນ​ຄວາມ​ໄຝ່ຝັນ ກ່ຽວກັບ​​ສວນ​ອະນຸລັກ ​ພັນ​ພືດ​ ທີ່​ອຸດົມສົມບູນ ​ແລະ ຫຼາກ​ຫຼາຍ​ຊະ​ນິດ ແຫ່ງໜຶ່ງຂອງ ຫວຽດນາມ ​ໃຫ້​ປະກົດ​ຜົນ​ເປັນ​ຈິງ.

ຢູ່ສວນອານຸລັກ Bio LAK, ມີພັນພືດ ພື້ນເມືອງຫຼາຍຊະນິດ ທີ່ມີກິ່ນຫອມເຊັ່ນ: ຫອມເຫີດ ທ້ອງຖີ່ນ, ສີດາຫອມ (ສີດາ ນໍ້າເຜິ້ງ),ຫຍ້າອ້ອຍໜູເປັນປະເພດຫຍ້າ ເມື່ອຕາກແຫ້ງແລ້ວ ຈະມີກິ່ນຫອມ ອ່ອນໆ…

ເມື່ອ​ການ​ເຄື່ອນ​ໄຫວ​ ອະນຸລັກ​ຮັກສາ​ປະສົບ​ຜົນສຳ​ເລັດ​ໃນ​ເບື້ອງ​ຕົ້ນ, Bio LAK ມຸ່ງ​ໄປ​ເຖິງ​ຈຸດໝາຍ​ໃຫຍ່​ກວ່າ​​, ນັ້ນຄືການຊອກ​ຫາ​ວິທີ​ນຳ​ໃຊ້​ບັນດາ​ພັນພືດ ຂອງ ຫວຽດນາມ ໃຫ້ມີປະສິດທິຜົນ​ສູງ​ສຸດ ​ໃນ​ຊີວິດ. ຫວຽດນາມ ​ມີ​ແຫຼ່ງວັດຖຸ​ພັນ​ພືດ​ ອັນ​ລ້ຳ​ຄ່າ, ​ໃນ​ນັ້ນຫຼາຍປະເພດມີ​ຄຸນ​ຄ່າທາງຢາ​ ​ແລະ ຖືກ​ຈັດ​ເຂົ້າ​ໃນ​ບັນຊີ​ລາຍ​ຊື່​ ເປັນ​ພືດ​ທີ່​ຫາ​ຍາກ​ໃນ​ໂລກ. ເພາະສະນັ້ນ, ທີມງານ Bio LAK ຈຶ່ງຊອກຫາວິທີນຳໃຊ້ ເພື່ອໃຫ້ແຫຼ່ງວັດຖຸພັນພືດ ພື້ນເມືອງ ທີ່ອຸດົມສົມບູນຂອງ ຫວຽດນາມ ສາມາດຮັບໃຊ້ ແລະ ຕິດພັນກັບຊີວິດ ມະນຸດຫຼາຍຂຶ້ນ.

ຈາກສວນອະນຸລັກແຫ່ງນີ້, ພືດສະໝຸນໄພ ທີ່ຄຸ້ນເຄີຍ ຫຼາຍຊະນິດ ເຊັ່ນ: ໃບຫອມເຫີດ, ຊາດອກສີ ແດງ , ຊາຂຽວ, ໝາກເດືອຍ, ດອກພຸດຊ້ອນ, ດອກຊະບາ, ໝາກເດື່ອ... ຖືກເກັບມາເພື່ອນໍາໃຊ້ເປັນວັດຖຸດິບ ຮັບໃຊ້ໃຫ້ການຜະລິດ ຜະລິດ ຕະພັນເສີມຄວາມງາມ, ຮັກສາຜິວ ແລະ ບໍ່ ອັນຕະລາຍ ໃຫ້ແກ່ ຜູ້ນຳໃຊ້.

...ສູ່ຍີ່ຫໍ້ ເຄື່ອງສຳອາງ Non-GMO ລາຍທຳອິດ ຂອງ ຫວຽດນາມ

ມຸ່ງເປົ້າ ໄປຫາກຸ່ມຜູ້ບໍລິໂພກ ທີ່ມັກແນວໂນ້ມ ຂອງການ ດູແລຮ່າງກາຍ ດ້ວຍຜະລິດຕະພັນ ຈາກພືດ ທີ່ອ່ອນໂຍນ ແລະເຄົາລົບ ຕໍ່ທ່າອ່ຽງການພັດທະນາແບບຍືນຍົງ, ບັນດາ ຜະລິດຕະພັນຂອງ Bio LAK ແມ່ນຜະລິດຈາກວັດຖຸພືດ ພື້ນເມືອງ ແລະ ແນວພັນພືດບູຮານ. ທີມງານ Bio LAK ຫວັງວ່າ ພືດຫຼາຍຊະນິດຂອງ ຫວຽດນາມ ຈະກາຍເປັນ ທີ່ຮູ້ຈັກຫຼາຍຂຶ້ນໃນປະເພດຜະລິດຕະພັນເສີມຄວາມງາມ ທີ່ໄດ້ມາດຕະຖານສາກົນ.

ດ້ວຍຄວາມໄດ້ປຽບ ທີ່ເຂົ້າໃຈກ່ຽວກັບພັນພືດພື້ນເມືອງ, Bio LAK ໄດ້ຮ່ວມມືກັບຜູ້ຊ່ຽວຊານໃນດ້ານຄວາມງາມແລະ ສຸຂະພາບ ເພື່ອຄົ້ນຄວ້າ ແລະ ພັດທະນາສາຍຜະລິດ ຕະພັນການດູແລຜິວພັນ ແລະ ຮ່າງກາຍ.

Bio LAK ໄດ້ໃຫ້ຄຳໝັ້ນສັນຍາ ກັບມາດຖານທີ່ອ່ອນໂຍນ ແລະ ປອດໄພເຖິງຂັ້ນ “ສາມາດກິນໄດ້”, ຫັນເປັນຕົວຈິງ ບັນດາ ຄຳໝັ້ນສັນຍາເຫຼົ່ານີ້ ດ້ວຍການຢັ້ງຢືນທັງພາຍໃນ ແລະ ຕ່າງປະເທດ. ແຫຼ່ງ​ທີ່​ດິນ ​ແລະ ນ້ຳ​ ທີ່​ໃຊ້​ໃນ​ການ​ປູກຝັງ ​ແມ່ນ​ໄດ້​ຮັບ​ການ​ທົດ​ສອບ​ໃຫ້​ໄດ້​ມາດຕະຖານ ​ໂດຍ​ສະ​ຖາ​ບັນ​ສິ່ງ​ແວດ​ລ້ອມ​ກະສິກຳ IAE (ຮ່າ​ໂນ້ຍ). ໂຮງງານຜະລິດ ເຄື່ອງສຳອາງທັນສະໄໝ ທີ່ໄດ້ຮັບອະນຸ ຍາດດຳເນີນງານ ໂດຍພະແນກສາທາລະນະສຸກ ຮ່າໂນ້ຍ. FDA (ສ ອາເມ ລິກາ) ແລະ ໄດ້ຮັບໃບອະນຸຍາດ ລົງທະບຽນເລກທີ 101634.7 ໃຫ້ແກ່ຜະລິດຕະພັນ Bio LAK.

ຜ່ານ​ຂະ​ບວນການ​ຕີ​ລາຄາ​ ຢ່າງ​ເຂັ້ມ​ງວດ​ ນັບ​ແຕ່​ແຫຼ່ງວັດຖຸ​ດິບ​ເຖິງ​ຂະ​ບວນການ​ຜະລິດ, ບັນດາຜະລິດ​ຕະພັນ​ທຳ​ອິດ ​ຂອງ Bio LAK ​ໄດ້​ຮັບ​ການ​ຢັ້ງຢືນ Non-GMO ​ເຊັ່ນ: ນ້ຳ​ຫົວ​ ດອກ​ ອິນທະຫວາ, ນ້ຳ​ຫົວ ​ດອກຈຳປີ, ແປ້ງໃບຫອມເຫີດ, ​ແປ້ງ​ຂີ້​ໝິ້ນຂາວ, ນ້ຳ​ຢາ​ບ້ວນ ປາກ,...

ການຢັ້ງຢືນນີ້ ກໍານົດວ່າ ບັນດາຜະລິດຕະພັນ ຂອງ Bio LAK ປະຕິບັດ ຕາມມາດຕະຖານ Non-GMO, ຮັບປະກັນ ບໍ່ມີສ່ວນປະ ກອບທີ່ມີ GMO. ​ປັດຈຸ​ບັນ, Bio LAK ​ແມ່ນ​ເຄື່ອງໝາຍການຄ້າ ເຄື່ອງ​ສຳອາງ​ ຂອງ ​ຫວຽດນາມ ​ລາຍທຳ​ອິດ ​ມີ​ຜະລິດ​ຕະພັນ​ທີ່​ໄດ້​ຮັບ​ການ​ຢັ້ງຢືນ​ນີ້. ການຢັ້ງຢືນ Non-GMO Project Verified ແມ່ນໝາກຜົນມາຈາກ ຂະບວນການຜະລິດ ທີ່ຄວບຄຸມຢ່າງເຂັ້ມງວດຂອງ Bio LAK ຕັ້ງແຕ່ແຫຼ່ງສະໜອງວັດຖຸດິບ ຈົນເຖິງຜະລິດຕະພັນ ສໍາເລັດຮູບ.

ຜະລິດຕະພັນ ລິບສະຕິກ Bio LAK ໄດ້ຜະລິດຈາກ ນໍ້າມັນ ເມັດ superfood ທຸກປະເພດເຊັ່ນ: ແກ່ນ sachi, ແກ່ນ camellia, ກາກາວ ແລະ ສະກັດນໍ້າມັນ ໝາກເຂົ້າ ດ້ວຍເຕັກໂນໂລຊີການແຍກ ນ້ໍາມັນບໍລິສຸດ ຢ່າງ ສົມບູນ ເພື່ອນໍາເອົາປະລິມານທາດ Beta- carotene ແລະ Lycopene ຫຼາຍຂຶ້ນ. ພາບ: ເອກະສານ ຂອງ Bio LAK 

ສຳລັບ Bio LAK, ການພັດທະນາແບບຍືນຍົງແມ່ນການ ເຄື່ອນໄຫວຢ່າງຕໍ່ເນື່ອງ ນັບແຕ່ການເດີນທາງ ປົກປັກ ຮັກສາພັນພືດ ຫວຽດ, ຄົ້ນຫາແນວພັນພືດ ພື້ນເມືອງ, ປູກໃນສວນເພື່ອຮັກສາຄວາມສົມດູນ ຂອງ ລະບົບນິເວດ, ເຖິງການສ້າງຫຼັກສູດຜະລິດ ຜະ ລິດຕະພັນທີ່ອ່ອນໂຍນ ພ້ອມກັບທີມງານ R&D ທີ່ມີປະສົບການ, ການຫຸ້ມຫໍ່ໃສ່ ຖົງສີຂຽວ ແລະ ຄວາມຮັບຜິດຊອບໃນ​ການ​ຈຳໜ່າຍ​ຜະ​ລິດ​ຕະ​ພັນ​.

ທ່ານ​ນາງ ຫວູ໊ທິຖາຍ​ຮ່າ, CEO ຂອງ Bio LAK ໃຫ້ຮູ້ວ່າ ບັນດາ​ພັນພືດ ຢູ່​ແຕ່ລະ​ທ້ອງ​ຖິ່ນ ​ລ້ວນ​ແຕ່​ເໝາະ​ສົມ​ທີ່​ສຸດ​ຕໍ່​ສຸຂະພາບ ​ແລະ ສະພາບ ຂອງ​ຜູ້ຄົນ ​ໃນ​ລະບົບ​ນິ​ເວດ​ແຫ່ງ​ນັ້ນ. ເພາະສະນັ້ນ, ດ້ວຍຄວາມເຂົ້າໃຈທາງດ້ານພັນພືດ ທ້ອງຖິ່ນ, ພ້ອມກັບຜູ້ຊ່ຽວຊານ ດ້ານເສີມຄວາມງາມ ແລະ ສຸຂະພາບ, Bio LAK ໄດ້ຄົ້ນຄວ້າ ແລະ ພັດທະນາສາຍ ຜະລິດຕະພັນບຳລຸງຜິວ ແລະ ຮ່າງກາຍ ດ້ວຍແຫຼ່ງວັດຖຸດິບ-ຄວາມຮູ້ຂອງທ້ອງຖິ່ນ ສົມທົບກັບເຕັກໂນໂລຊີການຜະລິດ ທີ່ທັນສະໄໝ.

ບົດ: VNP/ຖາວວີ - ພາບ: ແຄ໋ງລອງ ແລະ ເອກະສານ - ແປໂດຍ: ຢືຟຽນ