ສຳລັບທ່ານນາງ ຕິ໋ງ ແລ້ວ, ເຂົ້າໜົມ ໂກ໋ມ, ເຂົ້າໜົມ ຈ໋າ ຫຼື ເຂົ້າໜົມ ຖົ່ວດິນ ບໍ່ພຽງແຕ່ແມ່ນຜະລິດຕະພັນ ການຄ້າເທົ່ານັ້ນ, ແຕ່ຍັງເປັນຕົວແທນ ຂອງ ວັດທະນະທຳ ຄອບຄົວ-ແມ່ນພື້ນຖານຫຼັກທີ່ສ້າງເອກະລັກ ໃຫ້ແກ່ ເຄື່ອງໝາຍ ການຄ້າ. ມໍລະດົກດັ່ງກ່າວໄດ້ຊ່ວຍໃຫ້ ບາວມິງ ສ້າງ “ທຶນແຫ່ງຄວາມເຊື່ອໝັ້ນ” ທີ່ໝັ້ນຄົງ, ສ້າງຄວາມແຕກຕ່າງຈາກຜະລິດ ຕະພັນອຸດສາຫະກຳ ທົ່ວໄປທີ່ຂາດຄວາມຜູກພັນທາງອາລົມ.

ຈຸດພິເສດ ທີ່ສ້າງຖານະໃຫ້ແກ່ ບາວມິງ ແມ່ນຄວາມ ສາມາດໃນການປະສົມປະສານລະຫວ່າງການຜະລິດແບບຫັດຖະກຳ ດັ້ງເດີມ ແລະ ການຜະລິດຂະໜາດໃຫຍ່. ແນວຄິດທີ່ວ່າ “ຮັກສາຮີດຄອງ,ແຕ່ບໍ່ປ່ຽນແປງໃໝ່ ຈະເຮັດໃຫ້ຫຼ້າສະໄໝ” ໄດ້ຊຸກຍູ້ໃຫ້ວິສາຫະກິດ ກ້າເລືອກເອົາເຕັກໂນໂລຊີ ເປັນກຸນແຈ ໃນການ ພັດທະນາ. ບາວມິງ ໄດ້ລົງທຶນໃສ່ລະບົບໂຮງງານ ທີ່ທັນສະໄໝ ທີ່ມີເນື້ອທີ່ຫຼາຍພັນຕາແມັດ ຢູ່ ຮ່າໂນ້ຍ ແລະ ນະຄອນ ໂຮ່ຈີມິນ, ນຳໃຊ້ວິ ທະຍາສາດ ເຕັກນິກ ທີ່ກ້າວໜ້າເຂົ້າໃນທຸກຂັ້ນຕອນການຜະລິດ. 

 

ຍ້ອນແນວນັ້ນ, ບັນຫາໃຫຍ່ທີ່ສຸດ ຂອງ ເຂົ້າໜົມແບບ ດັ້ງເດີມ - ຄືຄວາມປອດໄພດ້ານອາຫານ ແລະ ໄລຍະເວລາການເກັບຮັກສາ-ໄດ້ຮັບການແກ້ໄຂ. ຈາກເຂົ້າໜົມສົດ ທີ່ເກັບໄດ້ພຽງບໍ່ກໍມື້, ປັດຈຸ ບັນ ຜະລິດຕະພັນຂອງ ບາວມິງ ສາມາດ ເກັບຮັກສາໄດ້ ດົນຂຶ້ນ ແຕ່ຍັງຄົງຮັກສາລົດຊາດ ແລະ ກິ່ນຫອມອ່ອນໆ ຄືເກົ່າ. ວິສາຫະກິດ ໃຫ້ຄຳໝັ້ນສັນຍາວ່າ ຈະບໍ່ນຳໃຊ້ ສານແຕ່ງສີ ຫຼື ສານກັນບູດ, ໂດຍເລືອກເອົາພຽງວັດຖຸດິບ ທຳມະຊາດ. ການປະສົມປະສານລະຫວ່າງ “ຈິດວິນຍານ ຊົນນະບົດ” ແລະ ມາດຕະຖານ ທີ່ທັນສະໄໝ ໄດ້ສ້າງ ທ່າແຮງການແຂ່ງຂັນທີ່ຍືນຍົງໃຫ້ແກ່ເຄື່ອງໝາຍການຄ້າ.

 

ບໍ່ພຽງແຕ່ຢຸດຢູ່ທີ່ຄຸນນະພາບ, ບາວມິງ ຍັງໄດ້ວາງ ຍຸດທະສາດສ້າງຮູບລັກສະນະເຄື່ອງໝາຍການຄ້າໃໝ່ ຢ່າງຈະແຈ້ງ. ຂອງ ຕ້ອນຈາກຊົນນະບົດ ທີ່ຄຸ້ນເຄີຍ ໄດ້ຮັບການຍົກລະດັບໃຫ້ກາຍ ເປັນຂອງຂວັນທາງ ວັດທະນະທຳ, ເໝາະກັບຍຸກສະໄໝໃໝ່. ຍ້ອນແນວນັ້ນ, ຜະລິດຕະພັນຂອງ ບາວມິງ ຈຶ່ງມີວາງຈຳໜ່າຍ ຢູ່ບັນດາລະບົບ ຮ້ານສັບພະສິນຄ້າໃຫຍ່ເຊັ່ນ: Big C, AEON, LotteMart, ພ້ອມທັງກາຍເປັນຕົວເລືອກ ທີ່ດີໃນບັນດາງານວັດທະນະທຳ, ງານດອງ ແລະ ກິດຈະກໍາທາງການທູດ.

ຂີດໝາຍທີ່ສຳຄັນ ໃນເສັ້ນທາງການເຊື່ອມໂຍງສາກົນ ແມ່ນການທີ່ ບາວມິງ ສົ່ງອອກສິນຄ້າຊຸດທຳອິດໄປ ຍັງຕະຫຼາດ ອາເມລິກາເໜືອ ໃນທ້າຍປີ 2024 ແລະ ຕົ້ນປີ 2025. ຮູບພາບ ຂອງ ເຂົ້າໜົມ ໂກ໋ມ, ເຂົ້າໜົມ ຟູເທ, ເຂົ້າໜົມ ຈ໋າ ທີ່ປະກົດຕົວໃນເທດສະການ ອາຫານສາກົນ ໄດ້ປະກອບສ່ວນຢັ້ງຢືນຄວາມສາມາດ ຂອງ ວິສາຫະກິດ ຫວຽດ. ການທີ່ມີ 6 ຜະລິດຕະພັນ ໄດ້ຮັບໃບຢັ້ງຢືນ OCOP 4 ດາວ ແລະ ມຸ່ງໄປເຖິງ 5 ດາວ, ຍັງເປີດໂອກາດໃຫ້ແກ່ການເຂົ້າເຖິງຕະຫຼາດ ທີ່ເຂັ້ມງວດເຊັ່ນ: ຍີ່ປຸ່ນ, ໄຕ້ຫວັນ, ສປ ຈີນ ແລະ ເອີຣົບ.

ນັກທ່ອງທ່ຽວທ່ຽວຊົມງານວາງສະແດງ ຊີມຜະລິດຕະພັນຂອງ ບາວມິງ. ພາບ: ແທງຢາງ/VNP