ທົ່ວປະເທດຮ່ວມໃຈ ເພື່ອ “ຊາຍຄາທ່ີອົບອຸ່ນ ໃຫ້ພີ່ນ້ອງຮ່ວມຊາດ ຂອງ ຂ້ອຍ”
ໃນໄລຍະຜ່ານມາ, ພາຍໃຕ້ການນຳພາ ຂອງ ພັກ, ການເຂົ້າຮ່ວມຢ່າງ ຂ້ຽວຂາດຂອງທົ່ວທັງລະບົບການເມືອງ, ການເຂົ້າຮ່ວມຢ່າງຕັ້ງໜ້າ ແລະ ເປັນເອກະພາບ ຂອງ ທົ່ວປວງຊົນ, ວິສາຫະກິດ ແລະ ການຊ່ວຍເຫຼືອ ຈາກເພື່ອນມິດສາກົນ, ຫວຽດນາມ ໄດ້ບັນລຸຜົນສຳເລັດອັນຍິ່ງໃຫຍ່, ມີ ຄວາມໝາຍທາງປະຫວັດສາດ, ດັ່ງການຕີລາຄາ ຂອງ ສະຫາຍມື້ລາງເລ ຂາທິການໃຫຍ່ ຫງວຽນຝູ໋ຈ້ອງ ທ່ີວ່າ: “ດ້ວຍຄວາມຖ່ອມຕົນທັງໝົດ, ພວກເຮົາສາມາດເວົ້າໄດ້ວ່າ ປະເທດ ຂອງ ພວກເຮົາ ບໍ່ມີຍາມໃດ ມີພາ ລະກິດ ອັນໃຫຍ່ຫຼວງ, ກຳລັງແຮງບົ່ມຊ້ອນ, ອິດທິພົນຊື່ສຽງ ແລະ ຖານະ ບົດບາດ ໄດ້ຮັບການຍົກສູງຂຶ້ນ ໃນເວທີພາກພື້ນ ແລະ ສາກົນ ຄືໃນທຸກ ວັນນີ້”.
ນັບແຕ່ປີ 2000 ເຖິງ 2023, ເຮືອນມະຫາສາມັກຄີ ກວ່າ 1,7 ລ້ານຫຼັງ ໄດ້ຖືກສ້າງໃໝ່ ແລະ ສ້ອມແປງໃຫ້ແກ່ຜູ້ທຸກຍາກ, ຜູ້ທ່ີມີ ສະພາບຫຍຸ້ງ ຍາກຂັດສົນ. ເຖິງຢ່າງໃດກໍ່ຕາມ, ຕາມການກວດຄືນ, ຈຳນວນຄອບຄົວ ທຸກຍາກ ແລະ ຄອບຄົວເກືອບທຸກຍາກ ມີເຮືອນຢູ່ບໍ່ຮັບປະກັນ “3 ແຂງ” (ພື້ນແຂງ, ໂຄງສ້າງ-ຝາແຂງ, ຫຼັງຄາແຂງ) ຕາມທິດ ຂາດຄຸນນະພາບ ແມ່ນ ມີຫຼາຍກວ່າ 315.000 ຄອບຄົວ.
ນັບແຕ່ເດືອນ ເມສາ 2024, ປະຕິບັດຕາມແນວທາງນະໂຍບາຍອັນໃຫຍ່ ຫຼວງຂອງພັກ, ທ່ານນາຍົກລັດຖະມົນຕີ ໄດ້ເປີດຂະບວນການແຂ່ງຂັນ “ທົ່ວປະເທດຮ່ວມແຮງຮ່ວມໃຈກັນ ກຳຈັດເຮືອນຢູ່ຊົ່ວຄາວ, ເຮືອນຊຸດ ໂຊມ” ໃນຂອບເຂດທົ່ວປະເທດ ພາຍໃນປີ 2025. ທ່ານ ນາຍົກລັດຖະ ມົນຕີ ໄດ້ຮຽກຮ້ອງ “ທຸກພາກສ່ວນ ທີ່ກ່ຽວຂ້ອງ, ແຕ່ລະຄົນ, ແຕ່ລະອົງ ການຈັດຕັ້ງ ບົນພື້ນຖານບົດບາດໜ້າທີ່ ຂອງຕົນ ຕ້ອງເສີມຂະຫຍາຍ ສຸດຄວາມສາມາດ, ຄວາມຫ້າວຫັນ, ຄວາມຮັບຜິດຊອບ, ປະດິດຄິດສ້າງ ເພື່ອຮ່ວມແຮງຮ່ວມໃຈ ສ້າງຂະບວນການທີ່ກວ້າງຂວາງ ເລິກເຊິ່ງ, ຕົວ ຈິງ, ມີປະສິດທິຜົນ ໃນການກຳຈັດເຮືອນຢູ່ຊົ່ວຄາວ, ເຮືອນຊຸດໂຊມ”.
ຄວບຄູ່ກັບການຊ່ວຍເຫຼືອຈາກລັດ, ອົງການຈັດຕັ້ງທາງສັງຄົມ, ວິສາຫະ ກິດ..., ຜູ້ທຸກຍາກຕ້ອງພະຍາຍາມ, ຊຸມຊົນໃນທ້ອງຖິ່ນ ກໍ່ຕ້ອງຊ່ວຍ ເຫຼືອ, ດ້ວຍຈິດໃຈ “ໃຜມີຫຍັງຊ່ວຍອັນນັ້ນ”, “ໃຜມີແຮງງານ ປະກອບ ສ່ວນແຮງງານ, ໃຜມີວັດຖຸ ປະກອບສ່ວນວັດຖຸ, ໃຜມີຫຼາຍປະກອບຫຼາຍ, ໃຜມີໜ້ອຍປະກອບໜ້ອຍ”, “ຮັກຫໍ່ຜູກພັນກັນ ຢ່າງສະໜິດສະໜົມ”, “ນ້ຳ ໃຈມິດສະຫາຍ, ຄວາມຜູກພັນ ຖານພີ່ນ້ອງຮ່ວມຊາດ”, “ໃບໄມ້ດີ ຫຸ້ມໃບ ໄມ້ຂາດ”, “ໃບໄມ້ຂາດນ້ອຍ ຊ່ວຍເຫຼືອໃບໄມ້ຂາດຫຼາຍ”, ບໍ່ລໍຄອຍ ການເພິ່ງພາອາໄສ, ເອື່ອຍອີງ; ທຸກຄົນຕ້ອງເປັນເຈົ້າການ, ຕັ້ງໜ້າ.
ອີງຕາມກະຊວງແຮງງານ-ທະຫານເສຍອົງຄະ ແລະ ສັງຄົມ, ຈົນເຖິງ ເດືອນ ກຸມພາ 2025, 58 ທ້ອງຖິ່ນ ໄດ້ສ້າງຕັ້ງ ຄະນະຊີ້ນຳຂັ້ນແຂວງ ກ່ຽວກັບ ການກຳຈັດເຮືອນຢູ່ຊົ່ວຄາວ, ເຮືອນຊຸດໂຊມ. 5 ທ້ອງຖິ່ນຄື ຮ່າ ໂນ້ຍ, ຫາຍຟ່ອງ, ກວາງນິງ, ຫວິ໊ງຟຸກ, ບ່າເຣ້ຍ-ຫວຸ໊ງເຕົ່າ ບໍ່ໄດ້ສ້າງຕັ້ງ ເພາະບໍ່ມີເຮືອນຢູ່ຊົ່ວຄາວ, ເຮືອນຊຸດໂຊມອີກແລ້ວ. ໃນຂອບເຂດທົ່ວ ປະເທດ ໄດ້ຊ່ວຍເຫຼືອການກຳຈັດເຮືອນຢູ່ຊົ່ວຄາວ, ເຮືອນຊຸດໂຊມ ໄດ້ ກວ່າ 100.000 ຫຼັງ. ໃນນັ້ນ, ມີເຮືອນເກືອບ 60.000 ຫຼັງໄດ້ເປີດນຳໃຊ້ ແລະ ເລີ່ມກໍ່ສ້າງໃໝ່ກວ່າ 40.000 ຫຼັງ. ອີງຕາມການລາຍງານ ຂອງບັນ ດາກະຊວງ, ຂະແໜງການ ແລະ ທ້ອງຖິ່ນ, ຜ່ານໂຄງການປຸກລະດົມ, ມາຮອດປັດຈຸບັນ ກອງທຶນ “ເພື່ອຄົນທຸກຍາກ” ສູນກາງໄດ້ຮັບເງິນ ປະມານ 80 ຕື້ດົ່ງ ເພື່ອຊ່ວຍເຫຼືອ ການກຳຈັດເຮືອນຢູ່ຊົ່ວຄາວ, ເຮືອນ ຊຸດໂຊມ.
ໃນນັ້ນ, ກະຊວງປ້ອງກັນປະເທດ ໄດ້ສ້າງເຮືອນ ເພື່ອນສະຫາຍ, ເຮືອນ ມະຫາສາມັກຄີ ກວ່າ 15.000 ຫຼັງ. ນອກນັ້ນ, ພະນັກງານ, ນັກຮົບພາຍ ໃນກອງທັບ ແມ່ນບໍ່ຢ້ານກົວຕໍ່ໄພອັນຕະລາຍ, ຄວາມຫຍຸ້ງຍາກ, ໄດ້ເຂົ້າ ຮ່ວມການກູ້ຊີບ, ກູ້ໄພ, ຊ່ວຍເຫຼືອປະຊາຊົນ ໃນເຂດເກີດໄພທຳມະຊາດ, ພາຍຸ ແລະ ນ້ຳຖ້ວມ.
ເພື່ອປະຕິບັດໂຄງການໃຫ້ສຳເລັດ ໃນປີ 2025, ຍັງຕ້ອງສ້າງໃຫ້ສຳເລັດ ອີກ ປະມານ 200.000 ຫຼັງ. ທ່ານນາຍົກລັດຖະມົນຕີ ຮຽກຮ້ອງ ໃຫ້ບັນ ດາກະຊວງ, ອົງການ, ທ້ອງຖິ່ນຕີລາຄາ ສະພາບການຈັດຕັ້ງປະຕິບັດ ໂຄງການ ໃນຕົວຈິງ, ຍອມຮັບຢ່າງກົງໄປກົງມາ ເຖິງສາເຫດທີ່ເຮັດບໍ່ໄດ້ ດີ...; ສະເໜີບັນດາໜ້າທີ່, ວິທີແກ້ໄຂທີ່ສຳຄັນ, ບຸກທະລຸ, ເຂັ້ມແຂງດ້ວຍ ຈິດໃຈ 5 ຢ່າງທີ່ຊັດເຈນ: “ຄົນຊັດເຈນ, ວຽກຊັດເຈນ, ຄວາມຮັບຜິດຊອບ ຊັດເຈນ, ເວລາຊັດເຈນ, ຜົນໄດ້ຮັບຊັດເຈນ”.
ປີ 2025 ມີຄວາມໝາຍສຳຄັນເປັນພິເສດ, ເປັນປີທີ່ເລັ່ງລັດ, ບຸກທະລຸ ເພື່ອບັນລຸ ເປົ້າໝາຍ, ປະຕິບັດແຜນພັດທະນາເສດຖະກິດ-ສັງຄົມ 5 ປີ 2021-2025 ຢ່າງມີໄຊ. ພ້ອມນີ້, ປີ 2025 ຍັງເປັນປີ ທ່ີມີເຫດການສໍາຄັນ ຕ່າງໆ ຂອງ ປະເທດເຊັ່ນ: ສະເຫຼີມສະຫຼອງ 95 ປີແຫ່ງການສ້າງຕັ້ງພັກ, 80 ປີ ແຫ່ງການສ້າງຕັ້ງປະເທດ, 50 ປີແຫ່ງການປົດປ່ອຍພາກໃຕ້ ທ້ອນ ໂຮມ ປະເທດຊາດເປັນໜຶ່ງດຽວ, 135 ປີວັນຄ້າຍວັນເກີດ ຂອງ ປະທານ ໂຮ່ຈີມິນ ແລະ ແຂ່ງຂັນສ້າງຜົນງານ ຂ່ຳນັບຮັບຕ້ອນກອງປະຊຸມໃຫຍ່ ຂອງ ພັກ ແຕ່ລະຂັ້ນ ກ້າວໄປສູ່ກອງປະຊຸມໃຫຍ່ຜູ້ແທນ ທົ່ວປະເທດຄັ້ງທີ XIV ຂອງພັກ. ທ່ານນາຍົກລັດຖະມົນຕີ ຫວັງ ແລະ ເຊື່ອໝັ້ນວ່າ, ດ້ວຍ ການຮ່ວມແຮງຮ່ວມໃຈ, ຄວາມເປັນເອກະພາບ, ການເຂົ້າຮ່ວມ ຂອງ ທັງ ລະບົບການເມືອງ, ປະຊາຄົມ ວິສາຫະກິດ, ທົ່ວປວງຊົນ, ຂະບວນການ ແຂ່ງຂັນຮ່ວມແຮງຮ່ວມໃຈກັນ ກຳຈັດເຮືອນຢູ່ຊົ່ວຄາວ, ເຮືອນຊຸດໂຊມ ຈະແຜ່ຂະຫຍາຍໄປທົ່ວສັງຄົມ, ຊຸມຊົນ ແລະ ຈະປະສົບຜົນສຳເລັດ ຢ່າງດີ, ໄດ້ຮັບປະສິດທິຜົນທີ່ແທ້ຈິງ, ເພື່ອຊີວິດທີ່ອີ່ມໜຳສຳລານ, ມີ ຄວາມສຸກ ຂອງ ປະຊາຊົນ, ການພັດທະນາເຂັ້ມແຂງ, ຈະເລີນຮຸ່ງເຮືອງ ຂອງ ປະເທດຊາດ.
ບົດ: VNA - ພາບ: VNP - ແປໂດຍ: ບິກລຽນ