ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ ແລະ ລາວ ນັບມື້ພັດທະນາ
ໂດຍຕອບສະໜອງ ຕາມຄຳເຊີນ ຂອງ ຮອງປະທານປະເທດ ຫວໍທິແອ໋ງຊວນ, ສະຫາຍ ນາງ ປານີ ຢາທໍ່ຕູ້, ກຳມະການກົມການເມືອງ, ຮອງປະທານປະເທດລາວ ໄດ້ທຳການຢ້ຽມຢາມ ຫວຽດນາມ ຢ່າງເປັນທາງການ ເພື່ອແນໃສ່ຮັດແໜ້ນສາຍພົວ ພັນ, ຄວາມສາມັກຄີ ແບບພິເສດ, ການຮ່ວມມືຮອບດ້ານ ລະຫວ່າງ ຫວຽດນາມ ແລະ ລາວ ນັບມື້ນັບມີການພັດທະນາ.
ຕໍ່ໜ້າການຜັນແປຢ່າງສັບສົນໃນປັດຈຸບັນ ຂອງ ໂລກ, ຮອງປະທານປະເທດທັງ 2 ໄດ້ເນັ້ນໜັກເຖິງຄວາມໝາຍ ແລະ ຄຸນຄ່າ ຂອງ ການເພີ່ມພູນຄູນສ້າງ ແລະ ການປັບປຸງ ສາຍພົວພັນບ້ານໃກ້ເຮືອນຄຽງ ມິດຕະພາບທີ່ສະໜິດແໜ້ນ, ຄວາມສາມັກ ຄີແບບພິເສດ ຫວຽດນາມ - ລາວ ເພື່ອຄວາມໝັ້ນຄົງ ແລະ ພັດທະນາ ຂອງ ແຕ່ລະປະເທດ ກໍຄື ສັນຕິພາບ, ສະຖຽນລະພາບ ແລະ ການຮ່ວມມືໃນພາກພື້ນຢ່າງບໍ່ຢຸດຢັ້ງ. ສອງຝ່າຍມີຄວາມ ປິຕິຍິນດີ ຕໍ່ບັນດາບາດກ້າວ ພັດທະນາໃໝ່ ໃນການພົວພັນ ຮ່ວມມື ລະຫວ່າງສອງປະເທດ ທີ່ຜ່ານມາ ໃນທຸກຂົງເຂດ.
ສະຫາຍນາງຮອງປະທານປະເທດ ຫວໍ໊ທິແອ໋ງຊວນ ທຳການ ພົບປະເຈລະຈາ ກັບສະຫາຍນາງຮອງປະທານປະເທດ ລາວ ປານີ ຢາທໍ່ຕູ້.
ພາບ: ເລີມແຄ໋ງ/VNA
ຕອນບ່າຍວັນທີ 26 ເມສາ, ຢູ່ຫໍສະພາແຫ່ງຊາດ, ປະທານສະ ພາແຫ່ງຊາດ ເວືອງດິ່ງເຫວ້ ໄດ້ທຳການຕ້ອນຮັບ ສະຫາຍນາງ ປານີ ຢາທໍ່ຕູ້, ກຳມະການກົມການເມືອງ, ຮອງປະທານປະເທດລາວ ທີ່ພວມຢ້ຽມຢາມ ຫວຽດນາມ ຢ່າງເປັນທາງການ.
ປະທານສະພາແຫ່ງຊາດ ເວືອງດິ່ງເຫວ້ ແລະ ຮອງປະທານປະເທດ ລາວ ປານີ ຢາທໍ່ຕູ້ ໄດ້ເຫັນດີເປັນເອກະພາບ ສືບຕໍ່ສົມ ທົບກັນ ຜັນຂະຫຍາຍບັນດາການເຄື່ອນໄຫວໃນ “ປີສາມັກຄີມິດຕະພາບ ຫວຽດນາມ - ລາວ 2022” ເພື່ອສະເຫຼີມສະຫຼອງ 60 ປີແຫ່ງວັນສ້າງຕັ້ງສາຍພົວພັນທາງການທູດ ແລະ 45 ປີ ແຫ່ງ ວັນເຊັນສົນທິສັນຍາ ມິດຕະພາບ ແລະ ການຮ່ວມມື ລະ ຫວ່າງ ຫວຽດນາມ - ລາວ; ຜ່ານນັ້ນ ຊ່ວຍຊຸກຍູ້ຢ່າງແຂງແຮງ ການໂຄສະນາເຜີຍແຜ່, ສຶກສາ ກ່ຽວກັບຮີດຄອງປະເພນີ ສາຍ ພົວພັນ ສາມັກຄີແບບພິເສດ ຫວຽດນາມ - ລາວ, ພິເສດແມ່ນລຸ້ນໜຸ່ມ ຂອງ ສອງປະເທດ.
ເນື່ອງໃນໂອກາດບຸນປີໃໝ່ ປະຈຳຊາດຂອງ ລາວ, ຜ່ານ ສະ ຫາຍນາງ ປານີ ຢາທໍ່ຕູ້, ປະທານສະພາແຫ່ງຊາດ ເວືອງ ດິ່ງ ເຫວ້ ໄດ້ສົ່ງຄຳອວຍພອນປີໃໝ່ ມາຍັງ ປະທານສະພາແຫ່ງຊາດລາວ ໄຊສົມພອນ ພົມວິຫານ ແລະ ບັນດາສະຫາຍການນຳ ຂອງ ລາວ.
ຕອນບ່າຍວັນທີ 26 ເມສາ, ຢູ່ທຳນຽບປະທານປະເທດ, ປະ ທານປະເທດ ຫວຽດນາມ ຫງວຽນຊວນຟຸກ ໄດ້ທຳການ ຕ້ອນ ຮັບ ສະຫາຍນາງ ປານີ ຢາທໍ່ຕູ້ ກຳມະການ ກົມການເມືອງ, ຮອງປະທານປະເທດ ລາວ ທີ່ ພວມຢ້ຽມຢາມ ຫວຽດນາມ ຢ່າງ ເປັນທາງການ.
ຕີລາຄາສູງໝາກຜົນການເຈລະຈາ ໃນຕອນເຊົ້າຂອງວັນດຽວກັນ ລະຫວ່າງ ຮອງປະທານປະເທດ ລາວ ປານີ ຢາທໍ່ຕູ້ ແລະ ຮອງປະທານປະເທດ ຫວໍ້ທິແອ໋ງຊວນ, ປະທານປະເທດ ຫງວຽນຊວນຟຸກ ເນັ້ນໜັກວ່າ: ເພື່ອຊຸກຍູ້ ແລະ ຍົກສູງປະສິດ ທິຜົນການຮ່ວມມື ລະຫວ່າງສອງປະເທດ, ສອງຝ່າຍຕ້ອງສືບຕໍ່ສົມທົບກັນ ປະຕິບັດບັນດາຂໍ້ຕົກລົງຂັ້ນສູງ ຢ່າງມີປະສິດທິຜົນ, ໃນນັ້ນມີໝາກຜົນແຫ່ງການຢ້ຽມຢາມທາງ ລັດຖະກິດ ລາວຂອງ ປະທານປະເທດ ໃນເດືອນ ສິງຫາ 2021; ຮັກສາການແລກປ່ຽນຄະນະຜູ້ແທນ ແລະ ການພົວພັນຂັ້ນສູງເປັນປະຈຳ.
ສອງຝ່າຍຕ້ອງມານະພະຍາຍາມຍົກສູງ ການຮ່ວມມືດ້ານເສດ ຖະກິດ, ການຄ້າ ແລະ ການລົງທຶນ ໃຫ້ກາຍເປັນເສົາຄ້ຳ ອັນແທດຈິງ ໃນການພົວພັນ ລະຫວ່າງ 2 ປະເທດ; ສົມທົບກັນຊອກຫາແຫຼ່ງທຶນ, ທິດທາງໃໝ່ ແລະ ມີປະສິດທິຜົນ ໃຫ້ບັນດາໂຄງການຮ່ວມມື, ພິເສດແມ່ນບັນດາໂຄງການກໍ່ສ້າງພື້ນຖານໂຄງລ່າງຍຸດທະສາດ, ເຊື່ອມໂຍງສອງພື້ນພານເສດຖະກິດ, ນຳ ໃຊ້ຢ່າງສຸດຂີດ ລະບົບທ່າກຳປັ່ນ... ສອງຝ່າຍກໍສືບຕໍ່ ເພີ່ມ ທະວີ ການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ, ການສຶກສາ-ບຳລຸງສ້າງ, ສາທາລະນະສຸກ, ການພົບປະແລກ ປ່ຽນປະຊາຊົນ, ການຮ່ວມມືລະຫວ່າງທ້ອງຖິ່ນ, ສືບຕໍ່ປະສານສົມທົບ ແລະ ສະໜັບສະໜູນເຊິ່ງກັນ ແລະ ກັນ ໃນບັນດາເວທີປາໄສສາກົນ, ພິເສດແມ່ນການຮ່ວມມື ເພື່ອຮັກສາຄວາມສາ ມັກຄີ ແລະ ບົດບາດໃຈກາງຂອງ ອາຊຽນ.
ສະແດງຄວາມຊົມເຊີຍ ຕໍ່ຜົນການເຈລະຈາ ລະຫວ່າງຮອງປະເທດ ທັງ 2, ສະຫາຍເລຂາທິການໃຫຍ່ ຫງວຽນຝູຈ້ອງ ສະ ເໜີ ໃຫ້ສອງຝ່າຍ ຈົ່ງຕັ້ງໜ້າ ແລະ ເປັນເຈົ້າການ ຜັນຂະຫຍາຍປະ ຕິບັດ ຢ່າງມີປະສິດທິຜົນ ບັນດາຂໍ້ຕົກລົງລະຫວ່າງ ການນຳຂັ້ນສູງຂອງສອງ ພັກ, ສອງປະເທດ, ໃນນັ້ນສືບຕໍ່ນຳການພົວພັນດ້ານການເມືອງເຂົ້າສູ່ລວງເລິກ; ປະສານສົມທົບຢ່າງແໜ້ນແຟ້ນ ໃນຂົງເຂດປ້ອງກັນຊາດ, ປ້ອງກັນຄວາມສະຫງົບ ແລະ ການຕ່າງປະເທດ, ຊຸກຍູ້ຍົກສູງຄຸນນະພາບ ປະສິດທິຜົນ ການຮ່ວມມື ດ້ານເສດຖະກິດ, ວັດທະນະທຳ, ການສຶກສາ ແລະ ວິ ທະຍາສາດ - ເຕັກນິກ, ຍົກສູງຄຸນນະພາບການຮ່ວມມື ລະ ຫວ່າງ ບັນດາກະຊວງ, ຂະແໜງການ ແລະ ທ້ອງຖິ່ນ; ສົມທົບກັນຢ່າງແໜ້ນແຟ້ນ ເພື່ອຈັດຕັ້ງບັນດາການເຄື່ອນໄຫວທີ່ແທດຈິງ, ມີຄວາມໝາຍດ້ານ ເນື້ອໃນເລິກເຊິ່ງ, ສອດຄ່ອງ ແລະມີ ການແຜ່ຂະຫຍາຍ ຢ່າງກວ້າງຂວາງ ເພື່ອສະເຫຼີມສະຫຼອງ 60 ປີ ວັນສ້າງຕັ້ງການພົວພັນ ທາງການທູດ ແລະ 45 ປີວັນເຊັນສົນທິສັນຍາມິດຕະພາບ ແລະ ການຮ່ວມມືຫວຽດນາມ-ລາວ.
ຕອນບ່າຍວັນທີ 29 ເມສາ, ຢູ່ນະຄອນ ຮ່າຢາງ, ສະຫາຍນາງ ປານີ ຢາທໍ່ຕູ້, ກຳມະການກົມການເມືອງ, ຮອງປະທານປະເທດ ລາວ ໄດ້ມີການພົບປະກັບການນຳ ແຂວງ ຮ່າຢາງ.
ໃນການພົບປະ, ສະຫາຍ ນາງ ປານີ ຢາທໍ່ຕູ້ ພ້ອມດ້ວຍ ຄະນະ ປະ ຕິບັດງານ ແລະ ການນຳແຂວງ ຮ່າຢາງ ໄດ້ພ້ອມກັນແບ່ງ ປັນ ບັນດາມາດຕະການແກ້ໄຂທີ່ລະອຽດ ໃນການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ; ວິທີການລະດົມແຫຼ່ງ ກຳລັງ ຂອງບັນດາອົງການທີ່ກ່ຽວຂ້ອງ ໃນຂະແໜງການເງິນ ເພື່ອຕອບສະໜອງ ແຫຼ່ງທຶນການລົງທຶນ ເພື່ອຫຼຸດຜ່ອນຄວາມ ທຸກຍາກ; ການເຂົ້າຮ່ວມຂອງອຳນາດການປົກຄອງທຸກຂັ້ນ ແລະ ຂະແໜງການທີ່ມີບົດບາດໜ້າທີ່ ໃນການເປັນຂົວຕໍ່ ສ້າງການເຊື່ອມໂຍງລະຫວ່າງປະຊາຊົນ ແລະ ວິສາຫະກິດ ໃນການພັດທະນາການຜະລິດ; ວຽກງານກໍ່ສ້າງພັກ ແລະ ກໍ່ສ້າງ ລະບົບການເມືອງຢູ່ ເຂດຊົນເຜົ່າສ່ວນໜ້ອຍ; ວິທີການແກ້ໄຂ ເພື່ອປັບປຸງ ການໂຄສະນາເຜີຍແຜ່, ສຶກສາກົດໝາຍ; ປະຕິບັດການລົບລ້າງຮີດຄອງປະເພນີ ຫຼ້າຫຼັງຢູ່ເຂດຊົນເຜົ່າສ່ວນໜ້ອຍ.
ພາຍຫຼັງການພົບປະກັບການນຳແຂວງ ຮ່າຢາງ, ສະຫາຍ ນາງປານີ ຢາທໍ່ຕູ້ ໄດ້ລົງສຳຫຼວດ ແລະ ຢ້ຽມຢາມບັນດາຮູບແບບ ການຜະລິດກະສິກຳ; ຮູບແບບ ພັດທະນາການທ່ອງທ່ຽວ ຂອງ ຊາວຊົນເຜົ່າສ່ວນໜ້ອຍ ຢູ່ນະຄອນ ຮ່າຢາງ ແລະ ເມືອງຕ່າງໆ ຢູ່ເຂດສວນສາທາລະນະ ທໍລະນີສາດ ພູພຽງຫີນ ດົ່ງວັນ.
ປະຕິບັດໂດຍ: VNA, VNP - ແປໂດຍ: ບິກລຽນ