ពិធីបុណ្យនៅបូជនីយដ្ឋានសាយ (Sai) ប្រារព្ធឡើងនៅជើងភ្នំថឹកយៀវ (That Dieu) ក្នុងឃុំ ធឹឡឹម (Thu Lam) រដ្ឋធានី ហាណូយ (ពីមុនជាឃុំធុយឡឹម (Thuy Lam) ស្រុក ដុងអាញ (Dong Anh))។ រូបថត៖ កុងដាត/ VNP

ចាប់ពីព្រឹកព្រលឹម ផ្លូវនានាក្នុងភូមិ នៅក្នុងឃុំធឹឡឹម (Thu Lam) មានភាពអ៊ូអរជាមួយនឹងសំឡេងស្គរ និងគង និងទង់ បុណ្យបក់រវិចៗ។ ប្រជាជន និងក្រុមក្បួនដង្ហែបានប្រមូលផ្តុំគ្នា នៅក្នុង​បរិវេណបូជនីយដ្ឋាន សាយ (Sai) ដើម្បីរៀបចំពិធីសំខាន់ៗ ។ ពិធីបុណ្យបូជនីយដ្ឋាន សាយ (Sai) ផ្សារភ្ជាប់ជាមួយនឹងការគោរពបូជារបស់ ឌឹកហ្វឺនធៀនត្រឹនវូ (Duc Huyen Thien Tran Vu) - ជាអាទិទេពមួយអង្គ ដែលបានជួយគាំពារស្តេច អាន យឿង វឿង (An Dương Vương) ( ២៥៧ - ២០៨ មុនគ.ស) ក្នុងរឿងព្រេងនៃការសាងសង់កំពែងកូឡ័រ (Co Loa)។

ក្រុមក្បួនដង្ហែ ដែលមានទង់ ឆ័ត្ររួត ឃ្មោះ និងស្គរលាតសន្ធឹងពីអារាម ធុយឡុយង (Thuy Loi) ទៅកាន់បូជនីយដ្ឋាន​ខាង​លើ  និងបូជនីយដ្ឋានសាយ (Sai) បង្កើតបរិយាកាសពិធីបុណ្យដ៏ឧឡារិក និងរស់រវើក។ រូបថត៖ កុងដាត / VNP 

 

ក្រុមស្គរបើកពិធីបុណ្យ និងបង្កើតចង្វាក់រស់រវើកសម្រាប់ក្រុមក្បួនដង្ហែរ។ រូបថត៖កុងដាត / VNP 

ចំណុចលេចធ្លោមួយ នៃពិធីបុណ្យនេះ គឺក្រុមក្បួនដង្ហែ "ស្តេចក្លែងក្លាយ"។ ព្រឹទ្ធាចារ្យមានកេរ្តិ៍ឈ្មោះ ក្នុងភូមិ ត្រូវបានជ្រើស រើសឱ្យដើរតួអង្គជាស្ដេច និងមន្ត្រីរាជការ ដែល​គ្រងសម្លៀកបំពាក់ប្រពៃណីខ្ពង់ខ្ពស់។ តាមប្រពៃណី ក្រុមក្បួនដង្ហែរួមមាន គ្រែស្នែងរបស់​ស្តេច គ្រែស្នែងរបស់ស្តេច​ត្រាញ់ និងមន្ត្រីរាជការ​សំខាន់ទាំងបួន​រូប​ក្នុង​រាជ​វាំង។

ការបោះគ្រៃស្នែងយ៉ាងពុះកញ្ជោល ក្នុងពិធីក្បួនដង្ហែរ "ស្តេចក្លែងក្លាយ" នៅបូជនិយដ្ឋានសាយ (Sai)។ រូបថត៖ កុងដាត / VNP

ពិធីដង្ហែ"ស្តេចក្លែងក្លាយ" គឺជាព្រឹត្តិការណ៍វប្បធម៌សហគមន៍មួយ ដែលអ្នកស្រុក និងភ្ញៀវទេសចរទាំងអស់ សម្របខ្លួនក្នុងបរិយាកាសដ៏ពិសិដ្ឋ។ រូបថត៖ កុងដាត/ VNP

នៅក្នុងក្រុមក្បួនដង្ហែ "ស្តេចក្លែងក្លាយ" - អ្នកដែលបានប្រជាជនក្នុងភូមិ ជ្រើសរើសអង្គុយលើគ្រៃស្នែង នៅក្រោមឆ័ត្ររួត អមដំណើរដោយតន្ត្រីករ ក្រុមរាំ និងមន្ត្រីរាជការ។ ក្បួនដង្ហែដើរឆ្លងកាត់ផ្លូវនានាក្នុងភូមិ ដោយសម្លៀកបំ​ពាក់​ស្រស់ស្អាត និងសម្លេងតន្ត្រីដ៏រស់រវើក ដែលទាក់ទាញប្រជាជនក្នុងស្រុក និងភ្ញៀវទេសចរយ៉ាងច្រើនកុះករ។ ដំណើរក្បួនដង្ហែ ឈប់នៅដុងចូវ (Dong Chau) ជាកន្លែងដែល "ស្តេច" ចុះពីគ្រៃស្នែង  ហើយឡើង ហ្គោវុង (Go Vong) ដើម្បីយាងបួងសួង ញហ្វឺនធៀន (Duc Thanh Huyen Thien) នៅបូជនីយដ្ឋាន សាយ (Sai)  ។

ព្រឹទ្ធាចារ្យមានកេរ្តិ៍ឈ្មោះ ក្នុងភូមិ ត្រូវបានជ្រើសរើសឱ្យដើរតួអង្គជាស្ដេច និងមន្ត្រីរាជការ ដែលគ្រងសម្លៀកបំពាក់ប្រពៃណីខ្ពង់ខ្ពស់។ រូបថត៖ កុងដាត/ VNP

ក្រុមក្បួនដង្ហែ​គ្រៃស្នែង និង​រត់ដែលបង្កើត​បរិយាកាស​រស់រវើក។ រូបថត៖ កុងដាត/ VNP

ទន្ទឹមនឹងពិធីការរបស់ស្ដេច គ្រៃស្នែង​របស់ស្តេចត្រាញ់ បានបន្តដំណើរទៅកាន់បូជនិយដ្ឋានខាងលើ  ដើម្បីធ្វើពិធីការប្រពៃណី ដូចជា ការសាកល្បងដាវ និងកាប់បីដងទៅលើថ្ម ដែលជាពិធីមានអត្ថន័យនិមិត្តរូបយ៉ាងជ្រាលជ្រៅក្នុងជំនឿប្រជាប្រិយ មុនពេលយាងចូលកាន់បូជនិយដ្ឋាន សាយ (Sai)  ដើម្បីគោរពបូជាវិញ្ញាណក្ខណ្ធរបស់ កាវសើនដាយវឿង (Cao Son Dai Vuong)។ បន្ទាប់ពីបញ្ចប់ពិធីការ "ស្ដេច" បានយាងត្រឡប់មកកាន់​បូជនីយដ្ឋានរបស់ភូមិ ហើយគង់លើបល្ល័ង្ក ក្រោមសម្លេងហ៊ោកញ្ជ្រៀវអបអរសាទររបស់អ្នកភូមិ។

ក្បួនដង្ហែបានឆ្លងកាត់តំបន់ដែលមានប្រជាជនរស់នៅច្រើនកុះករ ដោយមាន ប្រជាជនសម្រុកគ្នា
ដើម្បីទទួលគ្រឿងសំណែន។ រូបថត៖ កុងដាត/ VNP

ក្រុមតន្ត្រីក្នុង​ពិធីបុណ្យ ​បាន​អមដំណើរ​ក្បួនដង្ហែ​ ។ រូបថត៖ កុងដាត/ VNP

មិនត្រឹមតែជាការក្បួនដង្ហែរគ្រៃស្នែងប៉ុណ្ណោះ​ទេ ពិធីបុណ្យនេះក៏ជាឱកាសមួយ សម្រាប់សហគមន៍​ក្នុងការចូលរួមក្នុងរាល់ដំណាក់កាលនៃការត្រៀមរៀបចំ ចាប់ពីការជ្រើសរើសសម្លៀកបំពាក់ និងការរៀបចំពិធីការ រហូតដល់ការរៀបចំក្បួនដង្ហែរ។ ការរៀបចំទាំងនេះ បានជួយឱ្យពិធីបុណ្យនេះ ត្រូវបានថែរក្សា និងបន្តពីជំនាន់មួយទៅជំនាន់មួយ ដែលបង្កើតជីវិតរឹងមាំនៃបេតិកភណ្ឌវប្បធម៌ក្នុងជីវិតបច្ចុប្បន្ន​៕

នៅពេលដែល "ស្តេចក្លែងក្លាយ" កំពុងចែកគ្រឿងសំណែនដល់ប្រជាជន។ រូបថត៖ កុងដាត/ VNP

លុយ​សំណាង​ត្រូវ​បាន​គេ​គប់​ជុំវិញ​ ក្រោម​សំឡេង​អបអរសាទរ។ រូបថត៖ កុងដាត/ VNP

នៅក្នុងពិធីក្បួនដង្ហែរ ដើរក្រោយស្តេច និង​ស្តេចត្រាញ់ ដែលជាមន្ត្រីរាជការរូបម្នក្នុងចំណោមមន្ត្រីរាជការសំខាន់ទាំងបួនរូប ដែលអង្គុយលើអង្រឹង ។ ពួកគេអង្គុយលើអង្រឹង ដែលទាហានដង្ហែក្នុង​ដំណើរក្បួនដង្ហែ។ រូបថត៖ ៖ កុងដាត/ VNP

នៅក្នុងពិធីបុណ្យនៅ បូជនីយដ្ឋានសាយ (Sai) ប្រព័ន្ធមន្ត្រីរាជការដើរតួនាទីយ៉ាងសំខាន់ ដោយបង្កើតពិធីការមួយ ដែលស្រដៀងនឹងពិធីការនៃរាជរាំង ខ្នាតតូចនៅក្នុងភូមិឋាន។ មន្ត្រីរាជការ រួមជាមួយស្តេច និង​ស្តេចក្រាញ់ និងបង្កើតពិធីបុណ្យមួយ ដោយធានានូវភាពឧឡារិក។ រូបថត៖ កុងដាត/ VNP

ពិធីបុណ្យន បូជនីយដ្ឋានសាយ (Sai) ត្រូវបាន​​ប្រារព្ធ​ឡើង ដោយបំណងប្រាថ្នាសម្រាប់ឆ្នាំថ្មីដ៏រុងរឿង ភព្វសំណាង និងសុភមង្គល។ ក្នុងនាមជាសកម្មភាពសាសនានៅដើមនិទាឃរដូវ ពិធីបុណ្យនេះគឺដូចជា "សារមន្ទីររស់" ដែលឆ្លុះបញ្ចាំងពីជីវិតវប្បធម៌ និងស្មារតីដ៏សម្បូរបែបរបស់ប្រជាជន។ រូបថត៖ កុងដាត​/ VNP

ការរៀបចំទាំងនេះ បានជួយឱ្យពិធីបុណ្យនេះ ត្រូវបានថែរក្សា និងបន្តពីជំនាន់មួយទៅជំនាន់មួយ ដែលបង្កើតជីវិតរឹងមាំនៃបេតិកភណ្ឌវប្បធម៌ក្នុងជីវិតបច្ចុប្បន្ន​៕

អត្ថបទ និងរូបថត៖ កុងដាត/ VNP