ធានាសិទ្ធិនារីនៅតំបន់ខ្ពង់រាប
សមិទ្ធផលលេចធ្លោ
វៀតណាមបានកសាងក្របខណ្ឌច្បាប់ជាតិ អំពីសមភាពយ៉ែនឌ័រ និងសិទ្ធិសម្រាប់នារីភេទជឿនលឿនបង្គួរ រួមមានគោលនយោបាយជំរុញសមភាពយ៉ែនឌ័រនៅតំបន់ជនជាតិភាគតិច។ ច្បាប់សមភាពយ៉ែនឌ័រ (ឆ្នាំ២០០៦) និងគោលនយោបាយពិសេសមួយចំនួន សម្រាប់តំបន់ជនជាតិភាគតិចដូចជា៖ គម្រោងកាត់បន្ថយការរៀបការមុនវ័យកំណត់ និងរៀបការដោយជាប់សាច់ញាតិ នៅតំបន់ជនជាតិភាគតិចដំណាក់កាល ២០១៥ - ២០២៥។ គម្រោងជំនួយសកម្មភាពសមភាពយ៉ែនឌ័រ នៅតំបន់ជនជាតិភាគតិច ដំណាក់កាល ២០១៨ - ២០២៥ និងគម្រោងអភិវឌ្ឍន៍សេដ្ឋកិច្ច - សង្គមទូទៅ នៅតំបន់ជនជាតិភាគតិច និងតំបន់ភ្នំ ដំណាក់កាល២០២១ - ២០៣០។ ថ្មីនេះ ថ្ងៃទី១៤ ខែតុលា ឆ្នាំ ២០២១ ឧបនាយករដ្ឋមន្រ្តី ផាម ប៊ិញមិញ (Pham Binh Minh) ក៏បានចុះហត្ថលេខាលើសេចក្តីសម្រេចចិត្តលេខ៖ ១៧១៩/QĐ-TTg អនុម័តកម្មវិធីគោលដៅជាតិ អភិវឌ្ឍន៍សេដ្ឋកិច្ច - សង្គម នៅតំបន់ជនជាតិភាគតិចនិងតំបន់ភ្នំដំណាក់កាល ២០២១ - ២០៣០ ដំណាក់កាលទី១ចាប់ពីឆ្នាំ២០២១ - ២០២៥។
វិភាគទិន្នន័យបែងចែងយ៉ែនឌ័រដំណាក់កាល ២០១៥ - ២០១៩ ក្នុងរបាយការណ៍ “ទិន្នន័យអំពីភេទស្រីនិងភេទប្រុស នៅបណ្តាជនជាតិវៀតណាម ដំណាក់កាល ២០១៥ - ២០១៩” និង “គោលនយោបាយសង្ខេប៖ បញ្ហាយ៉ែនឌ័រនៅតំបន់ជនជាតិភាគតិចវៀតណាម” ដឹកនាំដោយអង្គការសហប្រជាជាតិ អំពីសមភាពយ៉ែនឌ័រនិងប្រគល់សិទ្ធិនារី (UN Women) សហការជាមួយនឹងក្រសួងពលកម្ម យុទ្ធជនពិការនិងសង្គម គណៈកម្មការជនជាតិភាគតិច និងស្ថានទូតIreland ប្រចាំនៅវៀតណាម ប្រកាសថ្មីៗនេះ ក៏បានបង្ហាញពីសមិទ្ធផលលេចធ្លោ អំពីសមភាពយ៉ែនឌ័រ នៅតំបន់ជនជាតិភាគតិចនិងតំបន់ភ្នំ នៅវៀតណាម។
អាចរៀបរាប់ដូចជា៖ អត្រារៀបការមុនវ័យកំណត់របស់ជនជាតិភាគិតិច បានកាត់បន្ថយចុះ៤,៧% អត្រាគ្រួសារជនជាតិភាគតិច មានតភ្ជាប់អ៊ីនធើណែត (wifi ខ្សែកាប់ ឬ3G) កើនឡើង៩,៤ដង ចាប់ពី៦,៥%នៅឆ្នាំ២០១៥ ឡើងដល់៦១,៣%នៅឆ្នាំ២០១៩។ ប្រាក់ចំណូលមធ្យមម្នាក់ក្នុងមួយខែ របស់ជនជាតិភាគតិចនៅឆ្នាំ២០១៨ កើនខ្លាំងឡើងដល់១,៨ដង បើប្រៀបនឹងឆ្នាំ២០១៤ ហើយប្រាក់ចំណូលមធ្យមរៀងរាល់ខែ នៃគ្រួសារជនជាតិភាគតិច ដែលមានមេគ្រួសារ ជានារីខ្ពស់ជាង បើប្រៀបនឹងមេគ្រួសារជាប្រុស។
អត្រាចូលសាលាត្រូវនឹងអាយុនៅតំបន់ជនជាតិភាគតិច កើនឡើង១៥,២% ក្នុងដំណាក់កាល ២០១៥ - ២០១៩ អត្រាជនជាតិភាគតិច ចូលរួមធានារ៉ាបរងសុខភាពសម្រេច៩៣,៥% ក្នុងនោះគ្មានការបែងចែងភេទប្រុសនិងភេទស្រី។
នារីជនជាតិភាគតិចអភិវឌ្ឍន៍សេដ្ឋកិច្ច
ក្នុងប៉ុន្មានឆ្នាំថ្មីៗនេះ ខ្លឹមសារពាក់ព័ន្ធដល់ការពង្រីកតួនាទី របស់នារីជនជាតិភាគតិច បានថ្នាក់ដឹកនាំបក្ស រដ្ឋអំណាចមូលដ្ឋាន ក្រសួង និងផ្នែកមជ្ឈិមយកចិត្តទុកដាក់ពិសេស។ ប្រការនេះ បានបង្ហាញដោយកម្មវិធី គម្រោងយកចិត្តទុកដាក់និងការថែទាំសម្រាប់ក្រុមពលករនារី។
តាមនោះនៅមូលដ្ឋានជាច្រើន ថ្នាក់ដឹកនាំរដ្ឋអំណាចបានយកចិត្តទុកដាក់ បង្កលក្ខណៈសម្រាប់នារីជនជាតិភាគតិច ចូលរួមទីផ្សារពលកម្ម ក្នុងនោះយកចិត្តទុកដាក់លើកកម្ពស់បំណិន សមត្ថភាព ជូនពលករនារី តាមរយៈកម្មវិធីបណ្តុះបណ្តាល បង្រៀនមុខរបរ។ សព្វថ្ងៃ កងកម្លាំងនារីជនជាតិភាគតិច ចូលរួមទីផ្សារពលកម្ម បំផុតគឺវិស័យដែលទាមទារបំណិន ថ្វីដៃខ្ពស់ មួយថ្ងៃកាន់តែច្រើនឡើងផងដែរ។
សព្វថ្ងៃ នារីជនជាតិភាគតិច មិនត្រឹមតែឆ្លងកាត់បានឧបសគ្គសង្គម សន្សឹមលេចបង្ហាញសិទ្ធិសមភាព នៅក្នុងជីវភាពរស់នៅ ថែមទាំងចូលរួមសកម្មភាពជាច្រើន នៅតាមវិស័យក្នុងសង្គម។ ជាក់ស្តែង នៅវិស័យអប់រំ - បណ្តុះបណ្តាល សិស្សជនជាតិ ចូលរួមសិក្សាមួយថ្ងៃកាន់តែច្រើនឡើង អត្រាសិស្សភេទប្រុស ភេទស្រី គ្មានការលម្អៀនច្រើនដូចមុន។ នារីជនជាតិភាគតិច ទទួលបានការបណ្តុះបណ្តាលមុខរបរ ជំនួយពលកម្ម បងប្អូនជនជាតិភាគតិច សុទ្ធតែទទួលបានការធានារ៉ាបរងសុខភាព ថែទាំសុខភាព។ នៅវិស័យសេដ្ឋកិច្ច នយោបាយ តួនាទីរបស់នារី មួយថ្ងៃកាន់តែខ្ពស់ ដោយសារបងប្អូននារីសកម្មចូលរួមកសាងគោលការណ៍ គោលនយោបាយ ច្បាប់របស់បក្ស។ បង្កើនផលិតផលជូនសង្គម រកប្រាក់ចំណូលជូនគ្រួសារ។
វាយតម្លៃអំពីប្រសិទ្ធភាព ដោយការពង្រាយគម្រោង “ជំនួយសកម្មភាពសមភាពយ៉ែនឌ័រ នៅតំបន់ជនជាតិភាគតិច ដំណាក់កាល ២០១៨ - ២០២៥” លោកស្រី ហ្វាង ធីហាញ - (Hoang Thi Hanh) អនុរដ្ឋមន្រ្តី អនុប្រធានគណៈកម្មការជនជាតិរៀបរាប់ ការរៀបចំពង្រាយអនុវត្តគម្រោងការ បានលើកស្ទួយទីជំហររបស់នារីជនជាតិ ក្នុងវិស័យជីវភាពរស់នៅ សេដ្ឋកិច្ច - សង្គម៕
អត្ថបទ៖ កាសែតរូបភាពវៀតណាម
ប្រែសម្រួល៖ រីកើង