ជំហានផ្លាស់ប្តូរធំអំពីផ្នត់គំនិតទាក់ទាញ FDI

នាព្រឹកថ្ងៃទី ៣០ ខែមិថុនា ឆ្នាំ ២០២៦ នៅរដ្ឋធានីហាណូយ ការិយាល័យនយោបាយ បានរៀបចំសន្និបាតទូទាំងប្រទេស ដើម្បីស្រាវជ្រាវ ជ្រួតជ្រាប និងអនុវត្តសេចក្តីសម្រេចចិត្ត របស់ការិយាល័យនយោបាយស្តីពី ការអភិវឌ្ឍសេដ្ឋកិច្ចមានដើមទុនវិនិយោគពីបរទេស។ អគ្គលេខាបក្ស ប្រធានរដ្ឋ លោក តូ ឡឹម (To Lam)  បានអញ្ជើញចូលរួម និងថ្លែងសុន្ទរកថា ក្នុងសន្និបាត​នេះ។ រូបថត៖ VNA

នាព្រឹកថ្ងៃទី ៣០ ខែមិថុនា ឆ្នាំ ២០២៦ នៅរដ្ឋធានីហាណូយ ការិយាល័យនយោបាយ បានរៀបចំសន្និបាតទូទាំងប្រទេស ដើម្បីស្រាវជ្រាវ ជ្រួតជ្រាប និងអនុវត្តសេចក្តីសម្រេចចិត្ត របស់ការិយាល័យនយោបាយស្តីពី ការអភិវឌ្ឍសេដ្ឋកិច្ចមានដើមទុនវិនិយោគពីបរទេស។ អគ្គលេខាបក្ស ប្រធានរដ្ឋ លោក តូ ឡឹម (To Lam)  បានអញ្ជើញចូលរួម និងថ្លែងសុន្ទរកថា ក្នុងសន្និបាត​នេះ។ រូបថត៖ VNA

បន្ទាប់ពីអំឡុងពេល ៤០ឆ្នាំនៃការផ្លាស់ប្តូរថ្មី តំបន់សេដ្ឋកិច្ចមានដើមទុនវិនិយោគពីបរទេស (FDI) បានបញ្ជាក់យ៉ាងច្បាស់ពីទីតាំងរបស់ខ្លួនជាផ្នែកដ៏សំខាន់មួយ​ ក្នុង​ការបង្កើតរចនាសម្ព័ន្ធ​ខឿនសេដ្ឋកិច្ច​ជាតិ។ ទោះជាយ៉ាងណាក៏ដោយ សម្លឹងមើលទៅការពិត គុណភាព និងប្រសិទ្ធភាពនៃលំហូរដើមទុននេះ មិនទាន់សមស្របទៅនឹងសក្តានុពល ខណៈដែលគម្រោងជាច្រើននៅតែប្រើប្រាស់កម្លាំងពលកម្ម និងដីធ្លីជាច្រើន មានអត្រាធ្វើមូលដ្ឋានូបនីយកម្មទាប ទំនាក់ទំនងតំណភ្ជាប់ជាមួយសហគ្រាសក្នុងស្រុកមិន​សូវ​ជិតស្និទ្ធ។

កាលពីរសៀលថ្ងៃទី២៤ ខែមេសា ឆ្នាំ២០២៦ នៅមជ្ឈមណ្ឌលវប្បធម៌ គិញបាក់ (Kinh Bac) គណៈកម្មាធិការប្រជាជនខេត្ត បាក់និញ (Bac Ninh) សហការជាមួយសហព័ន្ធពាណិជ្ជកម្ម និងឧស្សាហកម្មវៀតណាម​ បានរៀបចំវេទិកា "តំណភ្ជាប់ FDI - FDI Connect 2026" ដោយមានប្រធានបទ "ឆ្ពោះទៅរកខ្សែសង្វាក់ផ្គត់ផ្គង់សកល ប្រកបដោយចីរភាព"។ រូបថត៖ ថាញ់ធឿង​/VNA

ចំពោះមុខបរិបទ ដែលប្រទេសជាតិកំពុងផ្តោតកម្លាំងលើការធ្វើបរិវត្តកម្មឌីជីថល បន្លាស់ប្តូរបៃតង និងបង្កើនសមត្ថភាព​ម្ចាស់ការយុទ្ធសាស្ត្រ សេចក្តីសម្រេចចិត្តលេខ 10-NQ/TW បានប្រកាស​ឲ្យ​ប្រើប្រាស់ ជាបដិវត្តន៍ស្ដីពីគំនិត នៅពេលកំណត់ការទាក់ទាញ និងអភិវឌ្ឍសេដ្ឋកិច្ចមានដើមទុនវិនិយោគពីបរទេស ត្រូវតែដាក់នៅក្នុងយុទ្ធសាស្ត្រអភិវឌ្ឍរួមរបស់ប្រទេសជាតិ ត្រូវផ្លាស់ប្ដូរយ៉ាងខ្លាំងក្លាពីផ្នត់គំនិត "ផ្តោតការទាក់ទាញដើមទុន" ទៅជា "អភិវឌ្ឍគ្រឹះស្ថានវិនិយោគយុទ្ធសាស្ត្រជាតិ" ពីការទាក់ទាញតាមដែនរដ្ឋបាល ទៅជាការអភិវឌ្ឍបណ្ដុំឧស្សាហកម្ម ខ្សែច្រវាក់តម្លៃ និងប្រព័ន្ធអេកូឡូស៊ី​ច្នៃប្រឌិត។ អ្វីដែលគួរឱ្យកត់សម្គាល់នោះគឺ លក្ខណៈវិនិច្ឆ័យនៃការជ្រើសរើសលំហូរដើមទុន FDI ក៏បានផ្លាស់ប្ដូរជាងមុន នោះនឹងផ្តោតលើលំហូរដើមទុន FDI ជំនាន់ថ្មី យកគុណភាព ប្រសិទ្ធភាព បរិមាណបច្ចេកវិទ្យា និងសមត្ថភាពតំណភ្ជាប់រវាងសហគ្រាសក្នុងស្រុកធ្វើជាបន្ទាត់រង្វាស់គោល។ 

បន្ទាប់ពីការរួមបញ្ចូលគ្នា ទីក្រុងហូជីមិញបានបង្កើតតំបន់ឧស្សាហកម្ម និងផលិតកម្មទ្រង់ទ្រាយធំ និងស្វាហាប់បំផុតនៅក្នុងប្រទេស ដោយទ្រង់ទ្រាយ ៦៦តំបន់ផលិតតកម្ម ឧស្សហកម្ម ​មាន​ផ្ទៃដីសរុបជាង ២៧.០០០ហិកតា។ រូបថត៖ VNA

សុន្ទរកថាចង្អុលបង្ហាញក្នុងសន្និបាតទូទាំងប្រទេសស្រាវជ្រាវ ជ្រួតជ្រាប និងអនុវត្តសេចក្តីសម្រេចលេខ 10-NQ/TW អគ្គលេខាបក្ស ប្រធានរដ្ឋ លោក តូឡឹម (To Lam) បានសង្កត់ធ្ងន់ថា ត្រូវការឯកភាពនៃការយល់ដឹង បន្លាស់ប្តូរខ្លាំង នូវផ្នត់គំនិតអំពីវិនិយោគពីបរទេស។ វិស័យ​សេដ្ឋកិច្ច​មាន​ដើមទុន​វិនិយោគពីបរទេសគឺជាផ្នែកសំខាន់មួយ នៃសេដ្ឋកិច្ចជាតិ រួមគ្នាសហប្រតិបត្តិការ ប្រកួតប្រជែងដោយយុត្តិធម៌ និងអភិវឌ្ឍជាមួយសេដ្ឋកិច្ចរដ្ឋ សេដ្ឋកិច្ចឯកជន និងសេដ្ឋកិច្ចសហប្រតិបត្តិការ​។ យើងត្រូវបង្កើតលក្ខខណ្ឌអំណោយផល ដើម្បីវិនិយោគិនមានសមត្ថភាព បច្ចេកវិទ្យា ទំនួលខុសត្រូវ និងប្តេជ្ញាចិត្តវិនិយោគយូរអង្វែង  ធ្វើអាជីវកម្មដោយជោគជ័យនៅក្នុងប្រទេសវៀតណាម។

ក្នុងពេលជាមួយគ្នានេះ យើងត្រូវតែជ្រើសរើសយ៉ាងហ្មត់ចត់ និងបដិសេធនូវគម្រោងបច្ចេកវិទ្យាហួសសម័យ ប្រើប្រាស់ថាមពលជាច្រើន ប្រើប្រាស់ដីធ្លីគ្មានប្រសិទ្ធភាព មានហានិភ័យបង្កការបំពុលបរិស្ថាន បន្លាស់ប្ដូរថ្លៃ គេចពន្ធ គេចពួនការស្វែងរកប្រភពដើម ឬបង្កហានិភ័យដល់ការការពារជាតិ សន្តិសុខ ទិន្នន័យ និងហេដ្ឋារចនាសម្ព័ន្ធសំខាន់ៗ។

ដោយមានប្រៀបខ្លាំងជាច្រើន វៀតណាមកំពុងមានឱកាស ដើម្បីចូលរួមយ៉ាងជ្រាលជ្រៅបន្ថែមទៀតទៅក្នុងខ្សែសង្វាក់តម្លៃបច្ចេកវិទ្យាសកល​។ នៅក្នុងឆ្នាំ ២០២៦ និងបណ្តាឆ្នាំបន្តបន្ទាប់ទៀត រដ្ឋាភិបាលវៀតណាម​នឹងខិតខំប្រឹងប្រែងរៀបចំលក្ខខណ្ឌល្អបំផុត ដើម្បីត្រៀមខ្លួនទទួលស្វាគមន៍វិនិយោគិននៅក្នុងវិស័យបច្ចេកវិទ្យាខ្ពស់។ រូបថត៖ VNA

ខេត្ត ថៃង្វៀន (Thai Nguyen) មានតំបន់ឧស្សាហកម្ម​ចំនួន ៥ ដែលមានដើមទុន FDI រួមមាន៖ តំបន់ឧស្សាហកម្ម ស៊ុងកុង (Song Cong) I; តំបន់ឧស្សាហកម្ម ស៊ុងកុង (Song Cong)  II; តំបន់ឧស្សាហកម្មអៀនប៊ិញ (Yen Binh); តំបន់ឧស្សាហកម្ម ដៀម​ធុយ (Diem Thuy) និងតំបន់ឧស្សាហកម្ម ណាម​ ផូអៀន (Nam Pho Yen)។ រូបថត៖ ត្រឹន​វៀត/ VNA

 

អាចអះអាងបានថា តាមរយៈការផ្លាស់ប្ដូរផ្នត់គំនិតថ្មី រួមជាមួយការប្តេជ្ញាចិត្ត នូវការការពារកម្មសិទ្ធិបញ្ញា ទ្រព្យសម្បត្តិរបស់វិនិយោគិន និងការបង្កើតបរិស្ថានប្រកួតប្រជែងប្រកបដោយយុត្តិធម៌ សេចក្តីសម្រេចចិត្តលេខ 10  បានបញ្ជូនសារដ៏ខ្លាំងក្លាស្តីពី យុទ្ធសាស្ត្រទាក់ទាញ FDIជំនាន់ថ្មី សំដៅបង្កើតកម្លាំងចលករ ដើម្បីនាំប្រទេសជាតិឈានចូលយុគសម័យថ្មី៕

អត្ថបទ៖ ថាញ់ហ្វ័រ - រូបថត៖ VNP VNA