DH Foods - នាំយកគ្រឿងទេសវៀតណាមចេញកាន់ទីផ្សារពិភពលោក
ប្រៀបខ្លាំងរបស់ Dh Foodsគឺក្រុមបុគ្គលិកអស់ពីចិត្តនឹងការងារ លះបង់ និងប្តេជ្ញា។ រូបថត៖ ថុងហាយ
DH Foods បានបង្កើតក្រោមគោលបំណងដំបូង គឺស្តារគ្រឿងទេសវ័យកុមារឡើងវិញ របស់អាណិកជនប្រទេសប៉ូឡូញ។ ប៉ុន្តែមកដល់សព្វថ្ងៃ ក្រោយ១០ឆ្នាំមានវត្តមាននៅលើទីផ្សារ DH Foods កំពុងធ្វើឱ្យសុបិនក្លាយជាការពិត ហើយឆ្ពោះទៅកាន់តែឆ្ងាយ ពីគោលបំណងនៃស្ថាបនិក នោះគឺគ្រឿងទេសនឹងមានវត្តមាន នៅតាមពេលបាយក្នុងគ្រួសារជនជាតិវៀតណាម និងពិភពលោក។
“ខ្ញុំសែនរលឹកម្ហូបអាហារនិងគ្រឿងទេសវៀតណាម។ ហេតុនេះ រាល់លើក ពេលទទួលបានអំណោយដូចជាកញ្ចប់គ្រឿងទេស ដបទឹកត្រី ត្រប់ព្រៃ។ល។ ពីមិត្តភក្តិ សាច់ញាតិ ខ្ញុំចាត់ទុកពួកវាដូចជាមាសប្រាក់អញ្ចឹង។ ក្រោយមក មានអ្នកនាំយកគ្រឿងទេសវៀតណាម មកលក់ទីនេះ ប៉ុន្តែត្រូវធ្វើដំណើររាប់រយគីឡូវម៉ែត្រ ទើបអាចទិញបាន។ ពេលផ្សារទំនើបកើតឡើង មានលក់គ្រឿងទេសទ្វីបអាស៊ី មានលក់តែគ្រឿងទេសជប៉ុន ថៃ រីឯគ្រឿងទេសវៀតណាមនៅមានលក់តិចតួចនៅឡើយ” លោកង្វៀន ត្រុងយុង (Nguyen Trung Dung) CEO ស្ថាបនិក DH Foods រំលែកមនោសញ្ចេតនាពិសេស ចំពោះគ្រឿងទេសវៀតណាម ពេលរស់នៅបរទេស។
ជាង៣០ឆ្នាំសិក្សានិងរស់នៅទ្វីបអ៊ឺរ៉ុប លោកយុង (Dung) យល់អំពីតម្លៃគ្រឿងទេសវៀតណាមនៅបរទេស មានតម្លៃដូចម្តេច។ នោះក៏ជាអំឡុងពេលវេលា ដែលលោកប៉ងប្រាថ្នាថ្ងៃណាមួយ គ្រឿងទេសវៀតណាម ធម្មជាតិ ស្អាត ងាយស្រួល នឹងមានវត្តមាននៅលើពិភពលោក ធ្វើឱ្យពេលបាយកាន់តែមានរសជាតិឆ្ងាយ។
នៅឆ្នាំ២០១០ លោកយុង (Dung) ត្រឡប់មកកាន់ប្រទេសវៀតណាមវិញ។ ទន្ទឹមនឹងក្តីសប្បាយចិត្ត ពេលបានឃើញវៀតណាម ផ្លាស់ប្តូរ ទំនើប ស៊ីវិល័យ។ល។ លោកយុង (Dung) បែរជាមានការសោកស្តាយជាខ្លាំង នៅភូមិកំណើតខ្លួន ពេលឃើញផលិតផលគ្រឿងទេសវ័យកុមាររបស់លោក បានប្រែប្រួលអស់រលីង។ ផលិតផលគ្រឿងទេស “ទំនើប” បច្ចុប្បន្នបានបាត់បង់រសជាតិសាមញ្ញ ធម្មជាតិ ជំនួសទៅដោយផលិតផលពណ៌ឧស្សាហកម្ម សារជាតិរក្សាទុកសិប្បនិមិត្ត មានទាំងគ្រឿងក្រអូបផងដែរ។
លោកយុង (Dung) ធ្លាប់ជាមនុស្សម្នាក់ក្នុងចំណោមអាណិកជនវៀតណាម ធុរកិច្ចថ្មីខាងវិស័យទំនិញមីកញ្ចប់ នៅប្រទេសប៉ូឡូញ។ ក៏ប៉ុន្តែ ដោយសារមូលហេតុជាច្រើន មានការធ្វេសប្រហែល សត្យានុម័ត ភព្វសំណាងក៏បានញញឹមដាក់លោក។ ហេតុនេះ នៅឆ្នាំ២០១០ លោកត្រឡប់មកប្រទេសវៀតណាមវិញ បន្ទាប់ពីច្រើនឆ្នាំធ្វើជាម្ចាស់ លោកយុង (Dung) សង្កត់ចិត្តយល់ព្រមទទួលយកការងារគ្រប់គ្រងនៅតាមក្រុមហ៊ុន ដោយគោលបំណងចង់បានជីវភាពលំនឹងសុខសាន ដូចជាមនុស្សដទៃ ដែលមានអាយុជាងពាក់កណ្តាលជីវិត។
ក៏ប៉ុន្តែ “ដើមចង់ស្ងប់ តែវាយោនៅតែបក់” ក្នុងលើកធ្វើដំណើរទៅបំពេញការងារចាប់ពីភាគខាងជើងរហូតដល់ភាគខាងត្បូងវៀតណាម លោកយុង (Dung) ឃើញថា តំបន់ណាក៏មានគ្រឿងទេសពិសេសនៃតំបន់ទាំងនោះ អូសបន្លាយរាប់រយគីឡូម៉ែត្រ តាំងពីខេត្តហាយ៉ាង (Ha Giang) រហូតចុះមកដល់ខេត្តកាម៉ៅ (Ca Mau)។ ប៉ុន្តែគ្រឿងទេសទាំងនេះ មិនទាន់បានលក់ទូលំទូលាយនៅឡើយ មានលក់នៅតាមអាជីវកម្មតូចតាច់ប៉ុណ្ណោះ។ មនុស្សតែពោលថា មនោសញ្ចេតនាពិតជាមិនងាយសាបរលាបទៅ។ មនោសញ្ចេតនាជាមួយនឹង"គ្រឿងទេសវ័យកុមា” ជាមួលហេតុជំរុញលោក បន្ទាប់ពីឆ្លងកាត់ស្ថានភាពត្រដាប់ត្រដួស ម្តងទៀតលោកយុង (Dung) ប្តេជ្ញាចិត្តធុរកិច្ចថ្មីជាមួយ Dh Foods ដោយទាំងខ្លួនមានអាយុ៥០ឆ្នាំទៅហើយ។
នៅឆ្នាំ២០១២ DH Foods បានបង្កើតឡើង។ ការពិបាកធំបំផុត របស់ DH Foods នៅពេលនេះ គឺធ្វើដូចម្តេចបង្កើតបានទម្លាប់មួយ ប្រើប្រាស់ផលិតផលគ្រឿងទេសធម្មជាតិ នៅពេលភាគច្រើនអ្នកប្រើប្រាស់វៀតណាម បានធ្លាប់ប្រើគ្រឿងទេស “ឧស្សាហកម្ម” ទៅហើយ។
ដូចតាមសម្តីដែលលោកយុង (Dung) បានរៀបរាប់អំពី មេរៀនបទពិសោធន៍ជាមួយនឹងយុវវ័យ ត្រូវតម្រង់ទិសដៅកំណត់គុណភាពផលិតផលតាំងពីដំបូង។ ដូចជា Dh Foods បានធ្វើដំណើរតាមផ្លូវមិនប្រើប្រាស់សារជាតិរក្សាសិប្បនិមិត្ត មិនប្រើប្រាស់សារជាតិពណ៌ឧស្សាហកម្ម ឬគ្រឿងក្រអូបដទៃទៀត។ ការងារនេះជួបការលំបាកជាច្រើន ក្នុងការច្នៃផលិតផលស្អាត ដែលខ្លួនពេញចិត្ត និងបំផុសការច្នៃប្រឌិត។ល។ ប្រការនេះ ចំពោះអ្នកធុរកិច្ចថ្មី ជាមួយនឹងផលិតផលដែលខ្លួនមិនពេញចិត្ត គួរគប្បីជ្រើសសាឡើងវិញ ឬបោះបង់ចោល។ ពីព្រោះផ្លូវនៅខាងមុខមានបង្កប់ឧបសគ្គជាច្រើន មានតែការជឿជាក់លើផលិតផលរបស់ខ្លួន ឬផ្លូវដែលខ្លួនជ្រើសថ្មី ជួយឱ្យខ្លួនមានទំនុកចិត្តឆ្លងកាត់នូវឧបសគ្គទាំងនេះ។
ជំនឿនិងមនោសញ្ចេតនាខ្លាំងក្លា មកលើប្រភេទផលិតផលដែលខ្លួនបានជ្រើសរើស Dh Foods បានឆ្លងផុតឧបសគ្គ បញ្ហាប្រឈម “ធ្វើថ្មីលើផលិតផលចាស់” ដើម្បីជាជំហនៅលើទីផ្សារ។
ផលិតផល Dh Foods មានវត្តមាននៅតាមផ្សារទំនើបវៀតណាម និងនាំចេញទៅកាន់ទីផ្សារជប៉ុន កូរេខាងត្បូង ហូឡង់ អូស្រ្តាលី អាមេរិក អង់គ្លេស អាល្លីម៉ង់ រុស្ស៊ី។ល។ ជាពិសេសទីផ្សារជប៉ុននិងហូឡង់ មានកំណើនពី៣០ - ៥០% ជារៀងរាល់ឆ្នាំ។ នាថ្ងៃទី២២ ខែកុម្ភៈ ឆ្នាំ២០២២ Dh Foods បានចុះកិច្ចសន្យាជាមួយនឹងក្រុមហ៊ុន Heritage Beverage ជាក្រុមហ៊ុនឯកទេសនាំចេញ និងចែកចាយផលិតផលគុណភាពខ្ពស់វៀតណាម ប្រចាំនៅអាមេរិក។
រៀបរាប់អំពីគោលបំណងរបស់ Dh Foods CEO ង្វៀន ត្រុងយុង (Nguyen Trung Dung) ឱ្យដឹងថា៖ “ដងផ្លូវឆ្ពោះទៅកាន់សមុទ្រធំ តែងតែបង្កប់បញ្ហាឧបសគ្គជាច្រើន រួមទាំងក្តីសប្បាយផងដែរ។ ចំពោះអ្នកនេសាទ ពេលចេញទៅកាន់លំហសមុទ្រ ប្រមូលផលត្រីបានច្រើន ជាសុភមង្គលមួយបែប ចំពោះ Dh Foods ពេលឧទ្ទេសនាមតម្លៃវៀតណាមទៅកាន់ពិភពលោក គឺជាមោទនភាពមួយដែរ “Philip Kotler – ជាអ្នកបង្កើតទ្រឹស្តីកិច្ចការទីផ្សារទំនើប បានលើកស្ទុយ៖ “វៀតណាមចូរជាផ្ទះបាយនៃពិភពលោក”។ Dh Foods ចង់ក្លាយជាគ្រឿងទេសនៅជ្រុងមួយនៃចង្រ្កាននោះ។ យើងខ្ញុំ Dh Foods បានត្រៀមសម្រាប់បើកបរចេញសមុទ្រ”៕