សិល្បការិនី Constança Arouca សិក្សាស្រាវជ្រាវអំពីរូបភាពពិធីតបគុណនៅវៀតណាម

លោកស្រី Constança Arouca ជាសិល្បការិនី ជាអ្នកសិក្សាស្រាវជ្រាវជនជាតិព័រទុយហ្គាល់ម្នាក់ កំពុងដំណើរការគម្រោង “សិក្សាស្រាវជ្រាវអំពីរូបភាពពិធីតបគុណ នៅប្រទេសវៀតណាមតាមរយៈគំនូរ”។ គំនូររបស់សិល្បការិនី បាននិងកំពុងបន្តគូរឆ្លុះបញ្ចាំងគំហើញថ្មីមួយ អំពីជីវភាពរស់នៅជនជាតិវៀតណាម ចំពោះការបូជា ពិធីតបគុណដល់បុព្វការីជនរបស់ខ្លួន។ល។

សិល្បការិនី អ្នកសិក្សាស្រាវជ្រាវជនជាតិព័រទុយហ្គាល់ លោកស្រី Constança Arouca កំពុងដំណើរការគម្រោង “សិក្សាស្រាវជ្រាវអំពីរូបភាពតបគុណ នៅវៀតណាមតាមរយៈគំនូរ”។

មុនពេលធ្វើដំណើរមកដល់ប្រទេសវៀតណាម លោកស្រី Constança Arouca ធ្លាប់បានសិក្សាស្រាវជ្រាវ អំពីវប្បធម៌វៀតណាម តាមរយៈឯកសារនៅតាមសារមន្ទីរ Orient, Lisbon ព័រទុយហ្គាល់។ ចាប់ពីឆ្នាំ២០១៧ លោកស្រី ក៏មានគម្រោងស្រាវជ្រាវអំពីគំនូរ និងបដា នៅវៀតណាម។

ដើម្បីអនុវត្តគម្រោងសិក្សាស្រាវជ្រាវ អំពីរូបភាពតបគុណនៅវៀតណាម តាមរយៈការគូរជាសមូហភាព (២០២១ - ២០២៥) លោកស្រី Constança Arouca បានសហការនឹង NOVA FCSH - សកលវិទ្យាល័យ NOVA Lisbon - សកលវិទ្យាល័យមនុស្សសាស្រ្ត (Lisbon ព័រទុយហ្គាល់) និង CRIA - មជ្ឈមណ្ឌលស្រាវជ្រាវមនុស្សសាស្រ្ត (Lisbon ព័រទុយហ្គាល់) ។ VICAS - វិទ្យាស្ថានស្រាវជ្រាវវប្បធម៌សិល្បៈជាតិវៀតណាម ជាដៃគូនៃគម្រោងនេះ។ ស្នាដៃស្រាវជ្រាវអំពីរូបភាពពិធីតបគុណនៅវៀតណាម តាមរយៈការគូរជាសមូហភាពឧបត្ថម្ភដោយ FCT - មូលនិធីវិទ្យាសាស្រ្តនិងបច្ចេកវិទ្យាព័រទុយហ្គាល់។

ជាមួយតួនាទីជាសិល្បការិនី វិចិត្រករម្នាក់ លោកស្រី Constança Arouca ជាមួយនឹងគម្រោងរបស់ខ្លួន បានចូលរួមបើកទូលាយទំនាក់ទំនងរួមប្រាស្រ័យវប្បធម៌ រវាងប្រទេសវៀតណាម និង ព័រទុយហ្គាល់។ តាមរយៈវិចិត្រសិល្បៈ លក្ខណៈសម្រស់ប្រពៃណី នៃពិធីតបគុណនៅវៀតណាម បានធ្វើត្រាបតាមលក្ខណៈសម្បត្តិពិតបំផុត ជួយឱ្យមិត្តភក្តិអន្តរជាតិឈ្វេងយល់អំពីវប្បធម៌វៀតណាម ដោយរបៀបមួយដែលងាយយល់បំផុត។

នៅឆ្នាំ២០១៩ លោកស្រី Constança Arouca ធ្វើដំណើរមកកាន់ប្រទេសវៀតណាម ដើម្បីស្វែងយល់ និងស្វែងរកទិន្នន័យស្រាវជ្រាវសម្រាប់គម្រោង។ ដំណើរចុះទៅកម្មសិក្សាជាក់ស្តែងដំបូងនៅវៀតណាម បាននាំមកជូនលោកស្រីនូវចំណាប់អាម្មណ៍បំផុសគំនិតជាច្រើន។ លោកស្រីទៅទស្សនា វ៉ាន់មេវ - ក្វឹកទឺយ៉ាម (Van Mieu – Quoc Tu Giam) មើលគំនូរនៅសារមន្ទីរវិចិត្រសិល្បៈវៀតណាម ស្វែងយល់អំពីវប្បធម៌វៀតណាមនៅសារមន្ទីរជនជាតិ រួចហើយលោកស្រីធ្វើដំណើរទៅកាន់ខេត្តបាក់និញ (Bac Ninh) ក្រុងហ្វេ ជំនួបប្រជាជន ចូលកៀកនឹងពិធីតបគុណ ទំនៀមទម្លាប់ប្រចាំថ្ងៃរបស់អ្នកស្រុក។ លោកស្រីកត់ត្រាទុក ដើម្បីតាមរយៈនោះបង្កើតបានជាគំនិតគូរគំនូរ។ សិល្បការិនី Constança Arouca ឱ្យដឹងថា៖ ប្រជាជនវៀតណាមមានប្រពៃណីកតញ្ញូ ផឹកទឹកនឹកប្រភព រលឹកដល់បុព្វការីជនរបស់ខ្លួន តាមរយៈពិធីបូជា និងដុតប្រាក់ខ្មោច។ លោកស្រីបានទៅដល់ខេត្តបាក់និញ (Bac Ninh) និងក្រុងហ្វេ ជាមូលដ្ឋានពីរដែលផលិតគ្រឿងបូជាច្រើនបំផុត តាមរយៈនោះលោកស្រីស្វែងយល់បានអំពីពិធី របៀបផលិតកម្មរបស់អ្នកស្រុក មើលពួកគាត់ចរាចារណ៍ទំនិញចេញទៅទីផ្សារដោយរបៀបណា។

ក្នុងអំឡុងពេល៦ខែ សិក្សាស្វែងយល់នៅប្រទេសវៀតណាម លោកស្រីបានគូរពង្រាយរូបគំនូរនៅលើសៀវភៅបង្កាន់ដៃរបស់ខ្លួន ទិន្នានុលេខបដា លោកស្រីបានសំណេះសំណាលជាមួយនឹងអ្នកស្រុក ផ្តើមពីនោះបានធ្វើឱ្យលេចធ្លោរូបភាព អំពីពិធីតបគុណក្នុងជីវភាពរស់នៅរបស់ប្រជាជនវៀតណាម។ ក្នុងអំឡុងពេលរស់នៅទីក្រុងហាណូយ លោកស្រី Constança Arouca សហការជាមួយនឹង Heritage Space រៀបចំធ្វើសិក្ខាសាលា ណែនាំយុវវ័យគូរអំពីជីវភាពរស់នៅនៃអ្នកក្រុងហាណូយ។ យកបរិបទផ្សារហោម (Hom) លោកស្រី Constança Arouca និងមិត្តភក្តិហាណូយ រួមធ្វើដំណើរមកដល់ទីនេះ សង្កេតមើលសង្វាក់រស់នៅ រួមបញ្ចេញគំនិត ធ្វើសម្រេចស្នាដៃ។ នេះក៏ជារបៀបមួយ សម្រាប់សិល្បការិនី Constança Arouca ផ្សារភ្ជាប់ស្និទ្ធស្នាលជាមួយនឹងប្រជាជនវៀតណាម។ សង្ឃឹមថាដល់ឆ្នាំ២០២៥ លោកស្រី Constança Arouca នឹងសម្រេចគម្រោងនេះ។ ស្នាដៃស្រាវជ្រាវរបស់លោកស្រី គឺជាអំណោយផ្តល់ជូនសហគមន៍វៀតណាម និងឧទ្ទេសនាមដល់មិត្តភក្តិអន្តរជាតិនូវលក្ខណៈសម្រស់វប្បធម៌វៀតណាម តាមរយៈរូបភាពនៃពិធីតបគុណ៕

សិល្បការិនី Constança Arouca កើតឆ្នាំ១៩៧៦ ជាអនុបណ្ឌិតនរវិទ្យា ចក្ខុវប្បធម៌។ ចាប់ពីឆ្នាំ២០១៧ - ២០២០ លោកស្រីបានធ្វើសម្រេចគម្រោងស្រាវជ្រាវអំពីគំនូរ និងបដានៅវៀតណាម។ នៅឆ្នាំ២០២២ សិល្បការិនី Constança Arouca បានចូលរួមវគ្គសិក្សាភាសាវៀតណាមកម្រិត១ - វគ្គរៀនភាសានៅ SOAS (សកលវិទ្យាល័យស្រាវជ្រាវអាហ្វ្រិក និងលោកខាងកើត - សកលវិទ្យាល័យឡុងដ៍)។

អត្ថបទ៖ ប៊ិចវឹន រូបថត៖ ថាញយ៉ាង ឯកសារ

ប្រែសម្រួល៖ រីកើង