បច្ចុប្បន្នសារមន្ទីរ​​ ជា​ទីកន្លែង​តាំងវត្ថុតាង​កម្រ​ង មានចំនួនជាង​៣.០០០គ្រឿង ​ពាក់ព័ន្ធ​ដល់​វេជ្ជសាស្រ្ត​​បុរាណ​វៀតណាម​ តាំង​ពី​​សម័យកាល​​យុគថ្ម រហូតដល់​សព្វថ្ងៃ​​ដូចជា​៖ កាំបិត​កោងហាន់ថ្នាំ​​ ត្បាល​កិន​ថ្នាំចិនសែ​​ ដែល​មានអាយុ​ប្រហែល​២.៥០០ឆ្នាំ​ ក្នុងនោះ​​មាន​កាំបិត​កោងហាន់ថ្នាំ ​បាន​យក​មកពី​ស្រុកកំណើត​​ព្រះសង្ឃ​ត្វែទិញ (Tue Tinh) និង គ្រួថ្នាំ​ល្បី ​ហាយ​ថឿង​ឡាន​អ៊ុង​ (Hai Thuong Lan Ong - ឡេ ​ហូវ​ត្រាក់​ (Le Huu Trac)។​

កម្រង​ប្រមូលផ្តុំ​ជញ្ជីង​ និង​ឧបករណ៍​បុកថ្នាំ​ពិសេស ​រួម​មានវត្ថុតាង​ដូចជា៖ ​អង្រែ​ ជញ្ជីង​ ជញ្ជីង​បារាំង​ កាំបិត​​ហាន់​ថ្នាំ បន្ទះ​ឈើ ឈើពុម្ព​វិកាយបត្រ​ និង​ ​បទបញ្ជា​ពេទ្យ​។ អង្រែ ត្បាល​ថ្មរបស់​ជនជាតិ​វៀតណាម​បុរាណ​ ប្រើសម្រាប់​ផ្សំថ្នាំ​។​

អង្រែ​ ត្បាល​ស្ពាន់ តែ​ងបាន​ប្រើប្រាស់នៅ​​តាម​ឱសថគារ​ ឬ​រោង​ផ្សំថ្នាំ​​ពីសម័យ​អាណានិគម​បារាំង​ រួមនឹង​​ជញ្ជីង​តូច​ សម្រាប់​ប្រើប្រាស់​ថ្លឹង​ថ្នាំ​កម្រ​ បាន​​ពាណិជ្ជករ​បរទេស​​យក​ចូល​មកវៀតណាម​ តាំង​ពី​សតវត្សរ៍​ទី​១៦ ដល់សតវត្សរ៍​​ទី​១៧។ សម្បូរ​បំផុត​ ត្រូវ​ពណ៌នា​ដល់​កម្រង​ប៉ាន់តែ កំសេវ​ថ្នាំ​ បាន​ប្រមូល​យកពី​​មួលដ្ឋាន​ជាច្រើន​ដូចជា​៖ ហាដុង​ (Ha Dong) (ក្រុងហាណូយ) ហូយ​អាន​ (ខេត្តក្វាងណាម - Quang Nam) ឡាយ​ធេវ​ (Lai Thieu) ​(ខេត្ត​ប៊ិញយឿង - Binh Duong)។ល។

ស្ថិត​នៅ​កណ្តាលផ្ទះ​ គឺអាសនៈ​បូជាគ្រូដើម​ ខាងវិស័យ​វេជ្ជសាស្រ្ត​ ត្វេទិញ​ (Tue Tinh) និង ហាយ​ធឿង​ឡាន​អ៊ុង​ (Hai Thuong Lan Ong) ​សងខាង​​ព្យួរ​ផ្ទាំង​គំនូរ​ កំណាព្យ​ឆ្លងឆ្លើយ​​ចារលើ​បន្ទះឈើ​ទឹបមាស​ ដូចជា​​អាសនៈបូជា​នៃ​​គ្រួសារអ្នក​​​មាន​​ស្តុកស្តម្ភ​នា​អតីតកាល​​។ ខាង​ស្តាំ​ដៃ​ គឺជា​​បន្ទប់​គ្រួពេទ្យ​​វៀតណាម​ តាំង​​ផ្ទាំងគំនូរ​ពណ៌មាស​ នៃ​​គ្រូពេទ្យ​ល្បីទាំង​​១៥រូប​ និង អ្នកនិពន្ធ​វេជ្ជសាស្រ្ត​បុរាណវៀតណាម តាំង​​ពី​សម័យ​សតវត្សរ៍​ទី​១៣ ដល់សតវត្សរ៍​ទី១៩។ ជណ្តើរ​​ធ្វើ​ដោយ​​ឈើខ្មៅ​។ សសរ ផ្ទោង​បង្កាន់ដៃ​ជណ្តើរ ​សុទ្ធតែ​បាន​ឆ្លាក់​​ល្អ​ប្រណីត​ ជណ្តើរ​យន្ត​​ក៏បាន​ក្រាលដោយ​​ឈើ​ ឆ្លាក់​ក្បាច់យ៉ាង​​ប្រណីត​ ទាំងនេះ​បាន​ជាង​​​សាងសង់​ក្នុងអំឡុងពេល​៣ឆ្នាំ​។ នៅ​ជាន់នីមួយៗ នៃសារមន្ទីរ​សុទ្ធ​តែ​មាន​បរិយាកាស​មួយ ​សម្រាប់ជា​រុក្ខជាតិ​ផ្តល់​ម្លប់​ រុក្ខជាតិ​ឱសថ​មួយ​ចំនួន​ បានតុបតែង​តាម​របៀប​របបប្រពៃណីដោយ​ឡែក​។​

មកជាមួយ​​សារមន្ទីរ​ ភ្ញៀវទេសចរ​នៅ​បាន​គយគន់​ស្នាដៃ​ “គ្រូពេទ្យ​​វៀតណាម​ល្បីៗ​មួយ​រយ”​ បាន​ឆ្លាក់ដោយ​ឈើ​ កត់ត្រា​ឈ្មោះ​គ្រួពេទ្យ​ល្បី​ និង ​អ្នកមានគុណបំណាច​​ជាមួយ​ខឿន​​វេជ្ជសាស្រ្ត​បុរាណ​​វៀតណាម​ ចាប់ពី​សតវត្សរ៍​ទី​១២ រហូតដល់​សតវត្សរ៍​ទី​២០។ ពិសេស​​បំផុត​ គឺ​ផ្ទាំង​គំនូរ​ដាំ​ខ្យង​ ពណ៌នា​​អំពី​វេជ្ជសាស្រ្ត​វៀតណាម​ នៅ​ក្នុង​ជីវភាព​រស់នៅ​សហគមន៍​ជនជាតិវៀត​ណាម​ ជាមួយ​ផ្លូវ​​ថ្នាំចិនសែ  ផ្សារ​បេនថាញ​ (Ben Thanh) រាជវាំង​ក្រុងហ្វេ​ និង​បឹង​ហ្គឹម​ (Guom) ​បាន Guinness ​វៀតណាម​កំណត់​សម្គាល់​ ។ល។ ម្ចាស់​សារមន្ទីរ​នេះ ក៏ខិតខំ​ប្រឹងប្រែង​​ប្រមូល​​រុក្ខជាតិ​ថ្នាំ​ សត្វ​ រ៉ែ​ ​ជា​ប្រព័ន្ធ​ធ្វើ​ជា​ឱសថ​​ត្រូវតាម​ក្បួន​ខ្នាត​។​

បន្ទាប់ពីរយៈពេល​ដើរទស្សនាមួយ​ជុំ​ អ្នក​អាច​ចូល​រួម​ផ្ទាល់​​ដំណើរការ​ផ្សំថ្នាំ​ដូចជា ​កាត់​ថ្នាំ បុកថ្នាំ​ ភ្លក់​រសជាតិ​ថ្នាំ​ និងសេវាកម្ម​ព្យាបាល​ជំងឺ​បែប​បុរាណនៃលោក​ខាងកើត​ ដែល​លក់​ថ្នាំ​​នៅទីនេះ​៕​

ភ្ញៀវទេសចរ​ពិសោធន៍​ដំណាក់កាល​ផ្សំ​ថ្នាំ​នៅ​ទីតាំង​ឱសថ​លោក​ខាងកើត។

 អត្ថបទ​ និង រូបថត៖ ង្វៀន​ឡឹន​/កាសែតរូបភាពវៀតណាម​

ប្រែសម្រួល៖ រីកើង