ស្តេចចុងភៅ Christine Ha - បេសកកម្មសិល្បៈវៀតណាម - អាមេរិក
ស្តេចចុងភៅសញ្ជាតិអាមេរិក ដើមកំណើតជនជាតិវៀតណាម Christine Haជាបេសកកម្មសិល្បៈ នៃក្រសួងការបរទេសអាមេរិកនៅវៀតណាម។ ដោយមានមនោសញ្ចេតនាមកលើសិល្បៈវៀតណាម Christine Haបាននាំយកមុខម្ហូបវៀតណាម ចេញទៅពិភពលោក។ បងស្រីជាអ្នកគំរូមួយរូប ក្នុងការខិតខំផ្សព្វផ្សាយរូបភាព វប្បធម៌វៀតណាម ទៅដល់មិត្តភក្តិអន្តរជាតិ។
ថ្មីៗនេះ Christine Ha បានស្ថានទូតអាមេរិកអញ្ជើញមកកាន់ប្រទេសវៀតណាមបំពេញបេសកកម្មសិល្បៈ។ ប៉ុន្មានថ្ងៃនៅវៀតណាម ទោះបីមិនបាននៅយូរក៏ដោយ Christine Ha បានបន្សល់ទុកចំណាប់អារម្មណ៍ល្អប្រពៃក្នុងចិត្តមុនស្សគ្រប់គ្នា។ រឿងរ៉ាវ ដំណើរ ដែលអ្នកនាងខិតខំឆ្លងកាត់ រហូតដល់ការអះអាងខ្លួនឯង ហើយក្លាយជាអ្នកផ្សព្វផ្សាយវប្បធម៌ម្ហូបអាហារវៀតណាម នៅលើពិភពលោក ជាប្រភពនៃការបំផុសអារម្មណ៍សម្រាប់មហាជនវៀតណាម។
ក្នុងកម្មវិធីបេសកកម្មសិល្បៈនៃស្តេចចុងភៅ Christine Ha ប្រចាំនៅវៀតណាម អ្នកនាងបានណែនាំក្មួយៗពិការភ្នែក ធ្វើនំព្រះចន្ទ ចាប់ពីរូបមន្តរហូតដល់ការផ្សំគ្រឿងវត្ថុធាតុដើមពីអាមេរិក និង វៀតណាមដូចជា ល្ពៅក្រហម ទេព្វិរូ ខ្ញី និងឈិល ក្នុងនំឱ្យមានរសជាតិស្វិត។ Christine Ha ក៏បំផុសអារម្មណ៍ និង លើកទឹកចិត្តក្មួយៗ ចុះចង្រ្កានទោះបីពិការភ្នែកក៏ដោយ។
ក្រៅពីម៉ោងណែនាំធ្វើនំ Christine Ha នៅចូលរួមពិភាក្សាក្រោមប្រធានបទ៖ “នារីធុរកិច្ចថ្មី៖ បញ្ហាប្រឈម និង ឱកាស នៅវៀតណាម និង អាមេរិក” និងចម្អិនអាហាររួមជាមួយនារីជនជាតិភាគតិច នៅស្រុកបានបឿត (Ban Buot) ខេត្តសើនឡា (Son La)។ រួមប្រាស្រ័យនឹងយុវជន ដែលមានស្ថានភាពលំបាក កំពុងតាមរៀនវិជ្ជាជីវៈនៅវិទ្យាស្ថាន REACH។ ធ្វើគណៈកម្មការមេប្រយោគ សម្រាប់ការប្រឡងចម្អិនអាហារច្នៃប្រតិដ្ឋ ជាមួយសាច់មាន់អាមេរិក នៅសកលវិទ្យាល័យ Hutech រៀបចំដោយសហសម្ពន្ធនាំចេញស៊ុត និង សត្វទ្វេបាទអាមេរិក។ល។ សកម្មភាព ដ៏សកកម្មនិងមិនដាច់ របស់ Christine Ha នៅទីណាដែលអ្នកនាងទៅដល់ តែងបានមហាជនវៀតណាម គាំទ្រ និង ស្រឡាញ់រាប់អាន។
Christine Ha កើតនិងធំឡើងនៅអាមេរិក ឪពុកម្តាយអ្នកនាងជាជនជាតិវៀតណាម។ វ័យកុមាររបស់អ្នកនាងផ្សារភ្ជាប់នឹងមុខម្ហូបវៀតណាម មានអ្នកម្តាយជាអ្នកចម្អិនជូន។ ទឹកចិត្តស្រឡាញ់ស្រុកកំណើតវៀតណាម កើតឡើងចំពោះអ្នកនាង តាមរយៈបេតិកភណ្ឌវប្បធម៌ ដែលអ្នកនាងធ្លាប់បានពិសោធន៍ស្វែងយល់។ ឆ្នាំដែលអ្នកនាងមានអាយុ១៤ឆ្នាំ អ្នកម្តាយគាត់បានស្លាប់ ហើយអ្នកនាងក៏ជួបប្រទះនឹងឧបសគ្គធំបំផុតក្នុងជីវិត ពោលគឺបាត់បង់ពន្លឺមិនអាចមើលឃើញ។ ដោយស្វ័យភាព Christine Ha បានបញ្ចប់ការសិក្សាផ្នែកគ្រប់គ្រងពាណិជ្ជកម្ម នៅសកលវិទ្យាល័យ Texas នៅ Austinm អ្នកនាងរៀនចប់អនុបណ្ឌិតវិចិត្រសិល្បៈតាមកម្មវិធីសរសេរច្នៃប្រតិដ្ឋ នៅសកលវិទ្យាល័យ Houston។ អ្នកនាងធ្លាប់បានធ្វើជាអ្នករៀបរៀងស្នូលម្នាក់ នៅទស្សនាវដ្តីអក្សរសិល្ប៍ Gulf Coast។ ការនិពន្ធ និង ទេពកោសល្យចម្អិនម្ហូប របស់ Christine Ha បូករួមជាមួយគ្នា បានជួយឱ្យអ្នកនាងមានប្រៀបក្នុងការចូលរួម “MasterChef” នៅអាមេរិក។ ឆ្លងកាត់មនុស្សចំនួន ៣០.០០០នាក់ Christine Ha ដណ្តើមបានរង្វាន់ជើងឯក។
ក្រោយពេលទទួលបានរង្វាន់ ទ្វារថ្មីវិជ្ជាជីវៈបានបើកចេញចំពោះ Christine Ha។ សៀវភៅបង្រៀនចម្អិនដំបូងរបស់អ្នកនាង "Recipes from My Home Kitchen" បានជាប់បញ្ជី ជាសៀវភៅដែលលក់ដាច់បំផុត តាមការជ្រើសរើសរបស់ New York Time។ ក្រោមការបទពិសោធន៍នៃជីវិត អ្នកនាងបានបកស្រាយការពារសិទ្ធិនៃជនពិការ នៅអង្គការសហប្រជាជាតិ ប្រកបដោយភាពជោគជ័យប្រសើរ ទទួលបានការរាប់អានពីសហគមន៍ជនជាតិវៀតណាមនៅអាមេរិក។
ទន្ទឹមនឹង បេសកកម្មម្ហូបអាហារសម្រាប់ស្ថានទូតអាមេរិកនៅបរទេស ពិធីករនៃកម្មវិធីចម្អិនអាហារ “Four Senses” នៅប្រទេសកាណាដា និង គណៈមេប្រយោគនៃកម្មវិធី "MasterChef" វៀតណាម Christine Ha បានចាប់ផ្តើមធុរកិច្ចថ្មីជាមួយនឹងទេពកោសល្យចម្អិនអាហារ។ នៅឆ្នាំ២០២០ Christine Ha បើកភោជនីយដ្ឋានដំបូង "The Blind Goat" នៅ Houston នៅខែកញ្ញា ឆ្នាំ២០២០ រួមនឹងចុងភៅ Tony Nguyen បើកភោជនីយដ្ឋានទី២ មានឈ្មោះ “Xin Chao - សួស្តី” ភោជនីយដ្ឋានទី៣ បើកនៅថ្ងៃទីមិថុនា ឆ្នាំ២០២៣។
ភោជនីយដ្ឋានទាំង៣សុទ្ធតែមានឈ្មោះល្បី ជាមួយនឹងមុខម្ហូបសមញ្ញដូចជា ត្រីខ សាច់ជ្រូកខជាមួយពងទារ។ល។ ជាពិសេស Christine Ha នៅប្រើប្រាស់ទឹកត្រីវៀតណាម ធ្វើជាគ្រឿងទេសសម្រាប់មុខម្ហូបស្ទើរទាំងអស់។ អ្នកនាងផ្សំគ្រឿងទេសវៀតណាមជាមួយនឹងមុខម្ហូបជាច្រើនរបស់ជនជាតិអាមេរិក ជនជាតិកាណាដា បង្កើតបានវប្បធម៌ម្ហូបអាហារក្នុងស្រុងនិងអន្តរជាតិដ៏សម្បូរបែប។
Christine Ha ចែករំលែក តាំងពីតូច Christine Ha មានអនុស្សាវរីយ៍ចំពោះមុខម្ហូបដែលអ្នកម្តាយចម្អិន។ Christine Ha ចម្អិនដោយបេះដូង ចូលរួមណែនាំបង្រៀនមុខម្ហូបវៀតណាម សម្រាប់មិត្តភក្តិអាមេរិក គ្រឿង គ្រឿងទេសវៀតណាម តែងតែជាប្រភពដើមនៃការច្នៃ ដោយភាពខុសប្លែកបានធ្វើឱ្យមានភាពជោគជ័យនៅលើមុខម្ហូបជាច្រើន។ ជាងនរណាទាំងអស់ Christine Ha ស្រឡាញ់ស្រុកកំណើតវៀតណាម អ្នកនាងបើកភោជនីយដ្ឋាន និង ចម្អិនមុខម្ហូបវៀតណាម ជាចំណែកមួយនៃ មនោសញ្ចេតនា ដែលអ្នកនាងផ្តល់ជូនអ្នកម្តាយដែលបានចែកឋានទៅ និងវៀតណាមជាទីកន្លែង ដែលម្តាយគាត់តែងរំពឹងនឹកដល់ប្រភពដើម៕