សារដ៏មានសារៈសំខាន់ ស្តីពីវៀតណាមមួយ ទំនុកចិត្ត សកម្ម និងទទួលខុសត្រូវ
ដំណើរបំពេញទស្សនកិច្ចរបស់លោកនាយករដ្ឋមន្រ្តី ផាម មិញជីញ (Pham Minh Chinh) នៅសហរដ្ឋអាមេរិក និងអញ្ជើញទៅចូលរួមសន្និសីទកំពូលពិសេស អបអរសាទរខួបអនុស្សាវរីយ៍លើកទី៤៥ ឆ្នាំនៃការបង្កើតទំនាក់ទំនងអាស៊ាន - អាមេរិក។ ដំណើរបំពេញទស្សនកិច្ចនិងធ្វើការនៅអាមេរិក និងអង្គការសហប្រជាជាតិ បានផ្សាយសារដំណឹងដ៏មានសារៈសំខាន់ ស្តីពីវៀតណាមួយ ទំនុកចិត្ត សកម្ម និងទទួលខុសត្រូវ។
ជំរុញថែមទៀតនូវទំនាក់ទំនង រវាងអាស៊ាននិងអាមេរិក
ទំនាក់ទំនងចរចារវាងអាស៊ាននិងអាមេរិកជាផ្លូវការ បង្កើតនៅឆ្នាំ១៩៧៧ ហើយឡើងជាដៃគូយុទ្ធសាស្រ្ត នៅសន្និសីទកំពូលអាស៊ាននិងអាមេរិក លើកទី៣ នាថ្ងៃទី២១ ខែវិច្ឆិកា ឆ្នាំ២០១៥។ អាមេរិកបង្កើតគណៈប្រតិភូតំណាងអចិន្រ្តៃយ៍ប្រចាំនៅអាស៊ាន នាខែមិថុនា ឆ្នាំ២០១០ ហើយបញ្ជូនឯកអគ្គរដ្ឋទូតទទួលបន្ទុកប្រចាំនៅអាស៊ាន នាខែមេសា ឆ្នាំ២០១១។
រសៀលថ្ងៃទី១៣ ខែឧសភា ឆ្នាំ២០២២ (ម៉ោងតំបន់) នៅ Washington D.C (អាមេរិក) លោកនាយករដ្ឋមន្រ្តី ផាម មិញជីញ (Pham Minh Chinh) ចូលរួមសន្និសីទកំពូលពិសេសអាស៊ាន - អាមេរិក។ រូបថត៖ យ៉ឿងយ៉ាង - ទីភ្នាក់ងារសារព័ត៌មានវៀតណាម
អាមេរិកចូលរួមយ៉ាងទៀងទាត់ ព្រមទាំងរួមចំណែកសកម្ម លើយន្តការ ក្របខណ្ឌសហប្រតិបត្តិការ ដឹកនាំដោយអាស៊ានដូចជា អាស៊ាន - អាមេរិក សន្និសីទកំពូលអាស៊ីអាគ្នេយ៍ (EAS) វេទិកាតំបន់អាស៊ាន (ARF) សន្និសីទរដ្ឋមន្រ្តីការពារជាតិអាស៊ានបើកទូលាយ (ADMM+)។ សន្យាគាំទ្រសាមគ្គីភាព ឯកភាព និងតួនាទីកណ្តាលរបស់អាស៊ាន។ អាមេរិកចូលរួមអនុសញ្ញាជិតស្និទ្ធនិងសហប្រតិបត្តិការអាស៊ីអាគ្នេយ៍ (TAC) នាខែកក្តដា ឆ្នាំ២០០៩។ ភាគីទាំងពីរបានជំរុញកិច្ចសហប្រតិបត្តិការយ៉ាងខ្លាំងក្លា ដើម្បីទប់ស្កាត់នូវបណ្តាបញ្ហាប្រឈម បញ្ហាសន្តិសុខ មិនប្រពៃណី ដូចជាសហប្រតិបត្តិការសន្តិសុខសមុទ្រ ប្រឆាំងភេរវកម្ម និងឧក្រិដ្ឋជនឆ្លងដែន សន្តិសុខបណ្តាញអ៊ីនធើណែន។ល។
អំពីសេដ្ឋកិច្ច អាមេរិកបច្ចុប្បន្នជាដៃគូពាណិជ្ជកម្មធំលំដាប់ទី២ ហើយជាវិនិយោគិនបរទេស (FDI) ធំបំផុតរបស់អាស៊ាន ដោយមានកូតាសរុប ៣០៨,៣ ពាន់លានដូល្លាអាមេរិក FDI សរុបនៅអាស៊ានមានចំនួន ៣៤,៧ ពាន់លានដូល្លាអាមេរិក នៅឆ្នាំ២០២០។
នៅសន្និសីទកំពូលពិសេសអាស៊ាននិងអាមេរិក នាឱកាសអបអរសាទរខួបអនុស្សាវរីយ៍លើកទី៤៥ ទិវាបង្កើតទំនាក់ទំនង ថ្នាក់ដឹកនាំអាស៊ាននិងប្រធានាធិបតីអាមេរិក បានវាយតម្លៃសរុបរយៈកាលទំនាក់ទំនងជាដៃគូនៃភាគីទាំងពីរ ក្នុងអំឡុងពេល៤៥ឆ្នាំកន្លង ព្រមទាំងដាក់ចេញទិសដៅសំខាន់សម្រាប់ការអភិវឌ្ឍទំនាក់ទំនងអាស៊ាននិងអាមេរិក នៅពេលខាងមុខ ទន្ទឹមនោះបានផ្តល់ពេលវេលា សម្រាប់កិច្ចពិភាក្សា អំពីបញ្ហាតំបន់និងអន្តរជាតិ ដែលមានការយកចិត្តទុកដាក់រួម។
លោននាយករដ្ឋមន្រ្តី ផាម មិញជីញ (Pham Minh Chinh) បានថ្លែងសុន្ទរកថានៅសន្និសីទកំពូល ដោយមានសារដ៏មានសារៈសំខាន់ អំពីប្រទេសវៀតណាមមួយ ស្មោះត្រង់ ទំនុកចិត្ត សមភាព និងអភិវឌ្ឍន៍រួម ត្រៀមសហប្រតិបត្តិការជាមួយនឹងប្រទេសនានា កសាងបរិស្ថានតំបន់សន្តិភាព ស្ថេរភាព ឈានទៅកាន់វិបុលភាព។
ទំនាក់ទំនងវៀតណាមនិងអាមេរិក បន្តល្បឿនអភិវឌ្ឍន៍ខ្លាំង។
បន្ទាប់ពី២៧ឆ្នាំ បង្កើតទំនាក់ទំនងការទូត ទំនាក់ទំនងវៀតណាមនិងអាមេរិក ពេលកន្លង នៅតែបន្តល្បឿនអភិវឌ្ឍន៍សកម្ម។ ថ្នាក់ដឹកនាំភាគីទាំងពីរ ជួបសំណេះសំណាលនិងទូរសព្ទពិភាក្សគ្រប់ជាន់ថ្នាក់ ក្រោមរូបភាពសមស្របនឹងពេលមានជំងឺកូវិដ - ១៩ កំពុងប្រព្រឹត្តទៅយ៉ាងស្មុគស្មាញ។
លោកនាយករដ្ឋមន្រ្តី ផាម មិញជីញ (Pham Minh Chinh) ថ្លែងសុន្ទរកថា អំពីគោលនយោបាយរបស់វៀតណាម នៅវិទ្យាស្ថានយុទ្ធសាស្រ្តអន្តរជាតិអាមេរិក (CSIS)។ រូបថត៖ យ៉ឿងយ៉ាង - ទីភ្នាក់ងារសារព័ត៌មានវៀតណាម
ក្នុងការពិភាក្សា ភាគីអាមេរិកអះអាងសាឡើងវិញ នូវកិច្ចសន្យាគាំទ្រវៀតណាម “ក្លាហ៊ាន ឯករាជ្យ និងវិបុលភាព” បន្តវាយតម្លៃខ្ពស់កិត្យានុភាពនិងមើលសំខាន់ទំនាក់ទំនងជាមួយនឹងវៀតណាម ស្នើភាគីទាំងពីរបន្តជំហានទៅមុខ ដើម្បីបង្កើនទំនាក់ទំនង ក្នុងនោះអាទិភាពសហប្រតិបត្តិការសេដ្ឋកិច្ច - ពាណិជ្ជកម្ម សន្តិសុខ - ការពារជាតិ សុខាភិបាល ថាមពល។
សេដ្ឋកិច្ច - ពាណិជ្ជកម្ម - វិនិយោគ បន្តជាចំណុចភ្លឺក្នុងការទំនាក់ទំនងនៃប្រទេសទាំងពីរ។ ពាណិជ្ជកម្មទ្វេភាគីបន្តកំណើនខ្លាំង ដោយមានកូតាសរុបនៅឆ្នាំ២០២១ ចំនួន ១១១,៥៦ ពាន់លានដូល្លាអាមេរិក។ អាមេរិកបន្តជាទីផ្សារនាំចេញធំបំផុតរបស់វៀតណាម ហើយវៀតណាមក៏ក្លាយជាដៃគូ ពាណិជ្ជកម្មធំលំដាប់ទី៩ របស់អាមេរិកផងដែរ។
លោកនាយករដ្ឋមន្រ្តី ផាម មិញជីញ (Pham Minh Chinh) និងគណៈប្រតិភូដំឡើងស្លាកសញ្ញាទីស្តីការថ្មី នៃស្ថានទូតវៀតណាម ប្រចាំនៅអាមេរិក។ រូបថត៖ យ៉ឿងយ៉ាង - ទីភ្នាក់ងារសារព័ត៌មានវៀតណាម
អំពីការវិនិយោគ មកដល់ខែមីនា ឆ្នាំ២០២២ ការវិនិយោគផ្ទាល់របស់អាមេរិក នៅវៀតណាម មានចំនួន១០,៣ ពាន់លានដូល្លាអាមេរិក ឈរលំដាប់ទី១១/១៤១ប្រទេសនិងតំបន់ដីគោក ដែលមាន FDI ប្រចាំនៅវៀតណាម។ សហគ្រាសធំៗរបស់អាមេរិក បន្តយកចិត្តទុកដាក់ វិនិយោគចូលទីផ្សារវៀតណាម។
ក្នុងទំនាក់ទំនងវៀតណាមនិងអាមេរិក អំពីបញ្ហាជំនះផលវិបត្តិសង្គ្រាមនៅតែបន្តជាអាទិភាព។ តាមនោះ សកម្មភាពស្វែងរកទាហានបាត់ខ្លួនក្នុងសង្គ្រាមនៅវៀតណាម (MIA) ស្វែងរកយុទ្ធជនពលីវៀតណាម ធ្វើប្រព្រឹត្តិកម្ម dioxin ជំនួយជនពិការនឹងបានបន្តជំរុញទៅទៀត។ សហប្រតិបត្តិការសិក្សាអប់រំក៏ទទួលបានជំហានវិជ្ជមាន ថ្មីៗនេះភាគីទាំងពីរ បានជំរុញសហប្រតិបត្តិការសិក្សាអប់រំ - បណ្តុះបណ្តាល បង្វែបច្ចេកវិទ្យា។ បច្ចុប្បន្ន វៀតណាមមានមូលដ្ឋានសិក្សាអប់រំចំនួន៦ ដែលមានដើមទុនវិនិយោគរបស់អាមេរិក ប្រចាំនៅហាណូយ ទីក្រុងហូជីមិញ ខេត្តក្វាងនិញ (Quang Ninh) ខេត្តហាយភុង (Hai Phong) ខេត្តប៊ិញយ៉ឿង (Binh Duong)។
លោកនាយករដ្ឋមន្រ្តី ផាម មិញជីញ (Pham Minh Chinh) អញ្ជើញទៅទស្សនកិច្ចផ្សារមូលបត្រ New York (NYSE) និងចូលរួមកិច្ចពិភាក្សាតុមូល ជាមួយនឹងនាយកប្រតិបត្តិ នៃសម្ពន្ធក្រុមហ៊ុនមួយចំនួន និងមូលនិធីវិនិយោគលំដាប់ជួរមុខ កំពុងរងចាំបិទប្រកាសនៅលើ NYSE។ ក្នុងរូបថត៖ លោកនាយករដ្ឋមន្រ្តី ផាម មិញចិញ (Pham Minh Chinh) ចុចប៊ូតុងកណ្តឹង និងគោះញញួរបញ្ចប់ការដោះដូរ។ រូបថត៖ យ៉ឿងយ៉ាង - ទីភ្នាក់ងារសារព័ត៌មានវៀតណាម
ប្រទេសទាំងពីរ បន្តសហប្រតិបត្តិការលើបញ្ហាអន្តរជាតិនិងតំបន់ ដែលមានការយកចិត្តទុកដាក់រួមដូចជា បញ្ហាមេគង្គ មីយ៉ានម៉ា កូរេខាងជើង ពិសេសគឺក្របខណ្ឌក្រុមប្រឹក្សាភិបាល នៃអង្គការសហប្រជាជាតិនិងយន្តការរបស់អាស៊ាន។
វាយតម្លៃអំពីអត្ថន័យនៃការធ្វើដំណើរបំពេញទស្សនកិច្ច របស់លោកនាយករដ្ឋមន្រ្តី ផាម មិញជីញ (Pham Minh Chinh) និងគណៈប្រតិភូវៀតណាម អញ្ជើញទៅបំពេញទស្សនកិច្ចនៅប្រទេសអាមេរិក ឯកអគ្គរដ្ឋទូតអាមេរិកប្រចាំនៅវៀតណាម លោក Marc E.Knapper ឱ្យដឹងថា ដោយមានកម្មវិធីមមាញឹក របស់គណៈប្រតិភូវៀតណាម បង្ហាញអំពីភាពសំខាន់ នៃការទំនាក់ទំនង រវាងវៀតណាមនិងអាមេរិក។
លោកនាយករដ្ឋមន្រ្តី ផាម មិញជីញ (Pham Minh Chinh) ជំនួបអាណិកជនគម្រូ ដែលមានការចូលរួមចំពោះទឹកដីមាតុភូមិ ពិសេសនៅដំណាក់កាលជំងឺកូវិដ - ១៩ រួមនឹងសិស្ស និស្សិតមួយចំនួន។ រូបថត៖ យ៉ឿងយ៉ាង - ទីភ្នាក់ងារសារព័ត៌មានវៀតណាម
សកម្មចូលរួមការខិតខំប្រឹងប្រែងរួម របស់អង្គការសហប្រជាជាតិ
អំឡុងពេល៤៥ឆ្នាំកន្លង តាំងពីពេលចូលជាសមាជិក នៃអង្គការសហប្រជាជាតិ (ខែកញ្ញា ឆ្នាំ១៩៧៧) វៀតណាមតែងជាសមាជិក ដែលមានការទទួលខុសត្រូវ សកម្មចូលរួមការខិតខំប្រឹងប្រែងរួម របស់អង្គការសហប្រជាជាតិ លេចធ្លោគឺអនុវត្តគោលដៅអភិវឌ្ឍន៍ចីរភាព (SDGs) ចូលរួមសកម្មភាពរក្សាសន្តិភាពនៃអង្គការសហប្រជាជាតិ ទទួលបន្ទុកជោគជ័យក្នុងតួនាទីជាសមាជិកក្រុមប្រឹក្សាភិបាលសិទ្ធិមនុស្ស នៃអង្គការសហប្រជាជាតិ អាណត្តិកាល ២០១៤ - ២០១៦ និងមានតួនាទីជាសមាជិកមិនអចិន្រ្តៃយ៍ នៃក្រុមប្រឹក្សាភិបាលនៃអង្គការសហប្រជាជាតិ អាណត្តិកាល ២០២០ - ២០២១ តាមរយៈនោះ អំណះអំណាងកិត្យានុភាពនិងជំហថ្មី របស់វៀតណាមនៅលើឆាកអន្តរជាតិ។
លោកនាយករដ្ឋមន្រ្តី ផាម មិញចជីញ (Pham Minh Chinh) ទទួលជួបលោក Abdulla Shahidប្រធានមហាក្រុមប្រឹក្សាភិបាលនៃអង្គការសហប្រជាជាតិ។ រូបថត៖ យ៉ឿងយ៉ាង - ទីភ្នាក់ងារសារព័ត៌មានវៀតណាម
ប្រព័ន្ធអភិវឌ្ឍន៍នៃអង្គការសហប្រជាជាតិ មានតួនាទីសំខាន់ គាំទ្រជំនួយវៀតណាមអភិវឌ្ឍន៍សេដ្ឋកិច្ច - សង្គម។ ក្នុងដំណាក់កាល ២០១៧ - ២០២១ អង្គការសហប្រជាជាតិ ជំនួយវៀតណាមជាង ៤២៣ លានដូល្លាអាមេរិក។ ចាប់តាំងពីពេលមានជំងឺកូវិដ - ១៩ ផ្ទុះឡើងមកដល់សព្វថ្ងៃ វៀតណាមទទួលបានវ៉ាក់សាំងជិត ៥០ លានដូស តាមរយៈកម្មវិធី COVAX (លើសពីតួលេខ ដែលសន្យាដំបូងរបស់ COVAX គឺ៣៨,៩លានដូស) និងសម្ភារៈសុខាភិបាល មានតម្លៃ៤៥ លានដូល្លាអាមេរិក មកពីអង្គការសហប្រជាជាតិ។
លោកនាយករដ្ឋមន្រ្តី ផាម មិញជីញ (Pham Minh Chinh) ជំនួបនឹងលោកស្រី Amina J. Mohamedអគ្គលេខាធិការរងនៃអង្គការសហប្រជាជាតិ។ រូបថត៖ យ៉ឿងយ៉ាង - ទីភ្នាក់ងារសារព័ត៌មានវៀតណាម
វៀតណាមចេញសេចក្តីសម្រេចស្នើ យកថ្ងៃទី២៧ ខែធ្នូ រៀងរាល់ឆ្នាំ ធ្វើជាទិវាអន្តរជាតិបង្ការប្រឆាំងជំងឺអសន្នរោគ បានមហាសន្និបាតក្រុមប្រឹក្សាភិបាល នៃអង្គការសហប្រជាជាតិអនុម័ត។ វៀតណាមក៏ចូលរួមចំនួន ៥០.០០០ ដូល្លាអាមេរិក ទុកដាក់លើមូលនិធីកូវិដ - ១៩ នៃអង្គការសហប្រជាជាតិ និង១លានដូល្លាអាមេរិក សម្រាប់ COVAX ។
នៅសន្និសីទលើកទី២៦ ភាគីទាំងអស់បានចូលរួមអនុសញ្ញាក្របខណ្ឌ របស់អង្គការសហប្រជាជាតិ ស្តីពីបម្រែបម្រួលអាកាសធាតុ (COP26) លោកនាយករដ្ឋមន្រ្តី ផាម មិញជីញ (Pham Minh Chinh) បានសន្យាដោយរឹងមាំ របស់វៀតណាម អំពីការបញ្ចេញឧស្ម័នកាក់បូន ស្មើនឹង "០" នៅឆ្នាំ២០៥០ ចូលរួមសន្យាសកលលោកពីការកាត់បន្ថយបំភាយឧស្ម័ន methane សេចក្តីប្រកាស Glasgow នៃអ្នកដឹកនាំអំពីព្រៃឈើនិងការប្រើប្រាស់ដីធ្លី សេចក្តីប្រកាសបង្វែពីអគ្គិសនីធ្យូងទៅជាអគ្គិសនីស្អាត និងសហព័ន្ធសកម្មភាពបន្ស៊ាំសកលលោក។
ក្នុងវិស័យរក្សាសន្តិសុខ នៃអង្គការសហប្រជាជាតិ វៀតណាមបានបញ្ជូនមន្រ្តីទាហានចំនួន ៤៩៣ លើកនាក់ បំពេញភារកិច្ចនៅបំពេញបេសកកម្មរក្សាសន្តិភាព។ ពង្រាយមន្ទីរពេទ្យចល័តលេខ២ចំនួន៤លើក និងក្រុមវិស្វកម្ម១ក្រុម។ ជាប្រទេសមួយក្នុងចំណោមប្រទេស ដែលមានអត្រាស្រ្តីភេទ ចូលរួមខ្ពស់បំផុត ក្នុងចំណោមប្រទេសដែលចូលរួម។
សព្វថ្ងៃ ភាគីទាំងពីរ បានអនុម័តក្របខណ្ឌសហប្រតិបត្តិការ យុទ្ធសាស្រ្តវៀតណាម - អង្គការសហប្រជាជាតិ ដំណាក់កាល ២០២២ - ២០២៦ លើវិស័យសំខាន់ៗ គឺអភិវឌ្ឍន៍សង្គមទាំងមូល ធន់នឹងបម្រែបម្រួលអាកាសធាតុ គ្រោះមហន្តរាយ និងបរិស្ថានចីរភាព បង្វែខឿនសេដ្ឋកិច្ចនិងការគ្រប់គ្រង់ ដោយមានថវិកាសរុបជាង ៥៤២ លានដូល្លាអាមេរិក កើនជាង១០០ លានដូល្លាអាមេរិក បើប្រៀបនឹងដំណាក់កាល ២០១៧ - ២០២១៕
អត្ថបទ៖ កាសែតរូបភាវៀតណាមសរុប
រូបថត៖ ទីភ្នាក់ងារសារព័ត៌មានវៀតណាម
ប្រែសម្រួល៖ រីកើង