ប្រទេសឥណ្ឌា - ដៃគូបានស្វាគមន៍របស់អាស៊ាន
ដោយឈរលើមូលដ្ឋានដែលមានចំណុចរួមជាច្រើនពីវប្បធម៌ និងសាសនា ទំនាក់ទំនងអាស៊ាន-ឥណ្ឌាមានការរីកចម្រើនគួរឲ្យកត់សម្គាល់ និងជាដៃគូសំខាន់ក្នុងវិស័យសេដ្ឋកិច្ច ពាណិជ្ជកម្ម និងការវិនិយោគក្នុងប៉ុន្មានឆ្នាំថ្មីៗនេះ។
ទំនាក់ទំនងរវាងអាស៊ាន និងប្រទេសឥណ្ឌាមានការរីកចម្រើនប្រកបដោយចីរភាពក្នុងរយៈពេល ៣ ទសវត្សរ៍កន្លងមក ចាប់ផ្តើមតាំងពីឆ្នាំ ១៩៩២ ខណៈពេលដែលឥណ្ឌាបានអនុវត្តគោលនយោបាយ "ឆ្ពោះទៅទិសខាងកើត" ហើយបានក្លាយជាដៃគូសន្ទនានៃបណ្តាប្រទេសអាស៊ីអាគ្នេយ៍។ អាស៊ាន និងប្រទេសឥណ្ឌាបានលើកកម្ពស់ទំនាក់ទំនងរបស់ពួកគេឡើងទៅជាភាពជាដៃគូយុទ្ធសាស្ត្រ ក្នុងឆ្នាំ ២០១២។ ក្នុងឆ្នាំ ២០១៤ ទីក្រុង New Delhi បានកែសម្រួលគោលនយោបាយ "ឆ្ពោះទៅទិសខាងកើត" ដែលផ្លាស់ឈ្មោះជា "សកម្មភាពឆ្ពោះទៅទិសខាងកើត" ដើម្បីទទួលស្គាល់ភាពចាំបាច់ត្រូវមានតួនាទីមួយសកម្មជាងនេះទៀត នៅក្នុងតំបន់អាស៊ីប៉ាស៊ីហ្វិក។
នៅខែវិច្ឆិកា ឆ្នាំ២០២២ ដើម្បីអបអរសាទរខួប ៣០ ឆ្នាំនៃទិវាបង្កើតទំនាក់ទំនងអាស៊ាន - ប្រទេសឥណ្ឌា អាស៊ានបានផ្តល់យន្តការអំពីភាពជាដៃគូយុទ្ធសាស្ត្រគ្រប់ជ្រុងជ្រោយដល់ប្រទេសឥណ្ឌា នៅក្នុងកិច្ចប្រជុំកំពូលអាស៊ាន-ឥណ្ឌានៅទីក្រុងភ្នំពេញ ព្រះរាជាណាចក្រកម្ពុជា។
ប្រជាជនអាស៊ីអាគ្នេយ៍កំពុងចាប់ផ្តើមចាត់ទុកថា ប្រទេសឥណ្ឌាជាដៃគូបានស្វាគមន៍។ ទិដ្ឋភាពពិសេសមួយនៃទំនាក់ទំនងនេះគឺតំណភ្ជាប់អរិយធម៌ដ៏យូរអង្វែងរបស់អាស៊ាននិងឥណ្ឌ។ ក្រៅពីប្រទេសចិន គ្មានប្រទេសណាផ្សេងទៀតនៅឥណ្ឌូ -ប៉ាស៊ីហ្វិកដែលមានឥទ្ធិពលវប្បធម៌ច្រើនដល់អាស៊ីអាគ្នេយ៍ដូចប្រទេសឥណ្ឌាឡើយ។ អស់រយៈពេលប្រហែល ២០០០ ឆ្នាំមកហើយ សាសនា អក្សរសិល្ប៍ ភាសា ស្ថាបត្យកម្ម និងសិល្បៈរបស់ប្រទេសឥណ្ឌាបានជះឥទ្ធិពលដល់អាស៊ីអាគ្នេយ៍ ដោយការរួមផ្សំជាមួយទំនៀមទំលាប់នៅតំបន់ ដើម្បីបង្កើតវប្បធម៌ប្លែកៗ និងពិសេសភាព។
ប្រជាជនអាស៊ីអាគ្នេយ៍កំពុងចាប់ផ្តើមចាត់ទុកថា ប្រទេសឥណ្ឌាជាដៃគូបានស្វាគមន៍។ ទិដ្ឋភាពពិសេសមួយនៃទំនាក់ទំនងនេះគឺតំណភ្ជាប់អរិយធម៌ដ៏យូរអង្វែងរបស់អាស៊ាននិងឥណ្ឌ។ ក្រៅពីប្រទេសចិន គ្មានប្រទេសណាផ្សេងទៀតនៅឥណ្ឌូ -ប៉ាស៊ីហ្វិកដែលមានឥទ្ធិពលវប្បធម៌ច្រើនដល់អាស៊ីអាគ្នេយ៍ដូចប្រទេសឥណ្ឌាឡើយ។ អស់រយៈពេលប្រហែល ២០០០ ឆ្នាំមកហើយ សាសនា អក្សរសិល្ប៍ ភាសា ស្ថាបត្យកម្ម និងសិល្បៈរបស់ប្រទេសឥណ្ឌាបានជះឥទ្ធិពលដល់អាស៊ីអាគ្នេយ៍ ដោយការរួមផ្សំជាមួយទំនៀមទំលាប់នៅតំបន់ ដើម្បីបង្កើតវប្បធម៌ប្លែកៗ និងពិសេសភាព។
ចាប់តាំងពីបង្កើតទំនាក់ទំនងការទូតក្នុងឆ្នាំ ១៩៧២ និងជាពិសេសចាប់តាំងពីពេលដែលលើកកម្ពស់ទំនាក់ទំនងឡើងដល់ភាពជាដៃគូយុទ្ធសាស្ត្រគ្រប់ជ្រុងជ្រោយក្នុងឆ្នាំ ២០១៦ រហូតដល់បច្ចុប្បន្ននេះ ទំនាក់ទំនងរវាងប្រទេសវៀតណាម និងប្រទេសឥណ្ឌាទទួលបានសមិទ្ធិផលដ៏អស្ចារ្យជាច្រើន ជំនឿទុកចិត្តជាយុទ្ធសាស្ត្របានពង្រឹងដោយឥតឈប់ឈរ តាមរយៈកិច្ចសហប្រតិបត្តិការយ៉ាងជិតស្និទ្ធរវាងវិស័យ និងតំបន់ និងការផ្លាស់ប្តូរ ជួបប្រាស្រ័យទំនាក់ទំនងរវាងថ្នាក់ដឹកនាំជាន់ខ្ពស់ជាប្រចាំ។
ចាប់ពីឆ្នាំ ១៩៨៩ ដល់បច្ចុប្បន្ន វនិយោគិនឥណ្ឌាបានបោះទុន ១៦,៧ លានដុល្លារអាមេរិកចូលមករដ្ឋធានីហាណូយ (Ha Noi) ក្នុងនោះមាន ៥៤ គម្រោងកំពុងដំណើរការនៅវៀតណាមដែលមានដើមទុនចុះបញ្ជីថ្មីចំនួន ១៣,៧ លានដុល្លារអាមេរិក ការរួមចំណែកដើមទុន ៥០លើក និងការទិញភាគហ៊ុន ជាមួយនឹងតម្លៃរួមចំណែកដើមទុនចំនួន ២,៦ លានដុល្លារ។ បណ្តាវិស័យដែលវិនិយោគិនឥណ្ឌចាប់អារម្មណ៍រួមមាន៖ សកម្មភាពលក់ដុំ និងជួសជុលគ្រឿងចក្រ និងឧបករណ៍ សេវាព័ត៌មាននិងផ្សព្វផ្សាយព័ត៌មាន វិទ្យាសាស្ត្រនិងបច្ចេកវិទ្យា។ កិច្ចសហប្រតិបត្តិការសេដ្ឋកិច្ចរវាងវៀតណាម និងឥណ្ឌាក៏កាន់តែមានភាពល្អប្រសើរឡើងផងដែរ ពាណិជ្ជកម្មទ្វេភាគីក្នុងឆ្នាំ ២០២២ សម្រេចបាន ១៥ ពាន់លានដុល្លារអាមេរិក។
ស្តីពីកិច្ចសហប្រតិបត្តិការលើវិស័យទេសចរណ៍ នៅឆ្នាំ២០២២ ភ្ញៀវឥណ្ឌាមកវៀតណាមមានចំនួន៩២.៥៩៩ នាក់ គិតត្រឹមតែ ៤ ខែដើមឆ្នាំ២០២៣ មានចំនួន ៦០.៩៩២នាក់ ជាប់ចំណាត់ថ្នាក់លេខ៣ក្នុងចំណោមទីផ្សារទេសចរណ៍អន្តរជាតិមករដ្ឋធានី ហាណូយ (Ha Noi) ។ បច្ចុប្បន្នមានក្រុមហ៊ុនអាកាសចរណ៍វៀតណាមចំនួនពីរដែលកំពុងប្រតិបត្តិការជើងហោះហើរត្រង់ពីរដ្ឋធានី ហាណូយ (Ha Noi) ទៅកាន់ប្រទេសឥណ្ឌាគឺ៖ ក្រុមហ៊ុនអាកាសចរណ៍ Vietnam Airlines និងក្រុមហ៊ុនអាកាសចរណ៍ Vietjet Air ។ ទន្ទឹមនឹងគោលនយោបាយទិដ្ឋាការបើកចំហកាន់តែងាយស្រួល នេះក៏ជាលក្ខខណ្ឌអំណោយផលសម្រាប់កំណើនបរិមាណភ្ញៀវទេសចរឥណ្ឌាមកកាន់ប្រទេសវៀតណាម នាពេលខាងមុខ។/.
អត្ថបទ៖ កាសែតរូបភាពវៀតណាម (VNP) - រូបថត៖ ទីភ្នាក់ងារសារព័ត៌មានវៀតណាម
ប្រែសម្រួលដោយង្វៀនយ៉ាង ក្រាហ្វិក៖ ត្រាងញុង