នំអង្ករខ្សាយសឺនតី (Son Tay)
នំអង្ករខ្សាយសឺនតី(Son Tay) ល្បីឈ្មោះតាំងពីយូរយារណាស់មកហើយ ដែលមានដើមកំណើតចេញពីភូមិភូញី (Phu Nhi) បច្ចុប្បន្នជាសង្កាត់ភូធិញ (Phu Thinh) ទីរួមស្រុកសឺនតី (Son Tay)។ នំអង្ករខ្សាយតែងបានភ្ញៀវទេសចរទិញយកទៅធ្វើជាអំណោយ ឬបានអ្នកសឺនតី (Son Tay) យកចេញទទួលភ្ញៀវ។ ភ្ញៀវទេសចរតែងនិយាយថានំអង្ករខ្សាយសឺនតី (Son Tay) ឆ្ញាញ់រហូតដល់ហូបមួយហើយចង់ហូបមួយទៀត ចំពោះអ្នកភូមិអ្នកស្រុកវិញ នៅពេលជប់លៀង ស្ពកជប់លៀងតែងមាននំអង្ករខ្សាយជានិច្ច។ ក្នុងកម្មវិធី “បុណ្យចូលឆ្នាំក្នុងភូមិវៀតណាម”អបអរនិទាឃរដូវចត្វាស័កឆ្នាំថោះ នំនេះក៏បានជ្រើសយកឧទ្ទេសនាមដល់អ្នកការទូតបរទេស ដែលកំពុងធ្វើការនៅហាណូយ ហើយបានមនុស្សគ្រប់គ្នាទទួលយក។
ម្សៅសម្រាប់ធ្វើនំអង្ករខ្សាយ គឺអង្ករខាងយឹន (Khang Dan) ជាប្រភេទអង្ករ ពេលដាំបាយអង្កររីក តែមិនជាប់គ្នា ទុកសម្រាប់ធ្វើនំអង្ករខ្សាយសួយឆ្ងាញ់។ ដើម្បីធ្វើជាម្សៅ ពួកគាត់ត្រូវត្រាំអង្ករអំឡុងរយៈពេលពីរបីថ្ងៃ យោងតាមធាតុអាកាសក្តៅ ឬត្រជាក់។ ត្រាំអង្កររួច លាងជម្រះស្អាត ដាក់អង្ករចូលត្បាលកិនម៉ដ្ឋជាម្សៅ។ បន្ទាប់មក យកម្សៅដាក់ចូលឆ្នាំង ដុតភ្លើងតូច កូរឱ្យស្វិតចូលគ្នា កូររហូតដល់ធ្ងន់ដៃ បង្កើតបានជាវត្ថុធាតុដើមធ្វើនំអង្ករខ្សាយ។ ស្នូលនំធ្វើដោយសាច់ជ្រូកឆានឹងផ្សិតត្រចៀកកណ្តុរ។ ចុងភៅឆាផ្សិតត្រចៀកកណ្តុរលើខ្ទះខ្លាញ ត្រឡប់ចុះត្រឡប់ឡើងឱ្យឆ្អិតជាប់ស្វិតសព្វសាច់ ទុកសម្រាប់ធ្វើស្នូលនំឈ្ងុយឆ្ញាញ់ និងរក្សាទុកបានយូរ។ កាលដើមឡើយ នំអង្ករខ្សាយប្រពៃណី ស្នូលនំមានតែស្លឹកខ្ទឹម ផ្សិតត្រចៀកកណ្តុរឆា និងគ្រាប់ម្រេច។ សព្វថ្ងៃ ក្រៅពីស្នូលនំមានតែសាច់ឆានឹងផ្សិតត្រចៀកកណ្តុរ ពួកគាត់នៅមានស្នូលផ្សេងៗដូចជា ស្នូលបង្គា ស្នូលសណ្តែក។ល។ ដើម្បីសមស្របនឹងចំណង់ចំណូលចិត្តអ្នករាល់គ្នា។
បញ្ចប់ដំណាក់កាលត្រៀមបម្រុងខាងលើ នឹងឈានចូលដល់ការវេចនំ។ ស្លឹកចេកស្រស់លាងស្អាត យកទៅហាលឱ្យស្វិត ឬស្ងោរបន្តិច ដើម្បីឱ្យស្វិត ទន់ ងាយនឹងវេចនំ។ ចុងភៅដាក់ស្លឹកចេកពីរស្រទាប់លើគ្នា ចាប់ម្សៅដែលកូរឆ្អិនវាយរាបដាក់លើស្លឹក រួចចាប់ស្នូលសាច់ដែលបានឆារាយស្មើរពីលើមុខម្សៅ រួចមកទៀតចាប់ម្សៅដាក់គ្របបំបិទស្នូលសាច់។ ក្រោយមក ពួកគាត់ចាប់ជ្រុងស្លឹកចេកដែលវេច រមូលស្មើរដៃឱ្យមាំ ឃើញស្អាតហើយ ប្រើខ្សែកក់ចងនំទុក។ នំខ្សាយក្រោយមកបានរៀបឈរនៅក្នុងឆ្នាំងចំហុយ។ ពេលវេលាចំហុយនំចាប់ពី៤៥ - ៩០នាទី ពឹងផ្អែកលើចំនួននំដែលបានដាក់ស្ងោរ។
បន្ទាប់ពីនំឆ្អិនស្រង់ចេញមានពណ៌ខៀវស្លេក ជាមួយនឹងធុំក្លិនស្នូលសាច់ខ្លាញម្រេចឈ្ងុយឆ្ញាញ់ រំញោចជីវ្ហារម្មណ៍។ នំខ្សាយអាចពិសានៅពេលក្តៅ ឬទុកត្រជាក់សុទ្ធតែឆ្ងាញ់ពិសាទាំងអស់។ ពួកគេតែងពិសានំខ្សាយជាមួយនឹងទឹកសៀងម្ទេស ឬទឹកត្រីជូរអែម ប៉ុន្តែអ្នកស្រុកសឺនតី (Son Tay) បង្គាប់ឱ្យពិសាជាមួយនឹងទឹកត្រីម្ទេសម្រេច ទើបឆ្ងាញ់បំផុត។ សព្វថ្ងៃ នៅសឺនតី (Son Tay) មានមូលដ្ឋានធ្វើនំអង្ករខ្សាយល្បីឈ្មោះជាច្រើន ដែលមានរសជាតិឆ្ងាញ់ ងាយដិតជាប់ក្នុងអារម្មណ៍។ អំណោយស្និទ្ធស្នាលនំអង្ករខ្សាយភូមិភាគខាងជើងដ៏សាមញ្ញនេះ បានក្លាយជាអំណោយពិសេសប្រចាំតំបន់មួយក្នុងអំណោយពិសេសដ៏គំរូ។ ពេលចាកចេញពីភូមិដឿងឡឹម (Duong Lam) ឬវត្តអំពៅ។ល។ ភ្ញៀវទេសនរណាក៏អាចយកនំអង្ករខ្សាយក្តៅៗមួយថង់ទៅផ្ទះបានដែរ។
អនុវត្ត៖ វៀតគឿង
ប្រែសម្រួល៖ រីកើង