គួងបួស - ម្ហូបឆ្ងាញ់និងត្រជាក់ក្នុងរដូវក្ដៅ
គ្រឿងផ្សំត្រូវបានរៀបចំយ៉ាងល្អិតល្អន់ ដូចជា ផ្សិតអយស្ទ័រខ្មៅបានហែកជាសរសៃ ហើយឆាជាមួយគ្រឿងទេស តៅហ៊ូចៀនរហូតដល់ឡើងពណ៌លឿង រួចហាន់ជាសរសៃ និងឆាជាមួយការ៉ុតដែលឈូសជាសរសៃ និងម្ទេសកណ្ដឹង ហាន់ជាចំនិតលម្មៗ។ គ្រឿងផ្សំដែលបានកែច្នៃរួច យកលាយគ្នា បន្ទាប់មកដាក់លើនំក្រៀបដែលធ្វើឲ្យសើម ថែមនំបញ្ចុក មូល ដាក់ថែមម្ទេសកណ្តឹង ស្លឹកគូឆាយទុកទាំងវែង។ ទឹកជ្រលក់នេះធ្វើពីម្នាស់ ម្ទេសផ្លែវែង សណ្ដែកដីកិនឲ្យម៉ដ គេបានប្រើទឹកត្រីបួស អំបិល និងម្រេចតាមចំណូលចិត្ត ដើម្បីបង្កើតរសជាតិឆ្ងាញ់ពិសេស។
គួងមានពណ៌ទាក់ទាញដោយភាពចុះសម្រុងគ្នារវាងពណ៌បៃតងនៃបន្លែ ពណ៌ក្រហមនៃម្ទេស ពណ៌សនៃនំបញ្ចុក និងពណ៌ត្នោតនៃផ្សិតអយស្ទ័រខ្មៅ។ ពេលហូបគួង អ្នកនឹងទទួលរសជាតិផ្អែមនៃបន្លែ ភាពស្វិតនៃនំបញ្ចុក រសជាតិឆ្ងាញ់នៃទឹកជ្រលក់ រួមផ្សំនឹងរសជាតិហឹរស្រាលរបស់ម្ទេស បង្កើតបានជា "រសជាតិ" ពិសេស ដ៏អស្ចារ្យ។
គួងបួសមិនត្រឹមតែជាអាហារដ៏ឈ្ងុយឆ្ងាញ់ប៉ុណ្ណោះទេ ថែមទាំងម្ហូបនេះផ្តល់សារធាតុចិញ្ចឹមពេញលេញដល់រាងកាយទៀតផង។ នេះគឺជាជម្រើសដ៏ល្អឥតខ្ចោះសម្រាប់អ្នកដែលកំពុងស្វែងរកអាហារបួសដែលសាមញ្ញា មានជីវជាតិ ឬគ្រាន់តែចង់ផ្លាស់ប្តូររសជាតិនៃអាហាររបស់ខ្លួនក្នុងរដូវក្តៅ។
គួងបួស
អត្ថបទនិងរូបថត៖ ថាញយ៉ាង
ប្រែសម្រួលដោយង្វៀនយ៉ាង