VinFast - កាប់ឆ្ការយុគសម័យរថយន្តអគ្គិសនីសកលលោក
១. បន្ទាប់ពីតាំងបង្ហាញសារីម៉ូដរថយន្តអគ្គិសនីចំនួន២គ្រឿង VF e35 និង VF e36 នៅ Los Angeles Auto Show 2021 កាសែតអន្តរជាតិ និងទស្សនាវដ្តីកិត្យានុភាពផ្នែកខាងរថយន្ត បានចុះផ្សាយតំណាលគ្នាអំពី “អ្នកថ្មី VinFast” ដោយមានការវិភាគ បញ្ជាក់អះអាងថា “នឹងជាការខុសឆ្គង ប្រសិនបើមើលស្រាលអ្នកថ្មីទើបអញ្ជើញមកដល់នេះ”។
កាសែតជាច្រើនបានបញ្ចេញមតិថា VinFast អាចជាក្តីសង្ឃឹម បង្កើត “ទំនាញសកលលោក” ផ្នែកខាងរថយន្តអគ្គិសនី អ្នកធ្វើដំណើរមកក្រោយ អាចក្លាយជាអ្នកនាំមុខ នៅលើទីផ្សាររថយន្តអគ្គិសនី។
ទឹកខ្មៅចំណាស់ David Waterworth នៃ The Driven ជាទំព័រជំនាញខាងរថយន្តល្បីឈ្មោះនៅអូស្រ្តាលី បានបង្ហាញពីការផ្សេងដោយឡែកពិតប្រាកដ ដែល VinFast ជាអ្នកបង្កើត បើប្រៀបនឹងដៃគូប្រជែងធំៗ នៅលើទីផ្សារ។
ចំណុចផ្សេងដោយឡែកដំបូង នោះគឺបច្ចេកវិទ្យាឆ្លាតវៃ។ តាមរៀបរាប់របស់កាសែតមួយចំនួន តឹកតាង ក្រុមហ៊ុនរថយន្តមកពីប្រទេសវៀតណាម កំពុងសហការនឹងដៃគូនៅលើពិភពលោកដូចជា StoreDot របស់អ៊ីស្រាអែល ក្តាប់យកបច្ចេកវិទ្យាបញ្ចូលភ្លើងលឿនរហ័ស ProLogium សម្រាប់ការសិក្សាផង ផលិតថ្មសាកទម្រង់រឹងផង ដែលមានគុណប្រយោជន៍លើសលុប បើប្រៀបនឹងថ្មសាក pin lithium-ion ធម្មតា។
នៅលើទំព័រព័ត៌មានអន្តរជាតិផ្នែករថយន្តរបស់អង់គ្លេស AutoFutures បានបរិយាយដល់ទ្រឹស្តីយកអតិថិជនធ្វើជាមជ្ឈមណ្ឌលរបស់ VinFast ក្នុងការបំពាក់ឧបករណ៍បច្ចេកវិទ្យាទំនើបបំផុតនៃក្រុមហ៊ុនមួយនេះ។ AutoFutures យកឧទាហរណ៍ អំពីការជំនួយសិប្បនិមិត្តដោយឡែករបស់ VinFast មានសមត្ថភាពយល់ដឹងច្បាស់ច្រើនភាសាដូចជា៖ អង់គ្លេស បារាំង អាល្លឺម៉ង់ អេស្ប៉ាញ ហូឡង់ និងវៀតណាម។ ជំនួយសិប្បនិមិត្តនេះ មិនត្រឹមតែសន្ទនាទៅវិញទៅមក ជួយអ្នកប្រើប្រាស់ងាយស្វែងរកព័ត៌មាន នៅទាំងជួយឯកជនូបនីយកម្មដំណើរការ ផ្អែកលើចំណូលចិត្ត ទម្លាប់ នៃម្ចាស់រថយន្ត តាមការបរិយាយរបស់ AutoFutures គឺជាចំណុចចំណាប់អារម្មណ៍ខ្លាំង។
ជាមួយនឹងប្រការពិសេសផ្សេងៗនេះ VinFast បានអ្នកឯកទេសអន្តរជាតិជឿជាក់ នឹងមានការប្រកួតប្រជែងស្មើរភាព នឹងក្រុមហ៊ុនធំៗ នៅលើទីផ្សារពិបាកបំផុត ដូចជាសហរដ្ឋអាមេរិកជាដើម។
២. នៅឆ្នាំ២០១៧ នៅខេត្តហាយផុង (Hai Phong) - ទីក្រុងកំពង់ផែធំបំផុតវៀតណាម វិស័យបច្ចេកវិទ្យារថយន្តពិភពលោក បានឃើញនូវជោគជ័យដ៏ធំមួយ នៅតំបន់បឹងភក់មួយ ក្នុងរយៈពេលតែ២១ខែ ក្រុមហ៊ុន VinFast បានសាងសង់បង្កើតជាតំបន់សម្ពន្ធ ផលិតរថយន្តឡានលំដាប់អន្តរជាតិ មានសារីរថយន្តឡានចំនួន៣គ្រឿង ជារថយន្តដំបូងបង្អស់។ នេះចាត់ទុកជាល្បឿនសាងសង់កម្រមាន ចំពោះវិស័យរថយន្តពិភពលោក។
VinFast មានកម្មន្តសាលផលិតដោយស្វ័យប្រវត្តិ១០០% ខ្នាតធំបំផុតនៅអាស៊ីអាគ្នេយ៍, កម្មន្តសាលផ្សារគ្រឿងយន្តទំនើប ដោយស្វ័យប្រវត្តិ១០០% មនុស្សយន្ត 1200 ABB, កម្មន្តសាលបាញ់ពណ៌ ជិតស្និទ្ធនឹងបរិស្ថាន បច្ចេកវិទ្យាបាញ់ពណ៌ Rodip ទំនើប, កម្មន្តសាលមេកានិចនិងអគ្គិសនី ប្រើប្រាស់បច្ចេកវិទ្យាទំនើបពិភពលោក បង្កើតបានម៉ាស៊ីនដែលមានពលានុភាពលើសលុប, កម្មន្តសាលជំនួយពិពិធកម្ម ដោយមានខ្សែសង្វាក់ផលិតទំនើបចំនួន៣, កម្មន្តសាលដំឡើងបច្ចេកវិទ្យាខ្ពស់ បង្កើតបានជារថយន្តសុក្រិត។ រោងចក្រផលិតថ្មសាក និងស្ថានីយ៍សាក ជាមណ្ឌលស្នូល ដែលផលិតចេញរថយន្តអគ្គិសនីរបស់ VinFast ។
មណ្ឌលត្រួតពិនិត្យរថយន្ត ធានាផលិតផលនាំចេញ សុទ្ធតែសម្រេចបានគុណភាព ស្តង់ដារខ្ពស់បំផុត។ តាមនោះ រថយន្តអគ្គិសនីឆ្លាតវៃ VinFast រាប់លានគ្រឿង នឹងបានដំណើរការចាប់ពីថ្ងៃនេះទៅ ហើយនាំមកសុវត្ថិភាព ងាយស្រួល និងការរីករាយ ជូនអតិថិជនសកលលោក។
ការដែលក្រុមហ៊ុន VinFast ជ្រើសយកទីផ្សារធំសហរដ្ឋអាមេរិក តាមការរៀបរាប់របស់លោក Sandy Fitzpatrick អ្នកវិភាគកំពូល បច្ចុប្បន្នដំណាក់កាលសមស្របសម្រាប់ក្រុមហ៊ុន VinFast គឺប្រទេសអាមេរិកកំពុងវិនិយោគធំ មកលើហេដ្ឋារចនាសម្ពន្ធ និងគោលនយោបាយសម្រាប់រថយន្តអគ្គិសនី ជាពិសេស គឺផែនការ១៧៤ពាន់លានដូល្លាអាមេរិក បង្កើតបដិវត្តបៃតងរបស់អាមេរិក។ ទីផ្សារធំទូលាយជាប្រការដែលអ្នកឯកទេសសង្កត់ធ្ងន់ ពីព្រោះបរិមាណរថយន្តអគ្គិសនីថ្មីមានចំនួន៣%នៅទីផ្សារអាមេរិក នៅនាពាក់កណ្តាលឆ្នាំ២០២១ ក្នុងនោះអត្រានេះ នៅទ្វីបអ៊ឺរូបគឺ១៥% និង១២%នៅប្រទេសចិន។
ប្រសិនបើ តាមពាក្យស្លោកជនជាតិវៀតណាម ដើម្បីសម្រេចបានជោគជ័យ ត្រូវបាន “ព្រះជាម្ចាស់ប្រទាន ភូមិសាស្រ្តអំណោយផល និងស្របចិត្តមនុស្ស” នៅរយៈពេលនេះ “ព្រះជាម្ចាស់ប្រទាន” សម្រាប់ក្រុមហ៊ុន VinFast។ កត្តាទាំងពីរ “ភូមិសាស្រ្តអំណោយផល និងស្របចិត្តមនុស្ស” បានក្រុមហ៊ុន Vingroup ត្រៀមនឹងបំពេញ។ តាមការអះអាងរបស់លោក Michael Lohscheller អគ្គនាយកក្រុមហ៊ុន VinFast សកលលោក អាមេរិកជាទីកន្លែងសមស្របបំផុត សម្រាប់ក្រុមហ៊ុន VinFast ឈរលំនឹង នៅលើទីផ្សារសកលលោក។
រថយន្ត VinFast ដំបូងបង្អស់ តថូបនីយកម្មមហិច្ឆតាបង្កើតផលិតផល ប្រកបដោយលំដាប់អន្តរជាតិ ជារបស់វៀតណាម ជានិមិត្តរូបនៃការខិតខំប្រឹងប្រែងយកជំនះកំពូល ក្នុងវិស័យបច្ចេកវិទ្យា និងបច្ចេកវិទ្យាខ្ពស់នៃគ្រប់ជំនាន់ប្រជាជនវៀតណាម។ ជាមួយនឹងអត្ថន័យនោះ រថយន្តអគ្គិសនី VinFast សក្តិសមជាផលិតផលតំណាងតម្លៃ បញ្ញា និងសមត្ថភាពវៀតណាម ឆ្ពោះទៅកាន់ពិភពលោក៕
អត្ថបទ៖ ថាវវី រូបថត៖ VinFast
ប្រែសម្រួល៖ រីកើង