UN-Habitat រួមដំណើរជាមួយនឹងពិធីបុណ្យរចនាច្នៃប្រតិដ្ឋហាណូយ
UN-Habitat (កម្មវិធីស្ថេរនិវេសន៍មនុស្សនៃអង្គការសហប្រជាជាតិ) ប្រចាំនៅវៀតណាម បាននិងកំពុងគាំទ្រឧបត្ថម្ភរដ្ឋាភិបាលវៀតណាម ដោះស្រាយបណ្ដាបញ្ហាប្រឈមអំពីការអភិវឌ្ឍទីប្រជុំជន ក្នុងនោះមានរដ្ឋធានីហាណូយ។ ពិធីបុណ្យរចនាច្នៃប្រតិដ្ឋហាណូយ ជាកម្មវិធីមួយក្នុងបណ្ដាកម្មវិធីប្រចាំឆ្នាំរបស់ក្រុងហាណូយ ដែលមានការរួមដំណើររបស់ UN-Habitat ដើម្បីអភិវឌ្ឍបរិយាកាសវប្បធម៌សហគមន៍ យកមនុស្សធ្វើជាគ្រឹះធារ ផ្តើមពីនោះបង្កើតការអភិវឌ្ឍចីរភាព អភិរក្សបេតិកភណ្ឌ ក្នុងទីក្រុងច្នៃប្រតិដ្ឋហាណូយ។
ថ្មីៗនេះ UN-Habitat សហការជាមួយនឹងអង្គការ UNESCO គណៈកម្មាធិការប្រជាជនទីក្រុងហាណូយ សមាគមស្ថាបត្យករវៀតណាម និងមន្ទីរវប្បធម៌ព័ត៌មានហាណូយ រៀបចំកម្មវិធីបុណ្យរចនាច្នៃប្រតិដ្ឋ។ ទន្ទឹមជាមួយពិធីបុណ្យនេះ រួមមានសកម្មភាពចំនួនប្រមាណជាង៥០ រាយពាសនៅតាមអាសយដ្ឋានខណ្ឌហ្វានគីម (Hoan Kiem) ដូចជា៖ សួនបុប្ផាស្តូបវិមានលី ថៃតូ (Ly Thai To) ទីលានដុងកិញងៀធុក (Dong Kinh Nghia Thuc) មជ្ឈមណ្ឌលវប្បធម៌សិល្បៈ (លេខ២២ ផ្លូវហាងបូម - Ham Buom) មជ្ឈមណ្ឌលព័ត៌មានវប្បធម៌បឹងហ្វឹម (Ho Guom) (លេខ២ ផ្លូវលេថៃតូ - Le Thai To) អគារតាំងពិព័តណ៍ (លេខ៤៥ ផ្លូវត្រាងតៀន - Trang Tien) មជ្ឈមណ្ឌលព័ត៌មានតាំងពិព័រណ៍ (លេខ៩៣ ផ្លូវឌិញតៀនហ្វាង - Dinh Tien Hoang) បរិយាកាសផ្លូវថ្មើរជើងទាំងស្រុង នៅជុំវិញបឹងហ្វាងគីម (Hoan Kiem)។ អាចអំណះអំណាងថា នេះជាសកម្មភាពវប្បធម៌ចំណាប់អារម្មណ៍មួយ នាឆ្នាំ២០២២ របស់ក្រុងហាណូយ ដោយមានចម្រុះព្រឹតិ្តការណ៍ជាច្រើនដូចជា៖ តាំងពិព័រណ៍ ពិភាក្សា សិក្ខាសាលាឯកទេស សកម្មភាពវប្បធម៌ បំពាក់កត្តាច្នៃប្រតិដ្ឋជាច្រើនដូចជា អន្តរកម្ម ពិសោធន៍ មានលក្ខណៈសិក្សាអប់រំ។
បរិយាកាសស្ថាបត្យកម្មនៃពិធីបុណ្យរចនាច្នៃប្រតិដ្ឋក្រុងហាណូយ ជាមួយសារតភ្ជាប់ប្រពៃណីនឹងសម័យទំនើប ជាទីកន្លែងសម្រាប់ប្រជាជន និងភ្ញៀវទេសចរអាចអន្តរកម្មនិងបង្កើតជ្រុងគំហើញថ្មីអំពីរដ្ឋធានីហាណូយច្នៃប្រតិដ្ឋ និងជាទីលានគួរជាទីចំណាប់ដែលនរណាក៏ចង់បានពិសោធន៍ទាំងអស់ផងដែរ។
ពិធីបុណ្យរចនាច្នៃប្រតិដ្ឋហាណូយឆ្នាំ២០២២ ជាសកម្មភាពប្រចាំឆ្នាំ អនុវត្តការច្នៃប្រតិដ្ឋ ដែលសន្យានឹងអង្គការ UNESCO ខណៈពេលក្រុងហាណូយចូលរួមបណ្តាញទីក្រុងច្នៃប្រតិដ្ឋ។ ពិធីបុណ្យមានប្រធានរចនា និងបច្ចេកវិទ្យា ឆ្ពោះទៅកាន់ការបង្កើតជូនប្រជាជនក្រុងហាណូយ និងភ្ញៀវទេសចរក្នុងស្រុក និងអន្តរជាតិ ចូលរួមពិសោធន៍ក្រេបជញ្ជក់បរិយាកាសពិធីបុណ្យ។ UN-Habitat ជាមួយគោលបំណងជំនួយវៀតណាម ពង្រីកធនធានវប្បធម៌នៃក្រុងហាណូយ ជំរុញខ្លាំងការអភិវឌ្ឍសហគមន៍ និងទេពកោសល្យច្នៃប្រតិដ្ឋ បង្កើតចំណុចចំណាប់អារម្មណ៍សម្រាប់ទីក្រុងហាណូយ លំដាប់ជាតិ និងតំបន់។ ផ្តើមពីនេះ UN-Habitat អង្គការ UNESCO និងទីក្រុងហាណូយនឹងផ្សព្វផ្សាយសារទៅដល់ប្រជាជនរដ្ឋធានីហាណូយ ដើម្បីរួមដៃកសាងហាណូយ ពីទីក្រុងដើម្បីសន្តិភាពក្លាយជាទីក្រុងច្នៃប្រតិដ្ឋនៃអង្គការ UNESCO ជាមួយនឹងភារកិច្ចស្នូល គឺដាក់ការច្នៃប្រតិដ្ឋចូលមជ្ឈមណ្ឌលនៃការអភិវឌ្ឍចីរភាព នាំទីក្រុងហាណូយក្លាយជារដ្ឋធានីច្នៃប្រតិដ្ឋ នៃតំបន់អាស៊ីអាគ្នេយ៍ គោលដៅមករកនៃចំណេះដឹង និងការច្នៃប្រតិដ្ឋលើពិភពលោក។
ពិធីបុណ្យរចនាច្នៃប្រតិដ្ឋហាណូយ បង្កើតបានទីលានកម្សាន្តធំមួយ សម្រាប់អ្នកច្នៃប្រតិដ្ឋវ័យក្មេង ឧទ្ទេសនាមគំនិតរចនាអន្តរវិស័យអំពីស្ថាបត្យកម្ម សិល្បៈសហគមន៍ អនុវត្តបច្ចេកវិទ្យា។ល។ ដោយយុវជនកសាង អភិវឌ្ឍ និងតថូបនីយកម្ម តាមរយៈនោះដើម្បីប្រមូលផ្តុំកម្លាំងពីវប្បធម៌ - សង្គម - ឆ្ពោះទៅរកការកសាងក្រុងហាណូយជាទីតាំងដែលគួររស់នៅជាង។
UN-Habitat បានធ្វើការជាមួយនឹងរដ្ឋាភិបាលវៀតណាម តាំងពីឆ្នាំ១៩៩០ ហើយបង្កើតការិយាល័យប្រចាំនៅវៀតណាមនៅឆ្នាំ២០០៧។ បច្ចុប្បន្ន UN-Habitat គាំទ្រក្រុងហាណូយដោយគំនិតច្នៃប្រតិដ្ឋ៣ កម្រិតអន្តរជាតិ រួមមាន៖ ១.ពិធីបុណ្យច្នៃប្រតិដ្ឋ ២.វេទិកាទីក្រុងច្នៃប្រតិដ្ឋរបស់អង្គការ UNESCO នៅអាស៊ីអាគ្នេយ៍ ៣.កសាងបណ្តាញអ្នករចនាវ័យក្មេង ការប្រឡង និងសកម្មភាពតភ្ជាប់សហគមន៍ច្នៃប្រតិដ្ឋវ័យក្មេង។
លោក Christian Manhart ប្រធានតំណាងការិយាល័យអង្គការ UNESCO ប្រចាំនៅក្រុងហាណូយ រីករាយរៀបរាប់ថា៖ ពិធីបុណ្យរចនាច្នៃប្រតិដ្ឋហាណូយ ជាទីតាំងសម្រាប់អ្នកមានទេពកោលស្យរួមប្រាស្រ័យផ្លាស់ប្តូរ ជំនួប និងចូលរួមច្នៃប្រតិដ្ឋ និងជាចំណេះដឹងសម្រាប់ការអភិវឌ្ឍរួមនៃទីក្រុង។
ហាណូយជារដ្ឋធានីពិសេសមួយ ប្រមូលផ្តុំឃ្លាំងកេរដំណែលវប្បធម៌សម្បូរបែប កម្រមាន និងសហគមន៍ច្នៃប្រតិដ្ឋសកម្ម។ នេះក៏ជាភាពប្រៀបខ្លាំងមួយ សម្រាប់ក្រុងហាណូយក្លាយជាសួនបណ្តុះ ទីប្រជុំ ជំរុញការច្នៃប្រតិដ្ឋវប្បធម៌ បង្កើតបានស្នាដៃ និងសេវាឧស្សាហកម្មវប្បធម៌គុណភាព ដែលមានកម្លាំងប្រកួតប្រជែងខ្ពស់នៅក្នុងស្រុក តំបន់ និងអន្តរជាតិ។
បរិយាកាសវប្បធម៌បានឧទ្ទេសនាមនៅក្នុងពិធីបុណ្យដូចជា៖ តាំងពិព័រណ៍ស្នាដៃនៃការប្រឡងសិល្បៈសហគមន៍ហាណូយឆ្នាំ២០២២ ការប្រឡងអគារនៃក្តីសុបិន ឧទ្ទេសនាមមជ្ឈមណ្ឌលរចនាច្នៃប្រតិដ្ឋរបស់ទីក្រុង នៃបណ្តាញទីក្រុងច្នៃប្រតិដ្ឋរបស់អង្គការ UNESCO។ ទន្ទឹមនោះ គឺបរិយាកាសច្នៃប្រតិដ្ឋឧទ្ទេសនាមស្នាដៃប្រពៃណីគួបផ្សំនឹងសហសម័យនៃភូមិរបរ បរិយាកាសរៀបចំឧទ្ទេសនាមរូបថត ស្នាដៃវិចិត្រសិល្បៈ គំនូរសិល្បៈបង្កើតពីម្រក្សរណ៍ខ្មុក អំបោះ ក្រដាសយ៉។ល។ រៀបចំវីដីអូជាក់ស្តែងសិប្បនិម្មិត បង្កើតគំហើញថ្មីក្នុងផែនការ ការពារបេតិកភណ្ឌរបស់ក្រុងហាណូយ។ល។
បរិយាកាសពិធីបុណ្យជាមួយសកម្មភាពវប្បធម៌សម្បូរបែប តភ្ជាប់នឹងប្រជាជន ភ្ញៀវទេសចរអន្តរជាតិ អន្តរកម្មរួមផ្សព្វផ្សាយសម្រស់បេតិកភណ្ឌទីក្រុងហាណូយ ជាមួយនឹងសម្រស់ជីវិតប្រចាំថ្ងៃ ទន្ទឹមនោះជាក្តីមោទនភាពអំពីទីក្រុងហាណូយ ជាទីក្រុងគួររស់នៅ នាំមុខក្នុងការច្នៃប្រតិដ្ឋ និងដឹកនាំក្នុងការអភិវឌ្ឍវប្បធម៌វៀតណាម។
សិល្បករ ង្វៀន ថេសឺន (Nguyen The Son) ក្នុងតួនាទីនាយកជម្រើស នៃពិធីបុណ្យរចនានិងច្នៃប្រតិដ្ឋឆ្នាំ២០២២ រៀបរាប់ថា៖ បងចូលរួមពិធីបុណ្យរចនា និងច្នៃប្រតិដ្ឋច្រើនឆ្នាំមកហើយ ប៉ុន្តែចំណាប់អារម្មណ៍ឆ្នាំនីមួយៗ តែងនាំមកជូនបងនូវការពិសោធន៍ថ្មីៗ ក៏ដូចជាការច្នៃប្រតិដ្ឋមិនឈប់ឈរ។ បងសង្ឃឹមថា ជាមួយនឹងកម្លាំងយុវជន និងប្រជាជនវៀតណាមនឹងរួមដៃគ្នានាំទីក្រុងច្នៃប្រតិដ្ឋហាណូយ ផ្លាស់ប្តូរដោយមិនឈប់ឈរ ដើម្បីបោះជំហានទន្ទឹមនឹងទីក្រុងច្នៃប្រតិដ្ឋដទៃលើពិភពលោក៕
អត្ថបទ៖ ប៊ិចវឹន រូបថត៖ វៀតគឿង/កាសែតរូបភាពវៀតណាម
ប្រែសម្រួល៖ រីកើង