Martín Rama៖ “ដើម្បីមនោសញ្ចេតនាចំពោះរដ្ឋធានីហាណូយ”
អ្នកឯកទេសសេដ្ឋកិច្ចជនជាតិអ៊ុយរូហ្គាយ Martín Rama មានរយៈពេលធ្វើការនិងផ្សារភ្ជាប់ជាមួយក្រុងហាណូយជាច្រើនឆ្នាំ។ “ដើម្បីមនោសញ្ចេតនាចំពោះរដ្ឋធានីហាណូយ” ជាសៀវភៅដែលលោកទើបបោះពុម្ពផ្សាយ នៅខែកក្កដា ឆ្នាំ២០២៣ ប្រមូលផ្តុំអត្ថបទអំពីការអភិរក្សកេរដំណែល និងអភិវឌ្ឍទីក្រុង ដែលលោកដាក់ស្នើ និងអនុវត្តក្នុងអំឡុងពេលលោករស់នៅ និងធ្វើការនៅវៀតណាម។
បច្ចុប្បន្ន លោក Martín Rama ជាទីប្រឹក្សានៃប្រធានធនាគារពិភពលោក។ លើកដំបូង គាត់ធ្វើដំណើរមកដល់រដ្ឋធានីហាណូយ គឺនៅឆ្នាំ១៩៩៨ លោកមានអារម្មណ៍ស្រឡាញ់ដែនដីមួយនេះ។ លោកបញ្ចេញមនោសញ្ចេតនានោះ តាមរយៈការស្នើវិធីការពារអភិរក្សកេរដំណែលហាណូយ ឆ្ពោះទៅកាន់ភាពរុងរឿង។ ជាអ្នកឯកទេសសេដ្ឋកិច្ចនៃធនាគារពិភពលោក ប្រចាំនៅវៀតណាម (២០០២ - ២០១០) Martín Rama ស្វែងយល់និងចូលរួមដំណើរជាមួយរដ្ឋធានីហាណូយ តាមរបៀបដោយឡែករបស់ខ្លួន។ នៅឆ្នាំ២០១៤ Martín Rama បោះពុម្ពផ្សាយសៀវភៅ “ហាណូយ ទីឋានកម្សាន្តមួយ” កត់ត្រារឿង និង រូបភាពដែលលោកបានថតនៅពេលធ្វើដំណើរកម្សាន្តគ្រប់ទីកន្លែងនៅរដ្ឋធានីហាណូយ ព្រមទាំងទទួលបានរង្វាន់ ប៊ូយ ស្វឹនផាយ (Bui Xuan Phai)៖ ដើម្បីមនោសញ្ចេតនាចំពោះរដ្ឋធានីហាណូយ។
ចាប់ពីឆ្នាំ២០១៧ ដល់ឆ្នាំ២០២០ លោកជានាយកគម្រោងកិត្តិយស នៅមជ្ឈមណ្ឌលអភិវឌ្ឍចីរភាពទីក្រុង ចំណុះបណ្ឌិតសភាវិទ្យាសាស្រ្តសង្គមវៀតណាម។ នៅឆ្នាំ២០២៣ លោកសហការនឹងក្រុមហ៊ុនសៀវភៅ និងប្រព័ន្ធផ្សព្វផ្សាយវៀតណាម (បញ្ញវន្តវ័យក្មេង - Book) បង្ហាញសៀវភៅទី២ “ដើម្បីមនោសញ្ចេតនាចំពោះរដ្ឋធានីហាណូយ”។ ផ្នែកពិសេសនៃសៀវភៅនេះ គឺប្រមូលផ្តុំអត្ថបទកាសែតចំនួន ៤៥ អត្ថបទ រួមមានរឿងរ៉ាវ ដំណោះស្រាយពីចិត្តពីថ្លើម សម្រាប់ការអភិរក្ស អភិវឌ្ឍទីក្រុងវៀតណាម ដែលអ្នកនិពន្ធឧទ្ទេសនាម នៅលើទំព័រកាសែតវៀតណាម ពីឆ្នាំ២០១៦ ដល់ឆ្នាំ២០២២ ទន្ទឹមនោះ គឺអន្តរកម្មជាមួយនឹងបណ្ដាសហការីដូចជា អ្នកសារព័ត៌មាន ស្ថាបត្យករ មិត្តភក្តិអន្តរជាតិ។ល។ ឆ្ពោះទៅរកគោលដៅរួម គឺការពារកេរដំណែលហាណូយ។
ហាណូយក្នុងអារម្មណ៍របស់លោក គឺការទាក់ទាញទាំងស្រុង ដែលលោកតែងហៅហាណូយដោយឈ្មោះស្និទ្ធស្នាលថា “អ្នកនាង”។ គម្រោងអភិវឌ្ឍទីក្រុងចីរភាព “ពិសោធនឋានទម្រង់ថ្មី នៅប្លុកអគារមួយ” គោលបំណងបង្ហាញទម្រង់ជួយរដ្ឋធានីហាណូយបុរាណ សម្បូរវប្បធម៌ និងលក្ខណៈពិសេសដោយឡែក នៅក្នុងរដ្ឋធានីហាណូយទំនើបមួយ ក៏បានដាក់ស្នើសុំរង្វាន់ “ប៊ូយ ស្វឹនផាយ (Bui Xuan Phai) ដើម្បីមនោសញ្ចេតនាចំពោះរដ្ឋធានីហាណូយ” ឆ្នាំ២០១៨។
“រឿងហាណូយ” បានបង្ហាញតាមរយៈជ្រុងគំហើញរបស់លោក Martín Rama យ៉ាងពិសេសដូចជា៖ អគារបារាំងបុរាណ អគារសមូហភាព ចិញ្ចើមថ្នល់ វិថីសៀវភៅ។ល។ តម្លៃកេរដំណែលទាំងនោះ ត្រូវតែបានការអភិរក្ស។ តាមរយៈនោះ លោកនិយមន័យកេរដំណែលជាអ្វី ហើយបកស្រាយមូលហេតុជនបរទេសស្រឡាញ់វៀតណាមយ៉ាងណានោះ។ តាមរយៈយុទ្ធនាការអភិរក្សរបស់រដ្ឋធានីហាណូយ ដែលលោក Martín Rama បានចូលរួមដូចជា៖ ស្ថានីយ៍រថភ្លើងហាណូយ ស្ថានីយ៍មេត្រូ ប៉ុស្តិ៍វិទ្យុនៅបាចម៉ាយ (Bach Mai) គំនូរជញ្ជាំងបដិវត្ត តំបន់វិថីនៅខណ្ឌបាឌិញ (Ba Dinh)។ល។ លោក Martín Rama សែនសប្បាយចិត្ត ខណៈពេលហាណូយអភិរក្សបាននូវសំណង់ ដែលមានអត្ថន័យប្រវត្តិសាស្រ្តនិងវប្បធម៌។ យករូបគំនូររបស់វិចិត្រករក្មេង ដាំង វៀតឡុក (Dang Viet Loc) ធ្វើជារូបតំណាងឱ្យសៀវភៅដើម្បីជួយឱ្យសៀវភៅ “ដើម្បីមនោសញ្ចេតនាចំពោះរដ្ឋធានីហាណូយ” ជិតស្និទ្ធនឹងអ្នកអាន វៀតណាមនីយកម្ម និងបើកទូលាយវិថីសម្រាប់សៀវភៅទៅកាន់បេះដូងអ្នកអាន។
ប្រធានបទ “គម្រោងការមួយសម្រាប់ហាណូយ” ជាមួយនឹងបណ្ដាអត្ថបទឆ្ពោះទៅកាន់អ្នកសកម្មភាពកេរដំណែល បណ្ដាដំណោះស្រាយ ដែលលោក Martín Rama អនុវត្តជូនរដ្ឋធានីហាណូយ ក្នុងនោះលោកសន្យាជូន “ហាណូយ” នោះគឺផ្តល់ពេលវេលាស្រាវជ្រាវគម្រោងថ្មី ដោយគោលបំណងរក្សាលក្ខណៈមួយចំនួន នៃហាណូយបុរាណមួយ កំពុងក្នុងដំណើរទំនើបភាវូបនីយកម្ម។ តាមប្រសាសន៍លោក ការគួបផ្សំទាំងនោះ ជាមាគ៌ាវិនិយោគដែលមានប្រាក់ចំណេញបំផុត និងស្ថេរភាពបំផុតសម្រាប់ហាណូយ។ គម្រោងរបស់លោកដាក់ចេញវិធានការ ដើម្បីសម្របរវាងការអភិវឌ្ឍសេដ្ឋកិច្ចឆាប់រហ័ស និង អភិរក្សតម្លៃស្ថាបត្យកម្ម ក៏ដូចជាលក្ខណៈសង្គមរបស់ហាណូយ។
“ដើម្បីមនោសញ្ចេតនាចំពោះរដ្ឋធានីហាណូយ” ជាដំណើរខិតខំប្រឹងប្រែងមួយ របស់លោក Martín Rama ក្នុងកិច្ចការនាំយកដំណោះស្រាយរួមវិភាគទានក្នុងការការពារនិងអភិវឌ្ឍលក្ខណៈមានតម្លៃរបស់ហាណូយ។ រូបភាពហាណូយបុរាណ អាយុកាលចំណាស់ និងឧទ្ទេសនាមបាននូវលក្ខណៈពិសេសបំផុត សម្រាប់ភ្ញៀវទេសចរអន្តរជាតិ។
លោក Martín Rama បានរៀបរាប់ថា៖ ខ្ញុំបានជ្រើសរើសធ្វើជានាយកកិត្តិសយឥតប្រាក់ខែ នៅមជ្ឈមណ្ឌលអភិវឌ្ឍចីរភាពទីក្រុង ចំណុះបណ្ឌិតសភាវិទ្យាសាស្រ្តសង្គមវៀតណាម។ ខ្ញុំនឹងមានសុភមង្គលណាស់ ប្រសិនបើខ្ញុំអាចចូលរួមវិភាគទាន ទោះបីបន្តិចបន្តួចសម្រាប់រដ្ឋធានីហាណូយបំភ្លឺ ដូចទីក្រុងអស្ចារ្យមួយ។ ពីព្រោះនោះជាទីក្រុងដែលទូទាំងពិភពលោកស្រឡាញ់ចូលចិត្ត។
“ដើម្បីមនោសញ្ចេតនាចំពោះរដ្ឋធានីហាណូយ” របស់ Martín Rama សាមញ្ញ ប៉ុន្តែតែងឆេះរោទិ៍គឺដូច្នេះ៕
អត្ថបទ៖ ប៊ិចវឹន - រូបថត៖ ថាញយ៉ាង
ប្រែសម្រួល៖ រីកើង