ຈາກໝາກຫຸ່ງທີ່ເປັນຜົນລະໄມ້ຊະນິດໜຶ່ງ ທີ່ບໍ່ມີຊີວິດຈິດໃຈ ແຕ່ເມື່ອໄດ້ຜ່ານສີມືອັນຄ່ອງແຄ້ວ ຂອງບັນດາທ່ານຍິງໃນຫ້ອງຮຽນ "ຈຸດນັດພົບທີ່ສະຫງົບງຽບ" ແລ້ວມັນໄດ້ກາຍເປັນດອກໄມ້ທີ່ມີສີສັນ, ມີຈິດວິນຍານ.
ຫ້ອງຮຽນ "ຈຸດນັດພົບທີ່ສະຫງົບງຽບ" ໂດຍເອື້ອຍ ຫງວຽນທິທູ ໄດ້ເປີດສອນທີ່ຫ່າງຈາກນີ້ເປັນເວລາສອງປີຢູ່ຮ່າວນາມ (ຮ່າໂນ້ຍ) ໄດ້ດຶງດູດເອົາຜູ້ຄົນໃນເກນອາຍຸທີ່ແຕກຕ່າງກັນຕັ້ງຫຼາຍຄົນເຂົ້າຮ່ວມ. ເອື້ອຍຫງວຽນທິທູ ໃຫ້ຮູ້ວ່າ: ເອື້ອຍໄດ້ມີຄວາມຫລົງໄຫລ ແລະ ຮຽນສິລະປະການສອຍດອກໄມ້ຈາກໝາກຫຸ່ງ ກ່ອນນີ້ສາມສິບປີມາແລ້ວ. ເອື້ອຍທູໄດ້ຕັດສິນໃຈເປີດຫ້ອງຮຽນດັ່ງກ່າວດ້ວຍຄວາມປາຖະໜາຢາກຮັກສາສິ່ງທີ່ຍອດຢ້ຽມຂອງແມ່ຍິງຮ່າໂນ້ຍໃນເມື່ອກ່ອນໄວ້ ແລະ ເພື່ອໃຫ້ຜູ້ທີ່ມັກຮັກດອກໄມ້ໄດ້ມາຮ່ຳຮຽນ.
ຫ້ອງຮຽນສິລະປະສອຍໝາກຫຸ່ງທີ່ມີຊື່ວ່າ: "ຈຸດນັດພົບທີ່ສະຫງົບງຽບ "ໂດຍເອື້ອ ຫງວຽນທິທູ ສ້າງຕັ້ງ ແລະ ສິດສອນຢູ່ຮ່າວນາມ.
ບາດກ້າວຕ່າງໆເບື້ອງຕົ້ນຂອງຂັ້ນຕອນການຕັດ, ສອຍດອກໝາກຫຸ່ງ.
ຂັ້ນຕອນການແຍກແກ່ນໝາກຫຸ່ງອອກເພື່ອສ້າງເປັນເກສອນດອກໄມ້.
ຂັ້ນຕອນການຕັດ, ສອຍກີບດອກໄມ້.
ຂັ້ນຕອນການດັດກົ່ງກີບດອກໄມ້ເພື່ອສ້າງຄວາມອ່ອນຕົວ, ຄວາມເປັນທຳມະຊາດຂອງກີບດອກໄມ້. ຜູ້ເຮັດຕ້ອງມີຄວາມພິຖີພິຖັນ
ແລະ ຄ່ອງແຄ້ວໃນແຕ່ລະລາຍລະອຽດຕ່າງໆ.
ທາສີໃຫ້ດອກໄມ້ແມ່ນຂັ້ນຕອນສຸດທ້າຍເພື່ອເຮັດໃຫ້ຜະລິດຕະພັນສຳເລັດສົມບູນແບບ. |
ກວ່າຈະໄດ້ຜະລິດຕະພັນດອກໄມ້ຈາກໝາກຫຸ່ງດອກໜຶ່ງທີ່ມີຈິດວິນຍານນັ້ນ, ຜູ້ເຮັດຕ້ອງໄດ້ຜ່ານບັນດາຂັ້ນຕອນການເຮັດຢ່າງຄົບຖ້ວນຄື: ປອກເປືອກໝາກຫຸ່ງ, ແກະເປັນກີບ, ຕັດກີບ, ດັດກີບດອກໄມ້ໃຫ້ກົ່ງ ແລະ ທາສີດອກໄມ້. ໃນນັ້ນ, ຂັ້ນຕອນການແກະກີບດອກໄມ້ຜູ້ເຮັດຕ້ອງແກະໃຫ້ເປັນຍຸຍໆເພື່ອສ້າງເປັນເກສອນດອກໄມ້. ຂັ້ນຕອນພິເສດແລະ ສຳຄັນທີ່ສຸດແມ່ນການດັດກີບດອກໄມ້ໃຫ້ກົ່ງ, ເພາະວ່ານີ້ແມ່ນຂັ້ນຕອນທີ່ຕັດສິນໃຫ້ແກ່ດອກໄມ້ທີ່ເຮັດນັ້ນເບິ່ງແລ້ວງາມຕາ ແລະ ມີສິລະປະ.
ຜະລິດຕະພັນດອກໄມ້ແຕ່ລະດອກທີ່ໄດ້ຮັບການສອຍຈາກໝາກຫຸ່ງ ດ້ວຍຄວາມສຳນຶກວາດພາບ ແລະ ຄວາມຄ່ອງແຄ້ວຂອງຜູ້ທີ່ຮັກຫອມດອກໄມ້ ທີ່ມີສີສັນຕ່າງໆທີ່ແຕກຕ່າງກັນ. ນັ້ນຄືຈະເປັນສີບົວແກ່ຂອງດອກຄາຍ, ສີເຫຼືອງຂອງດອກເບັນຈະມາດ, ສີອິດຂອງດອກຂີ້ແບ້... ເວລາທີ່ໃຊ້ໃນການເຮັດດອກໝາກຫຸ່ງແຕ່ລະດອກສຳເລັດແມ່ນປະມານ 45 ນາທີ ຫາ 1 ຊົ່ວໂມງ, ຂຶ້ນກັບຄວາມລະອຽດອ່ອນ ແລະ ພິຖີພິຖັນໃນການເຮັດຂອງຜູ້ຜະລິດດອກໄມ້ນັ້ນ.
ນາງ ຮວ່າງທິມິງທູ ແບ່ງປັນວ່າ: "ເມື່ອມາຫ້ອງຮຽນນີ້, ຂ້າພະເຈົ້າມີຄວາມຮູ້ສຶກເບີກບານມ່ວນຊື່ນທີ່ສຸດ, ເພາະວ່າ ໄດ້ມີໂອກາດຮັບການແນະນຳວິທີສອຍໝາກຫຸ່ງ, ໄດ້ພົບປະ, ແລກປ່ຽນກັບບັນດາຜູ້ທີ່ມີຄວາມຮັກມັກສິລະປະຄືກັນກັບຕົວຂ້າພະເຈົ້າເອງ".
ມາຮອດປະຈຸບັນ, ຫ້ອງຮຽນ "ຈຸດນັດພົບທີ່ສະຫງົບງຽບ" ໄດ້ກາຍເປັນສະຖານທີ່ພົບກັນໃນແຕ່ລະທ້າຍອາທິດຂອງ ຫຼາຍຄົນ ເພາະວ່າ ວິຊາສິລະປະກຳນີ້ສາມາດປົດປ່ອຍຄວາມກັງວົນ, ຄວາມສັບສົນວຸ້ນວາຍໃນຊີວິດການເປັນຢູ່ປະຈຳວັນໄດ້.
ຜະລິດຕະພັນດອກບົວທອງທີ່ຜະລິດຈາກໝາກຫຸ່ງ.
ຜະລິດຕະພັນດອກໄມ້ຜ່ານວິທີການຕົບແຕ່ງດ້ວຍ ແນວຄວາມຄິດຈາກນົກຫົງ.
ດອກ “ຟູ່ຢຸງ” (ດອກ Hibiscus mutabilis) ຜະລິດຜ່ານສີມືຂອງສະມາຊິກໃນຫ້ອງຮຽນ "ຈຸດນັດພົບທີ່ສະຫງົບງຽບ".
ຜະລິດຕະພັນດອກເບັນຈະມາດທີ່ຜະລິດມາຈາກໝາກຫຸ່ງ.
ຜະລິດຕະພັນດອກກຸຫຼາບທີ່ໄດ້ຮັບການຕົບແຕ່ງຕາມວິທີການຕ່າງໆ.
ຜະລິດຕະພັນ: ດອກຂົນຕາ
ຜະລິດຕະພັນ: ດອກກຸຫຼາບ
ຜະລິດຕະພັນດອກໄມ້ຜ່ານວິທີການຕົບແຕ່ງ ໂດຍອີງໃສ່ ແນວຄວາມຄິດຈາກນົກຫົງ, ທາງໃນແມ່ນດອກບົວ.
ຜະລິດຕະພັນ: ດອກຕຽນ (ດອກ Hyacinthus orientalis) |
ບົດ: ເງີນຮ່າ - ພາບ: ແຄ໋ງລອງ