• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ໄຂງານຕະຫຼາດນັດການຄ້າ, ການທ່ອງທ່ຽວສາກົນ ຫວຽດ - ຈີນ ປີ 2019

ງານຕະຫຼາດນັດການຄ້າ, ການທ່ອງທ່ຽວສາກົນ ຫວຽດນາມ - ຈີນ (ມ໊ອງກ໊າຍ - ຕຸງສິງ) ປີ 2019 ມີຫົວຂໍ້ “ເປີດກວ້າງການຮ່ວມມື - ພັດທະນາແບບຍືນຍົງ”.

ພິທີໄຂງານຕະຫຼາດນັດ (ພາບ: TTXVN)

ຕອນເຊົ້າວັນທີ 1 ທັນວາ, ຢູ່ສະໜາມຫຼວງ ສູນສື່ສານ ແລະ ວັດທະນະທໍາ ນະຄອນ ມ໊ອງກ໊າຍ, ແຂວງກວ໋າງນິງຂອງຫວຽດນາມ ໄດ້ໄຂງານຕະຫຼາດນັດການຄ້າ, ການທ່ອງທ່ຽວສາກົນ ຫວຽດນາມ - ຈີນ (ມ໊ອງກ໊າຍ - ຕຸງສິງ) ປີ 2019. ດ້ວຍຫົວຂໍ້ “ເປີດກວ້າງການຮ່ວມມື - ພັດທະນາແບບຍືນຍົງ”, ຮ້ານວາງສະແດງຂາຍສິນຄ້າຂອງຫວຽດນາມ ແລະ ຈີນ 400 ຮ້ານໄດ້ເຂົ້າຮ່ວມ. ທ່ານ ຫງວຽນຕ໊ຽນຢຸງ, ຮອງປະທານຜູ້ປະຈໍາການ ຄະນະກໍາມະການປະຊາຊົນນະຄອນ ມ໊ອງກ໊າຍ ໃຫ້ຮູ້ວ່າ:

        “ງານຕະຫຼາດນັດແມ່ນຂົວຕໍ່ເພື່ອໃຫ້ບັນດາວິສາຫະກິດສອງຝ່າຍຊອກຫາຄູ່ຮ່ວມມືຮ່ວມທຸລະກິດ, ຮ່ວມສໍາພັນເປີດກວ້າງຕະຫຼາດ, ເພີ່ມທະວີການເຄື່ອນໄຫວສົ່ງເສີມ, ເປີດກວ້າງການລົງທຶນ, ພັດທະນາການທ່ອງທ່ຽວ ແລະ ແລກປ່ຽນວັດທະນະທໍາເຊິ່ງກັນແລະກັນ, ອັນໄດ້ປະກອບສ່ວນເຮັດໃຫ້ການພົວພັນຖານບ້ານໃກ້ເຮືອນຄຽງ, ມິດຕະພາບ ແລະ ຮ່ວມມືພ້ອມກັນພັດທະນາລະຫວ່າງບັນດາທ້ອງຖິ່ນຢູ່ເຂດຊາຍແດນຂອງສອງປະເທດນັບມື້ນັບແທດຈິງ, ກ້າວເຂົ້າສູ່ລວງເລິກ,  ມີປະສິດທິຜົນກວ່າ ແລະ ປະກອບສ່ວນເຂົ້າໃນການສ້າງ ວັດທະນາຖາວອນລວມຂອງແຕ່ລະທ້ອງຖິ່ນ, ແຕ່ລະປະເທດ”.

        ງານວາງຕະຫຼາດນັດດັ່ງກ່າວ ໄດ້ດໍາເນີນໃນລະຫວ່າງວັນທີ 1 ຫາວັນທີ 7 ທັນວາ ດ້ວຍການເຄື່ອນໄຫວຫຼາຍຢ່າງຄື: ງານວາງສະແດງຜົນງານພັດທະນາເສດຖະກິດ - ສັງຄົມຂອງບັນດາທ້ອງຖິ່ນສອງປະເທດ; ກອງປະຊຸມເຊື່ອມຕໍ່ການສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນໍ້າ; ເວທີປາໄສໂຄສະນາສົ່ງເສີມການທ່ອງທ່ຽວ...ພ້ອມທັງມີລາຍການສະແດງສິລະປະອີີກດ້ວຍ. 

(ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top