• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ໄຂກອງປະຊຸມຄັ້ງທີ 25 ຂອງຄະນະປະຈໍາສະພາແຫ່ງຊາດ

      ກອງປະຊຸມຄັ້ງທີ 25 ຂອງຄະນະປະຈຳສະພາແຫ່ງຊາດ  ຊຸດທີ 14 ໄດ້ໄຂຂຶ້ນໃນຕອນເຊົ້າຂອງວັນທີ 11 ກໍລະກົດ, ຢູ່ ຮ່າໂນ້ຍ. 

ກອງປະຊຸມຄັ້ງທີ 25 ຂອງຄະນະປະຈຳສະພາແຫ່ງຊາດ  ຊຸດທີ 14
(ພາບ:quochoi.vn)
      ຕາມລາຍການແລ້ວ, ສໍາລັບວຽກງານສ້າງກົດໝາຍ, ຄະນະປະຈຳສະພາແຫ່ງຊາດ ຈະປະກອບຄໍາເຫັນໃສ່ບາງບັນຫາ ທີ່ຍັງມີຄໍາເຫັນແຕກຕ່າງກັນຂອງບັນດາຮ່າງກົດໝາຍ ຄຶື: ກົດໝາຍວ່າດ້ວຍຕໍາຫຼວດທະເລຫວຽດນາມ; ກົດໝາຍວ່າດ້ວຍການປ້ອງກັນຄວາມລັບແຫ່ງລັດ; ກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ (ສະບັບປັບປຸງ).
ກົດໝາຍວ່າດ້ວຍຕໍາຫຼວດທະເລຫວຽດນາມ ຖ້າໄດ້ຮັບການຮັບຮອງເອົານັ້ນ ຕ້ອງຍົກສູງທີ່ຕັ້ງບົດບາດ ແລະ ກໍາລັງແຮງຂອງຕໍາຫຼວດທະເລ ເພື່ອປະຕິບັດໜ້າທີ່ ປະຕິບັດກົດໝາຍຢູ່ທະເລ. ທາດແທ້ແມ່ນກໍາລັງປະກອບອາວຸດ, ພວກເຮົາຕ້ອງກໍານົດແນວໃດ ເພື່ອໃຫ້ກໍາລັງປະກອບອາວຸດ ປະຕິບັດໜ້າທີ່ທາງພົນລະເຮືອນ, ຈິ່ງເໝາະສົມກັບທໍານຽມສາກົນ ທີ່ຫຼາຍປະເທດພວມໝູນໃຊ້ຢູ່”.
        ໃນກອງປະຊຸມຄັ້ງທີ 25, ຄະນະປະຈຳສະພາແຫ່ງຊາດ ໄດ້ປະກອບຄໍາເຫັນໃສ່ບາງເນື້ອໃນຄື: ການແກ້ໄຂຕົວເລກລາຍຈ່າຍຂອງກົມໃຫຍ່ສວນອາກອນ ທີ່ໄດ້ເບີກເງິນລ່ວງໜ້າເພື່ອປະຕິບັດນະໂຍບາຍຫຼຸດຜ່ອນພະນັກງານບັນຈຸ ແຕ່ປີ 2012 ຄືນຫຼັງ; ວິທີີການຈັດແບ່ງຈໍານວນເງິນລົງທຶນ ຈາກແຫຼ່ງງົບປະມານແຫ່ງລັດ ໄລຍະ 2016 – 2020 ທີ່ຍັງເຫຼືອ; ເລື່ອງນໍາໃຊ້ບ້ວງເງິນ 15.000 ຕື້ດົງ ຈາກແຫຼ່ງທຶນສໍາຮອງຂອງແຜນການໄລຍະກາງຂອງງົບປະມານແຫ່ງລັດ  ໄລຍະ 2016 – 2020 ໃຫ້ແກ່ບັນດາໂຄງການເສັ້ນທາງລົດໄຟ ແລະ ບັນດາໂຄງການເສັ້ນທາງບົກທີ່ສໍາຄັນ ແລະ ຮີບດ່ວນ;  ຮ່າງມະຕິຂອງ ຄະນະປະຈຳສະພາແຫ່ງຊາດ ກ່ຽວກັບ ຕາຕະລາງອັດຕາພາສີຂອງການປົກປັກຮັກສາສິ່ງແວດລ້ອມ; ກ່ຽວກັບການດັດປັບລະດັບການລົງທຶນທັງໝົດຂອງບັນດາໂຄງການເສັ້ນທາງລົດໄຟ ຢູ່ເຂດຕົວເມືອງນະຄອນໂຮ່ຈິມີນ; ເລື່ອງປະຕິບັດບາງຂໍ້ກໍານົດຂອງກົດໝາຍວ່າດ້ວຍການລົງທຶນ, ກົດໝາຍວ່າດ້ວຍການລົງທຶນສາທາລະນະ ແລະ ກົດໝາຍວ່າດ້ວຍການປົກປັກຮັກສາສິ່ງແວດລ້ອມ ທີ່ກ່ຽວຂ້ອງເຖິງບົດລາຍງານການຕີລາຄາຜົນກະທົບຕໍ່ສິ່ງແວດລ້ອມຂອງໂຄງການລົງທຶນ; ຮ່າງດໍາລັດ ຂອງລັດຖະບານກໍານົດບາງກົນໄກພິເສດສະເພາະ ກ່ຽວກັບການລົງທຶນ, ການເງິນ, ງົບປະມານ ແລະ ການຈັດແບ່ງຂັ້ນຄຸ້ມຄອງ ສໍາລັບນະຄອນເກິນເທີ ...
 ແລະ ກໍໃນວັນດຽວກັນ, ຄະນະປະຈໍາສະພາແຫ່ງຊາດ ໄດ້ປະກອບຄໍາເຫັນສໍາລັບເລື່ອງພິຈາລະນາ, ຕັດສິນການສ້າງຕັ້ງບາງຫົວໜ່ວຍປົກຄອງຂຶ້ນກັບແຂວງ ບິງເຢືອງ, ຮ່າຕິງ ແລະ ບ່າເຣ້ຍຫວຸງເຕົ່າ.
 (ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top