(ພາບປະກອບ)
ກ່າວຄຳເຫັນທີ່ພິທີເປີດໃນວັນທີ 12 ກໍລະກົດ, ທ່ານ ໂຮ່ມີງຕ໋ວນ ເອກອັກຄະລັດຖະທູດ ຫວຽດນາມ ປະຈຳ ສ.ເຊັກໂກ ຢືນຢັນວ່າ ຄວາມສຳຄັນຂອງງານວາງສະແດງຮູບຖ່າຍໃນການປັບປຸງນ້ຳໃຈມິດຕະພາບ ຫວຽດນາມ - ສ.ເຊັກໂກ. ງານວາງສະແດງມີຮູບຖ່າຍເກືອບ 100 ແຜ່ນ, ສຸມໃສ່ແນະນຳກ່ຽວກັບຄວາມງາມທະເລເໝູ່ເກາະຂອງ ຫວຽດນາມ, ປະເທດທີ່ມີຝັ່ງທະເລຍາວກ່ວາ 3000 ກມ, ດ້ວຍໝູ່ເກາະ, ເກາະກ່ວາ 3000 ແຫ່ງ. ໂດຍຜ່ານບັນດາຮູບຖ່າຍ, ຊາວ ເຊັກໂກ ໄດ້ຮັບຮູ້ຕື່ມອີກກ່ຽວກັບຊີວິດການເປັນຢູ່, ວັດທະນະທຳທີ່ເປັນເອກະລັກສະເພາະ ກໍ່ຄືການທຳມາຫາກິນຢ່າງພິລາອາດຫານບົນທະເລຂອງຊາວປາມົງ ຫວຽດນາມ, ບັນດາຜົນງານຂອງການພັດທະນາເສດຖະກິດທະເລໝູ່ເກາະຢູ່ ຫວຽດນາມ. ຕີລາຄາສູງແນວຄວາມຄິດຈັດຕັ້ງງານວາງສະແດງ, ທ່ານນາງ Annea Matouskova ຮອງລັດຖະມົນຕີກະຊວງວັດທະນະທຳ ສ.ເຊັກໂກ ຖືວ່າ:
“ບັນດາຮູບຖ່າຍທີ່ງານວາງສະແດງນີ້ ມີຄວາມງາມຫລາຍ, ແລະ ສິ່ງທີ່ເປັນໜ້າປະທັບໃຈຊື່ນກ່ວາອີກ ແມ່ນບັນດາຮູບຖ່າຍນີ້ ຈະໄດ້ຮັກສາໄວ້ຢູ່ ສ.ເຊັກໂກ. ບໍ່ພຽງແຕ່ປະຊາຊົນຢູ່ໃຈກາງນະຄອນຫລວງເທົ່ານັ້ນ ຫາກຍັງບັນດາແຂວງອື່ນໆຂອງ ເຊັກໂກ ສາມາດຢ້ຽມຊົມບັນດາຮູບຖ່າຍນີ້ອີກດ້ວຍ. ພວກຂ້າພະເຈົ້າ ສະໜັບສະໜູນການຮ່ວມມື ແລະ ພັດທະນາວັດທະນະທຳ, ຂໍ້ມູນຂ່າວລະຫວ່າງ 2 ປະເທດ ສ.ເຊັກໂກ ແລະ ຫວຽດນາມ. ພວກເຮົາມີຄວາມປາດຖະໜາຢາກ ຈະມີບັນດາງານວາງສະແດງຄືດັ່ງກ່າວຕື່ມອີກ”.
(ແຫຼ່ງຄັດຈາກ VOV)
