• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ແຂວງບິ່ງເຟຶອກກຳແໜ້ນກາລະໂອກາດ, ເສີມຂະຫຍາຍທ່າແຮງເພື່ອພັດທະນາ

      ຕອນເຊົ້າວັນທີ 8 ກໍລະກົດ,ຢູ່ແຂວງບິ່ງເຟືອກ ທ່ານນາງຫງວຽນທິກິມເງິນ ປະທານສະພາແຫ່ງຊາດ ຫວຽດນາມ ໄດ້ເຂົ້າຮ່ວມກອງປະຊຸມບິ່ງເຟຶອກຄັ້ງທີ 12, ສະພາປະຊາຊົນຊຸດທີ IX.

ທ່ານນາງຫງວຽນທິກິມເງິນ ປະທານສະພາແຫ່ງຊາດ ຫວຽດນາມກ່າວຄຳເຫັນທີ່ກອງປະຊຸມ
(ພາບ: TTXVN)
      ກ່າວຄຳເຫັນນະທີ່ນີ້, ທ່ານນາງປະທານສະພາແຫ່ງຊາດໄດ້ຕັກເຕືອນແຂວງບິ່ງເຟຶອກວ່າ ເມື່ອດຳເນີນການກຳນົດ ແຫຼ່ງຊັບພະຍາກອນມະນຸດທີ່ເປັນ ຜູ້ແທນເຄື່ອນໄຫວວຽກງານສະເພາະກິດນັ້ນ, ຕ້ອງຮັບປະກັນລັກສະນະປະຊາທິປະໄຕ, ເປີດເຜີຍ, ສຸມໃສ່ເລືອກເອົາຜູ້ທີ່ມີປະສົບການຕົວຈິງ, ທີ່ໄດ້ຮັບຄວາມໄວ້ເນື້ອເຊື່ອໃຈຈາກຜູ້ມີສິດເລືອກຕັ້ງ ແລະ ປະຊາຊົນ, ມີຄວາມສາມາດຢ່າງພຽງພໍເພື່ອເປັນຕົວແທນໃຫ້ແກ່ເຈັບຈຳນົງ, ຄວາມມຸ່ງມາດປາດຖະໜາຂອງປະຊາຊົນ. ທ່ານນາງກ່າວວ່າ:
        ແຂວງບິ່ງເຟຶອກຕ້ອງສຸມໃສ່ເພື່ອຍາດແຍ່ງກາລະໂອກາດ, ເສີມຂະຫຍາຍທ່າແຮງຂອງທ້ອງຖິ່ນ ທີ່ນອນໃນເຂດເສດຖະກິດຈຸດສຸມທາງທິດຕາເວັນອອກພາກໃຕ້, ສືບຕໍ່ປັບປຸງສະພາບແວດລ້ອມແຫ່ງການລົງທຶນຢ່າງແຮງ, ດຳເນີນທຸລະກິດຢ່າງສະດວກ, ໂປງໃສ, ເປີດເຜີຍ ແລະ ສະເໝີພາບ, ປະຕິບັດວຽກງານປ່ອຍເງິນລົງທຶນພາກລັດໃຫ້ເປັນຢ່າງດີ. ຂ້າພະເຈົ້າສະເໜີໃຫ້ຄະນະກຳມະການປະຊາຊົນແຂວງປະຕິບັດໜ້າທີ່ນີ້ໃຫ້ເປັນຢ່າງດີ ແລະ ສະພາປະຊາຊົນຕ້ອງຕິດຕາມກວດກາເພື່ອຊຸກຍູ້ປ່ອຍເງິນລົງທຶນພາກລັດໂດຍໄວ, ຍົກອອກມາດຕະການໜູນຊ່ວຍການພັດທະນາບັນດາຮູບແບບວິສາຫະກິດທີ່ມີຄວາມສາມາດເຕີບໂຕໄວໃນບໍລິເວນແຂວງ, ບັນດາວິສາຫະກິດທີ່ໄດ້ລົງທຶນ, ພວມລົງທຶນ ແລະ ເປີດກ້ວາງການລົງທຶນເພື່ອຮັບສະແສເງິນລົງທຶນໃໝ່ເຂົ້າບໍລິເວນແຂວງ.
            ພາຍຫຼັງເຂົ້າຮ່ວມພິທີໄຂກອງປະຊຸມຄັ້ງທີ 12, ສະພາປະຊາຊົນ ແຂວງບິ່ງເຟືອກຊຸດທີ IX, ໃນຕອນເຊົ້າວັນທີ 8 ກໍລະກົດ, ທ່ານນາງປະທານສະພາແຫ່ງຊາດ ຫງວຽນທິກິມເງິນໄດ້ມີການເຮັດວຽກກັບການນຳແຂວງບິ່ງເຟຶອກ. ທີ່ການເຮັດວຽກ, ທ່ານນາງປະທານສະພາແຫ່ງຊາດໄດ້ສະເໜີໃຫ້ທາງແຂວງບິ່ງເຟຶອກປະຕິບັດບັນດາກົນໄກ, ນະໂຍບາຍຢ່າງຄົບຊຸດ ແລະ ມີປະສິດທິຜົນ, ເປັນຕົ້ນແມ່ນກ່ຽວກັບພາສີອາກອນ, ເງິນຕາ, ການໜູນຊ່ວຍສັງຄົມເພື່ອໜູນຊ່ວຍປະຊາຊົນ, ວິສາຫະກິດ, ຜູ້ອອກແຮງງານ, ເປັນຕົ້ນແມ່ນບັນດາວິສາຫະກິດຂະໜາດນ້ອຍ ແລະ ທັງຜ່ານຜ່າຄວາມຫຍຸ້ງຍາກຂອງໂລກລະບາດ Covid – 19 ເພື່ອ ຟື້ນຟູ ແລະ ພັດທະນາເສດຖະກິດສັງຄົມໂດຍໄວ.
 (ແຫຼ່ງຄັດຈາກ VOV)
 

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຮຽກຮ້ອງສືບຕໍ່ສ້າງໂຄງຮ່າງບົດລາຍງານໃຫ້ສົມບູນແບບ ດ້ວຍເນື້ອໃນມີຂອບຂະໜາດຊີ້ນຳ, ນຳພາໃຫຍ່ ແຕ່ແທດຈິງ, ເຂົ້າໃຈງ່າຍ, ປະຕິບັດງ່າຍ

Top