• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເລຂາຄະນະພັກນະຄອນ ໂຮ່ຈີມິນ ຫງວຽນທ້ຽນເຍີນ ເຂົ້າຢ້ຽມຂ່ຳນັບທ່ານປະທານາທິບໍດີ ອິດສະລາແອນ

ຕອນເຊົ້າວັນທີ 24 ພຶດສະພາ (ຕາມເວລາທ້ອງຖິ່ນ) ທີ່ນະຄອນ Jerusalem, ທ່ານເລຂາຄະນະພັກນະຄອນ ໂຮ່ຈີມິນ ຫງວຽນທ້ຽນເຍີນ ໄດ້ພົບປະກັບທ່ານປະທານາທິບໍດີ ອິດສະລາແອນ Reuven Rivlin. 

ທ່ານ ເລຂາຄະນະພັກນະຄອນ ໂຮ່ຈີມິນ ຫງວຽນທ້ຽນເຍີນ
ເຂົ້າຢ້ຽມຂ່ຳນັບທ່ານປະທານາທິບໍດີ ອິດສະລາແອນ Reuven Rivlin (ພາບ: TTXVN)

ນະທີ່ນີ້, ທ່ານປະທານາທິບໍດີ Reuven Rivlin ໄດ້ຊົມເຊີຍບັນດາຜົນງານດີງາມ ຊຶ່ງ ຫວຽດນາມ ຍາດໄດ້ໃນ 40 ປີຜ່ານມາ, ພິເສດແມ່ນໃນບັນດາຂົງເຂດກະສິກຳ, ສາທາລະນະສຸກ, ການທ່ອງທ່ຽວແມ່ນບັນດາຂົງເຂດທີ່ທ່ານໄດ້ເຫັນປະຈັກຕາ. ພ້ອມກັນນັ້ນ, ທ່ານປະທານາທິບໍດີ ອິດສະລາແອັນ ກໍ່ຕີລາຄາສູງການໜູນຊ່ວຍຂອງອຳນາດການປົກຄອງສຳລັບເຂດເສດຖະກິດເອກະຊົນ ແລະ ການພັດທະນາຂອງກອງທັບ ຫວຽດນາມ.

        ສ່ວນທ່ານເລຂາຄະນະພັກນະຄອນ ໂຮ່ຈີມິນ ຫງວຽນທ້ຽນເຍີນ ສະເໜີໃຫ້: ທ່ານປະທານາທິບໍດີ ອິດສະລາແອນ ສືບຕໍ່ສະໜັບສະໜູນ ແລະ ໜູນຊ່ວຍເລື່ອງຍູ້ແຮງການພົວພັນຮ່ວມມືລະຫວ່າງບັນດາຄູ່ຮ່ວມມື ອິດສະລາແອນ ແລະ ຫວຽດນາມ, ໃນນັ້ນມີນະຄອນ ໂຮ່ຈີມິນ, ໃນບັນດາຂົງເຂດ ຊຶ່ງ 2 ຝ່າຍມີທ່າແຮງ ແລະ ມີຄວາມຕ້ອງການ. ທ່ານເລຂາຄະນະພັກນະຄອນ ໂຮ່ຈີມິນ ຫງວຽນທ້ຽນເຍີນ ຢືນຢັນວ່າ: ການຢ້ຽມຢາມ ແລະ ເຮັດວຽກຢູ່ ອິດສະລາແອນ ຂອງຄະນະຜູ້ແທນນະຄອນ ໂຮ່ຈີມິນ ບັນລຸໄດ້ໝາກຜົນຕັ້ງໜ້າຫລາຍຢ່າງ, ພິເສດແມ່ນໃນຂົງເຂດ start up ຢ່າງຫົວຄິດປະດິດສ້າງ ແລະ ກໍ່ສ້າງຕົວເມືອງສະຫລາດ. ນະຄອນ ໂຮ່ຈີມິນປາດຖະໜາຢາກຊຸກຍູ້ການພົວພັນຮ່ວມມືກັບ ອິດສະລາແອນ ທັງໄລຍະສັ້ນ, ໄລຍະກາງ ແລະ ໄລຍະຍາວ, ນຳມາເຊິ່ງຜົນປະໂຫຍດໃຫ້ທັງ 2 ຝ່າຍ.

(ແຫຼ່ງຄັດຈາກ VOV)


ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top