ທ່ານ ເຈືອງຮ່ວາບິ່ງ ຮອງນາຍົກລັດຖະມົນຕີ, ຜູ້ປະຈໍາການລັດຖະບານຫວຽດນາມ ຕ້ອນຮັບທ່ານ ພົນໂທ AndreyValeryevichKartapolov ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫ່ຍການເມືອງການທະຫານກອງກຳລັງປະກອບອາວຸດ ສະຫະພັນລັດເຊຍ (ພາບ: VGP)

ທ່ານ ພົນໂທ AndreyValeryevichKartapolov ໃຫ້ຮູ້ວ່າ: ຝ່າຍລັດເຊຍ ຍາມໃດກໍ່ຖືເປັນສຳຄັນ ສາຍພົວພັນຄູ່ຮ່ວມມື, ການຮ່ວມມືລະຫວ່າງ ສອງປະເທດ ແລະ ຖືນີ້ແມ່ນໜຶ່ງໃນໜ້າທີ່ບຸລິມະສິດ. ພ້ອມດຽວກັນນັ້ນ, ກໍ່ໄດ້ຢັ້ງຢືນຕໍ່ຄໍາໝັ້ນສັນຍາ ໃຫ້ການໜູນຊ່ວຍກອງທັບຫວຽດນາມ ໃນທຸກຂົງເຂດ ແລະ ເຊື່ອໝັ້ນວ່າການພົວພັນຮ່ວມມືດ້ານການທະຫານ ລະຫວ່າງ ສອງປະເທດໃນໄລຍະຈະມາເຖິງ ຈະບັນລຸໄດ້ໝາກຜົນທີ່ດີງາມກວ່າອີກ.

        ທ່ານ ຮອງນາຍົກລັດຖະມົນຕີຫວຽດນາມ, ຜູ້ປະຈໍາການລັດຖະບານ ເຈືອງຮ່ວາບິ່ງ ໄດ້ຕີລາຄາສູງຕໍ່ສາຍພົວພັນຄູ່ຮ່ວມຍຸດທະສາດຮອບດ້ານ ລະຫວ່າງ ຫວຽດນາມ ແລະ ສະຫະພັນລັດເຊຍ ທີ່ໄດ້ຮັບການພັດທະນານັບມື້ນັບເລິກເຊິ່ງກວ້າງຂວາງ ແລະ ມີປະສິດທິຜົນ, ໃນນັ້ນ, ສາຍພົວພັນຮ່ວມມືດ້ານປ້ອງກັນຊາດແມ່ນສວມບົດບາດເປັນໜຶ່ງໃນບັນດາເສົາຄ້ຳທີ່ສຳຄັນ. ທ່ານຢັ້ງຢືນວ່າ: ຫວຽດນາມພ້ອມແລ້ວທີ່ຈະຮ່ວມມືໜູນຊ່ວຍ ສະຫະພັນລັດເຊຍ ເພີ່ມທະວີ ແລະ ພັດທະນາການພົວພັນກັບບັນດາປະເທດອາຊຽນ ກໍ່ຄືເຂົ້າຮ່ວມໃນບັນດາກົນໄກປ້ອງກັນຄວາມໝັ້ນຄົງໃນພາກພື້ນ, ທ່ານ ຮອງນາຍົກລັດຖະມົນຕີຫວຽດນາມ ສະເໜີວ່າ: ໃນໄລຍະຈະມາເຖິງ, ກະຊວງປ້ອງກັນປະເທດ ສອງປະເທດ ຈະສືບຕໍ່ເພີ່ມທະວີການຮ່ວມມືຕາມທິດຍາວນາມ, ແທດຈິງ ແລະ ໄວ້ເນື້ອເຊື່ອໃຈ ບົນພື້ນຖານບັນດາສົນທິສັນຍາ, ຂໍ້ຕົກລົງສາກົນສອງຝ່າຍໄດ້ລົງນາມກັນ./.

(ແຫຼ່ງຄັດຈາກ VOV)