• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເພີ່ມທະວີການຮ່ວມມືມິດຕະພາບລະຫວ່າງບັນດາທ້ອງຖິ່ນຂອງຫວຽດນາມ ກັບແຂວງ ກວາງຊີ (ຈີນ)

      ທ່ານລັດຖະມົນຕີການຕ່າງປະເທດຫວຽດນາມ ບຸຍແທັງເຊີນ ໄດ້ມີການເຈລະຈາທາງໂທລະສັບກັບທ່ານເລຂາຄະນະພັກເຂດປົກຄອງຕົນເອງ ກວາງຊີ, ປະເທດຈີນ ລູຊິນຊາງ.
ການເຈລະຈາທາງໂທລະສັບ
(ພາບ: TTXVN)
      ວັນທີ 14 ກັນຍາ, ຈາກສຳນັກງານກະຊວງການຕ່າງປະເທດຫວຽດນາມ, ທ່ານລັດຖະມົນຕີການຕ່າງປະເທດຫວຽດນາມ ບຸຍແທັງເຊີນ ໄດ້ມີການເຈລະຈາທາງໂທລະສັບກັບທ່ານເລຂາຄະນະພັກເຂດປົກຄອງຕົນເອງ ກວາງຊີ, ປະເທດຈີນ ລູຊິນຊາງ.
ທີ່ການເຈລະຈາທາງໂທລະສັບ, ທ່ານລັດຖະມົນຕີ ບຸຍແທງເຊີນ ຢືນຢັນວ່າ, ພັກ, ລັດຫວຽດນາມ ຍາມໃດກໍ່ສະໜັບສະໜູນບັນດາກະຊວງ, ຂະແໜງການ, ທ້ອງຖິ່ນຂອງຫວຽດນາມ ເພີ່ມທະວີການຮ່ວມມືມິດຕະພາບກັບແຂວງ ກວາງຊີ. ກ່ຽວກັບການຮ່ວມມືໃນໄລຍະຈະມາເຖິງ, ທ່ານລັດຖະມົນຕີ ບຸຍແທັງເຊີນ ສະເໜີໃຫ້ 2 ຝ່າຍຈົ່ງຮັກສາການແລກປ່ຽນ, ພົບປະຢູ່ທຸກຂັ້ນດ້ວຍຮູບແບບຢ່າງມີໄຫວພິບ; ເພີ່ມທະວີການແບ່ງປັນຂໍ້ມູນຂ່າວ, ນະໂຍບາຍກ່ຽວຂ້ອງເຖິງວຽກງານປ້ອງກັນ ຕ້ານໂລກລະບາດ, ສົມທົບກັນໃນການປ້ອງກັນ ຕ້ານໂລກລະບາດຢູ່ເຂດຊາຍແດນ; ຮັກສາທ່າເຕີບໂຕຮ່ວມມືເສດຖະກິດ- ການຄ້າ, ສ້າງຄວາມສະດວກໃຫ້ແກ່ສິນຄ້າຂອງຫວຽດນາມ ສົ່ງໄປຍັງ ຈີນ; ຍົກລະດັບບັນດາດ່ານຊາຍແດນໂດຍໄວ ແລະ ແກ້ໄຂບັນດາບັນຫາທີ່ເກີດຂຶ້ນຢ່າງສົມເຫດສົມຜົນ.
      ສ່ວນທ່ານເລຂາຄະນະພັກ ລູຊິນຊາງ ຢືນຢັນວ່າ, ແຂວງ ກວາງຊີ ຈະມານະພະຍາຍາມຍົກສູງຄວາມໄວໃຫ້ແກ່ສິນຄ້າຜ່ານແດນຢູ່ດ່ານຊາຍແດນທາງລົດໄຟ ແລະ ທາງບົກ, ສ້າງເງື່ອນໄຂສະດວກເພື່ອໃຫ້ບັນດາປະເພດສິນຄ້າຂອງຫວຽດນາມ, ໂດຍສະເພາະແມ່ນຜະລິດຕະພັນກະເສດນຳເຂົ້າແຂວງ ກວາງຊີ ແລະ ບັນດາແຂວງພາຍໃນປະເທດ ຈີນ ແລະ ສົ່ງໄປຍັງເຂດອາຊີກາງ. ພ້ອມກັນນັ້ນ, ກວາງຊີ ຈະເພີ່ມທະວີການພົວພັນແລກປ່ຽນມິດຕະພາບ ແລະ ການຮ່ວມມືກັບບັນດາທ້ອງຖິ່ນຂອງຫວຽດນາມ, ໂດຍສະເພາະແມ່ນບັນດາແຂວງຢູ່ເຂດຊາຍແດນ, ປະກອບສ່ວນປັບປຸງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຈີນ - ຫວຽດນາມ.
(ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top