ກ່າວຄຳເຫັນທີ່ການພົບປະ, ທ່ານຮອງປະທານສະພາແຫ່ງຊາດ ອວງຈູລຶວ ສະແດງຄວາມປິຕິຊົມຊື່ນ ຕໍ່ສາຍພົວພັນອັນໝັ້ນແກ່ນ, ນ້ຳໃຈອ້າຍນ້ອງລະຫວ່າງສອງປະເທດ ຫວຽດນາມ - ລັດເຊຍ, ໃນນັ້ນ ກຸ່ມສະມາຊິກລັດຖະສະພາມິດຕະພາບ ຫວຽດນາມ - ລັດເຊຍ ແລະ ສະມາຄົມມິດຕະພາບ ຫວຽດນາມ - ລັດເຊຍ ແມ່ນບັນດາປັດໄຈສຳຄັນທີ່ສຸດ ໃນເລື່ອງເພີ່ມທະວີນ້ຳໃຈມິດຕະພາບ, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດກວ່າອີກ. ທ່ານຮອງປະທານສະພາແຫ່ງຊາດ ປາຖະໜາວ່າໃນໄລຍະຈະມາເຖິງ, ສອງຝ່າຍຈະເພີ່ມທະວີການເຄື່ອນໄຫວດ້ານວຽກງານການຕ່າງປະເທດຂອງສະພາແຫ່ງຊາດ ແລະ ການພົວພັນປະຊາຊົນ, ໃນນັ້ນ ຄວາມໃກ້ຊິດຕິດພັນ, ສົມທົບກັນຢ່າງແໜ້ນແຟ້ນ ລະຫວ່າງ ກຸ່ມສະມາຊິກລັດຖະສະພາມິດຕະພາບ ຫວຽດນາມ - ລັດເຊຍ ແລະ ກຸ່ມສະມາຊິກສະມາຄົມມິດຕະພາບ ລັດເຊຍ - ຫວຽດນາມ ແມ່ນຈຳເປັນທີ່ສຸດ.

ທີ່ການພົບປະສັງສັນ, ບັນດາຜູ້ແທນໄດ້ຫວນຄືນບັນດາການສະເຫຼີມສະຫຼອງ, ມູນເຊື້ອ, ສາຍພົວພັນພິເສດ, ບັນດາອາລົມຈິດ, ການປະກອບສ່ວນອັນໃຫຍ່ຫຼວງຂອງພັກ, ລັດຖະບານ, ປະຊາຊົນ ໂຊຫວຽດ ກ່ອນໜ້ານີ້ ແລະ ສະຫະພັນລັດເຊຍໃນປັດຈຸບັນ ຕໍ່ກັບການປະຕິວັດ ຫວຽດນາມ, ສຳລັບປະເທດຊາດ ແລະ ປະຊາຊົນ ຫວຽດນາມ; ພ້ອມນັ້ນແບ່ງປັນປະສົບການຕົວຈິງໃນວຽກງານການຕ່າງປະເທດ, ແຜນການປະຕິບັດບັນດາການເຄື່ອນໄຫວແລກປ່ຽນສອງປະເທດ…

(ແຫຼ່ງຄັດຈາກ VOV)