• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຮອງນາຍົກລັດຖະມົນຕີເຈືອງຮວ່າບິງຊີ້ນຳວຽກງານຕ້ານການຄ້າເຖື່ອນຂ້າມຊາຍແດນຢູ່ບັນດາແຂວງຕາເວັນຕົກສ່ຽງໃຕ້

ຕອນເຊົ້າວັນທີ 19 ມິຖຸນາ, ຢູ່ນະຄອນໂຮ່ຈີມິນ, ກອງບັນຊາການທະຫານປ້ອງກັນຊາຍແດນ ໄດ້ຈັດຕັ້ງກອງປະຊຸມຜັນຂະຫຍາຍການຕໍ່ສູ້ຕ້ານການຄ້າເຖື່ອນ, ການສໍ້ໂກງທາງດ້ານການຄ້າ, ການຂົນສົ່ງສິນຄ້າຂ້າມຊາຍແດນຢ່າງຜິດກົດໝາຍ ຢູ່ບັນດາເຂດຕາເວັນຕົກສ່ຽງໃຕ້.


ທ່ານຮອງນາຍົກລັດຖະມົນຕີ ເຈືອງຮວ່າບິງທີ່ກອງຊຸມ

(ພາບ:http://baoquocte.vn)

ທີ່ກອງປະຊຸມ, ການນຳກອງບັນຊາການທະຫານປ້ອງກັນຊາຍແດນ ໃຫ້ຮູ້ວ່າ ສະພາບການຄ້າເຖື່ອນ ແລະ ຂົນສົ່ງສິນຄ້າຂ້າມຊາຍແດນຢ່າງຜິດກົດໝາຍ ນັບມື້ນັບມີການຜັນແປຢ່າງສັບສົນ. ເພື່ອໃຫ້ວຽກງານການຕ້ານການຄ້າເຖື່ອນ ແລະ ການສໍ້ໂກງທາງດ້ານການຄ້າໃຫ້ມີປະສິດທິຜົນກວ່າ, ຕາມທັດສະນະສ່ວນຫຼາຍຂອງຜູ້ແທນເຂົ້າຮ່ວມແມ່ນ ຄວນມີການດັດປັບບາງຂໍ້ກຳນົດທີ່ຍັງບໍ່ສອດຄ່ອງໃນການປັບໄໝການກະທຳຜິດດ້ານບໍລິຫານສຳລັບເປົ້າໝາຍຄ້າຂາຍເຖື່ອນ ແລະ ເພີ່ມສິດອຳນາດໃຫ້ທະຫານປ້ອງກັນຊາຍແດນຂຶ້ນຕື່ມ. ພ້ອມທັງປຸກລະດົມທົ່ວປວງຊົນເຂົ້າຮ່ວມການຕ້ານການຄ້າເຖື່ອນ ແລະ ຫັກເອົາ 50% ຍອດມູນຄ່າຂອງສິນຄ້າເຖື່ອນນັ້ນ ປະໄວ້ໃຫ້ກຳລັງຕ້ານການຄ້າເຖື່ອນແກ້ໄຂ.

        ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ເຈືອງຮວ່າບິງ, ຫົວໜ້າຄະນະຊີ້ນຳແຫ່ງຊາດກ່ຽວກັບການຕ້ານການຄ້າເຖື່ອນ, ສໍ້ໂກງທາງດ້ານການຄ້າ ແລະ ສິນຄ້າປອມ ໃຫ້ຮູູ້ວ່າ:

        “ສະເໜີໃຫ້ການນຳທ້ອງຖິ່ນຕ່າງໆ ຈົ່ງຍົກສູງນ້ຳໃຈຮັບຜິດຊອບຂອງຜູ້ນຳໜ້າ, ບໍ່ປະໃຫ້ສິນຄ້າເຖື່ອນເຕົ້າໂຮມຢູ່ໃກ້ກັບເຂດຊາຍແດນ. ທະຫານປ້ອງກັນຊາຍແດນ ຕ້ອງປະຕິບັດວຽກງານເປັນເສນາທິການ ແລະ ສົມທົບຢ່າງແໜ້ນແຟ້ນກັບບັນດາທ້ອງຖິ່ນ ໃຫ້ເປັນຢ່າງດີ ເພື່ອຕໍ່ສູ້ຢ່າງມີປະສິດທິຜົນໃນວຽກງານການຕ້ານການຄ້າເຖື່ອນ ແລະ ສໍ້ໂກງທາງດ້ານການຄ້າ”.

 (ແຫຼ່ງຄັດຈາກ VOV)


ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top