ໃນສະພາບການໂລກລະບາດໂຄວິດ - 19, ອົງການກວດສອບແຫ່ງລັດ ຫວຽດນາມ ໄດ້ເປັນປະທານປະຕິບັດສຳເລັດການກວດສອບຮ່ວມມືກ່ຽວກັບແຫຼ່ງຊັບພະຍາກອນນ້ຳເຂດອ່າງແມ່ນ້ຳຂອງ, ຜ່ານນັ້ນປະຕິບັດສຳເລັດລາຍການດຳເນີນງານສໍາຄັນຂອງ ASOSAI ຢ່າງຮອບດ້ານ. ທ່ານ ເຈິ່ນສີ໊ແທັງ ປະທານອົງການກວດສອບແຫ່ງລັດ ຫວຽດນາມ ເນັ້ນໜັກວ່າ:
“ລາຍການເຄື່ອນໄຫວຂອງ ASOSAI ໄລຍະ 2018 – 2021 ໄດ້ເປັນພະຍານຫຼັກຖານໃຫ້ຄຳໝັ້ນສັນຍາຢ່າງແຮງ ແລະ ຄວາມມານະພະຍາຍາມຢ່າງໃຫຍ່ຫຼວງຂອງປະຊາຄົມ ASOSAI ເວົ້າລວມ ແລະ ອົງການກວດສອບແຫ່ງລັດ ຫວຽດນາມ ເວົ້າສະເພາະ, ເພື່ອແນໃສ່ປະຕິບັດສຳເລັດຖະແຫຼງການ ຮ່າໂນ້ຍ ກ່ຽວກັບການກວດກາສະພາບແວດລ້ອມ ແລະ ກວດສອບເປົ້າໝາຍພັດທະນາແບບຍືນຍົງ. ອົງການກວດສອບ ຫວຽດນາມ ໄດ້ເປັນເຈົ້າການ, ຕັ້ງໜ້າຈັດສົ່ງພະນັກງານລັດຖະກອນກວດສອບເຂົ້າຮ່ວມຫຼາຍເວທີປາໄສສຳຄັນ ໃນການຮ່ວມມືດ້ານວິຊາການຂອງອົງການຈັດຕັ້ງສາກົນ ແລະ ອົງການກວດສອບສູງສຸດ. ສາມາດເວົ້າໄດ້ວ່າ, ໝາກຜົນຂອງການເຄື່ອນໄຫວນີ້ ໄດ້ເປັນພະຍານຫຼັກຖານໃຫ້ຄວາມມານະພະຍາຍາມຂອງອົງການກວດສອບ ຫວຽດນາມ ໃນການເປັນເຈົ້າການ, ຕັ້ງໜ້າປະຕິບັດບົດບາດ, ຄວາມຮັບຜິດຊອບຊຸກຍູ້ການປະຕິບັດເປົ້າໝາຍພັດທະນາແບບຍືນຍົງໃນພາກພື້ນ.”
ໂດຍແມ່ນສະມາຊິກຂອງຄະນະບໍລິຫານງານ ASOSAI ອາຍຸການ 2021 – 2024, ອົງການກວດສອບ ຫວຽດນາມ ໃຫ້ຄຳໝັ້ນສັນຍາວ່າ ຈະສວມບົດບາດເປັນເຈົ້າການ, ຕັ້ງໜ້າ ແລະ ມີຄວາມຮັບຜິດຊອບເພື່ອສືບຕໍ່ປັບປຸງ, ເສີມຂະຫຍາຍທີ່ຕັ້ງບົດບາດຂອງຕົນໃນປະຊາຄົມ ASOSAI ແລະ ໂລກ.
(ແຫຼ່ງຄັດຈາກ VOV)