• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ແຟຊັ່ນ

ອາພອນສະໄໝລະດູບານໃໝ່-ລະດູຮ້ອນ ປີ 2015

ດ້ວຍຊຸດອອກແບບແຟຊັ່ນ 1.000 ຊຸດຂອງບັນດານັກອອກແບບທີ່ເຂົ້າ ຮ່ວມ, ອາທິດສະແດງອາພອນສະໄໝ ຫວຽດນາມ ລະດູບານໃໝ່-ລະດູຮ້ອນ 2015 ຈັດຂຶ້ນທີ່ນະຄອນຫຼວງຮ່າໂນ້ຍ ແຕ່ວັນທີ 7/12/2014 ເຖິງວັນທີ 10/12/2014 ໄດ້ສ້າງທ່າອຽງໃໝ່ໃຫ້ແກ່ຜູ້ມີຄວາມຫຼົງໄຫຼເມົາມົວກັບແຟຊັ່ນ.
ຜ່ານ​ການສະ​ແດງ​ໃນ​ສີ່​ຄືນ, ບັນດາບໍລິສັດ​ແຟຊັ່ນ ຫວຽດນາມ​ ກໍ່​ເອົາ​ມາສະ​ແດງ​ຫຼາຍ​ຊຸດ​ສະ​ສົມ​ທີ່​ມີ​ລັກສະນະ​ສະ​ເພາະ​ໃຫ້​​ແກ່​ເຄື່ອງໝາຍ​ຂອງ​ຕົນ. ດ້ວຍ​ທັດສະນະ​ຈະສ້າງ​​ແບບ​ແຜນຕ່າງຫາກ, ດ້ວຍ​ລັກສະນະ​ຂອງ​ສ່ວນ​ຕົວ, ບໍລິສັດ​ແຟຊັ່ນ Elise ​ໄດ້​ນຳມາ​ຊຸດ​ສະ​ສົມ​ມີ​ທ່າ​ອຽງ graphic ທີ່​ສະ​ແດງ​ອອກ​ມາດ້ວຍ​ບັນດາ​ຕົວ​ອັກສອນ​ຂອງ​ເຄື່ອງໝາຍ​ຂອງ​ຕົນ. ສ່ວນ​ບໍລິສັດ​ແຟຊັ່ນ GenViet ດ້ວຍ​ເຕັກ​ໂນ​ໂລ​ຢີຂອງ ອີ​ຕາ​ລີ ​ໄດ້​ພາ​ບັນດາ​ທ່ານ​ຜູ້​ຊົມ​ເຂົ້າ​ໂລກ​ອາພອນສະ​ໄໝ Jeans ດ້ວຍ​ຄວາມ​​ໃກ້ຊິດ ​ແລະ ຄວາມ​ຍືນ​ຍົງ ຂອງ​ວັດຖຸ​ທາດ. 

ທ່ານ​ເອກ​ອັກຄະ​ລັດຖະທູດ ອີ​ຕາ​ລີ Lorenzo Angeloni ມອບ​ດອກ​ໄມ້​ໃຫ້ບັນດາ​ນັກ​ອອກ​ແບບ​ທີ່​ເຂົ້າ​ຮ່ວມ​. 

ນັກ​ອອກ​ແບບ​ແຕ່ລະຄົນ​ນຳ​ມາ​ບັນດາ​ສີສັນ​ໂດຍ​ສະ​ເພາະຂອງ​ຕົນ​ເອງ​ເຂົ້າໃນ​ງານ​ສະ​ແດງ. 

ພາບ​ທັງ​ໝົດ​​ໃນ​ງານ​ສະ​ແດງ​​ແຟຊັ່ນ ຫວຽດນາມ Fashion Week 2015.

GenViet ພາ​ຜູ້​ຊົມ​ເຂົ້າ​ໃນ​ໂລກ​ຂອງອາພອນ Jeans ດ້ວຍ​ເຕັກ​ໂນ​ໂລ​ຢີທັນ​ສະ​ໄໝ​
ຂອງ ອີ​ຕາ​ລີ, ປະສານ​ສົມທົບ​ກັບ​ລວດລາ​ຍທີ່​ເຮັດ​ດ້ວຍມື.


ນັກ​ອອກ​ແບບ ອານ​ຍຽນ ​ໄດ້​ຮັບ​ຜົນສຳ​ເລັດ​​​ໃນການ​ກໍ່ສ້າງ​ແບບ​ແຜນ​ເຊັຄຊີ ດ້ວຍ​ເຕັກນິກ ຕັດ​ອອກ (Cut out).

ປັນເທື່ອ​ທຳ​ອິດ​​​ໃນ​ການຈັດ​ຕັ້ງ 12 ​ເທື່ອ, ອາທິດ​ສະ​ແດງ​ອາພອນ​ສະ​ໄໝ ຫວຽດນາມ ລະດູບານ​ໃໝ່-​ລະດູ​ຮ້ອນ 2015 ມີ​ການ​ເຂົ້າ​ຮ່ວມ​ຂອງ​ບັນດາ​ນັກ​ອອກ​ແບບ​ໜຸ່ມ. ຕົວຢ່າງແມ່ນນັກ​ອອກ​ແບບ ທີ່​ມີ​ອາຍຸ​ໜ້ອຍ​ກວ່າ​ໝູ່ ຫາຍ​ຊຽວ, ອາຍຸ 17 ປີ, ຜູ້​ທີ່​ເຄີ​ຍຄອງລາງ ວັນ​ທີ​ໜຶ່ງ​ໃນ​ງານປະ​ກວດ ມຶກຕີມ Style ປີ 2014 ​ໄດ້​ສະ​ເໜີ​ຊຸດ​ສະ​ສົມທີ່​ຖື​ຄວາມ​ນຶກ​ຄິດ​ຈາກກິລາ ​ແລະ ບັນດາຕົວ​ເລກ, ສະ​ແດງ​ອອກກຳລັງ​ແຮງ ​ແລະ ຄວາມ​ມຸ່ງ​ມາດ​ປາດ​ຖະໜາ​ຂອງ​ໄວ​ໜຸ່ມ.

ນັກ​ອອກ​ແບບ ກ໋ວກຂາຍ, ຜູ້ຄອງ​ລາງວັນ​ທີ​ສອງ​ໃນ​ງານ​ປະ​ກວດ ມຶກຕີມ Style ປີ 2014 ​ໄດ້​ນຳ​ມາ​ຊຸດ​ສະ​ສົມ​ຖື​ຄວາມ​ງາມ​​ແບບ ກົງກັນຂ​້າມຂອງ​ແມ່ຍິງ ຜ່ານ​ການ​ນຳ​ໃຊ້ລວດລາຍສະຫຼັບ ​ແລະ ຄໍ​ເສື້ອ chemise ມີ​ການ​ແລກປ່ຽນ​ທີ່​ຕັ້ງ​ຢ່າງ​ຕໍ່​ເນື່ອງ. ນັກ​ອອກ​ແບບ ຕຽນ​ດາດ, ຜູ້​ຄອງ​ລາງວັນ​ທີ​ສາມ​ໃນ​ງານ​ປະ​ກວດມຶກຕີມ Style ປີ 2014 ​ສະ​ແດງ​ຈິດ​ໃຈ​ຂອງ​ຍຸກສະ​ໄໝຜ່ານ​ການ​ສັງ​ເກດ​​ໂດຍ​ຕົນ​ເອງຂອງ​ຜູ້​ຫາ​ກໍ່ເຂົ້າ​ຮ່ວມ​ວົງ​ການ​ອອກ​ແບບ ​ດ້ວຍຊຸດ​ອາພອນ​ມີຮອຍ​ສີ​ນ້ຳມັນ ສ້າງ​ຂຶ້ນ​ບັນດາ​ລວດລາ​ຍທີ່​ເຄື່ອນ​ເໜັງ.

ຈຸດ​ເດັ່ນ​ໃນ​ອາທິດ​ສະ​ແດງ​ອາພອນ​ສະ​ໄໝ ຫວຽດນາມ ລະດູບານ​ໃໝ່-​ລະດູ​ຮ້ອນ 2015 ​ແມ່ນ​ນອກຈາ​ການ​ເຂົ້າ​ຮ່ວມ​ຂອງ​ບັນດາ​ນັກ​ອອກ​ແບບ ຫວຽດນາມ ຍັງ​ມີ​ການ​ເຂົ້າຮ່ວມ​ຂອງ​ບັນດານັກ ອອກ​ແບບຕ່າງປະ​ເທດ ມາ​ແຕ່ ​ແອັສປາຍ, ອີ​ຕາ​ລີ ​ແລະ ມາ​ເລ​ເຊຍ. ມາ​ແຕ່​ພາກ​ໃຕ້ ອີ​ຕາ​ລີ, ນັກ​ອອກ​ແບບ Michele Gaudiomonte ​ໄດ້​ເອົາ​ມາຊຸດ​ອອກ​ແບບຂອງ​ຕົນ​ໂດ​ຍອີງ​ໃສ່​​​​ແຫຼ່ງວັດຖຸ​ທາດ​ແມ່ນແພ​ໄໝ​ງາມ​ທີ່​ສຸດ​ຂອງ ອີ​ຕາ​ລີ ​ເພື່ອ​ສະ​ແດງ​ຄວາມ​ສວຍ​ງາມ​ຂອງ​ປະ​ເທດ​ຕົນ​ເອງ​ເທິງ​ບັນດາ​ຊຸດ​ອາພອນ.

ນັກ​ອອກ​ແບບ​ ມາ​ເລ​ເຊຍ Eric Choong ສ້າງ​ຄວາມ​ປະ​ທັບ​ໃຈ​ດ້ວຍ​ບັນດາຊຸດ​ອາພອນ​ໄດ້​ຮັບ​ການ​ອອກ​ແບບ​ເທິງ​ວັດຖຸ​ທາດ​ມູນ​ເຊື້ອ batik ​ແຕ້ມ​ດ້ວຍ​ມື, ສະ​ແດງ​ຄວາມ​ຕ້ອງການ​ຍົກ​ສູງ​ຄຸນຄ່າ​ມູນ​ເຊື້ອ​ດ້ວຍ​ຄວາມ​ປະດິດ​ສ້າງ, ​ການ​ຂະຫຍາຍ ​ແລະ ​ແລກປ່ຽນສິລະ​ປະວັດ​ທະນະ​ທຳ​ຜ່ານ​ເສັ້ນທາງ​ແຟຊັ່ນ. ນັກ​ອອກ​ແບບ ​ແອັ​ສ​ປາຍ Diego Cortizas del Valle ນຳ​ມາ​ບັນດາ​ຊຸດ​ອອກ​ແບບ ທີ່​ເຮັດ​ໃຫ​້ທ່ານ​ຜູ້​ຊົມ​ຄື​ພວມທ່ຽວ​ຫຼິ້ນ​ໃນ​ປ່າ​ເຂດ​ຮ້ອນ ດ້ວຍ​ຕົ້ນ​ໄມ້​ຂຽວຫຼາຍ​ຕົ້ນ.
 
ນອກຈາກ​ນັ້ນ, ບັນດາ​ນັກ​ອອກ​ແບບ​ທີ່​ເຄີຍ​ເຂົ້າ​ຮ່ວມ​ໃນ​ອາທິດ​ສະ​ແດງ​ອາພອນ​ສະ​ໄໝ​ຄື: ຮ່າ​ຢຸຍ, ມິນ​ມິນ, ຢວຽນ​ເຮືອງ, ງອກ​ເຮີ​ນ, ​ເຈີ່ນ​ດຶກ​ຫາຍ… ກໍ່ນຳ​ມາຫຼາຍຊຸດ​ສະ​ສົມ​ທີ່​ສະ​ແດງ​ບັນດາບາດ ກ້າວ​ໃໝ່​ໃນ​ເຕັກນິກ​ການຈັດ​ແກ້​ວັດຖຸ​ທາດ, ສີສັນ ​ແລະ ການ​ປະດິດ​ສ້າງ​ໃນ​ທ່າ​ອຽງ​ແຟຊັ່ນ​ຂອງ​ຕົນ. 


ນັກ​ອອກ​ແບບ Michele Gaudiomonte
ມາ​ແຕ່​ພາກ​ໃຕ້ ອີ​ຕາ​ລີ ນຳ​ມາ​ຊຸດ​ສະ​ສົມ

ອີງ​ໃສ່​​​​ແພ​ໄໝ​ງາມ​ທີ່​ສຸດ​ຂອງ ອີ​ຕາ​ລີ.


ຊຸດ​ສະ​ສົມຂອງ​ນັກ​ອອກ​ແບບ ອານ​ຍຽນ. 

 


ຫາຍ​ຊຽວ ​ນຳ​ມາຊຸດ​ສະ​ສົມ​ໄດ້ຖື​ຄວາມ​ນຶກ​ຄິດ​ຈາກກິລາ ​ແລະ ບັນດາຕົວ​ເລກ.


ຄວາມ​ສວຍ​ງາມ​ແບບ​​ແ​ຂງ​ແຮງ ​ແລະ ສຸພາບ
​​ໃນ​ຊຸດ​ສະ​ສົມ​ຂອງ​ນັກ​ອອກ​ແບບ ​ເຈືອງ​ແທງ​ລອງ.


ເຕັກນິກ​ແສ່ວ​ດ້ວຍ​ມື​​​ເທິງ​ແພ​ໄໝໃນ​ຊຸດອອກ​ແບບ​ຂອງ
​ນັກ​ອອກ​ແບບ ລານ​ເຮືອງ. 


ຊຸດອອກ​ແບບບໍ່​ຫຼູຫຼາ ຂອງ​ນັກ​ອອກ​ແບບ​ ຫງອກ​ເຮີ​ນ. 
 


ນັກ​ອອກ​ແບບ ມິ​ນມິນ ຕົບ​ແຕ່ງ​ດ້ວຍ​ກາບ​ກອນ.
 


ນັກ​ອອກ​ແບບ Eric Choong ນຳ​ໃຊ້ວັດ​ຖຸທາດ​ມູນ​ເຊື້ອ
batik ​ເພື່ອ​ອອກ​ແບບ​ໃຫ້​ຊຸດ​ສະ​ສົມຂອງ​ຕົນ. 


ຊຸດ​ສະ​ສົມ​ຂອງ​ນັກ​ອອກ​ແບບ ມິນ​ແຫ້ງ.
 


ນັກ​ອອກ​ແບບ ຫວູວຽດຮ່າ ນຳຄວາມ​ສຳນຶກ​ເລຂາຄະນິດ
​ເຂົ້າ​ໃນ​ຊຸດ​ສະ​ສົມ​ຂອງ​ຕົນ.



ນັກ​ອອກ​ແບບ ​ເຟືອງ​ບຸ່ຍ ນຳ​ມາ​ຊຸດ​ສະ​ສົມ​ດ້ວຍ​ທ່າ​ອຽງອອກ​ແບບບໍ່​ຫຼູຫຼາ.


ນັກ​ອອກ​ແບບ Michele Gaudiomonte ມາ​ແຕ່​ພາກ​ໃຕ້
ອີ​ຕາ​ລີ ນຳ​ມາ​ຊຸດ​ສະ​ສົມ
ອີງ​ໃສ່​​​​ແພ​ໄໝ​ງາມ​ທີ່​ສຸດ​ຂອງ
ອີ​ຕາ​ລີ.


ຕັກນິກ​ແສ່ວ​ດ້ວຍ​ມື​​​ເທິງ​ແພ​ໄໝໃນ​ຊຸດອອກ​ແບບ​ຂອງ​ນັກ​ອອກ​ແບບ ລານ​ເຮືອງ. 



ຊຸດອອກ​ແບບບໍ່​ຫຼູຫຼາ ຂອງ​ນັກ​ອອກ​ແບບ​ ຫງອກ​ເຮີ​ນ.



ນັກ​ອອກ​ແບບ ມິ​ນມິນ ຕົບ​ແຕ່ງ​ດ້ວຍ​ກາບ​ກອນ.
 


GenViet ພາ​ຜູ້​ຊົມ​ເຂົ້າ​ໃນ​ໂລກ​ຂອງອາພອນ Jeans
ດ້ວຍ​ເຕັກ​ໂນ​ໂລ​ຢີທັນ​ສະ​ໄໝ​ຂອງ ອີ​ຕາ​ລີ,
ປະສານ​ສົມທົບ​ກັບ​ລວດລາ​ຍທີ່​ເຮັດ​ດ້ວຍມື.


ນັກ​ອອກ​ແບບ Chula ອອກ​ແບບ​ກັບ​ແພ​ໄໝ.


ຊຸດ​ສະ​ສົມ​ຂອງ​ນັກ​ອອກ​ແບບ ມິນ​ແຫ້ງ.

ອາທິດ​ສະ​ແດງ​ອາພອນ​ສະ​ໄໝ ຫວຽດນາມ ລະດູບານ​ໃໝ່-​ລະດູ​ຮ້ອນ 2015 ສະ​ແດງ​ໃຫ້​ເຫັນ​ຢ່າງຈະ​ແຈ້ງ​ການ​ເຄື່ອນ​ເໜັງ​​ທີ່​ຂັນ​ແຂງ ​ແລະ ຍຸດ​ທະ​ສາດ​ພັດທະນາ​ຂອງ​ແຟຊັ່ນ ຫວຽດນາມ. ນີ້​ກໍ່​ເປັນການ​ເຄື່ອນ​ໄຫວ​ຄັ້ງ​ທຳ​ອິດ​ຂອງ​ສະພາ​ແຟຊັ່ນ ອີ​ຕາ​ລີ-​ຫວຽດ ຢູ່ ຮ່າ​ໂນ້ຍ ​ເພື່ອ​ນຳ​ມາ​ບັນດາ​ການ​ເຄື່ອນ​ໄຫວ​ມີ​ລັກສະນະ​​ເປັນ ອາຊີບແມ່ນກຳລັງ​ດັນ​ໃຫ້​ຂະ​ແໜງ​ແຟຊັ່ນ ຫວຽດນາມ ​ເຊື່ອມ​ໂຍ​ງ ​ແລະ ພັດທະນາ​ໃນ​ທ່າ​ອຽງ​ຂອງ​ໂລກ​ໂດຍ​ໄວ.
ບົດ: ​ເງິນ​ຮ່າ - ພາບ: ​ເຈີ່ນ​ແທງ​ຢາງ 

bdLao

ຄວາມງາມ ຂອງ ຊຸດຊົນເຜົ່າ ກົ໋ງ

ຄວາມງາມ ຂອງ ຊຸດຊົນເຜົ່າ ກົ໋ງ

ຊົນເຜົ່າ ກົ໋ງ ອາໄສຢູ່ພາກຕາເວັນຕົກສ່ຽງເໜືອ, ສ່ວນຫຼາຍແມ່ນ ເຕົ້າໂຮມກັນຢູ່ ແຂວງ ລາຍເຈົາ ແລະ ດ້ຽນບຽນ. ນີ້ແມ່ນໜຶ່ງ ໃນຊົນເຜົ່າ ມີຈຳນວນປະຊາກອນ ບໍ່ຮອດ 10 ພັນຄົນ ທີ່ຍັງຄົງ ຮັກສາ ວັດທະນະທຳ ພື້ນເມືອງທີ່ເປັນເອກະລັກສະເພາະ ໄວ້ໄດ້ຫຼາຍຢ່າງ, ພິເສດແມ່ນຊຸດອາພອນ ທ່ີມີສີສັນ ແລະ ລວດລາຍ ທີ່ເປັນເອກະລັກສະເພາະ.

Top