ບັນດາຜູ້ແທນເຂົ້າຮ່ວມກອງປະຊຸມຄັ້ງທີ 2 ຄະນະກຳມະການຮ່ວມມືລວມຕາມຂົງເຂດ ອາຊຽນ - ຕວກກີ (ພາບ: ຫວຽດນາມ+)
ຕາມຄະນະປະຕິບັດງານ ຫວຽດນາມ ປະຈຳ ອາຊຽນ ແລ້ວ, ກອງປະຊຸມຄັ້ງທີ 2 ຄະນະກຳມະການຮ່ວມມືລວມຕາມຂົງເຂດ ອາຊຽນ - ຕວກກີ (AT-JSCC) ໄດ້ດຳເນີນຢູ່ຄະນະເລຂາ ອາຊຽນ ຈາກາຕາ (ອິນໂດເນເຊຍ) ໃນວັນທີ 18 ກໍລະກົດ, ດ້ວຍການເຂົ້າຮ່ວມຂອງຮອງເລຂາທິການໃຫຍ່ ອາຊຽນ, ບັນດາເອກອັກຄະລັດຖະທູດ, ຫົວໜ້າຄະນະປະຕິບັດງານບັນດາປະເທດ ອາຊຽນ, ເອກອັກຄະລັດຖະທູດ ຕວກກີ ປະຈຳ ອາຊຽນ ແລະ ຜູ້ຕາງໜ້າກະຊວງການຕ່າງປະເທດ ຕວກກີ. ທີ່ກອງປະຊຸມ, ອາຊຽນ ແລະ ຕວກກີ ໄດ້ຮັບຮອງເອົາບັນຊີລາຍຊື່ບັນດາຂົງເຂດຮ່ວມມືບຸລິມະສິດລະຫວ່າງ ອາຊຽນ - ຕວກກີ ໄລຍະປີ 2019 – 2023 ສຸມໃສ່ເຂົ້າໃນບັນດາຂົງເຂດບຸລິມະສິດກ່ຽວກັບດ້ານການຄ້າ ແລະ ການລົງທຶນ, ການທ່ອງທ່ຽວ, ການເຊື່ອມຕໍ່, ພັດທະນາວິສາຫະກິດ…ສ່ວນ ຕວກກີ ໄດ້ປະກາດວ່າຈະສະຫງວນງົບປະມານ 1 ລ້ານ USD ໃຫ້ແກ່ການຜັນຂະຫຍາຍບັນດາການເຄື່ອນໄຫວ ແລະ ໂຄງການຮ່ວມມື 2 ຝ່າຍໃນໄລຍະສະເພາະໜ້າ. ອາຊຽນ ແລະ ຕວກກີ ກໍ່ເຫັນດີເປັນເອກະພາບວ່າຈະຜັນຂະຫຍາຍບັນດາໂຄງການໂດຍ ຕວກກີ ເປັນຝ່າຍສະເໜີກ່ຽວກັບການແບ່ງປັນການເພີ່ມທະວີກຳລັງຄວາມສາມາດໃຫ້ແກ່ແມ່ຍິງ, ບຳລຸງສ້າງພະນັກງານ, ວິສາຫະກິດ ແລະ ຊຸກຍູ້ການລົງທຶນໂດຍໄວ.
(ແຫຼ່ງຄັດຈາກ VOV)
