• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ອາຊຽນ ມຸ່ງໄປເຖິງການປະກັນຊີວິດສັງຄົມໃນສະພາບການປະຕິວັດ 4.0

      ກອງປະຊຸມໄດ້ຮັບການຈັດຕັ້ງໃນສະພາບລະບົບປະກັນຊີວິດສັງຄົມ ອາຊຽນ ພວມກ້າວເຂົ້າສູ່ໄລຍະພັດທະນາໃໝ່ດ້ວຍບັນດາກາລະໂອກາດ ແລະ ສິ່ງທ້າທາຍຍ້ອນຜົນກະທົບຈາກການປະຕິວັດອຸດສາຫະກຳ 4.0

ທ່ານ ຫວູດຶກດາມ ກ່າວຄຳເຫັນທີ່ກອງປະຊຸມ 
      ວັນທີ 18 ກັນຍາ ປີ 2018, ຢູ່ນະຄອນ ຍາຈາງ, ແຂວງ ແຄ໋ງຮ່ວາ, ໄດ້ຈັດຕັ້ງພິທີໄຂກອງປະຊຸມຄະນະບໍລິຫານງານສະຫະສະມາຄົມປະກັນຊີວິດສັງຄົມ ອາຊຽນຄັ້ງທີ 35 (ASSA) ຢ່າງສົມກຽດ. ດ້ວຍຫົວຂໍ້ວ່າ “ກາລະໂອກາດ ແລະ ສິ່ງທ້າທາຍຂອງລະບົບປະກັນຊີວິດສັງຄົມພາກພື້ນ ອາຊຽນ ໃນສະພາບການປະຕິວັດອຸດສາຫະກຳ 4.0 ແລະ ຄວາມເສລີໃນການຍົກຍ້າຍຄົນງານ”, ກອງປະຊຸມມີການເຂົ້າຮ່ວມຂອງທ່ານຮອງນາຍົກລັດຖະມົນຕີ ຫວູດຶກດາມ, ຜູ້ຕາງໜ້າຂອງອົງການປະກັນຊີວິດສັງຄົມທີ່ເປັນສະມາຊິກ 20 ອົງການໂດຍມາຈາກ 10 ປະເທດສະມາຊິກ ອາຊຽນ, ຜູ້ຕາງໜ້າການນຳບັນດາອົງການສາກົນສະຫະສະມາຄົມປະກັນຊີວິດສັງຄົມສາກົນ (ISSA), ອົງການແຮງງານສາກົນ (ILO), ທະນາຄານໂລກ (WB).
        ກອງປະຊຸມໄດ້ຮັບການຈັດຕັ້ງໃນສະພາບລະບົບປະກັນຊີວິດສັງຄົມ ອາຊຽນ ພວມກ້າວເຂົ້າສູ່ໄລຍະພັດທະນາໃໝ່ດ້ວຍບັນດາກາລະໂອກາດ ແລະ ສິ່ງທ້າທາຍຍ້ອນຜົນກະທົບຈາກການປະຕິວັດອຸດສາຫະກຳ 4.0 ແລະ ວິວັດການຍົກຍ້າຍຄົນງານໃນພາກພື້ນຢ່າງເສລີ. ສິ່ງດັ່ງກ່າວໄດ້ຮຽກຮ້ອງໃຫ້ ASSA ຄວນມີວິທີການສຳຜັດຢ່າງມີຫົວຄິດປະດິດສ້າງ, ມີວິໄສທັດຍາວນານເພື່ອແນໃສ່ເສີມຂະຫຍາຍທ່າແຮງກ່ຽວກັບບົດຮຽນ ແລະ ເຕັກໂນໂລຊີຂອງບັນດາອົງການສະມາຊິກ.
        ໂດຍຕາງໜ້າໃຫ້ແກ່ລັດຖະບານ ຫວຽດນາມ ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວູດຶກດາມ ສະແດງຄວາມເຫັນວ່າ:
        ຂ້າພະເຈົ້າມີຄວາມປະທັບໃຈກ່ຽວກັບຫົວຂໍ້ກອງປະຊຸມປີນີ້. ພວກເຮົາລ້ວນແຕ່ຮູ້ວ່າ, ກອງປະຊຸມ WEF ASEAN 2018 ທີ່ຈັດຕັ້ງຫວ່າງແລ້ວນີ້ ດ້ວຍຫົວຂໍ້ການປະຕິວັດອຸດສາຫະກຳ 4.0 . ຜ່ານເວທີປາໄສນັ້ນ, ບັນດາການນຳ ແລະ ບັນດາຜູ້ແທນໄດ້ສະຫງວນເວລາແລກປ່ຽນກ່ຽວກັບບັນດາກາລະໂອກາດ ແລະ ສິ່ງທ້າທາຍເຊິ່ງການປະຕິວັດດັ່ງກ່າວນຳມາໃຫ້.
        ສ່ວນທ່ານ ສຸຣາເດັດ ຫວະລີຕິຄຸນ, ເລຂາທິການໃຫຍ່ສະຫະສະມາຄົມປະກັນຊີວິດສັງຄົມແຫ່ງປະເທດ ໄທ, ປະທານ ASSA ຄົນປະຈຸບັນ, ເຊື່ອໝັ້ນວ່າ:
        ດ້ວຍນ້ຳໃຈຮ່ວມມື ແລະ ກໍ່ຄືບັນດາຄວາມມານະພະຍາຍາມລວມຂອງບັນດາສະມາຊິກ, ພວກຂ້າພະເຈົ້າພວມມານະພະຍາຍາມຊຸກຍູ້ປະກັນຊີວິດສັງຄົມ. ພວກເຮົາຄວນມີຍຸດທະສາດໃໝ່ເພື່ອປັບຕົວກັບສະພາບການໃໝ່. ຢູ່ປະເທດຕ່າງໆໄດ້ຫັນລະບຽບການບໍລິຫານເປັນງ່າຍດາຍເພື່ອສ້າງຄວາມກະຈ່າງແຈ້ງ ແລະ ພວກເຮົາກໍ່ຕ້ອງສ້າງກອບນິຕິກຳເພື່ອອັບເດັດ ແລະ ປັບຕົວກັບສະພາບການໃໝ່ໃຫ້ດີທີ່ສຸດ.
 (ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top