ຂ່າວສານ
ຫວຽດນາມແລະອາເມລິກາຊຸກຍູ້ການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ, ຮັບປະກັນຄວາມສະຫງົບ, ຄວາມປອດໄພໃນການເດີນທະເລ
ການຕ້ອນຮັບທ່ານນາງ Tammy Duckworth, ສະມາຊິກສະພາສູງອາເມລິກາ (ພາບ: Bienphong)
ນະທີ່ນີ້, ທ່ານພົນໂທຟ້າມຫງອັກມິງຢັ້ງຢືນວ່າ: ໃນໄລຍະຜ່ານມາ, ການພົວພັນຮ່ວມມືດ້ານປ້ອງກັນປະເທດສອງຝ່າຍລະຫວ່າງຫວຽດນາມແລະອາເມລິການັບມື້ນັບເຂົ້າສູ່ລວງເລິກ, ມີປະສິດທິຜົນ, ສອດຄ່ອງກັບຄວາມອາດສາມາດ, ຄວາມຕ້ອງການຂອງແຕ່ລະປະເທດ. ໃນການພົວພັນກັບອາເມລິກາ, ຍາມໃດຫວຽດນາມກໍ່ຖືເປັນສຳຄັນແລະ ໃຫ້ບູລິມະສິດແກ້ໄຂຜົນຮ້າຍຢ້ອນຫຼັງຈາກສົງຄາມ, ຊອກຫາທະຫານທີ່ຫາຍສາບສູນ, ແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກ, ແກ້ໄຂມົນລະພິດ dioxin.
ທ່ານນາງ Tammy Duckworth ໃຫ້ຮູ້ວ່າອາເມລິກາຈະສືບຕໍ່ຮ່ວມມືກັບຫວຽດນາມໃນການແກ້ໄຂຜົນຮ້າຍຢ້ອນຫຼັງຈາກສົງຄາມ, ຮັບປະກັນຄວາມສະຫງົບ, ຄວາມປອດໄພໃນການເດີນທະເລ, ຊ່ວຍເຫຼືອຫວຽດນາມຜັນຂະຫຍາຍໂຮງໝໍກາງສະໜາມຂັ້ນ 2 ເລກ 2 ຢູ່ຄະນະປະຕິບັດງານຮັກສາສັນຕິພາບສະຫະປະຊາຊາດໃຫ້ຖືກຕ້ອງຕາມແຜນການ ແລະບັນດາຂົງເຂດອື່ນທີ່ສອງຝ່າຍໃຫ້ຄວາມສົນໃຈ.
(ແຫຼ່ງຄັດຈາກ VOV)