• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມມີຈຸດພົ້ນເດັ່ນໃນການເຕີີບໂຕເສດຖະກິດ

      ພື້ນຖານເສດຖະກິດບັນລຸໄດ້ໝາກຜົນໜັ້ນຄົງເຂັ້ມແຂງຍ້ອນຄໍາໝັ້ນສັນຍາຂອງລັດຖະບານກ່ຽວກັບສະຖຽນລະພາບເສດຖະກິດມະຫາພາກ ແລະ ການເຕີບໂຕໂດຍອີງໃສ່ຂົງເຂດເອກະຊົນ.
        ໃນໄລຍະຜ່ານມາ, ບັນດາອົງການສາກົນໄດ້ມີບັນດາການຄາດຄະເນຢ່າງຕັ້ງໜ້າຕໍ່ ການເຕີບໂຕເສດຖະກິດຂອງຫວຽດນາມ. ໃນບົດລາຍງານກ່ຽວກັບເສດຖະກິດພາກພື້ນ ອາຊີ - ປາຊີຟິກ ໄຕມາດ 03 ປີ 2018, ທະນາຄານໂລກ ໄດ້ຕີລາຄາແງ່ຫວັງໃນໄລຍະກາງຂອງຫວຽດນາມວ່າ ສືບຕໍ່ໄດ້ຮັບການປັບປຸງ ແລະ ບັນລຸໄດ້ໝາກຜົນດີ ຍ້ອນເສດຖະກິດທົ່ວໂລກໄດ້ຮັບການຟື້ນຟູແບບຍືນຍົງ ແລະ ບັນດາການປະຕິຮູບພາຍໃນປະເທດພວມໄດ້ຮັບການປະຕິບັດ ພື້ນຖານເສດຖະກິດບັນລຸໄດ້ໝາກຜົນໜັ້ນຄົງເຂັ້ມແຂງຍ້ອນຄໍາໝັ້ນສັນຍາຂອງລັດຖະບານກ່ຽວກັບສະຖຽນລະພາບເສດຖະກິດມະຫາພາກ ແລະ ການເຕີບໂຕໂດຍອີງໃສ່ຂົງເຂດເອກະຊົນ.
        ທ່ານ Eric Sidgwick, ຜູ້ອໍານວຍການແຫ່ງຊາດທະນາຄານພັດທະນາອາຊີ (ADB)  ປະຈໍາຫວຽດນາມ, ຕີລາຄາການເຕີບໂຕເສດຖະກິດຫວຽດນາມໄລຍະຜ່ານມາວ່າ ບັນລຸໄດ້ໃນທຸກຂົງເຂດຄື: ອຸດສາຫະກໍາ, ກະສິກໍາ ແລະ ການບໍລິການ. ໃນນັ້ນ, ກໍາລັງໜູນໃນການເຕີບໂຕຕົ້ນຕໍ່ແມ່ນຂະແໜງການຜະລິດປະດິດສ້າງ ສືບຕໍ່ໄດ້ເປີດກວ້າງ, ການຜະລິດກະສິກໍາເພີ່ມຂຶ້ນສູງ, ຂະແໜງບໍລິການເປັນປົກກະຕິ, ການບໍລິໂພກອຸປະໂພກພາຍໃນປະເທດໄດ້ ຮັບການຮັກສາເປັນຢ່າງດີ, ໄດ້ຮັບການລົງທຶນຢ່າງຫຼວງຫຼາຍຈາກບັນດາວິສາຫະກິດທີ່ມີເງິນລົງທຶນໂດຍກົງຈາກຕ່າງປະເທດ (FDI) ແລະ ວິສາຫະກິດຢູ່ພາຍໃນປະເທດ. ເມື່ອແບ່ງປັນກ່ຽວກັບຂໍ້ສັງເກດດັ່ງກ່າວ, ທ່ານ ຫງວຽນມິນເກືອງ, ນັກຊ່ຽວຊານດ້ານເສດຖະກິດຂອງ ADB, ຖືວ່າ:
        ສະພາບການພື້ນຖານເສດຖະກິດຫວຽດນາມເປັນໜ້າຊື່ນຊົມ ແລະ ສົດໃສ. ການເຕີບໂຕບັນລຸລະດັບສູງ 7,1%. ບໍ່ພຽງແຕ່ແມ່ນການເຕີບໂຕສູງເມື່ອທຽບໃສ່ຫວຽດນາມເທົ່ານັ້ນ ຫາກຍັງແມ່ນການເຕີບໂຕສູງເມື່ອທຽບໃສ່ພາກພື້ນອີກດ້ວຍ. ການຄາດຄະເນຂອງ ADB  ກ່ຽວກັບການເຕີບໂຕຂອງ ຫວຽດນາມ ໃນປີ 2019 ແມ່ນຈະຍັງຄົງຮັກສາໃຫ້ຢູ່ລະດັບ 6,8%. ລະດັບເຕີບໂຕຂອງຫວຽດນາມບັນລຸລະດັບເຕີບໂຕຮອບດ້ານໃນທຸກຂົງເຂດໃນປີ 2018. ນີ້ແມ່ນຜົນງານທີ່ເປັນໜ້າໄດ້ຮັບການສົ່ງເສີມໃນສະພາບການປັດຈຸບັນ”.
 (ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top