ຂ່າວສານ
ຫວຽດນາມ ອອກຖະແຫຼງການປະທານ ກ່ຽວກັບເລື່ອງ ອາຊຽນ ຮ່ວມກັນຮັບມືກັບເຊື້ອພະຍາດອັກເສບປອດທີ່ເກີດຈາກເຊື້ອຈຸລະໂລກ Covid -19
(ພາບປະກອບ: VOV)
ຖະແຫຼງການດັ່ງກ່າວ ໄດ້ສະແດງຄວາມວິຕົກກັງວົນຂອງການນໍາບັນດາປະເທດ ອາຊຽນ ຕໍ່ການຜັນແປຂອງເຊື້ອພະຍາດດັ່ງກ່າວ ພ້ອມທັງເນັ້ນໜັກເຖິງຄວາມສາມັກຄີຂອງ ອາຊຽນ ໃນການຮ່ວມແຮງຮ່ວມໃຈກັນຄວບຄຸມ ແລະ ສະກັດກັ້ນການແຜ່ລາມຂອງເຊື້ອພະຍາດດັ່ງກ່າວ, ຮັບປະກັນໃຫ້ປະຊາຊົນມີຊີວິດທີ່ສະຫງົບສຸກ. ນອກຈາກນັ້ນ, ຖະແຫຼງການສະບັບດັ່ງກ່າວ ກໍໄດ້ເນັ້ນໜັກວ່າ ບັນດາປະເທດ ອາຊຽນ ຈະສືບຕໍ່ຮັກສານະໂຍບາຍເປີດປະຕູ; ເຫັນດີເປັນເອກະພາບຕໍ່ການສົມທົບໃນວຽກງານກວດກາສາທາລະນະສຸກຢູ່ດ່ານຊາຍແດນແຫ່ງຕ່າງໆຂອງບັນດາປະເທດສະມາຊິກ; ຮຽກຮ້ອງໃຫ້ບັນດາອົງການຕາງໜ້າທາງການທູດຂອງບັນດາປະເທດ ສະມາຊິກອາຊຽນ ປະຈໍາຢູ່ປະເທດທີ 3 ໜູນຊ່ວຍດ້ານກົງສູນໃຫ້ພົນລະເມືອງ ອາຊຽນ ໃນກໍລະນີຈໍາເປັນ ກໍຄື ຮ່ວມມືກັນຢ່າງມີປະສິດທິຜົນສະກັດກັ້ນການເຜີຍແຜ່ຂໍ້ມູນຂ່າວທີ່ບໍ່ມີມູນຄວາມຈິງກ່ຽວກັບເຊື້ອພະຍາດ Covid – 19. ໃນບົດບາດເປັນປະທານ ສະພາປະສານງານ ອາຊຽນ (ACC), ຫວຽດນາມສະເໜີ ຈັດຕັ້ງກອງປະຊຸມພິເສດຂອງ ACC ແລະ ສົມທົບກັບ ຈີນ ຈັດກອງປະຊຸມພິເສດ ລັດຖະມົນຕີການຕ່າງປະເທດ ອາຊຽນ - ຈີນ ເນື່ອງໃນໂອກາດລັດຖະມົນຕີການຕ່າງປະເທດ ແມ່ນໍ້າຂອງ - ແມ່ນໍ້າລ້ານຊ້າງ ຄັ້ງທີ 5 ຢູ່ ນະຄອນຫຼວງວຽງຈັນ ປະເທດ ລາວ ໃນໄລຍະຈະມາເຖິງ ເພື່ອປຶກສາຫາລືກ່ຽວກັບການຮ່ວມມືກັນຮັບມືກັບເຊື້ອພະຍາດ Covid – 19.
(ແຫຼ່ງຄັດຈາກ VOV)
