ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ (ພາບ:TTXVN )
ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ໃຫ້ຮູ້ວ່າ: ຫວຽດນາມ ພວມພ້ອມກັບບັນດາປະເທດສະມາຊິກສ້າງລະບຽບການໃຫ້ສົມບູນແບບ ເພື່ອໃຫ້ສັດຕະຍາບັນຕາມຂໍ້ກຳນົດຂອງແຕ່ລະປະເທດ.
“ຕາມຂໍ້ກຳນົດ, ສັນຍາ CPTPP ຈະມີຜົນສັກສິດພາຍໃນ 60 ວັນ ພາຍຫລັງທີ່ມີປະເທດສະມາຊິກຢ່າງໜ້ອຍສຸດ 6 ປະເທດ ໄດ້ສ້າງສຳເລັດບັນດາລະບຽບການໃຫ້ສັດຕະຍາບັນ; ປັດຈຸບັນ, ຫວຽດນາມ ແລະ ບັນດາປະເທດສະມາຊິກພວມດຳເນີນບັນດາລະບຽບການໃຫ້ສັດຕະຍາບັນ CPTPP ເໝາະສົມກັບບັນດາຂໍ້ກຳນົດຂອງແຕ່ລະປະເທດ ເພື່ອນຳສັນຍາເຂົ້າຜັນຂະຫຍາຍໂດຍໄວ, ປະກອບສ່ວນຊຸກຍູ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງບັນດາສະມາຊິກ ແລະ ປະກອບສ່ວນໃຫ້ແກ່ການເຕີບໂຕຮ່ວມສຳພັນເສດຖະກິດຂອງພາກພື້ນ; ປັດຈຸບັນ ກະຊວງອຸດສາຫະກຳ ແລະ ການຄ້າ ຫວຽດນາມ ກໍ່ພວມສ້າງສຳເນົາເອກະສານໃຫ້ສຳເລັດ ເພື່ອອາດຈະຍື່ນສະເໜີຕໍ່ສະພາແຫ່ງຊາດໃນກອງປະຊຸມສະໄໝສາມັນໃນທ້າຍປີນີ້”.
(ແຫຼ່ງຄັດຈາກ VOV)