ບົດລາຍງານດັດຊະນີການເຊື່ອມຕໍ່ທົວໂລກປີ 2021 ໂດຍ DHL ແລະ ໂຮງຮຽນທຸລະກິດ ສະເຕີນ ທີ່ຂື້ນກັບ ມະຫາວິທະຍາໄລ ນິວຢອກ ປະກາດໄດ້ໃຫ້ເຫັນວ່າ ຫວຽດນາມ ນອນຢູ່ໃນກຸ່ມ 5 ປະເທດມີຜົນງານປະທັບໃຈກ່ຽວກັບຄວາມສາມາດປັບປຸງ ແລະ ເຊື່ອມຕໍ່ຢ່າງເຂັ້ມແຂງໃນ 2 ທົດສະວັດທີ່ຜ່ານມາ. 4 ປະເທດທີ່ຍັງເຫຼືອແມ່ນ ເມັກຊີໂກ, ໂຮນລັງ , ສະທາລະນະລັດ ເຊຍຣາເລອອນ, ສະຫະລັດ ອາຣັບ ເອມີເລດ.
ຕາມບົດລາຍງານ, ເຖິງວ່າໄດ້ຮັບຜົນສະທ້ອນຈາກໂລກລະບາດໂຄວິດ - 19 ກໍ່ຕາມ, ແຕ່ຫວຽດນາມ ກຳລັງມີສັນຍານຟື້ນຟູທ່າເຕີບໂຕເສດຖະກິດ ແລະ ການຜະລິດ. ເສດຖະກິດ ຫວຽດນາມ ໄດ້ເຕີບໂຕ 2,91 % ໃນ 2020 ແລະ ມູນຄ່າສົ່ງອອກເພີ່ມຂື້ນ 28,4 % ໃນໄລຍະ 6 ເດື່ອນຕົ້ນປິ 2021 ເມື່ອທຽບກັບປີ 2020.ບົດລາຍງານກໍຊີ້ອອກ 5 ຂົງເຂດຕົ້ນຕໍ່ທີ່ຊ່ວຍປັບປຸງດັດຊະນີການເຊື່ອມຕໍ່ແຫ່ງຊາດລວມມີ: ສັນຕິພາບ ແລະ ຄວາມໝັ້ນຄົງ, ສະພາບແວດລ້ອມແຫ່ງການດຳເນີນທຸລະກິດທີ່ດູດດື່ມຢູ່ພາຍໃນປະເທດ, ການເປີດປະຕູໃຫ້ກະແສລົງທຶນສາກົນ, ເຊື່ອມໂຍງໃນພາກພື້ນ ແລະ ໜູນຊ່ວຍສັງຄົມ. ສິ່ງທີ່ເປັນໜ້າສົນໃຈແມ່ນສະພາບແວດລ້ອມແຫ່ງການດຳເນີນທຸລະກິດ ທີ່ດູດດື່ມຢູ່ພາຍໃນປະເທດ ມີຄວາມສາມາດຊຸກຍູ້ດັດຊະນີເຊື່ອມຕໍ່ທົວໂລກໄດ້ດີກວ່ານັບທັງບັນດານະໂຍບາຍສະໜັບສະໜູນການຫັນເປັນໂລກາພິວັດທີ່ມາແຕ່ດົນນານ.
(ແຫຼ່ງຄັດຈາກ VOV)
