• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ກິລາ

ຫວຽດນາມ Funclub – ເຂດຫຼິ້ນທີ່ຈັບໃຈຂອງໄວໜຸ່ມນະຄອນ ໂຮ່ຈີມິນ ໃນລະດູແລ້ງ

ສະໂມສອນ ຫຼິ້ນສະກີ ສິລະປະກຳ ຫວຽດນາມ Funclub ໄດ້ຕັ້ງຢູ່ໃນຫໍວັດທະນະທຳ ແທງນຽນ ນະຄອນ ໂຮ່ຈີມິນ (ເຮືອນ ເລກທີ 4A, ຖະໜົນ ຝ້າມງອກແທກ, ເມືອງ 1) ເປັນເວລາ 5 ປີກວ່າຜ່ານມາເຂດດັ່ງກ່າວໄດ້ກາຍເປັນບ່ອນຫຼິນທີ່ຈັບໃຈຂອງໄວໜຸ່ມຫຼາຍຄົນຢູ່ນະຄອນ ໂຮ່ຈີມິນ. 
ຕາມ​ທີ່ຮູ້​ ຫວຽດນາມ Funclub ມີ​ກິລາຫຼິ້ນ​ສາມ​ປະ​ເພດ​ຄື: ຫຼິ້ນ​ສະ​ກີ​ນ້ຳ​ແຂງ, ກີ​ລາ​ຟັນດາບ ​ແລະ ຍິງ​ທະນູ. ​ໃນ​ນັ້ນ ​ກິ​ລາ ຫຼິ້ນ​ສະ​ກີ​ນ້ຳ​ແຂງ ​​ເປັນບ່ອນຫຼິ້ນ​ສະ​ກີ​ທີ່​ມີໜຶ່ງດຽວ​​ໃນນະຄອນໂຮ່ຈີ​ມິນ​ເທົ່າ​ນັ້ນ ​ໂດຍ​ແມ່ນ​ທ່ານແອ​ງຮວ່າງ, ປະທານ​ສະ​ໂມສອນ ເປັນຜູ້​ສ້າງ​ຕັ້ງ.
 
ຍ້ອນວ່າປະ​ເທດຫວຽດນາມ​ເປັນ​ເຂດ​ທີ່ນອນ​ຢູ່​ໃນ​ເຂດອາ​ກາດ​ຮ້ອນ, ບໍ່​ມີ​​ນ້ຳ​ແ​ຂງ​ແທ້ຈາກ​ທຳ​ມະ​ຊາດ, ສະ​ນັ້ນ ທາງ​ສະ​ໂມ​ສອນ​ຕ້ອງ​​​ໄດ້ໃຊ້ ນ້ຳ​ແຂງ​ທຽມ​​ທີ່ນຳ​ເຂົ້າ​ມາ​ຈາກ ອາ​ເມ​ລິ​ກາ ທີ່​ມີ​ຄວາມ​ຕິດ​​ແຫນ້ນສູງ​ກວ່າ​​ນ້ຳແຂງ​ທຳ​ມະ​ດາ, ຊ່ວຍ​ເຮັດ​ໃຫ້​ຫຼຸດ ຜ່ອນ​ຄວາມອັນຕະລາຍ​ໃນ​ເວລາ​ຫຼິ້ນ​ໄດ້.
 
ທ້າວ ຫງວຽນ​ເຈີ່ນຮວ່າງ​ນາມ, ຜູ້​ແນະນຳປະ​ຈຳ​ສະ​ໂມ​ສອນ​ໃຫ້​ຮູ້​ວ່າ ​ຫຼິ້ນ​ກີ​ລາ​ປະ​ເພດນີ້ບໍ່​ຍາກ​ປານ​ໃດ, ​​ແ​ຂກທີ່ມາ​ຫຼິ້ນ​ຄັ້ງທຳ​ອິດ​ກໍ່ພຽງ​ແຕ່​ໄດ້​ຮັບ​ການ​ແນະນຳ 2-3 ນາທີ​ກໍ່​ສາມາດ​ຫຼິ້ນ​ໄດ້​ແລ້ວ, ຖ້າ​ຫຼິ້ນ​ຕື່ມ​ອີກ 4-5 ຄັ້ງກໍ່​ສາມາດ​ສະ​ແດງ​ໄດ້​ຫຼາຍ​ຈັງ ຫວະ​ທີ່​ຍາກ​ກວ່າ.


ສະໂມສອນ ຫຼິ້ນສະກີ ສິລະປະ ຫວຽດນາມ Funclub ​ເປັນ​ເຂດ​ລະ​ຫຼິ້ນ​ທີ່​​ແປກ​ໃໝ່​ສຳລັບ​ໄວ​ໜຸ່ມ​ນະຄອນ​ ​ໂຮ່ຈີ​ມິນ.

ຍິງ​ສາວ​ຄົນ​ໜຶ່ງ​​ໄດ້ຖື​ເກີບ​ຫຼິ້ນ​ສະ​ກີ​ຢ່າງ​ລະອຽດ ​ກ່ອນ​ທີ່​ເຂົ້າ​ເດີ່ນ​ຫຼິ້ນ​.

ເກີບ​ຫຼິ້ນ​ສະ​ກີ​ໄດ້​ນຳ​ເຂົ້າ​ມາ​ຈາກ ອາ​ເມ​ລິກາ ດ້ວຍ​ຄຸນ​ນະພາ​ບ ດີ​ທີ​່ສຸດ, ​ເພື່ອ​ຮັບປະກັນ​ຄວາມ​ປອດ​ໄພ​ໃຫ້​ແກ່​ຜູ້​ຫຼິ້ນ.


ເມື່ອເວລາ​ຫາ​ກໍ່​ຫຼິ້ນ​ໃໝ່, ຜູ້​ຫຼິ້ນຈະ​ໄດ້​ຮັບ​ການ​ແນະນຳ​ຈາກ​ຄູ​ຝຶກ​ແຕ່​ລະ​ບາດ​ກ້າວ​ການ​ຫລິ້ນຂັ້ນພື້ນ​ຖານ.

ຍິງ​ສາວ​ຄົນ​ໜຶ່ງ ພວມ​ໄດ້​ຮັບ​ການ​ແນະນຳ​ຢ່າງ​ສຸດ​ທີ່​ລະອຽດ​ຈາກ​ຄູ​ຝຶກ.

ຈັງຫວະການ​ໂດດ​ສູງ​ຂຶ້ນ​ໜຶ່ງທີ່​ສວຍ​ງາມ.

ທ້າວ ຫງວຽນ​ເຕິ​ນຫາຍ ( ອາຍຸ 21 ປີ, ນັກ​ສຶກສາ​ມະ​ຫາ​ວິ​ທະຍາ​ໄລ ວິທະຍາສາດ​ ສັງ​ຄົນ ​ແລະ ມະນຸດສາດ)
ພວມ​ສະ​ແດງ​ຈັງຫວະ​ຫຼິ້ນ​ສະ​ກີ​ໜຶ່ງ ​ໂດຍປະສານ​ສົມທົບ​ກັບ​​ຈັງ​ຫວະ ການ​​ເຕັ້ນ​ ຮິບ​ຮອ໊ບ ທີ່​ໜ້າ​ຈັບ​ໃຈ.


ຄວາມ​ມ່ວນ​ຊື່, ສະບາຍ​ໃຈ​ຂອງ​ບັນດາໄວ​ໜຸ່ມ​ໃນ​ເວລາ​ຫຼິ້ນ​ສະ​ກ​ີ.
ການຫຼິ້ນສະກີ​ນ້ຳ​ແຂງລວມມີຫຼາຍຈັງຫວະທີ່ແຕກຕ່າງກັນຄື: ປິ່ນ, ໂດດ, ເຄ່ືອນຍ້າຍເທິງນ້ຳແຂງປະສານສົມທົບກັບຫຼາຍຈັງຫວະຕ່າງໆ. ຜູ້ຫຼິ້ນຫຼັງຈາກຮັບຮູ້ຈັງຫວະຂັ້ນພື້ນຖານ ແລ້ວ ຈະສາມາດ​ຄິດແຕ່ງຈັງຫວະສະ​ເພາະ​ຂອງຕົນເອງໄດ້. ການ ຫຼິ້ນສະກີ ຊ່ວຍເຮັດໃຫ້ຜູ້ຫຼິ້ນສາມາດແກ້ໄຂໄດ້​ໄວ, ​ປັບ​ຕົນ​ເອງ​ຕາມ​ສະພາວະການທີ່ຖືກລົ້ມ, ຊ່ວຍເຮັດ ໃຫ້ຮ່າງກາຍມີຄວາມ ແຂງແຮງ, ອ່ອນ​ໂຍນກວ່າ. ການປະສົມປະ​ສານ ລະຫວ່າງ ບັນດາພາກສ່ວນຂອງ ຮ່າງກາຍໃນເວລາຫຼິ້ນສະກີ ຈະສ້າງເປັນພາບທີ່ສວຍງາມ, ປະທັບໃຈ.
 
ທ້າວ ເຈືອງວັນເກື່ອງ, ອາຍຸ 20 ປີ, ຢູ່ເມືອງ ບິ່ງເຕິນ ໃຫ້ຮູ້ວ່າ ເຖິງວ່າຫາກໍ່ຫຼິ້ນສະກີ ຢູ່ ຫວຽດນາມ Funclub ໄດ້ 2 ເດືອນ ເທົ່ານັ້ນ, ແຕ່ຍ້ອນວ່າແຕ່ກ່ອນເຄີຍໄດ້ຫຼິ້ນ ປາຕິນ (patin) ຢູ່ແລ້ວ, ສະນັ້ນ  ລາວສາມາຫມ​ນູໃຊ້ເຂົ້າໃນການຫຼິ້ນສະກີ ໄດ້ຫຼາຍຈັງຫວະທີ່​ໂດດ​ເດັ່ນໃຫ້ຕົນເອງ. ສຳລັບທ້າວ ຫງວຽນ ເຕິນ ຫາຍ (ອາຍຸ 21 ປີ, ນັກສຶກສາມະຫາວິທະຍາໄລ ວິທະຍາສາດ ສັງຄົມ ແລະ ມະນຸດສາດ) ມີຄວາມສະໜິດ ຕິດພັນກັບທີ່ນີ້ ມາ ເປັນເວລາ 2 ປີກວ່າ,​ ລາວໄດ້ຮັບການແນະ ນຳຈາກ​ຄູ​ຝຶກຢ່າງ ລະອຽດ , ພ້ອມກັບ ພອນສະຫວັນ ແລະ ການຝຶກແອບຂອງ ຕົນເອງ, ສະນັ້ນ ລາວຈຶ່ງສາມາດສະແດງໄດ້ຫຼາຍຈັງຫວະ ທີ່ ຍາກ, ງາມຕາ, ຈັບໃຈທ່ານຜູ້ຊົມ. ປະຈຸບັນ, ທ້າວ ຫາຍ ສາ ມາດແນະນຳວິທີການຫຼິ້ນສະກີຕໍ່ໃຫ້ ກັບຜູ້​ອື່ນ​ທີ່ມາຫຼິ້ນກິ​ລາ​ປະ​ເພດນີ້ໄດ້​ແລ້ວ.
 
ບໍ່ພຽງແຕ່ຜູ້ຊາຍ, ມີຜູ້ຍິງຫຼາຍຄົນກໍ່ມີຄວາມສົນໃຈຕໍ່ກິລາ ປະ ເພດນີ້. ນາງ ເຈີ່ນຟານຍືອີ (ອາຍຸ 22 ປີ, ຢູ່ເມືອງ ບິ່ງແທກ) ໃຫ້ຮູ້ວ່າ: “ຕອນຫາກໍ່ຫຼິ້ນໃໝ່, ຂ້າພະເຈົ້າຮູ້ສຶກຕື່ນເຕັ້ນ ແລະ ປະສົບຄວາມຫຍຸ້ງຍາກຫຼາຍປະການ, ແຕ່ຫຼັງຈາກລື້ງ​ເຄີຍ ແລ້ວ ຕົນເອງກໍ່ຮູ້ສຶກມັກ ແລະ ຊື່ນໃຈຫຼາຍ. ພິເສດ, ໃນຊ່ວງ ໄລຍະ ອາ​ກາດຮ້ອນ, ທີ່ນີ້ ໄດ້ກາຍເປັນຈຸດນັບພົບເປັນ​ປະ​ຈຳ ຂອງຂ້າ ພະເຈົ້າກັບໝູ່ເພື່ອນ”.
 
ນອກຈາກການຫຼິ້ນສະກີນ້ຳ​ແຂງ, ຫວຽດນາມ Funclub ຍັງມີ ເດີ່ນຫຼິ້ນ Hockey . ນີ້ແມ່ນປະເພດກິລາໜຶ່ງທີ່ໜ້າຈັບໃຈ, ດຶງ ດູດໄວໜຸ່ມມາເຂົ້າຮ່ວມຫລິ້ນນັບເປັນຈຳນວນ ຫຼວງ ຫຼາຍ. 


ແນະນຳວິທີການຖືໝວກກັນກະທົບໃຫ້ແກ່ຜູ້ຫຼິ້ນ Hockey.

ຜູ້ຫຼິ້ນ Hockey ຈະໄດ້ປະກອບອຸປະກອນຢ່າງຄົບຖ້ວນຄື: ໝວກກັນກະທົບ, ເສື້ອຫຸ້ມເກາະ, ເກີບຫຼິ້ນສະເກີ, ໄມ້ຕີ…

ທິມຫຼິ້ນ Hockey ໜຶ່ງກຳ​ລັງກະກຽມການແຂ່ງຂັນ.

ປະເພດ Hockey ດຶງດູດການເຂົ້າຮ່ວມຂອງ ພວກນ້ອງ ນ້ອຍຢ່າງຫຼວງຫຼາຍ.

ໃນລະດູແລ້ງ, ພາຍໃຕ້ແສງແດດຮ້ອນ​ເອົ້າ​ໃນຕອນບ່າຍ, ຫຼິ້ນ ສະກີ ເປັນ​ເດີ່ນ​ຫລິ້ນໜຶ່ງທີ່ມີຄວາມເຢັນດີ (ອຸນຫະພູມ ໃນ ຫ້ອງ ແມ່ນ 18-20 ອົງສາ C) ​ສະ​ນັ້ນ, ເຮັດ​ໃຫ້​ໄວ​ຫ​ນຸ່ມມັກ​ຫລາຍ.  ສະ​ໂມ​ສອນ ຫວຽດນາມ Funclub ທັງຊ່ວຍ ໃຫ້ໄວ ໜຸ່ມ ຮູ້ຈັກ ກັບກິລາປະເພດໃໝ່, ທັງເປັນບ່ອນຜ່ອນຄາຍອາ ລົມ, ຫຼິກຄວາມຮ້ອນ, ຕອບສະໜອງໄດ້ສ່ວນໃດໜຶ່ງ ຂອງ ຄວາມຕ້ອງ ການຜ່ອນຄາຍ ອາລົມຂອງປະ ຊາຊົນຢູ່ນະ ຄອນ ໂຮ່ຈີມິນ.
 ບົດ: ເຊີນເງ້ຍ - ພາບ: ຫງວຽນລວນ

bichlien

ດິນແດນ ສິລະປະການຕໍ່ສູ້ ໄຕເຊີນ ເຖື້ອງດ້າວ

ດິນແດນ ສິລະປະການຕໍ່ສູ້ ໄຕເຊີນ ເຖື້ອງດ້າວ

ໃນເບື້ອງຕົ້ນ, ໄຕເຊີນ ເຖື້ອງດ້າວ ແມ່ນດິນແດນ ທ່ີສາມອ້າຍນ້ອງລາຊະວົງ ໄຕເຊີນ ເລືອກເປັນບ່ອນເຕົ້າໂຮມ, ສ້າງກໍາລັງ, ຊູຄັນທຸງ ລຸກຂຶ້ນຕໍ່ສູ້. ສະນັ້ນ, ສະຖານທີ່ແຫ່ງນີ້ ບໍ່ພຽງແຕ່ ຮັກສາຮ່ອງຮອຍ ກ່ຽວກັບກອງທັບ “ເສື້ອຜ້າ ທຸງແດງ” ຫຼາຍແຫ່ງເທົ່ານັ້ນ, ແຕ່ຍັງເປັນດິນແດນ ຂອງ ບັນດາ ວິຊາມວຍພື້ນເມືອງ ທີ່ມີຊື່ສຽງ, ພິເສດແມ່ນບັນດາ ວິຊາມວຍ ທີ່ກຳເນີດມາຈາກລາຊະວົງ ໄຕເຊີນ.

Top