• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສ້າງ​ຕັ້ງ​ຕາ​ໜ່​າງ​ປ່ຽນ​ແປງ​ໃໝ່​ປະ​ດິ​ດ​ຄິດ​ສ້າງ ຫວຽດ​ນາມ ຢູ່ ເອີ​ຣົບ

ວັນທີ 16 ຕຸລາ, ຢູ່ສຳນັກງານ ສະຖານທູດ ຫວຽດນາມ ປະຈຳ Berlin (ເຢຍລະມັນ) ໄດ້ດຳເນີນພິທີສ້າງຕັ້ງຕາໜ່າງປ່ຽນແປງໃໝ່ປະດິດຄິດສ້າງ ຫວຽດນາມ ຢູ່ ເອີຣົບ (VINEU).
ທ່ານຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ເຈິ່ນຮຸຍດົງ  ເຂົ້າຮ່ວມພິທີ (ພາບ: baodautu.vn)

ພິທີດັ່ງກ່າວຖືກດຳເນີນແບບທາງໄກ ແລະ ເຊື່ອມຕໍ່ກັບ ສະຖານທີ່ເຊື່ອມຕໍ່ ຫຼາຍກວ່າ20 ແຫ່ງ ຢູ່ບັນດາປະເທດ ໂດຍມີຜູ້ຕາງໜ້າກະຊວງແຜນການ ແລະ ການລົງທຶນ ຫວຽດນາມ, ສູນປ່ຽນແປງໃໝ່ປະດິດຄິດສ້າງແຫ່ງຊາດ (NIC), ຄະນະກຳມະການກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ, ເອກອັກຄະລັດຖະທູດ ຫວຽດນາມ ປະຈຳ ໂຮນລັງ ແລະ ແຟງລັງ ພ້ອມດ້ວຍນັກຊ່ຽວຊານ, ວິສາຫະກິດ, ສູນໃຫ້ຄຳປຶກສາ - ການລົງທຶນ ແລະ ຕາໜ່າງປ່ຽນແປງໃໝ່ປະດິດຄິດສ້າງ ຫວຽດນາມ ປະຈຳ ເຢຍລະມັນ, ອົດສະຕາລີ, ຍີ່ປຸ່ນ ແລະ ສ.ເກົາຫຼີ ເຂົ້າຮ່ວມເປັນຈຳນວນຫຼວງຫຼາຍ.

        ກ່າວຄຳເຫັນທີ່ເຫດການ, ທ່ານຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ເຈິ່ນຮຸຍດົງ ຕີລາຄາວ່າ ການສ້າງຕັ້ງ VINEU ແມ່ນເຫດການທີ່ມີຄວາມໝາຍທີ່ສຸດ, ຊ່ວຍສຳຜັດກັບເຕັກໂນໂລຢີ, ພູມປັນຍາກ່ຽວກັບວິທະຍາສາດ - ເຕັກໂນໂລຢີ, ການປ່ຽນແປງໃໝ່ປະດິດຄິດສ້າງຂອງປະເທດອື່ນໆຢູ່ ເອີຣົບ ໂດຍຜ່ານນັກຊ່ຽວຊານຫວຽດນາມ ແນໃສ່ສໍາຜັດ, ຂຸດຄົ້ນແຫຼ່ງກຳລັງໜູນແກ່ການປ່ຽນແປງໃໝ່ປະດິດຄິດສ້າງຂອງປະເທດຕ່າງໆ; ເປີດກວ້າງກາລະໂອກາດຮ່ວມມື, ລົງທຶນ, ດຳເນີນທຸລະກິດ, ໃຫ້ຄຳປຶກສາແກ່ບັນດາການເຄື່ອນໄຫວປ່ຽນແປງໃໝ່ປະດິດຄິດສ້າງຢູ່ພາຍໃນປະເທດ, ພິເສດແມ່ນໃນຂົງເຂດ ພູມປັນຍາທຽມ, big data, ສາທາລະນະສຸກ ….

        ກ່າວຄຳເຫັນທີ່ພິທີ, ທ່ານ ຫງວຽນຫວຽດແອັງ, ປະທານຕາໜ່າງປ່ຽນແປງໃໝ່ປະດິດຄິດສ້າງ ຫວຽດນາມ ຢູ່ ເອີຣົບ ແບ່ງປັນວ່າ: ກ່ຽວກັບວິໄສທັດຍາວນານ, VINEU ມີຄວາມປາດຖະໜາຢາກປະກອບສ່ວນນຳ ຫວຽດນາມ ກາຍເປັນສູນປ່ຽນແປງໃໝ່ປະດິດຄິດສ້າງຂອງໂລກ. VINEU ຈະສາມັກຄີເປັນເອກະພາບກັນ, ເຊື່ອມໂຍງເປັນຢ່າງດີ ເພື່ອປະຕິບັດການປ່ຽນແປງໃໝ່ປະດິດຄິດສ້າງ ແລະ ພັດທະນາແບບຍືນຍົງ, ປະກອບສ່ວນຢັ້ງຢືນທີ່ຕັ້ງບົດບາດຂອງ ຊາວ ຫວຽດນາມ ກໍຄື ຖັນແຖວນັກຊ່ຽວຊານ, ປັນຍາຊົນຊາວ ຫວຽດນາມ ແລະ ຜູ້ມີເຊື້ອຊາດຫວຽດນາມ ອາໄສຢູ່ ເອີຣົບ.

(ແຫຼ່ງຄັດຈາກ VOV)

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງອົດກັ້ນ, ປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງເຂັ້ມງວດ, ແກ້ໄຂການຂັດແຍ້ງກັນໂດຍສັນຕິວິທີ, ພ້ອມກັບປະກອບສວ່ນເຂົ້າການຮັກສາສັນຕິພາບ, ສະຖຽນລະພາບ ແລະ ການຮ່ວມມືຢູ່ທະເລຕາເວັນອອກ.

Top