ດ້ວຍບົດບາດເປັນໃຈກາງໃນໂຄງປະກອບພາກພື້ນທີ່ພວມ ກໍ່ຮ່າງສ້າງຕົວຂຶ້ນ, ອາຊຽນ ໄດ້ບັນດາປະເທດຢູ່ພາຍໃນແລະ ນອກພາກພື້ນ ຖືສຳຄັນ ແລະ ຢາກເພີ່ມທະວີການ ຮ່ວມມື. ພາຍຫຼັງການສ້າງຕັ້ງມາເປັນເວລາ 4 ປີ, ປະຊາຄົມອາຊຽນ-ຫຼັງເຮືອນລວມຂອງປະຊາຊົນ 650 ລ້ານຄົນ ມີການພັດທະນາໃນທຸກຂົງເຂດຢ່າງບໍ່ຢຸດຢັ້ງ, ເພີ່ມທະວີ ແລະ ເປີດກວ້າງການຮ່ວມມືຢູ່ພາຍໃນ ກໍ່ຄືກັບບັນດາຄູ່ຮ່ວມມືຂອງ ອາຊຽນ ອີກດ້ວຍ.
|
ຢູ່ລະດັບໂລກ, ໃນຕະຫຼອດເວລາ 75 ປີ, ດ້ວຍບົດບາດທີ່ ເປັນໃຈກາງ, ເປັນອົງການມີພາລະອັນດັບໜຶ່ງໃນການຮັກສາສັນຕິພາບ ແລະ ຄວາມໝັ້ນຄົງສາກົນ ຂອງສະຫະປະຊາຊາດ (ອົງການສາກົນມີ 193 ປະເທດທີ່ເປັນສະມາຊິກ), ສະພາຄວາມໝັ້ນຄົງ ຢືນຢັນໄດ້ ບົດບາດທີ່ເປັນໃຈກາງຂອງສະຫະປະຊາຊາດ ໃນການຮັກສາສັນຕິພາບ, ຄວາມໝັ້ນຄົງສາກົນ.
ຕັດສິນໃຈຮັບດໍາລົງຕໍາແໜ່ງປະທານ ອາຊຽນ 2020 ແລະ ກໍາມະການບໍ່ປະຈໍາການສະພາຄວາມໝັ້ນຄົງສະຫະ ປະຊາຊາດ ອາຍຸການ 2020-2021 ໃຫ້ສໍາເລັດຜົນ ສະແດງ ໃຫ້ເຫັນຄວາມສະເໝີຕົ້ນສະເໝີປາຍໃນການຜັນຂະຫຍາຍ ແນວທາງພົວພັນຕ່າງປະເທດເປັນເອກະລາດ, ເປັນເຈົ້າ ຕົນເອງ, ສັນຕິພາບ, ການຮ່ວມມື ແລະພັດທະນາ; ຫັນເປັນ ຫຼາຍຮູບຫຼາຍແບບ, ຫຼາຍຝ່າຍໃນການພົວພັນຕ່າງປະເທດ. ເປັນເຈົ້າຕົນເອງ ແລະ ຕັ້ງໜ້າເຊື່ອມໂຍງເຂົ້າກັບສາກົນ ເຊິ່ງ ກອງປະຊຸມໃຫຍ່ຄັ້ງທີ XII ຂອງພັກໄດ້ສະເໜີອອກ; ສະແດງໃຫ້ເຫັນຄວາມມຸ່ງຫວັງຂອງ ຫວຽດນາມ ໃນການປະກອບ ສ່ວນເພື່ອສັນຕິພາບ, ການພັດທະນາໃນພາກພື້ນ ແລະ ໂລກ ດ້ວຍຖານະເປັນສະມາຊິກທີ່ມີຄວາມຮັບຜິດຊອບໃນ ປະຊາຄົມສາກົນ; ພ້ອມກັນນັ້ນ ກໍ່ປະກອບສ່ວນຢ່າງສຳຄັນເຂົ້າໃນການປົກປັກຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ, ສວຍເອົາເງື່ອນໄຂທີ່ສະດວກ ໃຫ້ແກ່ ພາລະກິດກໍ່ສ້າງ ແລະ ປົກປ້ອງປະເທດຊາດ, ພັດທະນາ ໂດຍໄວ, ໝັ້ງຄົງ ແລະ ຍົກສູງບົດບາດ, ຖານະບົດບາດ ສາກົນຂອງປະເທດຊາດ.
ໂດຍຮັບຮູ້ຢ່າງຈະແຈ້ງສິ່ງດັ່ງກ່າວ, ພວກເຮົາໄດ້ກໍານົດຫົວຂໍ້ “ສະໜິດຕິດພັນ ແລະ ເປັນເຈົ້າການໃນການປັບຕົວ” ໃຫ້ປີ ເປັນປະທານອາຊຽນ 2020 ແລະ “ຫວຽດນາມ: ຄູ່ຮ່ວມມື ທີ່ໄວ້ເນື້ອເຊື່ອໃຈເພື່ອສັນຕິພາບແບບຍືນຍົງ” ເມື່ອຮັບດໍາລົງ ຕໍາແໜ່ງເປັນກໍາມະການບໍ່ປະຈໍາການສະພາຄວາມໝັ້ນຄົງສະຫະປະຊາຊາດອາຍຸການ 2020-2021. ດ້ວຍຫົວຂໍ້ດັ່ງກ່າວ, ທີ່ທັງສອງເວທີປາໄສສໍາຄັນແຖວໜ້າລະດັບພາກພື້ນ ແລະທົ່ວໂລກນີ້, ພວກເຮົາຈະພ້ອມກັບບັນດາປະເທດ ສະມາຊິກ ແລະເພື່ອນມິດສາກົນ, ຄູ່ຮ່ວມມືສຸມໃສ່ບັນດາ ກໍານົດທິດທີ່ໃຫຍ່ຫຼວງດັ່ງລຸ່ມນີ້:
ທີໜຶ່ງແມ່ນ, ຍົກສູງຜົນປະໂຫຍດລວມຂອງພາກພື້ນ ແລະ ປະຊາຄົມສາກົນແມ່ນສັນຕິພາບ, ການຮ່ວມມື ແລະ ພັດທະນາ. ປະຕິບັດຄຳສັ່ງສອນຂອງປະທານ ໂຮ່ຈີມິນ: “ພາລະກິດສຳເລັດດ້ວຍຄວາມເປັນໜຶ່ງດຽວ”, ບັນດາ ຫົວຄິດປະດິດສ້າງ, ຄວາມບຸລິມະສິດ ທີ່ພວກເຮົາໄດ້ສະເໜີອອກຢູ່ ອາຊຽນ ແລະ ສະພາຄວາມໝັ້ນຄົງ ໄດ້ສ່ອງແສງເຖິງຜົນປະໂຫຍດລວມຂອງບັນດາປະເທດສະມາຊິກ, ໃນນັ້ນ ມີ ຫວຽດນາມ, ພ້ອມກັນນັ້ນ ຕ້ອງຮັບປະກັນຜົນປະໂຫຍດຂອງບັນດາຄູ່ຮ່ວມມືໃນພາກພື້ນ ແລະ ສາກົນອີກດ້ວຍ.ທີສອງແມ່ນ, ຊຸກຍູ້ບົດບາດຂອງລັດທິຫຼາຍຝ່າຍ, ກົດບັດ ສະຫະປະຊາຊາດ ແລະ ບັນດາຫຼັກການພື້ນຖານຂອງ ກົດໝາຍສາກົນເພື່ອໂລກແຫ່ງສັນຕິພາບ, ຍຸຕິທຳ ແລະ ດີງາມກວ່າອີກ. ພິເສດ, ເນື່ອງໃນໂອກາດນີ້, ເພີ່ມທະວີຢ່າງມີປະສິດທິຜົນ ການຮ່ວມມື ແລະ ພົວພັນຄູ່ຮ່ວມມືຮອບດ້ານລະຫວ່າງ ອາຊຽນ ແລະ ສະຫະປະຊາຊາດ, ເພື່ອ ຜົນປະໂຫຍດລວມຂອງບັນດາປະເທດ ອາຊຽນ ແລະ ປະຊາຄົມ ສາກົນ.
ທີສາມແມ່ນ, ເປັນເຈົ້າການ ແລະ ຕັ້ງໜ້າປະກອບສ່ວນ ເຂົ້າໃນການແກ້ໄຂບັນດາສິ່ງທ້າທາຍລວມຂອງທົ່ວໂລກ ແລະພາກພື້ນ, ເປັນຕົ້ນແມ່ນບັນດາບັນຫາ ທີ່ສົ່ງຜົນສະທ້ອນ ໂດຍກົງເຖິງຜົນປະໂຫຍດຂອງບັນດາປະເທດ ແລະ ຂອງ ພາກພື້ນຄື: ສັນຕິພາບ, ຄວາມໝັ້ນຄົງ, ສະຖຽນລະພາບ, ພັດທະນາຢ່າງໝັ້ນຄົງ, ການປ່ຽນແປງຂອງດິນຟ້າອາກາດ ແລະ ອື່ນໆ.
ທ່ານນາຍົກລັດຖະມົນຕີ ຫງວຽນຊວນຟຸກ, ປະທານ ອາຊຽນ 2020 ແລະ ບັນດາທ່ານຜູ້ແທນປະຕິບັດພິທີເປີດປີປະທານ ອາຊຽນ 2020. ພາບ: ຖົ໋ງເຍີດ/VNA ທ່ານນາຍົກລັດຖະມົນຕີ ຫງວຽນຊວນຟຸກ, ປະທານ ອາຊຽນ 2020 ແລະ ບັນດາທ່ານຜູ້ແທນໄດ້ເປັນສັກຂີພິຍານ ພິທີຕັ້ງທຸງ. ພາບ: ຖົ໋ງເຍີດ/VNA ວັນທີ 9 ມັງກອນ 2020, ກອງປະຊຸມກຸ່ມເຈົ້າໜ້າທີ່ ອາວຸໂສ ປ້ອງກັນປະເທດອາຊຽນ (ADSOM WG) ໄດ້ໄຂຂຶ້ນ ຢູ່ນະຄອນດ່າໜັງ ດ້ວຍການເຂົ້າຮ່ວມຂອງຜູ້ແທນຫຼາຍກວ່າ 80 ທ່ານ ເປັນຜູ້ຕາງໜ້າບັນດາອົງການວາງແຜນກໍານົດ ນະໂຍບາຍປ້ອງກັນຊາດຂອງກະຊວງປ້ອງກັນປະເທດ ຈາກ 10 ປະເທດ ອາຊຽນ ແລະ ຄະນະເລຂາທິການອາຊຽນ. ນີ້ເປັນກອງປະຊຸມທຳອິດໃນບັນດາກອງປະຊຸມ, ການເຄື່ອນໄຫວດ້ານການທະຫານ, ປ້ອງກັນຊາດ ໃນປີ ຫວຽດນາມ ເປັນປະທານ ອາຊຽນ 2020. ພາບ: ເຈີ່ນເລເລີມ/ VNA ຕອນບ່າຍວັນທີ 12 ມັງກອນ 2020, ທີ່ນະຄອນ ຮ່າໂນ້ຍ, ກອງປະຊຸມເຈົ້າໜ້າທີ່ອາວຸໂສຂັ້ນສູງກ່ຽວກັບເສດຖະກິດ ອາຊຽນ ຄັ້ງທີ 1 ເພື່ອກະກຽມໃຫ້ກອງປະຊຸມລັດຖະມົນຕີ ກະຊວງເສດຖະກິດ ອາຊຽນ ຄັ້ງທີ 51 (SEOM 1/51) ດ້ວຍການເຂົ້າຮ່ວມຂອງຄະນະເຈລະຈາບັນດາປະເທດ ສະມາຊິກ, ຄະນະເລຂາທິການ ອາຊຽນ. ທ່ານ ເລືອງຮວ່າງຖາຍ, ຫົວໜ້າ SEOM ຂອງ ຫວຽດນາມ ໄດ້ເປັນປະທານໃນກອງປະຊຸມດດັ່ງກ່າວ. ພາບ: ເຈີ່ນຫວຽດ/ VNA |
ນີ້ແມ່ນຄວາມເປັນກຽດອັນໃຫຍ່ຫຼວງ, ແຕ່ກໍ່ແມ່ນຄວາມ ຮັບຜິດຊອບ ແລະຄວາມຫຍຸ້ງຍາກ, ສິ່ງທ້າທາຍອັນ ໃຫຍ່ຫຼວງ, ຮຽກຮ້ອງການເຂົ້າຮ່ວມຂອງທັງລະບົບການເມືອງ, ການຮ່ວມແຮງຮ່ວມໃຈຂອງທົ່ວພັກ, ທົ່ວປວງຊົນ ແລະ ທົ່ວກອງທັບຫວຽດນາມ; ພ້ອມກັບການສະໜັບສະໜູນຈາກເພື່ອນມິດສາກົນ ແລະ ປະຊາຄົມສາກົນ.
ບັນດາຄະນະ, ກະຊວງ, ຂະແໜງການຂັ້ນສູນກາງ ແລະ ບັນດາທ້ອງຖິ່ນໃນທ່ົວປະເທດ ຕ້ອງກຳນົດຢ່າງຈະແຈ້ງວ່ານີ້ເປັນໜຶ່ງໃນບັນດາໜ້າທີ່ການເມືອງທີ່ສຳຄັນອັນດັບໜຶ່ງຂອງພັກ ແລະ ລັດ ໃນປີ 2020; ເພາະສະນັ້ນ ຕ້ອງຮັບປະກັນ ການປະສົມປະສານຢ່າງແໜ້ນແຟ້ນ, ເຂົ້າແກັບເຂົ້າເກັຍກັນດີ ໃນລະບົບການເມືອງ, ເປັນຕົ້ນແມ່ນລະຫວ່າງພາກສ່ວນ ປະຕິບັດວຽກງານພົວພັນຕ່າງປະເທດໂດຍກົງ ເພື່ອຮັບປະກັນ ການ ປະຕິບັດໜ້າທີ່ ແລະ ເປົ້າໝາຍທີ່ວາງອອກຢ່າງມີໄຊ.
ດ້ວຍທ່ວງທ່າ ແລະ ກໍາລັງແຮງໃໝ່ຂອງປະເທດຊາດ ພາຍຫຼັງ ເກືອບ 35 ປີແຫ່ງການປ່ຽນແປງໃໝ່; ດ້ວຍ ກໍາລັງແຮງ ແຫ່ງຄວາມສາມັກຄີ, ເຈດຈໍານົງເປັນເອກະພາບຂອງທົ່ວພັກ, ທົ່ວປວງຊົນ ແລະທົ່ວກອງທັບຫວຽດນາມ; ດ້ວຍການ ສະໜັບສະໜູນອັນລໍ້າຄ່າ ແລະການຮ່ວມມືຢ່າງມີປະສິດ ທິຜົນ ຈາກບັນດາປະເທດ ອາຊຽນ, ເພື່ອນມິດສາກົນ ແລະ ປະຊາຄົມສາກົນ, ພວກເຮົາເຊື່ອໝັ້ນວ່າ ຫວຽດນາມ ຈະດໍາລົງຕໍາແໜ່ງປະທານອາຊຽນ 2020 ແລະ ກໍາມະການ ບໍ່ປະຈໍາການສະພາຄວາມໝັ້ນຄົງສະຫະປະຊາຊາດ ອາຍຸການ 2020-2021 ປະສົບຜົນສໍາເລັດ, ປະກອບສ່ວນ ສໍາຄັນເຂົ້າໃນສັນຕິພາບ, ສະຖຽນລະພາບ, ການຮ່ວມມື ແລະການພັດທະນາຢູ່ພາກພື້ນ ແລະໃນໂລກ.