• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະເຫຼີມສະຫອງ 30 ປີ ແຫ່ງວັນ UNESCO ອອກມະຕິເຊີດຊູ ປະທານໂຮ່ຈີມິນ ຢ່າງສົມກຽດ

      ທ່ານ ນາງ ເອກອັກຄະລັດຖະທູດ, ຫົວໜ້າຄະນະປະຕິບັດງານຂອງ ຫວຽດນາມ ປະຈຳ UNESCO ເຈີ່ນທິຮວ່າງມາຍ ໄດ້ຍົກໃຫ້ເຫັນບັນດາການອຸທິດສ່ວນອັນໃຫຍ່ຫຼວງຂອງ ປະທານໂຮ່ຈີມິນ ໃນພາລະກິດປົດປ່ອຍຊາດໃນຂະນະທີ່ນຳພາ ປະເທດຫວຽດນາມ

ການສະແດງສິລະປະທີ່ລາຍການ
(ພາບ: Thái Dương/VOV-Paris)
      ວັນທີ 13 ພະຈິກ, ຢູ່ສຳນັກງານອັງການຈັດຕັ້ງການສຶກສາ, ວິທະຍາສາດ ແລະ ວັດທະນະທຳຂອງ ສະຫະປະຊາຊາດ (UNESCO) ປະຈຳນະຄອນຫຼວງປາຣີ, ປະເທດຝຮັ່ງ, ໄດ້ດຳເນີນພິທີສະເຫຼີມສະຫຼອງ 30 ປີ ແຫ່ງວັນ UNESCO ອອກມະຕິເຊີດຊູ ປະທານໂຮ່ຈີມິນ ແມ່ນ “ວິລະຊົນປົດປ່ອຍຊາດ ແລະ ນັກວັດທະນະທຳດີເດັ່ນຂອງ ຫວຽດນາມ” ຢ່າງສົມກຽດ. ໃນສູນທອນພົດກ່າວເປີດພິທີ, ທ່ານ ນາງ ເອກອັກຄະລັດຖະທູດ, ຫົວໜ້າຄະນະປະຕິບັດງານຂອງ ຫວຽດນາມ ປະຈຳ UNESCO ເຈີ່ນທິຮວ່າງມາຍ ໄດ້ຍົກໃຫ້ເຫັນບັນດາການອຸທິດສ່ວນອັນໃຫຍ່ຫຼວງຂອງ ປະທານໂຮ່ຈີມິນ ໃນພາລະກິດປົດປ່ອຍຊາດໃນຂະນະທີ່ນຳພາ ປະເທດຫວຽດນາມ, ຈາກປະເທດຫົວເມືອງຂຶ້ນກາຍເປັນປະເທດມີ, ເອກະລາດ, ອິດສະລະພາບ, ປະຊາທິປະໄຕ. ສູນທອນພົດກໍ່ໄດ້ເນັ້ນໜັກເຖິງບັນດາການກະທຳຂອງ ປະທານໂຮ່ຈີມິນ ຢ່າງລະອຽດ, ແທດຈິງທີ່ສຸດ ໃຫ້ການສຶກສາ ແລະ ວັດທະນະທຳ ຫວຽດນາມ ຄື: ລົບລ້າງການກືກໜັງສືພາຍຫຼັງການປະຕິວັດ; ຕ້ານການຈຳແນກ, ຕໍ່ສູ້ເພື່ອຄວາມສະເໝີພາບ, ຢັ້ງຢືນກຳລັງແຮງຂອງວັດທະນະທຳໃນການສ້າງສາປະເທດຊາດ; ເຊື່ອໝັ້ນການແລກປ່ຽນ, ເຈລະຈາລະຫວ່າງບັນດາພື້ນຖານວັດທະນະທຳ ແລະ ນຳ້ໃຈສາມັກຄີສາກົນແມ່ນເສັ້ນທາງດີທີ່ສຸດນຳມາຊຶ່ງສັນຕິພາບ. ບັນດາແນວຄິດ ແລະ ການກະທຳນັ້ນ ມາຮອດປະຈຸບັນຍັງຄົງມີຄຸນຄ່າ ແລະ ແມ່ນເປົ້າໝາຍສູ້ຊົນຂອງມວນມະນຸດ. ປະທານໂຮ່ຈີມິນເອງກໍ່ແມ່ນນັກກະວີ, ນັກປະພັນວັນນະຄະດີ, ນັກຂ່າວ..ດ້ວຍບັນດາບົດປະພັນມີຄຸນຄ່າທັງດ້ານແນວຄິດວັດທະນະທຳມະນຸດປະສົມປະສານກັບປະຫວັດສາດ, ສີລະປະ: “ບັນທຶກປະຈຳວັນຢູ່ໃນຄຸກ”, “ຖະແຫຼງການເອກະລາດ”.
 (ແຫຼ່ງຄັດຈາກ VOV)
 

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top