“ຊີວິດຂອງທ່ານ ຟ້າມຊວນເອີນ ຍັງເຫຼືອກວ່າ ເປັນນັກສືບ ຂ່າວ, ນັກສືບ ຫຼື ນັກຂ່າວອີກຊໍ້າ, ເພິ່ນເປັນຜູ້ໄກ່ເກ່ຍ, ປົວແປງ ສາຍພົວພັນລະຫວ່າງສອງປະເທດ ຫວຽດນາມ-ອາເມລິກາ ແລະ ຍາມໃດກໍ່ປາດຖະໜາໃນອະນາຄົດຢາກໃຫ້ດີຂຶ້ນກວ່າເກົ່າ”. ນີ້ແມ່ນຄຳສັງເກດທີ່ຈິງໃຈຂອງ ນັກປະຫວັດສາດ, ສາດສະດາຈານ Larry Berman (ມະຫາວິທະຍາໄລ Georgia, ອາເມລິກາ), ຊຶ່ງເປັນເຈົ້າຂອງບົດປະພັນ “X6-ນັກສືບ ຍອດຢ້ຽມ” ເວົ້າເຖິງນັກສືບຂ່າວ ຟ້າມຊວນເອີນ.
ນັບຕັ້ງແຕ່ປຶ້ມເລື່ອງ “ນັກສືບຍອດຢ້ຽມ” ຖືກພິມຈຳໜ່າຍອອກມາເມື່ອປີ 2007, ທ່ານ ສຈ. Larry Berman ໄດ້ທຽວມາ ຫວຽດນາມ ຫຼາຍ ຄັ້ງເພື່ອເກັບກຳຂໍ້ມູນ ເອກະສານຮັບໃຊ້ ໃຫ້ການພິມຈຳໜ່າຍ ໃນຄັ້ງໜ້າ, ທັງເພື່ອພົບປະສັງສັນກັບ ບັນດາທ່ານຜູ້ອ່ານ ຢູ່ ຫວຽດນາມ. ໃນການພົບປະສັງສັນຄັ້ງມໍ່ໆມານີ້ຢູ່ທີ່ໂຮງປື້ມ ຫງວຽນວັນບິ່ງ, ເມືອງ 1 ເມື່ອເດືອນມັງ ກອນ 2016, ທ່ານ ສຈ. Larry Berman ໄດ້ໄຂຄວາມໃນໃຈ ວ່າ: “ຂ້າພະເຈົ້າຮູ້ສຶກປື້ມໃຈຫຼາຍ ເມື່ອໄດ້ເປັນນັກປະພັນ ຄົນ ອາເມລິກາ ຜູ້ທຳອິດທີ່ໄດ້ເຂົ້າຮ່ວມການ ພົບປະສັງສັນທີ່ໂຮງ ປື້ມຢູ່ນະຄອນ ໂຮ່ຈີມິນ, ທັງເປັນນັກປະພັນຄົນ ອາເມລິກາ ຜູ້ທຳອິດທີ່ ທ່ານ ຟ້າມຊວນເອີນ ເລືອກເອົາເພື່ອ ຂຽນກ່ຽວ ກັບຊີວິດຂອງເພິ່ນ”.
ພາຍຫຼັງໄດ້ພົບກັບນາຍພົນ ຟ້າມຊວນເອີນ ຄັ້ງທຳອິດເມື່ອປີ 2001, ຕະຫຼອດເວລາ 2 ປີຕໍ່ຈາກນັ້ນ ຍາມໃດ ທ່ານ ສຈ. Larry Berman ກໍ່ຕັ້ງບັນຫາຢາກ ຂຽນປື້ມກ່ຽວກັບຊີວິດ ຂອງເພິ່ນແຕ່ຈົນມາເຖິງເວລາຕ້ອງເຂົ້ານອນໃນໂຮງໝໍ ຍ້ອນ ປອດອັກເສບ ແລະ ເມື່ອຮູ້ໄດ້ວ່າຊີວິດຍັງເຫລືອບໍ່ພໍເທົ່າໃດແລ້ວ, ທ່ານ ຟ້າມຊວນ ເອີນຈຶ່ງຕົກລົງໃຫ້ທ່ານ ສຈ. Larry Berman ຂຽນປື້ມກ່ຽວກັບ ຊີວິດ ແລະ ການເຄື່ອນໄຫວ ເປັນນັກສືບຂ່າວຂອງຕົນ.
ທ່ານ ສຈ. Larry Berman ໄດ້ຜູ້ອ່ານ ຫວຽດນາມ ຫຼາຍໆຄົນຮັກແພງ ສະໜິດສະໜົມ ດ້ວຍບົດປະພັນ
“ນັກສືບຍອດຢ້ຽມ X6”. ພາບ: ເອກະສານ
ທ່ານ ສຈ. Larry Berman ໃນຄັ້ງໜຶ່ງພົບປະກັບນັກສືບຂ່າວ ຟ້າມຊວນເອີນ
ເພື່ອຊອກຫາຂໍ້ມູນຮັບໃຊ້ການຂຽນປື້ມ “ນັກສືບຍອດຢ້ຽມ”. ພາບ: ເອກະສານ
ທ່ານ ສຈ. Larry Berman ໝັ້ນໃຈວ່າ ຮູບເງົາກ່ຽວກັບຊີວິດການເຄື່ອນໄຫວທີ່ເປັນນັກສືບຂ່າວຂອງທ່ານ ຟ້າມຊວນເອີນ
ອາດຈະໄດ້ຄອງ ຂັນລາງວັນ Oscar ແລະລາງວັນຂະແໜງ “ຮູບເງົາຕ່າງປະເທດທີ່ດີເດັ່ນກວ່າໝູ່”. ພາບ: ທົງຫາຍ
ຊີວິດຂອງນັກສືບຂ່າວ ຟ້າມຊວນເອີນ ໄດ້ຮັບການສະແດງຄືນຢ່າງມີຊີວິດຊີວາຜ່ານບົດປະພັນ
“X6-ນັກສືບຍອດຢ້ຽມ” (X6 Perfect Spy) ຂອງທ່ານ ສຈ. Larry Berman. ພາບ: ທົງຫາຍ
ທ່ານ ສຈ. Larry Berman ແລະ ທ່ານ ຫງວຽນວັນເຟຶອກ, ຜູ້ອຳນວຍການບໍລິສັດວັດທະນະທຳປະດິດສ້າງ
ຈີ້ຫວຽດ -First News, ບໍລິສັດຖືລິຂະສິດພິມຈຳໜ່າຍ “X6-ນັກສືບຍອດຢ້ຽມ”. ພາບ: ເອກະສານ
ທ່ານ ສຈ. Larry Berman ໄດ້ລົງລາຍເຊັນໃສ່ປື້ມ “X6-ນັກສືບຍອດຢ້ຽມ”
ມອບໃຫ້ນັກປະຫວັດສາດ ເຢືອງຈຸງກວັກ. ພາບ: ເອກະສານ
ທ່ານ ສຈ. Larry Berman ພົບປະສັງສັນ ກັບຜູ້ອ່ານໃນລາຍ ການ Talk Vietnam
ໂດຍສະຖານີໂທລະພາບ ຫວຽດນາມ. ພາບ: ເອກະສານ
ທ່ານ ສຈ. Larry Berman ພົບປະສັງສັນ ກັບຜູ້ອ່ານໃນໂຮງ ປື້ມຢູ່ນະຄອນ ໂຮ່ຈີມິນ. ພາບ: ແທ່ງດາດ
ທ່ານ ສຈ. Larry Berman ກໍາລັງແກ້ຂໍ້ຂ້ອງໃຈຂອງມວນຊົນກ່ຽວກັບບົດປະພັນ “ນັກສືບຍອດຢ້ຽມ X6” . ພາບ: ທົງຫາຍ
ການພົບປະສັງສັນລະຫວ່າງ ທ່ານ ສຈ. Larry Berman ກັບຜູ້ອ່ານໃນໂຮງປື້ມ
ຢູ່ນະຄອນ ໂຮ່ຈີມິນ ເມື່ອເດືອນມັງກອນ 2016. ພາບ: ທົງຫາຍ |
“ນັກສືບຍອດຢ້ຽມ X6” ຂອງທ່ານ ສຈ. Larry Berman ໄດ້ຂຽນກ່ຽວກັບຊີວິດທີ່ເລີດລຳ້ຂອງທ່ານ ຟ້າມຊວນເອີນ-ນັກຂ່າວຂອງສຳນັກຂ່າວສານ Reuters, ວາລະສານ TIME, New York Herald Tribune… ແລະ ເປັນນາຍພົນນັກ ສືບຂ່າວຍຸດທະສາດ ຂອງການປະຕິວັດ ຫວຽດນາມ. ທ່ານ ຟ້າມຊວນເອີນ ໄດ້ສົ່ງບົດລາຍງານ ແລະ ເອກະສານລັບຕ່າງໆ ມາໃຫ້ທີ່ໝັ້ນ ລວມທັງໝົດ 498 ສະບັບ, ມັນມີຊີວິດຊີວາ ແລະ ລະອຽດ ລະອໍ ຈົນເຖິງທ່ານພົນເອກ ຫວໍຫງວຽນຢາບ ຕ້ອງຮ້ອງອອກມາວ່າ: “ພວກເຮົາກຳລັງຢູ່ໃນຫ້ອງບັນຊາການເຄື່ອນທັບຂອງ ອາເມລິກາ”. |
ໃນຊ່ວງໄລຍະເວລາ 5 ປີ, ທ່ານ ສຈ. Larry Berman ໄດ້ ທຽວມາ ຫວຽດນາມ 18 ເທື່ອເພື່ອພົບປະກັບນັກສືບສ່າວ ຟ້າມຊວນເອີນ ແລະ ເກັບກຳຂໍ້ມູນເອກະສານ ກ່ອນທີ່ຈະພິມ ຈຳໜ່າຍ. ຖືກພິມຈຳໜ່າຍເທື່ອທຳອິດຢູ່ ອາເມລິກາ ເມື່ອປີ 2007, ປຶ້ມ “ນັກສືບຍອດຢ້ຽມ” ໄດ້ເຮັດໃຫ້ຫາງສຽງຖືກສັ່ນສະເທືອນ ຍ້ອນກ່ອນປື້ມຫົວນີ້ ຖືກພິມຈໍາໜ່າຍ, ມີໜ້ອຍຄົນທີ່ສຸດທີ່ຮູ້ຈັກ ແລະ ເຂົ້າໃຈກ່ຽວກັບຊີວິດຂອງນັກສືບຂ່າວ ຟ້າມຊວນເອີນ ເຖິງແມ່ນວ່າ ເພິ່ນເປັນບຸກຄົນເໝືອນພະນິຍາຍ ຂອງສົງຄາມຢູ່ ຫວຽດນາມ. ຊີວິດຂອງທ່ານ ຟ້າມຊວນເອີນ ຍັງເຊື່ອງຊ້ອນ ຄວາມລຶກລັບ ຫຼາຍຢ່າງກ່ຽວກັບຕົນໂຕ ແລະພາລະກິດຂອງນັກສືບຂ່າວທີ່ຍິ່ງໃຫຍ່, ມີຄວາມເກັ່ງກ້າສາມາດ ແລະ ຫລັກໝັ້ນຄົນໜຶ່ງ, ແຕ່ມີຄວາມສະຫງຽມຄ່ຽມຄົມ, ເປັນຄົນທຳມະດາສາມັນທົ່ວໄປ.
ກັບມາ ຫວຽດນາມ ຄັ້ງນີ້, ນອກຈາກທີ່ມີໂອກາດໄດ້ພົບປະ ສັງສັນກັບບັນດາທ່ານຜູ້ອ່ານ ຫວຽດນາມແລ້ວ, ທ່ານ ສຈ. Larry Berman ພາຍໃຕ້ການຮ່ວມມືຂອງ First News (ບໍລິສັດວັດທະນະທຳປະດິດສ້າງ ຈີຫວຽດ) ຍັງໄດ້ສຳເລັດການ ກວດຜ່ານບົດລະຄອນຮູບເງົາ ຍາວ 30 ພາກ ພາຍໃຕ້ຊື່ “X6-ນັກສືບຍອດຢ້ຽມ” ເພື່ອກະກຽມຖ່າຍທໍາ. ສຳລັບທ່ານ ສຈ. Larry Berman ແລ້ວ, ຊີວິດຂອງນາຍພົນ ເອີນ ແມ່ນຍິ່ງໃຫຍ່ອີຫລີ. ເພາະສະນັ້ນ, ຍັງສາມາດເລົ່າເລື່ອງຄືນໄດ້ພາຍໃຕ້ຮູບແບບສ້າງເປັນຮູບເງົາ, ຖ່າຍທໍາເອົາພາບຕ່າງໆ ຢູ່ ຫວຽດນາມ ໂດຍມີການເຂົ້າຮ່ວມຂອງ Hollywood. ນີ້ ແມ່ນຊຸດຮູບເງົາກ່ຽວກັບສົງຄາມ, ກ່ຽວກັບສັນຕິພາບ, ກ່ຽວກັບ ຄວາມຮັກຂອງທ່ານ ຟ້າມຊວນເອີນ ມອບໃຫ້ສອງປະເທດ ຫວຽດນາມ ແລະ ອາເມລິກາ.
ທ່ານ ສຈ. Larry Berman ຍັງເປັນເຈົ້າຂອງປື້ມຫົວໜຶ່ງ ທີ່ ມີ ຊື່ສຽງ “ບໍ່ມີສັນຕິພາບ, ບໍ່ມີກຽດ: Nixon, Kissinger ແລະ ຄວາມທໍລະຍົດຢູ່ ຫວຽດນາມ”. ປື້ມຫົວນີ້ ມີຄຸນຄ່າສູງດ້ານປະ ຫວັດສາດ ກ່ຽວກັບໄລຍະສຸດທ້າຍຂອງສົງຄາມ ຢູ່ຫວຽດນາມ.
|
ບົດ: ຫງວຽນຫວູແທ່ງດາດ-ພາບ: ທົງຫາຍ ແລະ ເອກະສານ