• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ລ້າງເຊີນ ທົດລອງດ່ານຊາຍແດນດີຈີຕອນສ້າງບາດກ້າວບຸກທະລຸເພື່ອສ້າງແຜນທີ່ການສົ່ງອອກ-ນຳເຂົ້າທົ່ວປະເທດໃຫ້ສົມບູນແບບ

      ໃນວິວັດການປະຕິບັດທຸກອົງການທີ່ກ່ຽວຂ້ອງຄື: ຕຳຫຼວດຈະລາຈອນພາສີທະຫານປ້ອງກັນຊາຍແດນ… ຕະຫຼອດຮອດບັນດາວິສາຫະກິດ ລ້ວນແຕ່ປາດຖະໜາວ່າ ມີພື້ນຖານດ່ານຊາຍແດນດີຈີຕອນ ເພື່ອປ່ຽນແປງວິທີເຄື່ອນໄຫວບໍລິຫານທີ່ພວມຄົງຕົວ.
(ລ້າງເຊີນ ພ້ວມຜັນຂະຫຍາຍການທົດລອງສ້າງ 2 ດ່ານຊາຍແດນ ຮຶວງີ້, ເຕີນແທັງ ດີຈີຕອນສັງລວມ
ແລະ ຮອບດ້ານ)
      ພະແນກຖະແຫຼງຂ່າວ ແລະ ສື່ສານແຂວງ ລ້າງເຊີນ ພ້ວມເປັນເຈົ້າການສົມທົບກັບບັນດາຫົວໜ່ວຍທີ່ກ່ຽວຂ້ອງຜັນຂະຫຍາຍການທົດລອງສ້າງ 2 ດ່ານຊາຍແດນ ຮຶວງີ້ເຕີນແທັງ ດີຈີຕອນສັງລວມ ແລະ ຮອບດ້ານ ເພື່ອຫັນຂັ້ນຕອນເປັນອັດຕະໂນມັດຫຼຸດຜ່ອນເວລາຜ່ານດ່ານສຳລັບວິສາຫະກິດທີ່ມີພາຫະນະເຂົ້າອອກເມືອງ ແລະ ສິນຄ້າສົ່ງອອກ-ນຳເຂົ້າລະຫວ່າງ ຫວຽດນາມ ແລະ ຈີນ. ນີ້ໄດ້ຮັບຖືວ່າແມ່ນບາດກ້າວບຸກທະລຸຍຸດທະສາດກ້າວໄປເຖິງການສ້າງແຜນການສົ່ງອອກ-ນຳເຂົ້າຂອງທົ່ວປະເທດໃຫ້ສົມບູນແບບ.
        ແຕ່ລະປີ, ເມື່ອກ້າວເຂົ້າສູ່ຈຸດສຸມຂອງລະດູການເກັບກ່ຽວຜະລິດຕະພັນກະເສດຄືແຕ່ເດືອນ ພຶດສະພາ ຫາເດືອນ ກັນຍາ, ສະພາບລົດສົ່ງອອກຜະລິດຕະພັນກະເສດອັ່ງອໍລໍຖ້າເກີດຂຶ້ນເປັນປະຈຳຢູ່ໃນບໍລິເວນແຂວງ ລ້າງເຊີນ. ທ່ານ ຫງວຽນຄັກລິກ, ຮອງຫົວໜ້າພະແນກຖະແຫຼງຂ່າວ ແລະ ສື່ສານແຂວງ ລ້າງເຊີນ, ໃຫ້ຮູ້ວ່າ:
        ໃນວິວັດການປະຕິບັດທຸກອົງການທີ່ກ່ຽວຂ້ອງຄື: ຕຳຫຼວດຈະລາຈອນພາສີທະຫານປ້ອງກັນຊາຍແດນ… ຕະຫຼອດຮອດບັນດາວິສາຫະກິດ ລ້ວນແຕ່ປາດຖະໜາວ່າ ມີພື້ນຖານດ່ານຊາຍແດນດີຈີຕອນ ເພື່ອປ່ຽນແປງວິທີເຄື່ອນໄຫວບໍລິຫານທີ່ພວມຄົງຕົວ. ລ້າງເຊີນ ແມ່ນແຂວງທຳອິດທີ່ວາງອອກເປົ້າໝາຍ ແລະ ແຜນການເພື່ອສ້າງ ແລະ ປະຕິບັດການຫັນແນວຄວາມຄິດກ່ຽວກັບການຫັນປ່ຽນເປັນດີຈີຕອນຕາມໂຄງການຫັນເປັນດີຈີຕອນແຫ່ງຊາດໃຫ້ປະກົດຜົນເປັນຈິງ. ນີ້ແມ່ນພື້ນຖານ 2 ສົ້ນກໍ່ແມ່ນພື້ນຖານເປັນແບບຢ່າງໃນພາຍພາກໜ້າໃຫ້ແກ່ບັນດາດ່ານຊາຍແດນໃນທົ່ວປະເທດ ເພື່ອຮັບໃຊ້ຄວາມໂປ່ງໃສດ້ານສິນຄ້າແກ້ໄຂເວລາໃນການອະນຸຍາດຜ່ານແດນຢ່າງໄວກວ່າເພີ່ມປະສິດທິຜົນທາງດ້ານເສດຖະກິດໃຫ້ແກ່ແຂວງ ລ້າງເຊີນ ເວົ້າສະເພາະ ແລະ ຫວຽດນາມ ເວົ້າລວມ”.
        ແຜນການຜັນຂະຫຍາຍທົດລອງການສ້າງດ່ານຊາຍແດນ ຮຶວງີ້, ເຕີນແທັງ ດີຈີຕອນສັງລວມ ແລະ ຮອບດ້ານແມ່ນເພື່ອແນໃສ່ເພີ່ມທະວີວຽກງານຄຸ້ມຄອງ, ຕິດຕາມກວດກາຂອງບັນດາອົງການແຫ່ງລັດ; ສ້າງຊ່ອງຂໍ້ມູນຂ່າວ, ເຊື່ອມຕໍ່ຫຼາຍຝ່າຍລະຫວ່າງອົງການແຫ່ງລັດກັບວິສາຫະກິດຢູ່ພາຍໃນ ແລະ ຕ່າງປະເທດທີ່ເຂົ້າຮ່ວມການສົ່ງອອກ-ນຳເຂົ້າ, ຮັບໃຊ້ປະຊາຊົນ ແລະ ວິສາຫະກິດທີ່ເຂົ້າຮ່ວມການສົ່ງອອກ-ນຳເຂົ້າໃຫ້ດີກວ່າເກົ່າ.
        ຄາດວ່າ, ແຂວງ ລ້າງເຊີນ ຈະຜັນຂະຫຍາຍການສ້າງບັນດາພື້ນຖານດ່ານຊາຍແດນດີຈີຕອນໃນເດືອນ ສິງຫາ 2021 ແລະ ພາຍຫຼັງສຳເລັດການທົດລອງ, ຮູບແບບພື້ນຖານດ່ານຊາຍແດນດີຈີຕອນ ຈະສາມາດນຳໃຊ້ຢູ່ດ່ານຊາຍແດນຢູ່ບັນດາທ້ອງຖິ່ນອື່ນໆໃນທົ່ວປະເທດ. ທ່ານ ຟານຮຸຍຫວູ, ຫົວໜ້າສູນເຕັກໂນໂລຊີຂໍ້ມູນຂ່າວສານ, ບໍລິສັດ VNPT ລ້າງເຊີນ, ກຸ່ມບໍລິສັດໄປສະນີໂທລະຄົມຫວຽດນາມ ໃຫ້ຮູ້ວ່າ:
        “ລະບົບດ່ານຊາຍແດນດີຈີຕອນຈະໄດ້ຜັນຂະຫຍາຍບົນພື້ນຖານໂຄງລ່າງ Datacenter ຂອງຄະນະກຳມະການແຂວງ ລ້າງເຊີນ. ຜ່ານການສຳຫຼວດ ແມ່ນສາມາດຕອບສະໜອງໃຫ້ແກ່ຜູ້ນຳໃຊ້ 5.000 ເທື່ອຄົນເຂົ້າແຈ້ງໃນຈຸດເວລາດຽວກັນ. ດ້ວຍການຊີ້ນຳຢ່າງໃກ້ຊິດຂອງຄະນະກຳມະການປະຊາຊົນແຂວງ ລ້າງເຊີນພວກຂ້າພະເຈົ້າຕັດສິນໃຈຈະນຳຊອບແວດັ່ງກ່າວຜັນຂະຫຍາຍໃນຊຸມອາທິດທຳອິດຂອງເດືອນ ສິງຫາ ຈະມາເຖິງ”.
        ເມື່ອບັນດາດ່ານຊາຍແດນຢູ່ທ້ອງຖິ່ນອື່ນໆພ້ອມກັນນຳໃຊ້ພື້ນຖານເຫັນເປັນດີຈີຕອນຄືຢູ່ ລ້າງເຊີນ ແລ້ວ ກໍຈະສ້າງເປັນແຜນທີ່ລະອຽດກ່ຽວກັບສະພາບການສົ່ງອອກ-ນຳເຂົ້າ, ສ້າງເງື່ອນໄຂສະດວກໃຫ້ແກ່ບັນດາອົງການທີ່ມີໜ້າທີ່ ແລະ ບັນດານັກຄຸ້ມຄອງ, ນັກວາງແຜນນະໂຍບາຍໃນການຄຸ້ມຄອງ, ຕິດຕາມກວດກາ, ດັດສົມສະພາບສົ່ງອອກ-ນຳເຂົ້າໃນທົ່ວປະເທດ. ທ່ານ ຫງວຽນວັນຢຸງ, ຜູ້ອຳນວຍການບໍລິສັດສົ່ງອອກ-ນຳເຂົ້າ ຄາຍເລີມ ຈຳກັດ, ຖືວ່າ:
        “ຖ້າຫາກວ່າໂຄງການດັ່ງກ່າວບັນລຸໄດ້ສະພາບຕົວຈິງຄືແນວນັ້ນ ແມ່ນຈະດີສຳລັບບັນດາວິສາຫະກິດ ຍ້ອນວ່າໃນເມື່ອກ່ອນນີ້ ວິສາຫະກິດຕ້ອງເຮັດວຽກໂດຍກົງ, ທຸກລະບຽບການລ້ວນແຕ່ປະຕິບັດຕາມແຕ່ລະຂັ້ນຕອນ. ຖ້າຫາກວ່າໂຄງການດ່ານຊາຍແດນດີຈີຕອນໄດ້ນຳໃຊ້ແລ້ວ ກໍພຽງແຕ່ຈົດທະບຽນ, ແຈ້ງບັນຊີຢ່າງຄົບຖ້ວນຢູ່ໃນລະບົບເທົ່ານັ້ນ, ກໍຈະຊ່ວຍຫຼຸດເວລາ ແລະ ມີລະດັບຄວາມຄືບໜ້າໃນການສົ່ງອອກຂອງວິສາຫະກິດ.”
        ໜຶ່ງໃນຈຳນວນ 6 ເນື້ອໃນສຳຄັນເຊິ່ງກອງປະຊຸມໃຫຍ່ຄະນະພັກແຂວງ ລ້າງເຊີນ ຄັ້ງທີ 17 ໄດ້ວາງອອກນັ້ນແມ່ນ ພັດທະນາເສດຖະກິດດ່ານຊາຍແດນ, ຊຸກຍູ້ການເຕີບໂຕເສດຖະກິດ. ຕາມນັ້ນແລ້ວ, ແຂວງ ລ້າງເຊີນ ຈະສູ້ຊົນກາຍເປັນບັນດາສູນກາງ, ສູນຕິດຕໍ່ການເຄື່ອນໄຫວສົ່ງອອກ -ນຳເຂົ້າ, ການຄ້າ, ການບໍລິການ, ການທ່ອງທ່ຽວ ແລະ ເສດຖະກິດດ່ານຊາຍແດນຈຸດສຸມຂອງເຂດຕາເວັນອອກສ່ຽງເໜືອໂດຍໄວ, ພ້ອມທັງແມ່ນປະຕູສຳຄັນໃນການຈາລະຈອນສິນຄ້າຂອງບັນດາປະເທດ ອາຊຽນ ກັບຕະຫຼາດ ຈີນ ແລະ ບັນດາປະເທດອື່ນໆ.
 (ແຫຼ່ງຄັດຈາກ VOV)
 

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top