• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ເຄື່ອງໝາຍ ຫວຽດ

ລຳໂພງ Maybelle - ການປະສານສົມທົບລະຫວ່າງດິນເຜົາພື້ນ ເມືອງ ແລະ hi-end

ດ້ວຍຄວາມມຸ່ງຫວັງຢາກປະກອບສ່ວນພັດທະນາໝູ່ບ້ານອາຊີບຜະລິດເຄື່ອງປັ້ນດິນເຜົາ ບາດຈ່າງ, ນັກວິສາຫະກິດ ຫງວຽນເຖ໋ແອງ ເລີ່ມສ້າງຕົວດ້ວຍການຜະລິດ ລຳໂພງ ຈາກດິນເຜົາ.
1 ປີກ່ອນ, ທ້າວ ຫງວຽນເຖ໋ແອງ -ຜູ້ສ້າງຕັ້ງກຸ່ມເລີ່ມສ້າງຕົວ Maybelle ໄດ້ຮັບຜົນສຳເລັດໃນການຜະລິດ ລຳໂພງ ຈາກດິນເຜົາ. ເຖິງວ່າ ລຳໂພງ ດິນເຜົາ ມີຂາຍຢູ່ຕ່າງປະເທດແຕ່ດົນແລ້ວ, ແຕ່ນີ້ແມ່ນ ລຳໂພງ ດິນເຜົາ ໜ່ວຍທຳອິດທີ່ໄດ້ຮັບການຜະລິດຢູ່ ຫວຽດນາມ.

ການຕີລາຄາເທິງບັນດາເວັບໄຊກ່ຽວກັບສຽງ ສ່ວນຫຼາຍໄດ້ໃຫ້ຄຳຍ້ອງຍໍສັນລະເສີນໃຫ້ແກ່ ລຳໂພງ ປະເພດນີ້, ພິເສດແມ່ນການປະສານສົມທົບລະຫວ່າງດິນເຜົາພື້ນເມືອງຂອງ ຫວຽດນາມ ແລະ ເຕັກໂນໂລຊີ ທີ່ທັນສະໄໝ. 


ນັກວິສາຫະກິດ ຫງວຽນເຖ໋ແອງ -ຜູ້ອຳນວຍການບໍລິສັດ Maybelle ຫວຽດນາມ ຈຳກັດ
ພວມປະຕິບັດຂັ້ນຕອນແຕ້ມ
ລາຍດອກ, ລວດລາຍໃຫ້ແກ່ ລຳໂພງ. ພາບ: ເຕິດເຊີນ



ລຳໂພງ Maybelle ໄດ້ຮັບການວາດພາບດ້ວຍມື,
ຫຼັງຈາກນັ້ນ ຈະໄດ້ນັກແຕ້ມກໍ່ສ້າງເປັນຮູບພາບ 3 ມິຕິ. ພາບ: ເຕິດເຊີນ



ຂັ້ນຕອນໜຶ່ງໃນການຜະລິດ ລຳໂພງ Maybelle. ພາບ: ເຕິດເຊີນ


ຂັ້ນຕອນ ຄວັດຕົວໜັງສື ໃຫ້ແກ່ ລຳໂພງ Maybelle ຕາມຄວາມ
ຕ້ອງການຂອງລູກຄ້າ. ພາບ: ເຕິດເຊີນ



ຜະລິດແຜ່ນວົງຈອນຂອງ ລຳໂພງ Maybelle. ພາບ: ເຕິດເຊີນ


ຫຼັງຈາກທີ່ເຜົາເປັນຜະລິດຕະພັນສຳເລັດຮູບແລ້ວ, ເປືອກນອກ ຂອງ ລຳໂພງ ສືບຕໍ່ໄດ້ແຕ້ມລວດລາຍປະດັບປະດາ
ແລ້ວເອົາໄປເຜົາອີກ ເທື່ອໜຶ່ງ ເພື່ອໃຫ້ມັນບໍ່ຕົກສີ. ພາບ: ເຕິດເຊີນ



ທຸກໆ ຂັ້ນຕອນການຜະລິດ ລຳໂພງ Maybelle ໄດ້ເຮັດດ້ວຍມື. ພາບ: ເຕິດເຊີນ


ຂັ້ນຕອນການປະກອບ ລຳໂພງ ຕ້ອງການຄວາມລະອຽດລະອໍສູງ ຍ້ອນຂັ້ນຕອນນີ້
ຈະຕັດສິນເຖິງຄຸນນະພາບນຳ້ສຽງຂອງລຳໂພງ. ພາບ: ເຕິດເຊີນ



ຊຸດລຳໂພງ lampeakers.  ພາບ: ເຕິດເຊີນ

ລຳໂພງ Maybelle ມີຜະລິດຕະພັນ ລຳໂພງ fullrange ເໝາະສົມກັບດົນຕີ ໂຣແມນຕິກ, bolero, pop... ຄຸນນະພາບ ນຳ້ສຽງເໝາະສົມກັບບຸກຄົນ, ເປັນຕົ້ນແມ່ນປະເພດລູກຄ້າຖື ສິລະປະກຳທຽບເທ່ົາກັບຄຸນນະພາບນຳ້ສຽງ.
 
ນັກວິສາຫະກິດ ຫງວຽນເຖ໋ແອງ ເນັ້ນໜັກກ່ຽວກັບຄວາມນຶກຄິດເລີ່ມສ້າງຕົວຂອງຕົນວ່າ: “ທ່າອ່ຽງນຳໃຊ້ບັນດາຜະລິດຕະພັນຕັ້ງໂຕະ, ນ້ອຍ, ກະທັດຮັດ ຢູ່ໃນໂລກພວມເພີ່ມສູງຂຶ້ນ ໃນຊຸມປີຜ່ານມາ, ສິ່ງດັ່ງກ່າວເຮັດໃຫ້ຂ້າພະເຈົ້າຕັດສິນໃຈ ຜະລິດລຳໂພງ ດິນເຜົາ ຂະໜາດນ້ອຍ ດ້ວຍລາຄາທີ່ເໝາະສົມ”.
 
Maybelle ບໍ່ພຽງແຕ່ແມ່ນຜະລິດຕະພັນ ລຳໂພງ ທີ່ນຳໃຊ້ໄຟຟ້າເທົ່ານັ້ນ, ຫາກຍັງແມ່ນຜະລິດຕະພັນທີ່ປະສານສົມທົບລະຫວ່າງນຳ້ສຽງ ແລະ ສິລະປະກຳອີກດ້ວຍ. ເປືອກນອກຂອງລຳໂພງ ໄດ້ຜະລິດ ແລະ ອອກແບບດ້ວຍມື, ຈາກບັນດານາຍຊ່າງ ບາດຈ່າງເພື່ອຮັບປະກັນຕໍ່ຄວາມທົນທານ ແລະ ຄັກແນ່.
 
Maybelle ໄດ້ສວຍໃຊ້ບັນດາຈຸດດີຂອງດິນເຜົາພື້ນເມືອງຄື: ຮູບຊົງ, ສີສັນ, ວັດຖຸທາດທີ່ທົນທານ ແລະ ໃຫ້ຄຸນນະພາບນຳ້ສຽງດີ... ເພື່ອຜະລິດອອກລຳໂພງຫຼາຍປະເພດທີ່ມີລັກສະນະ ພິເສດ. 


ຜະລິດຕະພັນລຳໂພງ Cannon ໃນຫ້ອງຮັບແຂກ. ພາບ: ເອກະສານ


ໄດ້ເຮັດດ້ວຍດິນເຜົາ, ໄມ້, ຜ້າແພ, ລຳໂພງ lampeaker ເປັນການປະສານສົມທົບລະຫວ່າງ
ລຳໂພງ ແລະ ໂຄມໄຟ. ພາບ: ເອກະສານ



SOLO ເປັນປະເພດຜະລິດຕະພັນ ທຳອິດຂອງ Maybelle. ພາບ: ເຕິດເຊີນ


ຜະລິດຕະພັນລຳໂພງ Cannon. ພາບ: ເຕິດເຊີນ


ລຳໂພງຊະນິດໜຶ່ງທີ່ນຳໃຊ້ໃຫ້ແກ່ໂທລະສັບມືຖື ຂອງ Maybelle. ພາບ: ເອກະສານ


ເຂດວາງສະແດງຜະລິດຕະພັນລຳໂພງ Maybelle ທີ່ເຮືອກເລກ
ທີ 98-ຖະໜົນ ໂຕງອກເວີນ, ຮ່າໂນ້ຍ. ພາບ: ເຕິດເຊີນ

ອາດສາມາດເວົ້າໄດ້ວ່າ ແຕ່ລະຜະລິດຕະພັນຂອງ Maybelleແມ່ນບົດປະພັນສິລະປະໜຶ່ງ. ນອກຈາກການຕອບສະໜອງໃຫ້ແກ່ຄວາມຕ້ອງການຟັງເພງ, Maybelle ຍັງເປັນເຄື່ອງປະດັບ ປະດາໃນຄອບຄົວ ແລະ ຢູ່ຫ້ອງການອີກດ້ວຍ.
  
ປະຈຸບັນ, Maybelle ມີ 2 ປະເພດຜະລິດຕະພັນຕົ້ນຕໍ່ ພ້ອມກັບລຳໂພງ ແລະ ເຄື່ອງຂະຫຍາຍສຽງ Bluetooth 13 ຊະນິດແຕກຕ່າງກັນ ທີ່ມີລາຄາແຕ່ 320.000-5.690.000 ດົ່ງ. ການປະສານສົມທົບລະຫວ່າງວັດທະນະທຳຂອງຕາເວັນອອກ-ຕາເວັນຕົກ, ມູນເຊື້ອ ແລະ ທັນສະໄໝ, ພ້ອມກັບຈິດໃຈ ເລີ່ມສ້າງຕົວຢ່າງແຮງກ້າ ຊ່ວຍ ຫງວຽນເຖ໋ແອງ ກໍ່ສ້າງເຄື່ອງໝາຍການຄ້າຂອງເຄື່ອງກະຈາຍສຽງ ຖືຍີ່ຫໍ້ ຫວຽດນາມ ປະເພດນີ້ ໄດ້.


Maybelle ເປັນຕົວຢ່າງໃຫ້ແກ່ຄວາມຮັກເມົາມົວ, ປະດິດສ້າງໃນຂົງເຂດເລີ່ມສ້າງຕົວ ທີ່ພວມຟົດຟື້ນຢູ່ ຫວຽດນາມ. ໂຄງການຜະລິດລຳໂພງດິນເຜົາ Maybelle ກໍ່ເປັນໂຄງການເລີ່ມສ້າງຕົວດ້ວຍເຄື່ອງກະຈາຍສຽງແຫ່ງທຳອິດຢູ່ ຫວຽດນາມ. ຜ່ານຮູບການລະດົມທຶນຈາກປະຊາຄົມ (crowfunding-PV) ທີ່ໄດ້ປະຕິບັດ ໂດຍ Fundstart, Maybelle ດຶງດູດໄດ້ 116,639 ລ້ານດົ່ງ, ເກີນເປົ້າໝາຍທີ່ວາງອອກໃນຂັ້ນຕົ້ນ 112 ລ້ານດົ່ງ. 


ບົດ: ທຸກຮ່ຽນ - ພາບ: ເຕິດເຊີນ ແລະ ເອກະສານ

FITO PHARMA ກ້າວສູ່ລະດັບສາກົນ

FITO PHARMA ກ້າວສູ່ລະດັບສາກົນ

ດ້ວຍ​ຄວາມຝັນອັນແຮງກ້າ ​ແລະ ວິ​ໄສ​ທັດ ​ທີ່​ຈະ​ກາຍ​ເປັນ​ຍີ່ຫໍ້ ​ຜະລິດ​ຕະພັນ​ສະໝຸນ​ໄພ​ຊັ້ນ​ນຳ​ ຂອງ​ ຫວຽດນາມ ​ແລະ ​ໃນ​ລະດັບ​ສາກົນ, ຈາກ​ວິ​ສາ​ຫະກິດ​ຄອບຄົວ ​ໄດ້​ຮັບ​ການ​ສ້າງ​ຕັ້ງ​ເມື່ອ​ປີ 1999, ​ໂດຍ​ອີງ​ໃສ່​ພື້ນຖານ ​ແລະ ກຳລັງ​ແຮງ​ຂອງ ຫວຽດນາມ ​ໃນ​ຂົງ​ເຂດ​ຢາ​ພື້ນ​ເມືອງ, ພາຍຫຼັງ 2 ທົດ​ສະ​ວັດ​ແຫ່ງ​ການ​ພັດທະນາ, ບໍລິສັດ​ການຢາ FITO PHARMA ຈຳກັດ ​ໄດ້​ກາຍ​ເປັນ​ໜຶ່ງ​ໃນ​ບັນດາ​ບໍລິສັດ ​ການຢາ​ທີ່​ມີ​ຊື່​ສຽງ​ຂອງ​ ຫວຽດນາມ, ມີບັນດາ​ຜະລິດ​ຕະພັນ​ສົ່ງ​ອອກ​ໄປ​ຍັງ​ຫຼາຍ​ປະ​ເທດ​ໃນ​​ໂລກ.

Top