• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ມານະພະຍາຍາມຜ່ານຜ່າສິ່ງທ້າທາຍເພື່ອບັນລຸໄດ້ຄາດໝາຍການເຕີບໂຕ

      6 ເດືອນຕົ້ນປີ 2020, ຫວຽດນາມ ໄດ້ຜ່ານຜ່າບັນດາຜົນກະທົບທີ່ຫຍໍ້ທໍ້ຂອງໂລກລະບາດໂຄວິດ - 19 ເພື່ອບັນລຸໄດ້ລະດັບການເຕີບໂຕ 1,81%, ເຊິ່ງເປັນໜຶ່ງໃນຈໍານວນໜ້ອຍປະເທດໃນໂລກ ທີ່ມີລະດັບການເຕີບໂຕບວກນີ້. ນີ້ແມ່ນຄວາມມານະພະຍາຍາມທີ່ໜ້າພາກພູມໃຈ ແລະ ໄດ້ຮັບການຕີລາຄາສູງຈາກປະຊາຄົມສາກົນ. 6 ເດືອນທີ່ຍັງເຫຼືອຂອງປີ 2020, ລັດຖະບານ ຫວຽດນາມ ໄດ້ກໍານົດໜ້າທີ່ຟື້ນຟູ, ພັດທະນາເສດຖະກິດ ແມ່ນມີຄວາມຮີບຮ້ອນກວ່າອີກ. ຫວຽດນາມ ຈະຕ້ອງສືບຕໍ່ຍາດແຍ່ງກາລະໂອກາດເພື່ອຟຶ້ນຟູ ແລະ ພັດທະນາເສດຖະກິດ - ສັງຄົມ.
        ໃນເງື່ອນໄຂ ຫວຽດນາມ ພວມປະຕິບັດເປົ້າໝາຍຄວບຄູ່: ທັງຄວບຄຸມໂລກລະບາດ ທັງ ຟື້ນຟູເສດຖະກິດ ໄດ້ເປັນຢ່າງດີນັ້ນ, ນັກຊ່ຽວຊານດ້ານເສດຖະກິດຫຼາຍທ່ານໄດ້ຄາດຄະເນວ່າ, 6 ເດືອນທ້າຍປີ 2020, ຄາດວ່າດຸນການຄ້າສືບຕໍ່ຮັກສາທ່າສົ່ງອອກເກີນດຸນ, ດຶງດູດເງິນລົງທຶນຈາກຕ່າງປະເທດ ຈະມີບັນດາບາດກ້າວບຸກທະລຸ, ຄ່າດອກເບ້ຍສືບຕໍ່ຮັກສາສະພາບການເປັນປົກກະຕິ ຫຼື ອາດຈະຫຼຸດລົງໜ້ອຍໜຶ່ງ... ນີ້ແມ່ນບັນດາປັດໄຈສະດວກເພື່ອພັດທະນາເສດຖະກິດຫວຽດນາມ.
ຍາດແຍ່ງກາລະໂອກາດຟື້ນຟູ, ພັດທະນາເສດຖະກິດ - ສັງຄົມ
        ການບໍລິຫານນະໂຍບາຍປີການເງິນ, ເງິນຕາຢ່າງເປັນເຈົ້າການກວ່າ, ມີໄຫວພິບ, ມີປະສິດທິຜົນກວ່າອີກ ແມ່ນຄໍາຮຽກຮ້ອງທີ່ສໍາຄັນເພື່ອກະຕຸ້ນຄວາມຕ້ອງການລວມ, ຊຸກຍູ້ການເຕີບໂຕເສດຖະກິດຢ່າງເໝາະສົມ. ພ້ອມກັນນັ້ນກໍຮັກສາສະຖຽນລະພາບຂອງເສດຖະກິດມະຫາພາກ, ຄວບຄຸມໄພເງິນເຟີ້, ຮັບປະກັນຄວາມດຸ່ນດ່ຽງຂອງບັນດາພາກສ່ວນໃຫຍ່ຂອງພື້ນຖານເສດຖະກິດ. ນີ້ແມ່ນປັດໄຈສໍາຄັນເພື່ອກໍ່ສ້າງພື້ນຖານ ແລະ ຮັກສາຄວາມໄວ້ເນື້ອເຊື່ອໃຈຂອງປະຊາຄົມນັກລົງທຶນທັງພາຍໃນ ແລະ ຕ່າງປະເທດທີ່ມີຕໍ່ສະພາບແວດລ້ອມ ແລະ ສະຖຽນລະພາບຂອງເສດຖະກິດມະຫາພາກຂອງຫວຽດນາມ. ທ່ານ ເລມິນຮຶງ ຜູ້ວ່າການທະນາຄານແຫ່ງລັດຫວຽດນາມ ໃຫ້ຮູ້ວ່າ:
        ລະບົບທະນາຄານຈະສືບຕໍ່ໃຫ້ຄໍາໝັ້ນສັນຍາໃນການສະໜອງແຫຼ່ງທຶນຢ່າງຄົບຖ້ວນ ແລະ ທັນການໃຫ້ແກ່ພື້ນຖານເສດຖະກິດ, ຈະບໍລິຫານອັດຕາເງິນຕາໃຫ້ເປັນປົກກະຕິ ແລະ ກຽມພ້ອມບັນດາມາດຕະການຈໍາເປັນ ຖ້າຫາກມີບັນດາການເໜັງຕີງທີ່ເຮັດໃຫ້ພື້ນຖານເສດຖະກິດຂາດສະຖຽນລະພາບຫຼາຍເກີນໄປ. ໃນກໍລະນີຈໍາເປັນ ຕາມຄໍາຊີ້ນໍາຂອງລັດຖະບານ, ຈະມີບັນດາມາດຕະການທີ່ແຮງກວ່າກ່ຽວກັບນະໂຍບາຍເງິນຕາ ເປັນຕົ້ນແມ່ນການສະໜອງທຶນຄືນໃໝ່ໃຫ້ບັນດາໂຄງການ, ກິດຈະກໍາທີ່ມີຜົນກະທົບແຜ່ກະຈາຍ ເພື່ອໜູນຊ່ວຍໃຫ້ບັນດາພາກພື້ນເສດຖະກິດຈຸດສຸມ, ກໍຄືໜູນຊ່ວຍການເຕີບໂຕນັບແຕ່ນີ້ຮອດທ້າຍປີ”.

ທ່ານ ຫງວຽນຈິຢຸງ ລັດຖະມົນຕີກະຊວງແຜນການ ແລະ ການລົງທຶນຫວຽດນາມ (ພາບ:  VGP)
ນອກຈາກນະໂຍບາຍສົກປີການເງິນແລ້ວ, ຫວຽດນາມ ຈະສຸມໃສ່ການສໍາຫຼວດກວດຄຄືນ ເພື່ອແນໃສ່ເສີມຂະຫຍາຍທຸກຄວາມສາມາດບົ່ມຊ້ອນໃນການເຕີບໂຕໃນແຕ່ລະຂະແໜງການ, ຂົງເຂດ, ທ້ອງຖິ່ນ, ແຕ່ລະໂຄງການໃຫຍ່,ໂຄງການຈຸດສຸມ. ທ່ານ ຫງວຽນຈິຢຸງ ລັດຖະມົນຕີກະຊວງແຜນການ ແລະ ການລົງທຶນຫວຽດນາມ ເນັ້ນໜັກວ່າ:
        ຂະແໜງອຸດສາຫະກໍາໄດ້ເປັນເຈົ້າການປະຕິບັດຫຼືເຂົ້າຮ່ວມວິວັດການຟື້ນຟູລະບົບສະໜອງ, ລະບົບມູນຄ່າທີ່ຖືກຕັດຂາດ, ກໍ່ສ້າງ ແລະ ພັດທະນາລະບົບມູນຄ່າໃໝ່. ສືບຕໍ່ຜັນຂະຫຍາຍ ໂຄງການກະຕຸ້ນດ້ານການທ່ອງທ່ຽວຢູ່ພາຍໃນປະເທດຢ່າງແຮງ, ຮີບເຮັ່ງນໍາກອງທຶນໜູນຊ່ວຍພັດທະນາການທ່່ອງທ່ຽວ ເຂົ້າເຄື່ອນໄຫວ; ປຸກລະດົມບັນດາໂຄງການກະຕຸ້ນຄວາມຕ້ອງການບໍລິໂພກອຸປະໂພກ, ເປີດກວ້າງຕະຫຼາດພາຍໃນປະເທດ. ຊຸກຍູ້ບັນດາວິສາຫະກິດພາຍໃນປະເທດ ຍາດແຍ່ງ, ຂຸດຄົ້ນກາລະໂອກາດ ແລະ ຜົນປະໂຫຍດຂອງສັນຍາການຄ້າເສລີສະບັບຕ່າງໆທີ່ໄດ້ລົງນາມແລ້ວ ຢ່າງສຸດຂີດ. ເປັນເຈົ້າການຊຸກຍູ້ບັນດາສັນຍາ FTA ກັບບັນດາຄູ່ຮ່ວມມືສໍາຄັນ, ນໍາມາເຊິ່ງຜົນປະໂຫຍດໃຫ້ແກ່ຄວາມໝັ້ນຄົງ ແລະ ການພັດທະນາຂອງປະເທດ.
ເປັນເຈົ້າການນັບແຕ່ບັນດາສູນກາງເສດຖະກິດ
        ໃນສະພາບການເສດຖະກິດ - ສັງຄົມຂອງຫວຽດນາມ ໃນ 6 ເດືອນຜ່ານມາ, ບັນດາສູນກາງເສດຖະກິດແຖວໜ້າຄື ຮ່າໂນ້ຍ, ນະຄອນໂຮ່ຈີມິນ, ດ່າໜັງ, ຫ໋າຍຟ່ອງ... ແມ່ນສ້າງຂີດໝາຍສໍາຄັນຍິ່ງ. ບັນດາແຂວງ, ນະຄອນດັ່ງກ່າວ ໄດ້ຜ່ານຜ່າໄລຍະຫຍຸ້ງຍາກທີ່ສຸດ ເພື່ອກ້າວເຂົ້າຢູ່ສະພາບການເປັນປົກກະຕິໃໝ່ຢ່າງໄວວາ, ສ້າງທ່ວງທ່າພັດທະນາເສດຖະກິດ - ສັງຄົມ ໃຫ້ແກ່ 6 ເດືອນທ້າຍປີ. ທ່ານ ຫງວຽນດຶກຈູງ ປະທານຄະນະກໍາມະການປະຊາຊົນນະຄອນ ຮ່າໂນ້ຍ ເນັ້ນໜັກວ່າ:
        “ຮ່າໂນ້ຍ ໄດ້ສ້າງ 2 ແຜນການເຕີບໂຕໄລຍະ 6 ເດືອນທ້າຍປີ ເພື່ອຊີ້ນໍາ, ບໍລິຫານ, ສູ້ຊົນບັນລຸຄາດໝາຍການເຕີບໂຕ GRDP ສູງກວ່າ 1,3 ເທື່ອ ເມື່ອທຽບໃສ່ລະດັບການເຕີບໂຕຂອງທົ່ວປະເທດ; ເກັບງົບປະມານຕາມແຜນການໂດຍລັດຖະບານມອບໝາຍໃຫ້... ຮ່າໂນ້ຍ ຈະຫຼຸດຜ່ອນການໃຊ້ຈ່າຍປະຈໍາລົງຕື່ມອີກ 5%, ເລີ່ມດໍາເນີນບາງໂຄງການໃຫຍ່, ມີກໍາລັງແຜ່ກະຈາຍໃນບໍລິເວນ. ທາງນະຄອນກໍຈະກະກຽມແຕ່ 10 ຫາ 15 ບໍລິເວນ ເພື່ອຈັດແຈງເຂດຂາຍເຄື່ອງ, ເຊື້ອເຊີນວິສາຫະກິດຢູ່ແຂວງຕ່າງໆທີ່ມີສິນຄ້າປະເພດຜະລິດຕະພັນກະເສດ, ເຄື່ອງປ່າຂອງດົ່ງ, ສິນໃນນໍ້າ, ສິນທະເລ ມາຂາຍເຄື່ອງ ໂດຍບໍ່ເສຍຄ່າເຊົ່າບົດ ເພື່ອກະຕຸ້ນຄວາມຕ້ອງການບໍລິໂພກອຸປະໂພກພາຍໃນປະເທດ”.
        ຕາມທ່ານ ຫງວຽນແທັ່ງຟອງ, ປະທານຄະນະກໍາມະການປະຊາຊົນນະຄອນ ໂຮ່ຈີມິນ ແລ້ວ, ທາງນະຄອນມີຄວາມຕັດສິນໃຈຢ່າງສູງ ເພື່ອບັນລຸໄດ້ບັນດາເປົ້າໝາຍພັດທະນາ, ຍ້ອນການພັດທະນາຊ້າລົງຂອງນະຄອນ ຈະສົ່ງຜົນກະທົບໂດຍກົງເຖິງໝາກຜົນຂອງການເຕີບໂຕລວມຂອງທັງປະເທດ. ທ່ານກ່າວວ່າ:
ທາງນະຄອນຢຶດໝັ້ນປະຕິບັດເປົ້າໝາຍຄວບຄູ່ ເພື່ອຮັກສາທ່າພັດທະນາເສດຖະກິດ. ຍື່ນສະເໜີສະພາປະຊາຊົນນະຄອນ ກ່ຽວກັບການດັດປັບໂຄງການກະຕຸ້ນຄວາມຕ້ອງການລົງທຶນ, ຍົກອັດຕາດອກເບ້ຍໜູນຊ່ວຍໃຫ້ແຕ່ລະໂຄງການ ແຕ່ 100 ຕື້ ຂຶ້ນເຖິງ 200 ຕື້ດົ່ງ, ຍູ້ແຮງການດຶງດູດລົງທຶນລະຫວ່າງບັນດາພາກສ່ວນເສດຖະກິດຢູ່ພາຍໃນປະເທດ ເຊິ່ງກ່ອນອື່ນໝົດແມ່ນນັກລົງທຶນເອກະຊົນ, ຍາດແຍ່ງກາລະໂອກາດຈາກສັນຍາ EVFTA ເພື່ອເພີ່ມການສົ່ງອອກຊອັບແວ. ທາງນະຄອນກໍກໍານົດການຊຸກຍູ້ການປ່ອຍເງິນລົງທຶນພາກລັດ ແມ່ນໜ້າທີ່ດ້ານການເມືອງຈຸດສຸມ ແລະ ວາງຄາດໝາຍວ່າ ທ້າຍເດືອນຕຸລາ, ອັດຕາປ່ອຍເງິນລົງທຶນຈະຫຼາຍກວ່າ 80% ຂອງແຜນການທີ່ໄດ້ວາງອອກ”.
ໃນ 6 ເດືອນຕົ້ນປີ, ຫວຽດນາມ ບັນລຸໄດ້ຜົນສໍາເລັດໃນການຄວບຄຸມໂລກລະບາດ ແລະ ການຟື້ນຟູເສດຖະກິດ. ບັນດາກໍາລັງໜູນສໍາຄັນນີ້ ບວກກັບຄວາມຕັດສິນໃຈ, ຫວັງວ່າ ໃນ 6 ເດືອນທ້າຍປີ, ຫວຽດນາມ ຈະສືບຕໍ່ບັນລຸໄດ້ໝາກຜົນທີ່ດີກວ່າໃນການພັດທະນາເສດຖະກິດ - ສັງຄົມ. 
 (ແຫຼ່ງຄັດຈາກ VOV)
 

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຮຽກຮ້ອງສືບຕໍ່ສ້າງໂຄງຮ່າງບົດລາຍງານໃຫ້ສົມບູນແບບ ດ້ວຍເນື້ອໃນມີຂອບຂະໜາດຊີ້ນຳ, ນຳພາໃຫຍ່ ແຕ່ແທດຈິງ, ເຂົ້າໃຈງ່າຍ, ປະຕິບັດງ່າຍ

Top