ຂ່າວສານ
ພາລະກອນປ້ອງກັນຄວາມສະຫງົບ 32000 ຄົນໄດ້ປ້ອງກັນວາລະໄຂການຟ້ອງຮ້ອງການສໍ້ໂກງໃນການເລືອກຕັ້ງຢູ່ ອິນໂດເນເຊຍ 2019:
ກອງປະຊຸມສໍາມະນາວິທະຍາສາດລະດັບຊາດ ດ້ວຍຫົວຂໍ້ຈັດວາງຕາໜ່າງການສຶກສາບໍາລຸງສ້າງ
ໃນສະພາບການເປັນເຈົ້າຂອງການສຶກສາ ແລະ ເຊື່ອມໂຍງເຂົ້າກັບສາກົນ (ພາບ: TTXVN)
ມີບົດປະກອບຄໍາເຫັນກວ່າ 100 ບົດ ໄດ້ສົ່ງມາກອງປະຊຸມສໍາມະນາ ໄດ້ນໍາເອົາທັດສະນະມູມມອງໃໝ່ມີລັກສະນະວິທະຍາສາດ ເພື່ອແລກປ່ຽນ, ແບ່ງປັນສະຕິຄວາມຮັບຮູ້ ແລະ ປະສົບການໃນການພັດທະນາການສຶກສາບໍາລຸງສ້າງ ໃນສະພາບການ ເປັນເຈົ້າຂອງການສຶກສາ ແລະ ເຊື່ອມໂຍງເຂົ້າກັບສາກົນ.
ຕາມການໄຈ້ແຍກຂອງບັນດານັກຊ່ຽວຊານສາກົນແລ້ວ, ຫວຽດນາມ ພວມຢູ່ໃນໄລຍະເຊື່ອມໂຍງຢ່າງເລິກເຊິ່ງ ແລະ ກວ້າງຂວາງ, ລະດັບການແກ້ງແຍ້ງເສດຖະກິດກັບບັນດາປະເທດໃນພາກພື້ນ ອາຊີຕາເວັນອອກສ່ຽງໃຕ້, ອາຊີ ແລະ ໂລກ ນັບມື້ນັບດຸເດືອດ. ດັ່ງນັ້ນ, ຢາກຂຸດຄົ້ນ ແລະ ເສີມຂະຫຍາຍແຫຼ່ງຊັບພະຍາກອນມະນຸດໃຫ້ເປັນຢ່າງດີນັ້ນ, ຫວຽດນາມ ຕ້ອງມີພື້ນຖານການສຶກສາເປີດ, ທັນສະໄໝ, ມີລະດັບຕາໜ່າງທີ່ໄດ້ຮັບການຈັດວາງຢ່າງເປັນວິທະຍາສາດ, ເສີມຂະຫຍາຍມູນເຊື້ອ ແລະ ພູມປັນຍາຂອງຫວຽດນາມ ດ້ວຍຈິນຕະນາການ ປ່ຽນແປງໃໝ່ຢ່າງບໍ່ຢຸດຢັ້ງ.ກອງປະຊຸມສໍາມະນາ ແມ່ນກາລະໂອກາດ ເພື່ອໃຫ້ບັນດານັກວິທະຍາສາດ, ໂຮງຮຽນແຫ່ງຕ່າງໆ ພ້ອມກັນແລກປ່ຽນ, ກ້າວໄປສູ່ສະຕິຄວາມຮັບຮູ້ ທີ່ເປັນເອກະພາບ, ຈາກນັ້ນ ຜັນຂະຫຍາຍມາດຕະການທີ່ລະອຽດ ເພື່ອແນໃສ່ຈັດວາງການສຶກສາບໍາລຸງສ້າງໃນສະພາບການທີ່ເປັນເຈົ້າຂອງການສຶກສາ ແລະ ເຊື່ອມໂຍງເຂົ້າກັບສາກົນ.
(ແຫຼ່ງຄັດຈາກ VOV)
