ຂ່າວສານ
ພະມະຫາອາຈານ ທິກເຍິດແຮ້ງ ມໍລະນະພາບ ແມ່ນການສູນເສຍຢ່າງໃຫຍ່ຫຼວງຂອງປະຊາຄົມພຸດທະສາສະໜາ ເວົ້າລວມ ແລະ ພຸດທະສາສະໜາ ຫວຽດນາມ ເວົ້າສະເພາະ
ວັນທີ 23 ມັງກອນ, ເມື່ອຕອບສຳພາດຕໍ່ນັກຂ່າວໂດຍສະເໜີໃຫ້ຮູ້ຄຳວິຈານຂອງ ຫວຽດນາມ ເມື່ອພະມະຫາອາຈານ ທິກເຍິດແຮ້ງ ມໍລະນະພາບ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ ໃຫ້ຮູ້ວ່າ ເມື່ອໄດ້ຮັບຂ່າວວ່າ ພະມະຫາອາຈານ ທິກເຍິດແຮ້ງ ມໍລະນະພາບ, ກະຊວງການຕ່າງປະເທດ ຫວຽດນາມ ໄດ້ສົ່ງສານແບ່ງເບົາຄວາມເສົ້າສະຫຼົດໃຈຢ່າງຫຼົ້ນເຫຼືອມາຍັງປະຊາຄົມພຸດທະສາສະນິກກະຊົນ ຫວຽດນາມ ທັງຢູ່ພາຍໃນ, ຕ່າງປະເທດ ແລະ ປະຊາຄົມນັກບວກຂອງພະມະຫາອາຈານ ທິກເຍິດແຮ້ງ. ພະມະຫາອາຈານ ທິກເຍິດແຮ້ງ ແມ່ນ ພະເຖລານຸເຖລະຂອງພຸດທະສາສະໜາ ຫວຽດນາມ ເຊິ່ງດຳລົງຊີວິດເປັນເວລາຫຼາຍປີຢູ່ຕ່າງປະເທດ ແລະ ມີການປະກອບສ່ວນຫຼາຍຢ່າງເຂົ້າໃນການແນະນຳ ແລະ ພັດທະນາພຸດທະສາສະໜາ, ວັດທະນະທຳ ຫວຽດນາມ ໃນໂລກ.
ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ ເນັ້ນໜັກວ່າ ເລື່ອງພະມະຫາອາຈານ ທິກເຍິດແຮ້ງ ມໍລະນະພາບ ແມ່ນການສູນເສຍຂອງປະຊາຄົມພຸດທະສາດສະໜາ ເວົ້າລວມ ແລະ ພຸດທະສາສະໜາ ຫວຽດນາມ ເວົ້າສະເພາະ.
(ແຫຼ່ງຄັດຈາກ VOV)
