ເຂດທົ່ງບົວ ງໍ່ຖາບ, ຕາແສງ ໝີ໋ຮວ່າ, ເມືອງ ຖາບເມື່ອຍ, ແຂວງ ດົ່ງຖາບ ບໍ່ພຽງແຕ່ຈັບໃຈ ນັກທ່ອງທ່ຽວດ້ວຍ ກິ່ນຫອມຈັດຂອງດອກບົວເທົ່ານັ້ນ, ຫາກຍັງດ້ວຍລົດຊາດ ພິເສດຂອງອາຫານເຍື່ອງຕ່າງໆທີ່ໄດ້ຮັບການປຸງແຕ່ງຈາກບົວອີກດ້ວຍ.
ເມື່ອມາຮອດມາເຖິງເຂດທົ່ງບົວ ງໍ່ຖາບ, ນັກທ່ອງ ທ່ຽວຈະມີ ໂອກາດຊອກຮູ້ກ່ຽວ ກັບດິນແດນແຫ່ງນີ້ ໂດຍຜ່ານການໂອ້ລົມສົນທະນາກັບປະຊາຊົນຊາວນາຜູ້ໃຈດີ ແລະ ຈະໄດ້ຊີມລົດຊາດຂອງອາຫານຫຼາຍເຍື່ອງທີ່ປຸງແຕ່ງມາຈາກບົວຄື: ປາຄໍ່ປີ້ງໃບບົວ, ເຂົ້າໜຶ້ງໃບບົວ, ຕົ້ມກະປູ, ປີ້ງໄກ່, ປາເຂັງຕົ້ມເຄັມດ້ວຍໝໍ້ດິນ, ຊາດອກບົວ, ນົມດອກບົວ.
ເລີ່ມແຕ່ເດືອນກໍລະກົດຂອງແຕ່ລະປີ, ດອກບົວງໍ່ຖາບຈະເບັ່ງບານເຜີຍສີສັນ.
ຄວາມສວຍສົດງົດງາມແບບບໍລິສຸດຂອງດອກບົວຢູ່ ງໍ່ຖາບ.
ມາຢ້ຽມຢາມ ງໍ່ຖາບ ໃນລະດູນີ້, ນັກທ່ອງທ່ຽວຍັງສາມາດ
ຊອກຮູ້ກ່ຽວກັບວິຖີດຳລົງຊີວິດປະຈຳວັນຂອງປະຊາຊົນໃນເຂດອີກດ້ວຍ.
ໝາກບົວທີ່ຫາກໍ່ເກັບກ່ຽວໃໝ່ໆ ພວມຖືກຂົນຖ່າຍໄປຍັງບ່ອນເຕົ້າໂຮມເພື່ອຂາຍໃຫ້ພໍ່ຄ້າ.
ພໍ່ຄ້າເກັບຊື້ໝາກບົວຢູ່ ງໍ່ຖາບ.
ນັກທ່ອງທ່ຽວພ້ອມກັບຊາວບ້ານຂີ່ເຮືອໄປຫາປາໃນເຂດປູກຕົ້ນບົວ ງໍ່ຖາບ.
ຊາວບ້ານແນະນຳໃຫ້ນັກທ່ອງທ່ຽວວິທີເກັບດອກບົວໃນເຂດປູກຕົ້ນບົວ ງໍ່ຖາບ.
ຊາວບ້ານແນະນຳໃຫ້ນັກທ່ອງທ່ຽວວິທີເກັບໝາກບົວໃນເຂດປູກຕົ້ນບົວ ງໍ່ຖາບ.
ທາງຍ່າງທີ່ເຮັດດ້ວຍໄມ້ແປ້ນເພື່ອໃຫ້ນັກທ່ອງທ່ຽວເຂົ້າທ່ຽວຊົມເຂດທົ່ງບົວ.
ເຂດທົ່ງບົວ ງໍ່ຖາບ ເປັນແຫຼ່ງທ່ອງທ່ຽວທີ່ດຶງດູດນັກທ່ອງທ່ຽວພາຍໃນ ແລະ ຕ່າງປະເທດ.
ປາຄໍ່ປີ້ງໃບບົວເປັນອາຫານເຍື່ອງໜຶ່ງທີ່ຈັບໃຈນັກທ່ອງທ່ຽວ.
ລາຍການອາຫານເຂົ້າໜຶ້ງໃບບົວ.
ແກ່ນບົວໄດ້ປະຊາຊົນຊາວທ້ອງຖິ່ນນໍາໄປປຸງແຕ່ງເປັນ ອາຫານຫຼາຍເຍື່ອງທີ່ມີທາດບຳລຸງສູງ.
ນັກທ່ອງທ່ຽວຮັບປະທານບັນດາລາຍການອາຫານພິເສດຂອງທ້ອງຖິ່ນທີ່ເຂດທົ່ງບົວ ງໍ່ຖາບ. |
ກ່ອນອື່ນໝົດແມ່ນເຍື່ອງ ປາຄໍ່ປີ້ງໃບບົວທີ່ສົ່ງກິ່ນຫອມກຸ້ມຊຶ່ງໄດ້ຜ່ານການປຸງແຕ່ງຄືດັ່ງນີ້: ປາຄໍ່ສົດລ້າງສະອາດ, ເອົາໄມ້ຫ້ອຍແຫຼມສຽບ ແຕ່ປາກຈົນຮອດຫາງແລ້ວ ຫໍ່ດ້ວຍໃບບົວແກ່ 2-3 ຊັ້ນ. ປິ້ງເທິງເຕົາຖ່ານ ໝັ່ນປິ້ນໄປປີ້ນມາຫຼາຍເທື່ອເມື່ອໃດໃບບົວໄໝ້ໝົດກໍ່ແມ່ນປາສຸກພໍດີ. ກິ່ນຫອມແບບ ບໍລິສຸດຂອງໃບບົວເຈືອຈານເຂົ້າກັບ ກິ່ນຫອມຫວານ ຂອງປາຄໍ່, ສ້າງເປັນອາຫານເຍື່ອງ ໜຶ່ງທີ່ປະທັບໃຈຍາກທີ່ຈະພັນລະນາໄດ້.
ເຂົ້າຫນຶ້ງໃບບົວກໍ່ເປັນອາຫານເຍື່ອງໜຶ່ງທີ່ນັກທ່ອງທ່ຽວບໍ່ສາມາດລືມໄດ້. ລ້າງເຂົ້າໃຫ້ສະອາດ, ເຢິງໄວ້ໃຫ້ສະເດັດນໍ້າ, ປົນກັບເຄື່ອງປຸງແລ້ວເອົາໄປຂົ້ວກ່ອນຈະຫູງ. ແກ່ນບົວພາຍຫລັງເອົາໃນອອກໝົດແລ້ວລ້າງໃຫ້ ສະອາດ ແລະ ຕົ້ມຈົນສຸກ ຫຼັງຈາກນັ້ນຕັກແກ່ນບົວອອກໄວ້ຕ່າງຫາກ.
ເອົານໍ້າລວກບົວຖອກໃສ່ເຂົ້າສານທີ່ຂົ້ວໄວ້ນັ້ນ ແລ້ວກໍ່ຫູງຂຶ້ນຕາມປົກກະຕິ. ເຂົ້າຫຼັງຈາກຫຸງສຸກແລ້ວ ຕັກໃສ່ກາງໃບບົວ ແລ້ວກໍ່ຫຸບສີ່ແຈເຂົ້າຫໍ່ແນວໃດ ໃຫ້ມັນງາມຕາ. ພິເສດ, ໃບບົວທີ່ ນຳມາຫໍ່ເຂົ້າຕ້ອງ ແມ່ນໃບບົວແກ່, ສີຂຽວອ່ອນ ແລະ ໄດ້ລວກຜ່ານນຳ້ຮ້ອນໃຫ້ສະອາດ.
ໃນພາເຂົ້າຂອງຊາວຊົນນະບົດຈະມີ ປາຄໍ່ປີ້ງໃບບົວ, ເຂົ້າໜຶ້ງໃບບົວ, ຕົ້ມກະປູທົ່ງ, ດອງສົ້ມແກ່ນບົວ… ດ້ວຍເຫດນັ້ນ, ເຂດທົ່ງບົວ ງໍ່ຖາບ ຈຶ່ງດຶງດູດໄດ້ນັກທ່ອງທ່ຽວພາຍໃນ ແລະ ຕ່າງປະເທດ ມາຢ້ຽມຊົມນັບເປັນຈຳນວນຫຼວງຫຼາຍ.
ບົດ ແລະ ພາບ: ຫງວຽນແອ໋ງ