• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ກິລາ

ປ້ອງກັນຕົວດ້ວຍມວຍພື້ນເມືອງ ຫວຽດນາມ

ໃນຕະຫຼອດເວລາ 22 ປີຜ່ານມາ, ອາຈານມວຍ ໂຮ່ເຕື່ອງ (ຫົວໜ້າ ຄູເຝິກ ຂອງ ຄ້າຍມວຍ ເຕິນແຄງ-ບ່າຈ່າ) ໄດ້ສ້າງຕັ້ງ ແລະ ພັດທະນາຫ້ອງຮຽນມວຍປ້ອງກັນຕົວ ຟຣີ ທີ່ເຮືອນວັດທະນະທຳ ຊາວໜຸ່ມ (ເມືອງ 1) ເພື່ອໃຫ້ບັນດາຊາວໜຸ່ມຢູ່ນະຄອນ ໂຮ່ຈີມິນ ມີໂອກາດໄດ້ຮຽນມວຍພື້ນເມືອງ ຫວຽດນາມ ໂດຍບໍ່ເສຍເງິນ. ມາເຖິງປະຈຸບັນ, ບັນດາຄູມວຍຂອງຄ້າຍມວຍແຫ່ງນີ້ ຍັງໄປຫາໂຮງຮຽນຫຼາຍແຫ່ງ ເພື່ອຈັດຕັ້ງບັນດາການເຄື່ອນໄຫວ, ແນະນຳນັກຮຽນ, ນັກສຶກສາ ກ່ຽວກັບມວຍພື້ນເມືອງເພື່ອໃຫ້ເຂົາເຈົ້າສາມາດປ້ອງກັນຕົວໄດ້.
ຄູມວຍ ໂຮ່ເຕືອງ ໃຫ້ຮູ້ວ່າ: “ແຕ່ກ່ອນ, ບັນດານັກຮຽນ, ນັກສຶກສາຈະມາຮຽນມວຍພື້ນເມືອງຢູ່ເຮືອນວັດທະນະທຳ ຊາວໜຸ່ມ, ແຕ່ປະຈຸບັນ ເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ບັນດານັກຮຽນ, ພວກຂ້າພະເຈົ້າຈະໄປຫາບັນດາໂຮງຮຽນໃນຂົງເຂດ ເພື່ອຈັດຕັ້ງການເຄື່ອນໄຫວ, ແນະນຳກ່ຽວກັບມວຍພື້ນເມືອງເພື່ອ ໃຫ້ເຂົາເຈົ້າ ສາມາດປ້ອງກັນຕົວ ແລະ ຊ່ວຍເຫຼືອຜູ້ອື່ນໄດ້”.
  
ມາຫ້ອງຮຽນສອນມວຍພື້ນເມືອງ, ບັນດານັກຮຽນ, ນັກສຶກສາຈະໄດ້ຮຽນທ່າຮັບ, ທ່າບຸກ ແລະ ທ່າມວຍພື້ນຖານຂອງຄ້າຍມວຍ ແຫ່ງນີ້. ພິເສດ, ໃນເວລາຮຽນ, ນັກຮຽນຈະໄດ້ຄົ້ນພົບກັບບັນດາກໍລະນີທີ່ອາດຈະເກີດຂຶ້ນໃນຊີວິດປະຈຳວັນຄື: ຖືກຈັບຄໍເສື້ອ, ຖືກບີບຄໍ, ຖືກບຸກໂຈມຕີດ້ວຍມີດ, ຖືກດຶງຖົງ, ຖືກກອດຈາກທາງຫຼັງ... ຄູມວຍຈະມີການໄຈ້ແຍກຢ່າງລະອຽດ ແລະ ສະເໜີອອກບັນດາວິທີແກ້ໄຂເພື່ອໃຫ້ນັກຮຽນສາມາດປ້ອງກັນຕົວ. 

    

ຫ້ອງຮຽນສອນມວຍພື້ນເມືອງຂອງຄ້າຍມວຍ ເຕິນແຄງ-ບ່າຈ່າ ທີ່ໂຮງຮຽນມັດທະຍົມຕອນຕົ້ນ
ຕັງບາດໂຫ
A, ເມືອງ 4, ນະຄອນ ໂຮ່ຈີມິນ.



ບັນດານັກຮຽນຈະໄດ້ຮຽນບັນດາທ່າຮັບ, ທ່າບຸກ ແລະ ທ່າມວຍພື້ນຖານຂອງຄ້າຍມວຍແຫ່ງນີ້.


ຫ້ອງຮຽນສອນມວຍພື້ນເມືອງຂອງຄ້າຍມວຍ ເຕິນແຄງ-ບ່າຈ່າ
ທີ່ໂຮງຮຽນມະຫາວິທະຍາໄລວິຊາຊີບການທ່ອງທ່ຽວ ໄຊງ່ອນ
.

 

ຫ້ອງຮຽນສອນມວຍພື້ນເມືອງຂອງອາຈານມວຍ ໂຮ່ເຕື່ອງ ໄດ້ດຶງດູດ
ການເຂົ້າຮ່ວມຂອງນັກຮຽນ, ນັກສຶກສານັບເປັນຈຳນວນຫຼາຍ ພໍສົມຄວນ.



ໃນເວລາຮຽນ, ນັກຮຽນຈະໄດ້ຄົ້ນພົບກັບບັນດາກໍລະນີທີ່ອາດຈະເກີດຂຶ້ນໃນຊີວິດ
ປະຈຳວັນ, ບັນດາຄູມວຍ
ຈະມີການໄຈ້ແຍກຢ່າງລະອຽດ ແລະ ສະເໜີອອກບັນດາວິທີແກ້ໄຂ
ເພື່ອໃຫ້ນັກຮຽນສາມາດປ້ອງກັນຕົວ.



ອາຈານມວຍ ໂຮ່ເຕື່ອງ ຈະມີການໄຈ້ແຍກບັນດາທ່າມວຍຢ່າງລະອຽດ
ເພື່ອໃຫ້ຜູ້ຮຽນຮັບຮູ້ໄດ້ຢ່າງຈະແຈ້ງ.



ນັກຮຽນຍິງຫຼາຍຄົນກໍ່ມາຮຽນ.


ຄູມວຍສະເໜີອອກທ່າມວຍປ້ອງກັນຕົວຈຳນວນໜຶ່ງ. 


ຄູມວຍສະເໜີອອກທ່າມວຍປ້ອງກັນຕົວໃນເວລາ
ຖືກກອດຈາກທາງຫຼັງ.



ນັກຮຽນຄົນໜຶ່ງປະຕິບັດຈັງຫວະຂັດມືຄູ່ຕໍ່ສູ້.


ໃນເວລາຮຽນ, ນັກຮຽນຈະໄດ້ຄົ້ນພົບກັບບັນດາກໍລະນີ
ທີ່ອາດຈະເກີດຂຶ້ນໃນຊີວິດປະຈຳວັນຄື: ຖືກຈັບຄໍເສື້ອ, ຖືກບີບຄໍ,
ຖືກບຸກໂຈມຕີດ້ວຍມີດ, ຖືກດຶງຖົງ, ຖືກກອດຈາກທາງຫຼັງ...



ນັກຮຽນຕິດຕາມການແນະນຳຂອງບັນດາຄູມາວຍດ້ວຍຄວາມຕັ້ງໃຈ.


ນັກຮຽນປະຕິບັດບັນດາຈັງຫວະໜີ້ພົ້ນອອກຈາກການຄອບງຳກຳຈັດ
ດ້ວຍມີດຈາກທາງຫຼັງ. 



ນັກຮຽນປະຕິບັດບັນດາທ່າມວຍປ້ອງກັນຕົວ ພາຍຫຼັງການແນະນຳຂອງຄູມວຍ.


ການຮຽນມວຍພື້ນເມືອງເພື່ອປ້ອງກັນຕົວຍັງດຶງດູດຜູ້ເຖົ້າຫຼາຍຄົນມາເຂົ້າຮ່ວມອີກດ້ວຍ.

ນາງ ເລທິແທງເທືອງ, ນັກສຶກສາຂອງໂຮງຮຽນມະຫາວິທະຍາໄລ ວິຊາຊີບການທ່ອງທ່ຽວ ໄຊງ່ອນ ໃຫ້ຮູ້ວ່າ: “ການຮຽນມວຍພື້ນເມືອງເພື່ອປ້ອງກັນຕົວ ທັງຊ່ວຍເຮັດໃຫ້ຂ້າພະເຈົ້າ ຮູ້ບັນດາວິທີການ ປ້ອງກັນຕົວ, ທັງຊ່ວຍຝຶກຝົນຫຼໍ່ຫຼອມສຸຂ້າພາບ ແລະ ຄວາມໝັ້ນໃຈ ໃນຊີວິດ”.
 
ສຳລັບບັນດາກໍລະນີທີ່ວາງອອກ, ບັນດາຄູມວຍຈະມີການໄຈ້ແຍກ ແລະ ສະເໜີອອກບັນດາວິທີແກ້ໄຂຢ່າງລະອຽດ ແລ້ວຈຶ່ງໃຫ້ນັກຮຽນຝຶກໄປຝຶກມາຫຼາຍເທື່ອໃຫ້ມີຄວາມຊິນເຄີຍ. ຫຼັງຈາກການຝຶກແອບ ຢູ່ໂຮງຮຽນແລ້ວ, ເມືອເຮືອນ ນັກຮຽນກໍ່ສາມາດຝຶກແອບໂດຍຕົນເອງຕາມການແນະນຳຂອງບັນດາຄູມວຍ.
  
ແຜນການຮຽນມວຍພື້ນເມືອງເພື່ອປ້ອງກັນຕົວໄດ້ນຳເຂົ້າໃນໂຮງຮຽນ ຫຼາຍແຫ່ງຢູ່ນະຄອນ ໂຮ່ຈີມິນ, ໃນນັ້ນ ໂຮງຮຽນມັດທະຍົມຕອນຕົ້ນ ຕັງບາດໂຫ A, ເມືອງ 4 ໄດ້ຮັກສາການເຄື່ອນໄຫວໃນ 2 ປີຜ່ານມາ. ທ່ານ ເລງອກຫາຍ, ຜູ້ອຳນວຍການໂຮງຮຽນມັດທະຍົມຕອນຕົ້ນ ຕັງບາດໂຫ A ໃຫ້ຮູ້ວ່າ: “ພວກຂ້າພະເຈົ້າຮັກສາການເຄື່ອນໄຫວຂອງ ຫ້ອງຮຽນມວຍດ່ັງກ່າວ ດ້ວຍຈຸດປະສົງຢາກຊ່ວຍເຮັດໃຫ້ບັນດານັກຮຽນຈະມີຄວາມຮູ້ພື້ນຖານກ່ຽວກັບມວຍພື້ນເມືອງເພື່ອປ້ອງກັນຕົວ, ນີ້ກໍ່ແມ່ນວິທີໜຶ່ງເພື່ອເຮັດໃຫ້ຫຼາຍຄົນຮູ້ເຖິງມວຍພື້ນເມືອງ ຫວຽດນາມ”. 
 
ນອກຈາກນັ້ນ, ທາງໂຮງຮຽນຍັງຢາກສົມທົບກັບສະມາຄົມພໍ່ແມ່ ນັກຮຽນ ຈັດຕັ້ງບັນດາການເຄື່ອນໄຫວກ່ຽວກັບຫົວຂໍ້: ກໍ່ສ້າງຄວາມສາມາດດ້ານດຳລົງຊີວິດ, ບັນຫາສະເພາະກ່ຽວກັບ ວາມປອດໄພດ້ານການຄົມມະນາຄົມ, ຄວາມຮູ້ຈຳເປັນກ່ຽວກັບ ການເປັນແມ່ຂອງເພດຍິງ... ເພື່ອໃຫ້ນັກຮຽນມີຄວາມຮູ້ເພີ່ມເຕີມ ແລະ ກໍ່ສ້າງຄວາມສາມາດໃນການດຳລົງຊີວິດ. 
ບົດ ແລະ ພາບ: ເຊີນເງ້ຍ

ດິນແດນ ສິລະປະການຕໍ່ສູ້ ໄຕເຊີນ ເຖື້ອງດ້າວ

ດິນແດນ ສິລະປະການຕໍ່ສູ້ ໄຕເຊີນ ເຖື້ອງດ້າວ

ໃນເບື້ອງຕົ້ນ, ໄຕເຊີນ ເຖື້ອງດ້າວ ແມ່ນດິນແດນ ທ່ີສາມອ້າຍນ້ອງລາຊະວົງ ໄຕເຊີນ ເລືອກເປັນບ່ອນເຕົ້າໂຮມ, ສ້າງກໍາລັງ, ຊູຄັນທຸງ ລຸກຂຶ້ນຕໍ່ສູ້. ສະນັ້ນ, ສະຖານທີ່ແຫ່ງນີ້ ບໍ່ພຽງແຕ່ ຮັກສາຮ່ອງຮອຍ ກ່ຽວກັບກອງທັບ “ເສື້ອຜ້າ ທຸງແດງ” ຫຼາຍແຫ່ງເທົ່ານັ້ນ, ແຕ່ຍັງເປັນດິນແດນ ຂອງ ບັນດາ ວິຊາມວຍພື້ນເມືອງ ທີ່ມີຊື່ສຽງ, ພິເສດແມ່ນບັນດາ ວິຊາມວຍ ທີ່ກຳເນີດມາຈາກລາຊະວົງ ໄຕເຊີນ.

Top