ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ຕີຄ້ອງໄຂສັບປະດາວັດທະນະທຳ, ການທ່ອງທ່ຽວແຂວງ ຮ່ວາບິ່ງ

ຕອນຄ່ຳວັນທີ 6 ທັນວາ, ຢູ່ ແຂວງຮ່ວາບິ່ງ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ຕີຄ້ອງໄຂສັບປະດາວັດທະນະທຳ, ການທ່ອງທ່ຽວແຂວງ ຮ່ວາບິ່ງ. ກ່າວຄຳເຫັນທີ່ພິທີໄຂ, ທ່ານ ບຸຍວັນແຄັງ ປະທານຄະນະກຳມະການປະຊາຊົນແຂວງ ຮ່ວາບິ່ງ ໃຫ້ຮູ້ວ່າ ສັບປະດາ ວັດທະນະທຳ, ການທ່ອງທ່ຽວແຂວງ ຮ່ວາບິ່ງ ປີ 2019 ແມ່ນເຫດການວັດທະນະທຳສຳຄັນໄດ້ຈັດຕັ້ງເພື່ອແນະນຳກ່ຽວກັບເຂດດິນແດນແຫ່ງວັດທະນະທຳ, ຊາວທ້ອງຖິ່ນ ແລະ ທຳມະຊາດ ທີ່ສວຍງາມຂອງ ແຂວງ ຮ່ວາບິ່ງ, ໂຄສະນາຄວາມສາມາດບົ່ມຊ້ອມການທ່ອງທ່ຽວຂອງແຂວງໃຫ້ແກ່ແຂກທ່ອງທ່ຽວ. ທ່ານກ່າວວ່າ:

        ສັບປະດາວັດທະນະທຳ, ການທ່ອງທ່ຽວ ປີ 2019 ແມ່ນໂອກາດເພື່ອໃຫ້ແຂວງຮ່ວາບິ່ງ ຍູ້ແຮງການແນະນຳໂຄສະນາບັນດາຄຸນຄ່າວັດທະນະທຳທີ່ເປັນວັດຖຸ ແລະ ບໍ່ເປັນວັດຖຸ, ຊັບພະຍາກອນ ແລະ ຜະລິດຕະພັນການທ່ອງທ່ຽວທີ່ເປັນເອກະລັກສະເພາະຂອງທ້ອງຖິ່ນໄປຍັງເພື່ອນມິດ, ແຂກທ່ອງທ່ຽວ ທັງຢູ່ພາຍໃນ ແລະ ຕ່າງປະເທດ, ຊຸກຍູ້ການເຊື່ອມໂຍງເຂົ້າກັບສາກົນ, ປະກອບສ່ວນຍົກສູງທີ່ຕັ້ງ, ພາບພົດ, ດິນແດນ, ວັດທະນະທຳ, ຊາວຮ່ວາບິ່ງ, ປະກອບສ່ວນສຳຄັນເຂົ້າການພັດທະນາການທ່ອງທ່ຽວໃຫ້ກາຍເປັນຂະແໜງເສດຖະກິດປາຍແຫຼມ,  ສ້າງກຳລັງໜູນພັດທະນາເສດຖະກິດສັງຄົມຕາມມະຕິທີ່ໄດ້ຮັບການວາງອອກຈາກກົມ ການເມືອງ.

        ແລະກໍ່ໃນຕອນບ່າຍວັນດຽວກັນ, ທ່ານນາງປະທານສະພາແຫ່ງຊາດ ໄດ້ລົງຢ້ຽມຢາມ ຕາແສງຊົນນະບົດໃໝ່ ໄຕຟອງ. ນະທີ່ນີ້, ທ່ານນາງ ຫງວຽນທິກິມເງິນ ປາດຖະໜາວ່າ ຕາແສງໄຕຟອງ ຕັດສິນໃຈຮັກສາ ແລະ ເສີມຂະຫຍາຍນາມມະຍົດຊົນນະບົດໃໝ່ແບບຍືນຍົງ, ສູ້ຊົນຫຼຸດຜ່ອນຄອບຄົວທີ່ປະສົບກັບຄວາມທຸກຍາກ, ສ້າງມູນຄ່າເພີ່ມຂຶ້ນສູງກ່ວາອີກ ໃຫ້ແກ່ບັນດາຜະລິດຕະພັນກະເສດ, ຍູ້ແຮງກຸ່ມກ້ອນມະຫາສາມັກຄີຢູ່ເຂດຊຸມຊົນເພື່ອສ້າງ ໄຕຟອງກາຍເປັນຈຸດພົ້ນເດັ່ນໃນການສ້າງສາ ແລະ ພັດທະນາເສດຖະກິດ.

(ແຫຼ່ງຄັດຈາກ VOV)